البنادق التركية الموجودة فى مصر

Ahmed Badran · 10-09-13, 03:03 PM

السلام عليكم ورحمة الله وبركاته...
أرجو من أعضاء المنتدى الأفاضل ايضاح اذا ما كان يوجد بالسوق المصرى بنادق تركية وانواعها وأماكن بيعها وأسعارها اذا ما كانت موجودة...
وشكرا...

ايهاب رمزى · 10-09-13, 08:01 PM

اقتباس:

المشاركة الأصلية كتبت بواسطة ahmed badran

السلام عليكم ورحمة الله وبركاته...
أرجو من أعضاء المنتدى الأفاضل ايضاح اذا ما كان يوجد بالسوق المصرى بنادق تركية وانواعها وأماكن بيعها وأسعارها اذا ما كانت موجودة...
وشكرا...

انا لسه سامع عليها النهاردة من الاخ الفاضل عضو المنتدى محمد شوكت

وهو بيشكر فيها وبيقول انها فى اسكندرية ارخص من هنا

وغالباً اكيد فى منها موديلات ومتسط السعر بيكون 1500 جنية

وده لينك بيتكلم عن التركى
http://kulshe.com/kulshe/-2/posts/12...2749__36_.html

ادريس الترهونى · 10-09-13, 08:42 PM

السلام عليكم اخى العزيز البنادق التركى موجودة وخصوصى بالاسكندرية عندنا وانا عندى واحدة جديدة بالكرتونة لم تضرب سوى 100 رشة وهى بندقية قوية جدا وسعره ممتاز للوحابب انا ببيعها1100 جنيه

ايهاب رمزى · 10-09-13, 08:53 PM

اقتباس:

المشاركة الأصلية كتبت بواسطة ادريس الترهونى

السلام عليكم اخى العزيز البنادق التركى موجودة وخصوصى بالاسكندرية عندنا وانا عندى واحدة جديدة بالكرتونة لم تضرب سوى 100 رشة وهى بندقية قوية جدا وسعره ممتاز للوحابب انا ببيعها1100 جنيه

ياريت نقولنا موصفاتها لو سمحت

السرعة
الوزن
الطول
العيار

ويارت لو فيه صورتها ورقم تليفونك

Ahmed Badran · 10-09-13, 10:43 PM

شكرا جزيلا لجميع الآعضاء الذين تفضلوا بالرد وأتطلع لمزيد من المعلومات والردود

ادريس الترهونى · 10-09-13, 11:33 PM

السلام عليكم بالنسبة للسرعة 310 متر ام العيار نمرة 1 بالنسبة للطول حوالى متر وعشرين الوزن مشعارف بالضبط بس مش ثقيلة اوى بالنسبة لرق التليفون 0129493141

ادريس الترهونى · 10-09-13, 11:44 PM

اخ احمد موقع البندقية هو كرال ماجنوم

Ahmed Badran · 10-09-14, 12:00 AM

ا/ ادريس
برجاء ذكر الماركة والموديل والعيار وأى بيانات أخرى متاحة....
مع الشكر...

ادريس الترهونى · 10-09-14, 12:03 AM

http://www.kralav.com/en/urunSergile2.asp?urunID=320 البندقية اسمها كرال ماجنوم وده اللينك

ادريس الترهونى · 10-09-14, 12:08 AM

موديلal-001s

Ahmed Badran · 10-09-14, 12:21 AM

ما هو كود الموديل للأننى لم أجد ماجنوم....

momo44 · 10-09-14, 01:38 AM

سبق وذكر الاستاذ جلال ان البنادق التركية ما هى الا بنادق مصنعة فى الصين لحساب تركيا
والتقفيل بتاعها وحش جدااااااااااااااااااااااا
وفيها حتت بلاستيك زوايد وحامية وكانت هتعور الاستاذ جلال والاستاذ اسامة فتحى وهما بيشوفوها

mohamed shawkat · 10-09-14, 10:56 AM

صباح الخير يا مامو باشا

انا يس عاوز اقلك ان اخونا محمد الشكس من اسكندرية وهو رجال قمة الزوق وادب الحوار ولا يبخل على احد بمعلومة
ان عنده في اسكندرية البنادق التركي نزلت هناك الاول ومن حاولي اربع او خمس شهور والي اشترى منها العرب ولك ان تتخيل سوء استخدمهم للبنادق ومع ذلك البندقية ادها رائع وقوي شغالة كويس البندقية تعتبر منافس قوي جدا للصيني وللكل البنادق الي عل نفي المستوى الي جانب مميزات النشان الفسفوري والسيلنسير وكموفلاج ومحمد قلي انها في اسكندرية سعرها ارخص من هنا لكن العيوب اليب هاتظهر على المدى الطويل لسة محدش يعرفها ممكن تكون احسن من كل الصيني والاسباني في الفئات الاولية الي جانب قوتها وتكون حل مناسب لناس كتير في بداية التعرف على الصيد وناس كتير بتقول انها منافس قوي جدا للجامو هانتر 440 واثرت في مبيعتها لفرق السعر وتساوي المواصفات والبقى هايظر مع مرور الوقت من حيث العتنادية والفروق التصنيع وشكرا لك على ابدأ رايك

momo44 · 10-09-14, 12:57 PM

اقتباس:

المشاركة الأصلية كتبت بواسطة mohamed shawkat

صباح الخير يا مامو باشا

انا يس عاوز اقلك ان اخونا محمد الشكس من اسكندرية وهو رجال قمة الزوق وادب الحوار ولا يبخل على احد بمعلومة
ان عنده في اسكندرية البنادق التركي نزلت هناك الاول ومن حاولي اربع او خمس شهور والي اشترى منها العرب ولك ان تتخيل سوء استخدمهم للبنادق ومع ذلك البندقية ادها رائع وقوي شغالة كويس البندقية تعتبر منافس قوي جدا للصيني وللكل البنادق الي عل نفي المستوى الي جانب مميزات النشان الفسفوري والسيلنسير وكموفلاج ومحمد قلي انها في اسكندرية سعرها ارخص من هنا لكن العيوب اليب هاتظهر على المدى الطويل لسة محدش يعرفها ممكن تكون احسن من كل الصيني والاسباني في الفئات الاولية الي جانب قوتها وتكون حل مناسب لناس كتير في بداية التعرف على الصيد وناس كتير بتقول انها منافس قوي جدا للجامو هانتر 440 واثرت في مبيعتها لفرق السعر وتساوي المواصفات والبقى هايظر مع مرور الوقت من حيث العتنادية والفروق التصنيع وشكرا لك على ابدأ رايك

شكراااا يا باشا على الاهتمام بالموضوع
بس انا بقول لحضرتك على كلام حصل فعلا
الاستاذ جلال والاستاذ اسامة شافو البندقية ووجدو ان الفنش زبالة(سورى بس ديه الحقيقة)
والاستاذ جلال قالى انه كان هيتعور منها بسبب البروزات المسننة الزائدة فيها
والهدف فى الاول والاخر هوة المصلحة العامة
انا بس حبيت اساعد

mohamed shawkat · 10-09-14, 02:36 PM

يا باشا انا كانت سالت استاذ جلال وقال نفس كلامك وقالي برضوا ان في بقية المحاور من كفاءة وقطع الغير والاعطال يحتاج وقت للحكم علية لكن انت لو بصيت لانها كموفلج ونشان فسفوري وقوية وسعرها هتكون مناسبة جدا لنا كتير لسة بتبتدي في موضوع الصيد ومش عاوزة تدفع مبالغ كبيرة في الاول وهي بديل عن الحاجات الي في نفس المستوى وان شاء الله ربنا يوفق الجميع للحاجة الي تناسبة وتكون في امكانياتة وكل سنة وانت طيب

HANINIE · 10-09-14, 06:42 PM

سؤال لأستاذ ادريس اذا كان يمكن انتذكر طوال القميص ( الكانون ) كام سنتيمتر

momo44 · 10-09-15, 01:12 AM

اقتباس:

المشاركة الأصلية كتبت بواسطة mohamed shawkat

يا باشا انا كانت سالت استاذ جلال وقال نفس كلامك وقالي برضوا ان في بقية المحاور من كفاءة وقطع الغير والاعطال يحتاج وقت للحكم علية لكن انت لو بصيت لانها كموفلج ونشان فسفوري وقوية وسعرها هتكون مناسبة جدا لنا كتير لسة بتبتدي في موضوع الصيد ومش عاوزة تدفع مبالغ كبيرة في الاول وهي بديل عن الحاجات الي في نفس المستوى وان شاء الله ربنا يوفق الجميع للحاجة الي تناسبة وتكون في امكانياتة وكل سنة وانت طيب

وانت طيب يا باشا

adel152 · 10-09-15, 02:58 AM

السلام عليكم
أنا أشتريت البندقية دى نمرة 2 الأسبوع الى فات بعد مابحثت عن معلومات عنها فى النت ولقيت المكتوب عنها فى معظم المواقع أنها بندقية معقولة بالنسبة لسعرها.
البندقية دى موجودة فى الأسواق فى الخارج من 2007 وفى تقرير ليها من مجلة أنجليزية تسمى Gun Mart تؤكد انها صناعة تركى وده الموقع الموجود فيه التقرير (على فكرة جميع التقارير الموجودة للنوع العتلة مش الكسر وأم عتلة تسمى Kral Demon والكسر Kral Devil ا)
http://gunmart.net/gun_review/kral_demon
ودى صور لمصنع كرال فى تركيا لتصنيع السلاح
http://www.kralav.com/en/galeri.asp

البندقية شكلها جميل جدا وقوية جدا بالنسبه لى مع العلم انا لم أستخدم الا بندقيتين وهما التل المجرى كسر والنوريكا 61 وعلشان كده انا حسيت بقوة البندقية دى على طول.

الدبشك البلاستيك يوجد به مكان واحد فقط حامى فى مقدمة الدبشك من الأسفل وده باين فى الصورة الى فى نهاية الموضوع وعلية علامة حمرة (وللأمانه مش مسبب لى أى مشكلة لأنه مش حامى لدرجة أنه يجرح ايدى).

للأسف لأنشغالى الأسبوع الى فات ماكنش عندى وقت كفايه لأستعمال البندقية كتير وضربت بيها حوالى 50 او 60 رشة رد فعل البندقية معقول بالنسبه لقوتها لكن فى رش كتير كان بيعمل صوت فرقعة Dieseling وأعتقد ده من كتر زيت المصنع لأن لما طلعت البندقية من الصندوق كانت مليانه زيت.

السوسته قوية ومحتاجة قوة للكسر (مقارنة بالتل والنوريكا) وفى عيب أعتقد أن ده أسوء حاجة ومش متأكد لو العيب ده فى البنادق دى كلها ولا حظى أنا وحش أن اثناء كسر البندقية دراع الكسر الداخلى بيمشى على السوسته اثناء التعمير ورجوع الماسورة ودى أسؤ شئ بالنسبه لى فى هذه البندقية وأنا احطط صورة للدراع الملامس للسوسته ومعلمه بالأحمر.

أنا من الأسكندرية وأشتريت البندقية ب1200 .
أعتقد أن جميع قطع غيار Gamo CFX بتركب عليها ( السوسته والجلبه والزناد).

الأسبوع القادم أكون ركبت التليسكوب عليها وحأقول لكم أخبار التجميع بتعها أن شاء الله.

ياريت ياجماعة لو فى حد تانى عنده نفس المشكلة بتاعة صوت أحتكاك دراع التعمير الداخلى مع السوسته أثناء الكسر ورجوع الماسورة يقولنا علشان نتأكد أن ده عيب فى تصنيع فى جميع البنادق ولا بندقيتى أنا بس.

ابو الشوق · 10-09-15, 12:14 PM

عادل باشا اخبار معاليك
متهيالى موضوع صوت الاحتكاك موجود فى بندقية تانيةhttp://www.egypthunt.net/showthread....6207#post26207
لو تلاحظ مشاركة الاستاز ادريس بيتكلم فى نفس النقطة فيا ريت الاعضاء الكرام اى حد اشترى البندقية يوضح ان كان العيب دة موجود عندة ولا لا؟

adel152 · 10-09-16, 07:32 PM

اقتباس:

المشاركة الأصلية كتبت بواسطة ابو الشوق

عادل باشا اخبار معاليك
متهيالى موضوع صوت الاحتكاك موجود فى بندقية تانيةhttp://www.egypthunt.net/showthread....6207#post26207
لو تلاحظ مشاركة الاستاز ادريس بيتكلم فى نفس النقطة فيا ريت الاعضاء الكرام اى حد اشترى البندقية يوضح ان كان العيب دة موجود عندة ولا لا؟

الأخ العزيز ابوالشوق
أنا كويس والحمد لله وكل سنة وسعادتك طيب.
أتمنى ان أى عضو جرب بندقية يقول رأيه بصراحة من حيث الايجابيات والسلبيات حتى يستفيد جميع الأعضاء.

adel152 · 10-09-17, 11:04 AM

عيب جديد أكتشفته مع أستعمال البندقية المسمارين الأماميين المثبتين للدبشك فى السلاح بيتفكوا مع الضرب من قوة البندقية مما يؤثر فى النيشان.
أنا فاكر أن فى نوع معجون فى أنبوبة صغيرة لونه أزرق شفاف كانوا بيستعملوه لتسبيت المسامير فى مواتير السيارات أنا مش فاكر أسمه لكن ح أبحث عنه فى محلات قطع غيار السيارات (لو حد عارف أسمه ياريت يكتبه لى).
لو حد من خبراء المنتدى يعرف طريقة أفضل لتسبيت المسامير ياريت يتكرم ويقولنا عليها.
لو أتضح لى أى عيوب تانية حكتبها فى نفس الموضوع.
صوت الفرقعة Dieseling أختفى وصوت أحتكاك دراع التعمير الداخلى أصبح أقل ولكن مازال موجود اخف من الأول.

momo44 · 10-09-17, 02:16 PM

اقتباس:

المشاركة الأصلية كتبت بواسطة adel152

عيب جديد أكتشفته مع أستعمال البندقية المسمارين الأماميين المثبتين للدبشك فى السلاح بيتفكوا مع الضرب من قوة البندقية مما يؤثر فى النيشان.
أنا فاكر أن فى نوع معجون فى أنبوبة صغيرة لونه أزرق شفاف كانوا بيستعملوه لتسبيت المسامير فى مواتير السيارات أنا مش فاكر أسمه لكن ح أبحث عنه فى محلات قطع غيار السيارات (لو حد عارف أسمه ياريت يكتبه لى).
لو حد من خبراء المنتدى يعرف طريقة أفضل لتسبيت المسامير ياريت يتكرم ويقولنا عليها.
لو أتضح لى أى عيوب تانية حكتبها فى نفس الموضوع.
صوت الفرقعة dieseling أختفى وصوت أحتكاك دراع التعمير الداخلى أصبح أقل ولكن مازال موجود اخف من الأول.

فى طريقة كويسة لتثبيت المسامير
انك تجيب استك من الاساتك الصفراء وتلفه على المسمار وبعدين تربطة
بيعمل زى الوردة الجلد
ولو عرفت اى حاجة تانية هبلغك ان شاء الله

القناص2010 · 10-09-17, 02:29 PM

المعجود دا اسمة جمالكة وهوا مش غالى تقريبا 5 جنية

ابو الشوق · 10-09-17, 02:45 PM

موضوع الاحتكاك ممكن حلة اننا نيجى على المسمار الى بيعمر البستم وننزل علية بمبرد حدادى سنة واحد والاحتكاك هيقل ازا مكنش هيختفى

Ahmed Badran · 10-09-17, 04:22 PM

أعتقد موضوع الجمالكة صعب لأنها ممكن تكون صعبة فى الفك مرة أخرى وبالتالى تبوظ رأس المسمار... ممكن موضوع الأستك او التخشين بقطعة فويل ألمونيوم توضع فى جانب الثقب مع ترك طرفها ظاهر قبل وضع المسمار للربط......

adel152 · 10-09-17, 05:42 PM

اقتباس:

المشاركة الأصلية كتبت بواسطة momo44

فى طريقة كويسة لتثبيت المسامير
انك تجيب استك من الاساتك الصفراء وتلفه على المسمار وبعدين تربطة
بيعمل زى الوردة الجلد
ولو عرفت اى حاجة تانية هبلغك ان شاء الله

اقتباس:

المشاركة الأصلية كتبت بواسطة القناص2010

المعجود دا اسمة جمالكة وهوا مش غالى تقريبا 5 جنية

اقتباس:

المشاركة الأصلية كتبت بواسطة ابو الشوق

موضوع الاحتكاك ممكن حلة اننا نيجى على المسمار الى بيعمر البستم وننزل علية بمبرد حدادى سنة واحد والاحتكاك هيقل ازا مكنش هيختفى

اقتباس:

المشاركة الأصلية كتبت بواسطة ahmed badran

أعتقد موضوع الجمالكة صعب لأنها ممكن تكون صعبة فى الفك مرة أخرى وبالتالى تبوظ رأس المسمار... ممكن موضوع الأستك او التخشين بقطعة فويل ألمونيوم توضع فى جانب الثقب مع ترك طرفها ظاهر قبل وضع المسمار للربط......

أشكركم جدا ياجماعة على الردود الجميلة دى.

Samy 88 · 10-09-18, 03:47 PM

الشئ الذي يوضع علي سن المسمار في الطرف الأمامي منه ولايجعله سهل الفك إلا عند عزم معين ويستخدم في مسامير محركات السيارات وغيرها هو منتج مميز جدا وأسمه لوكتايت ويباع في شارع الجمهورية *

prince of hunt · 10-09-18, 06:52 PM

استاذ عادل هيا البندقية قطع غيرها متوفرة ولا لا تقبل مرورى

adel152 · 10-09-18, 08:59 PM

اقتباس:

المشاركة الأصلية كتبت بواسطة samy 88

الشئ الذي يوضع علي سن المسمار في الطرف الأمامي منه ولايجعله سهل الفك إلا عند عزم معين ويستخدم في مسامير محركات السيارات وغيرها هو منتج مميز جدا وأسمه لوكتايت ويباع في شارع الجمهورية *

شكرا سامى انا ماكنتش أعرف ان لوكتايت موجود فى مصر حأدور عليه عندنا فى اسكندرية فى صلاح الدين.

اقتباس:

المشاركة الأصلية كتبت بواسطة prince of hunt

استاذ عادل هيا البندقية قطع غيرها متوفرة ولا لا تقبل مرورى

سعادتك شرفت يابرنس
على حسب معلوماتى البسيطة قطع غيار الجامو هى نفسها خاصة cfx (النيشان - مجموعة الزناد - السوسته - الجلبه).

HANINIE · 10-09-19, 04:48 PM

استاذ عادل اذا كان يمكن ان تذكر طوال القميص ( الكانون ) كام سنتيمتر وشكرا

prince of hunt · 10-09-19, 07:09 PM

اقتباس:

المشاركة الأصلية كتبت بواسطة adel152

.

سعادتك شرفت يابرنس
على حسب معلوماتى البسيطة قطع غيار الجامو هى نفسها خاصة cfx (النيشان - مجموعة الزناد - السوسته - الجلبه).

وفيت وما قصرت انا اكتر حاجة كانت مخوفانى انى ملقيش ليها قطع غيار

adel152 · 10-09-21, 07:59 AM

اقتباس:

المشاركة الأصلية كتبت بواسطة haninie

استاذ عادل اذا كان يمكن ان تذكر طوال القميص ( الكانون ) كام سنتيمتر وشكرا

أسف على التأخير فى الرد. أنا مش عارف قصد حضرتك بالقميص (الكانون) ولذلك انا قمت بقياس الأتنين المكان الموجود بداخله السوسته والبستم طوله 34 سم تقريبا والماسورة الأمامية 45 سم بدون النيشان الأمامى.
النيشان الأمامى مطول شكل الماسورة حوالى 5 سم.

ابو الشوق · 10-09-21, 12:13 PM

عادل باشا
ممكن نعرف تجميع النيشان بتاعها عامل اية؟
وتقييمك للبندقية لو سمحت

rock · 10-09-21, 04:42 PM

انا كنت فى الشرقيه امبارح وشفت عند العراقى الكارال التركى الكامو فلاج 1450 ج الفينيش بتاعها جميل ومش بيجرح ووزنها خفيف جدا واعتقد ان الكاربون فايبر (الدبشك) فرز تانى بس مفهوش غلطات ..... بس خفيف نوعا ما ..
بس فيه حاجه التجميع مش اد كده فى الناشينكان ....... لان الفسفورى مكنش متركب صح ...... وممكن تكون حاله فرديه ..... وسالته هى تركى ولاااااااااا..... قاللى تركى تركى ...... ومكتوب عليها تركى وواخده الشعار بتاع الشركه ...... ممكن تفيدونا ...... تحياتى .

القناص2010 · 10-09-21, 05:36 PM

كنت فى الشرقيه امبارح وشفت عند العراقى الكارال التركى الكامو فلاج 1450 ج الفينيش بتاعها جميل ومش بيجرح ووزنها خفيف جدا واعتقد ان الكاربون فايبر (الدبشك) فرز تانى بس مفهوش غلطات ..... بس خفيف نوعا ما ..
بس فيه حاجه التجميع مش اد كده فى الناشينكان ....... لان الفسفورى مكنش متركب صح ...... وممكن تكون حاله فرديه ..... وسالته هى تركى ولاااااااااا..... قاللى تركى تركى ...... ومكتوب عليها تركى وواخده الشعار بتاع الشركه ...... ممكن تفيدونا ...... تحياتى .
لما انتا كنت فى الشرقية امبارح وكمان عند العراقى مش كنت تعرفنى يا باشا انا كنت هاعمل معاك واجب على العموم لو جيت الشرقية تلنى هازعل جدا لو ما عرفتنيش وتشرف وتنور فى اى وقت .

adel152 · 10-09-21, 07:40 PM

اقتباس:

المشاركة الأصلية كتبت بواسطة ابو الشوق

عادل باشا
ممكن نعرف تجميع النيشان بتاعها عامل اية؟
وتقييمك للبندقية لو سمحت

الأخ العزيز المحترم أبوالشوق
انا كده تقريبا بقالى أسبوعين بأجرب البندقية دى. والتالى هو تقييمى الشخصى بعد تقريبا 300 رشه:
فى البداية كان فى صوت عالى (فرقعة) من كثرة زيت المصنع الموجود. الصوت أختفى تماما بعد حوالى 150 رشه.
صوت أحتكاك دراع التعمير الداخلى مع السوسته أصبح خفيف جدا وتقريبا غير ملحوظ.
أنا شخصيا أعتقد الدبشك تصنيعه معقول جدا ولم يسبب لى أى مشكله او جروح.
تم وضع صمغ مطاطى (علشان مايكونش فى مشكلة لما أحب أفك الدبشك) على سن المسمارين الأماميين للدبشك ومافكوش تانى مع الضرب.

أرجو من جميع الأعضاء الأخذ فى الأعتبار بأنى أتعامل مع بنادق الرش أقل من عام ولم أستخدم فى هذه المدة القصيرة سوى بندقيتين وهم التل المجرى كسر والنوريكا 61 .

البندقية بالنسبة لى قوية جدا جداجدا. أنا ضربت على كانزات فاضيه وبرشه ميزان مصرى الرشة عدت فى 14 كانز من الناحيتين ومن بعد 15 متر.
نيشان البندقية كويس جدا وقريب جدا من التل(وهى تعتبر بندقية ممتازة فى تجميع النيشان) وأحسن من النوريكا61 .

لو أى عضو زى حالاتى مابيحبش يضرب غير بالتليسكوب (أنسى - أنسى - أنسى) البندقية دى لأن التليسكوب مابيقعدش ثابت على البندقية دى من قوة البندقية ورد فعلها.
أنا جربت 3 تليسكوبات مختلفين الأحجام والقواعد والستوبر الموجود مع البندقية وتنظيف مكان تركيب قاعدة التليسكوب من أى زيوت موجودة بدون فايدة. لم أتمكن من تجميع أى نيشان بالتليسكوبات. مع أن التليسكوبات الى عندى ممتازة مع التل المجرى.

الحاجة المهمة الى حتخلينى أبيع البندقية دى أنها محتاجة أأجرلها واحد من بتوع كمال الأجسام علشان يعمرهالى لأن بعد الأسبوعين دول دراعى بحركه بالعافية ودلوقتى بعمر التل حاسس أن مافيهاش سوسته خالص من قوة السوسته التركى.

البندقية فيها نظامين أمان الأول لما تعمر البندقية الزناد لايعمل حتى ترجع الماسورة الى وضعها الطبيعى يعنى لو عمرت مش حتعرف ترجع السوستة تانى الا لما تضرب رشايه والتانى زرار أمان امام الزناد.

أنا أستعملت 5 أنواع رش مختلفة أثناء التجربة مارسمان والميزان (مصرى) - الرش التركى الجديد أبو بوز - الماركسمان (أنجليزى) - والديابلو (ألمانى)
وماتستغربوش لما أقولكم أن أحسن رشه بتجمع معايا هى الميزان المصرى ماأعرفش ليه........

من الأخر ياجماعة البندقية دى عايزة واحد صحته مساعداه (للتعمير فقط لأن البندقية وزنها ممتاز وموزونه ). ومابيحبش يستعمل التليسكوب. النيشنات الفوسفورية بتاعتها أحسن من النيشنات العادية وأول ماترفع البندقية بتجيبلك الهدف بسهولة.

أعتقد كده أنا أتكلمت تقريبا عن كل حاجة فى البندقية دى ولو فى أى أستفسار أخر أنا تحت أمركم.

prince of hunt · 10-09-21, 08:07 PM

استاذ عادل معلش استفسار كمان انهى الافضل ام عتلة ولا الكسر العادى والى معاك كسر ولا بعتلة وسعرها كام علشان ميدحكش عليا وشكرا مقدما

HANINIE · 10-09-21, 10:01 PM

استاذ عادل الله ينور عليك المقصود بالكانون او القميص هو الجزء الذى يركب به البستم والسوستة ونظرا لقوة البندقية حبيت اعرف طول الكانون ليتضح المسافة التى يتحرك فيها البستم وتأئثيرها على رد الفعل ولكن حضرتك افادة بأنها ذات رد فعل قوى واكيد ذلك يؤثر على عملية النشان ,,,,,,,, ولك جزيل الشكر

adel152 · 10-09-21, 10:26 PM

اقتباس:

المشاركة الأصلية كتبت بواسطة prince of hunt

استاذ عادل معلش استفسار كمان انهى الافضل ام عتلة ولا الكسر العادى والى معاك كسر ولا بعتلة وسعرها كام علشان ميدحكش عليا وشكرا مقدما

أعتقد الموجود فى مصر الكسر فقط زى بندقيتى. البنادق الهاى بور يفضل العتلة لثبات الماسورة بتكون أفضل فى تجميع النيشان على حسب معلوماتى.
أنا أشتريت البندقية من أسكندرية ب1200 .

اقتباس:

المشاركة الأصلية كتبت بواسطة haninie

استاذ عادل الله ينور عليك المقصود بالكانون او القميص هو الجزء الذى يركب به البستم والسوستة ونظرا لقوة البندقية حبيت اعرف طول الكانون ليتضح المسافة التى يتحرك فيها البستم وتأئثيرها على رد الفعل ولكن حضرتك افادة بأنها ذات رد فعل قوى واكيد ذلك يؤثر على عملية النشان ,,,,,,,, ولك جزيل الشكر

البندقية تجميع نيشانها الفيسفورى كويس جدا لكن بالتليسكوب زهقتنى فى عيشتى.

Ahmed Badran · 10-09-22, 01:37 AM

اقتباس:

المشاركة الأصلية كتبت بواسطة adel152

الأخ العزيز المحترم أبوالشوق
انا كده تقريبا بقالى أسبوعين بأجرب البندقية دى. والتالى هو تقييمى الشخصى بعد تقريبا 300 رشه:
فى البداية كان فى صوت عالى (فرقعة) من كثرة زيت المصنع الموجود. الصوت أختفى تماما بعد حوالى 150 رشه.
صوت أحتكاك دراع التعمير الداخلى مع السوسته أصبح خفيف جدا وتقريبا غير ملحوظ.
أنا شخصيا أعتقد الدبشك تصنيعه معقول جدا ولم يسبب لى أى مشكله او جروح.
تم وضع صمغ مطاطى (علشان مايكونش فى مشكلة لما أحب أفك الدبشك) على سن المسمارين الأماميين للدبشك ومافكوش تانى مع الضرب.

أرجو من جميع الأعضاء الأخذ فى الأعتبار بأنى أتعامل مع بنادق الرش أقل من عام ولم أستخدم فى هذه المدة القصيرة سوى بندقيتين وهم التل المجرى كسر والنوريكا 61 .

البندقية بالنسبة لى قوية جدا جداجدا. أنا ضربت على كانزات فاضيه وبرشه ميزان مصرى الرشة عدت فى 14 كانز من الناحيتين ومن بعد 15 متر.
نيشان البندقية كويس جدا وقريب جدا من التل(وهى تعتبر بندقية ممتازة فى تجميع النيشان) وأحسن من النوريكا61 .

لو أى عضو زى حالاتى مابيحبش يضرب غير بالتليسكوب (أنسى - أنسى - أنسى) البندقية دى لأن التليسكوب مابيقعدش ثابت على البندقية دى من قوة البندقية ورد فعلها.
أنا جربت 3 تليسكوبات مختلفين الأحجام والقواعد والستوبر الموجود مع البندقية وتنظيف مكان تركيب قاعدة التليسكوب من أى زيوت موجودة بدون فايدة. لم أتمكن من تجميع أى نيشان بالتليسكوبات. مع أن التليسكوبات الى عندى ممتازة مع التل المجرى.

الحاجة المهمة الى حتخلينى أبيع البندقية دى أنها محتاجة أأجرلها واحد من بتوع كمال الأجسام علشان يعمرهالى لأن بعد الأسبوعين دول دراعى بحركه بالعافية ودلوقتى بعمر التل حاسس أن مافيهاش سوسته خالص من قوة السوسته التركى.

البندقية فيها نظامين أمان الأول لما تعمر البندقية الزناد لايعمل حتى ترجع الماسورة الى وضعها الطبيعى يعنى لو عمرت مش حتعرف ترجع السوستة تانى الا لما تضرب رشايه والتانى زرار أمان امام الزناد.

أنا أستعملت 5 أنواع رش مختلفة أثناء التجربة مارسمان والميزان (مصرى) - الرش التركى الجديد أبو بوز - الماركسمان (أنجليزى) - والديابلو (ألمانى)
وماتستغربوش لما أقولكم أن أحسن رشه بتجمع معايا هى الميزان المصرى ماأعرفش ليه........

من الأخر ياجماعة البندقية دى عايزة واحد صحته مساعداه (للتعمير فقط لأن البندقية وزنها ممتاز وموزونه ). ومابيحبش يستعمل التليسكوب. النيشنات الفوسفورية بتاعتها أحسن من النيشنات العادية وأول ماترفع البندقية بتجيبلك الهدف بسهولة.

أعتقد كده أنا أتكلمت تقريبا عن كل حاجة فى البندقية دى ولو فى أى أستفسار أخر أنا تحت أمركم.

الأخ العزيز المحترم عادل...
ياريت تقولنا خامات اجزاء البندقية وملحوظاتك عنها وعن سهولة تجميعها بعد الفك وهل هناك اثار تاكل فى اى جزء من الأجزاء.... هل تستطيع عد الششخانات ف الماسورة وهل هناك قاعدة كاوتش فى نهاية الدبشك.... وشكرا لمساعدتك...

adel152 · 10-09-22, 07:23 AM

اقتباس:

المشاركة الأصلية كتبت بواسطة ahmed badran

الأخ العزيز المحترم عادل...
ياريت تقولنا خامات اجزاء البندقية وملحوظاتك عنها وعن سهولة تجميعها بعد الفك وهل هناك اثار تاكل فى اى جزء من الأجزاء.... هل تستطيع عد الششخانات ف الماسورة وهل هناك قاعدة كاوتش فى نهاية الدبشك.... وشكرا لمساعدتك...

أحمد بك بعد صباح الفل
أنا ماحلتش البندقية من الداخل . كل الى فكيته 3 مسامير بتوع الدبشك فقط.
لم أستطيع عد الششخانات.
نعم توجد قاعدة كوتش فى نهاية الدبشك .

galal khalifa · 10-09-22, 08:55 AM

الاخوة الاحباء علي الرغم من ان في هذا الموضوع اكثر من 40 رد الا اني ماكنتش عايز ارد منعا لتفسير الامور علي هوا بعض ضعيفي الانفس والتي تطلق العنان الي الافكار والمهاترات الكثير والكثر
تكلمت علي عذة البنادق سابقا وقولت انها قوية جدا ولكن الافنش بتاعها فية بعض المشاكل ( الدبشك حاد الملمس -- المسامير الامامية ضعيفة علي حجم و قوة البندقية ودية معلومة جديدة للناس الي جربتها ) ولكني اريد ان اسأل الاخوة والجميع عن بعض الاسئلة اولا وبعد ذلك
1- هل توجد قطع غيار اصلية لها متوفرة ( دراع -- تعمير سوستة - جلبة - ماسورة ) ؟
2- هل قوتها مستمرة ام بعد فترة سوف يضعف ؟
3- هل تم تجربتها في مصر حوالي سنة مثلا ؟
4- هل سعرها مناسب بالنسبة الي خامتها او قوتها ؟
تعالوا نفترض توفيق بعض قطع الغيار الشبية لها ( سوستة جامو - او جلبة نوركا او جامو ) يبقا البندقية دخل فيها الابتكار المصري وطبعا الابتكارات دية غير محسوبة ولا تخضع الي اي نوع من المقاييس العلمية الدقيقة بمعني ادق ممكن البندقية تخرب وتبوظ خالص ((( وضاعت فلوسك يا صابر )))
واحنا لسة ماجربناش البندقية لفترة كافية علشان نحكم ولا علي الخامات ولا مناسبة سعرها
وفي سؤال مهم جدا جدا عايز اطرحة ( البنادق تركية بنت تركية من اب وام تركيين ) صح انا متفق معاكم طيب لما هي تركية مقلدين الجامو لية يا جماعة الخير خشوا وشوفوا البنادق التركي ( الهاتسن ) عاملة ازاي وقوتها ازاي تركيا من البلاد المتقدمة في مجال انتاج الاسلحة بدرجة مخيفة جدا ولما تعمل حاجة ها تكون مش زي دية خالص ولكن هذا لايمنع ان الي عايز يشتريها يشتريها لانها مش وحشة احنا بنقول ملاحظات لتوعية الناس ..
وعاي فكرة هي موجودة عند الحاج محمد فتح الله بشلرع رمسيس وفي ناس عرضاها للبيع علي مصراوي وب 1150 جنية بس ..
انا لما قولت رائ عملت مقارنة بينها وبين النوركا والجامو لا اكثر ولا اقل .....
وعايز اختم كلامي بحاجة مهمة جداجدا لاتوجد بندقية ضعط هواء خالية من العيوب بما فيهم اقوي البنادق علي مستوي العالم واشكركم جميعا

abosamer · 10-09-22, 02:22 PM

تسلم يا غالي اتفق معاك فعلا انا معجب جدا ببنادق الهاتسن واتمني انها تنزل مصر ولي مشاركة بهذا الخصوص ع الرابط

http://www.egypthunt.net/showthread.php?t=2919

Ahmed Badran · 10-09-22, 11:14 PM

اقتباس:

المشاركة الأصلية كتبت بواسطة galal khalifa

الاخوة الاحباء علي الرغم من ان في هذا الموضوع اكثر من 40 رد الا اني ماكنتش عايز ارد منعا لتفسير الامور علي هوا بعض ضعيفي الانفس والتي تطلق العنان الي الافكار والمهاترات الكثير والكثر
تكلمت علي عذة البنادق سابقا وقولت انها قوية جدا ولكن الافنش بتاعها فية بعض المشاكل ( الدبشك حاد الملمس -- المسامير الامامية ضعيفة علي حجم و قوة البندقية ودية معلومة جديدة للناس الي جربتها ) ولكني اريد ان اسأل الاخوة والجميع عن بعض الاسئلة اولا وبعد ذلك
1- هل توجد قطع غيار اصلية لها متوفرة ( دراع -- تعمير سوستة - جلبة - ماسورة ) ؟
2- هل قوتها مستمرة ام بعد فترة سوف يضعف ؟
3- هل تم تجربتها في مصر حوالي سنة مثلا ؟
4- هل سعرها مناسب بالنسبة الي خامتها او قوتها ؟
تعالوا نفترض توفيق بعض قطع الغيار الشبية لها ( سوستة جامو - او جلبة نوركا او جامو ) يبقا البندقية دخل فيها الابتكار المصري وطبعا الابتكارات دية غير محسوبة ولا تخضع الي اي نوع من المقاييس العلمية الدقيقة بمعني ادق ممكن البندقية تخرب وتبوظ خالص ((( وضاعت فلوسك يا صابر )))
واحنا لسة ماجربناش البندقية لفترة كافية علشان نحكم ولا علي الخامات ولا مناسبة سعرها
وفي سؤال مهم جدا جدا عايز اطرحة ( البنادق تركية بنت تركية من اب وام تركيين ) صح انا متفق معاكم طيب لما هي تركية مقلدين الجامو لية يا جماعة الخير خشوا وشوفوا البنادق التركي ( الهاتسن ) عاملة ازاي وقوتها ازاي تركيا من البلاد المتقدمة في مجال انتاج الاسلحة بدرجة مخيفة جدا ولما تعمل حاجة ها تكون مش زي دية خالص ولكن هذا لايمنع ان الي عايز يشتريها يشتريها لانها مش وحشة احنا بنقول ملاحظات لتوعية الناس ..
وعاي فكرة هي موجودة عند الحاج محمد فتح الله بشلرع رمسيس وفي ناس عرضاها للبيع علي مصراوي وب 1150 جنية بس ..
انا لما قولت رائ عملت مقارنة بينها وبين النوركا والجامو لا اكثر ولا اقل .....
وعايز اختم كلامي بحاجة مهمة جداجدا لاتوجد بندقية ضعط هواء خالية من العيوب بما فيهم اقوي البنادق علي مستوي العالم واشكركم جميعا

جلال بيك شكرا لرد حضرتك الوافر... واحب اذكر ان النقاش فى الأصل هو من باب تقييم البندقية تقييما فنيا شامل والأستفادة من وجود الخبرات الكبيرة فى المنتدى دون اى مجاملات او اهواء وذلك نظرا لأنها تعتبر من ارخص البنادق مقارنة بالأسعار الموجودة للماركات الأخرى مع مواصفات الى حد ما جيدة وبالتالى ستجتذب كثيرا من الهواة والمبتدئين .....
ايضا اود ان اثير نقطة اعتقد انها مهمة وهى ان قوة البندقية عائدة الى قوة السوستة وحيث ان الموديل المتواجد حاليا هو الكسر فهل الماسورة من الخامات الجيدة التى تتحمل عزم الكسر دون اى تأثير او اعوجاج مع كثرة الأستخدام..

وشكرا لمداخلتك المحترمة ......

ادريس الترهونى · 10-09-22, 11:28 PM

طول القميص حوالى 36سم

adel152 · 10-09-23, 01:53 AM

أنا راسلت مدير شركة كرال فى تركيا لتأكيد بلد الصنع وده الرد من قسم مبيعات الشركة تؤكد أن جميع البنادق الهوائية والخرطوش صناعة تركية %100 وأليكم صورة الرد مرفقة

galal khalifa · 10-09-23, 08:41 AM

اقتباس:

المشاركة الأصلية كتبت بواسطة adel152

أنا راسلت مدير شركة كرال فى تركيا لتأكيد بلد الصنع وده الرد من قسم مبيعات الشركة تؤكد أن جميع البنادق الهوائية والخرطوش صناعة تركية %100 وأليكم صورة الرد مرفقة

يا عادل بية لو حضرتك علي سبيل المثال راسلت شركة بروان (الالمانية) العالمية التي تملكها شركة جليت ( الامريكية ) وسئلتهم هل براون صباعة المانية بطبيعة الحال ها يقول لك انها المانية 100% علي الرغم من وجود مصنع بالمكسيك والصين وماليزيا .
احنا هنا مش بنطلب شهادة منشأ للبندقية احنا زي ما الاخ الكريم سأل احنا عايزييييييييين تقيم البندقية وموازتها للسعر مع الخامة وتوفر قطع الغيار الاصلية
وبعدين هي في السوق متوفرة ولو هي كويسة ها يكون ليها مكانة وبسرعة اما اذا كانت للاتجار فهذا موضوع تاني خالص يا عادل بية ..
وتحب اقولك مفاجأة مش متوقعة انها دخلت علي انها لعب اطفال وذلك لوجود دبشك خشب ودة من مصدر موثوق فية .

hoka · 10-09-23, 08:51 AM

(دخلت علي انها لعب اطفال)
عمو جلال عمو جلال انا حاوز لعبه
عمو عمو انا عاوز من ده
ههههههههههههههههههههههههه
هى بلدنا بقت متخلفه لدرجه انها تدخل لعب اطفال حديد؟؟ وعلى شكل بنادق كمان وفيها نيشنكان فسفورى؟؟
خلاص اشطه انا اجيب دباباه واقولهم لعبه اطفال بس مجسمه وكبيره حبتين
ههههههههههههههههههه
ربنا يهدينا ويهدى المسئولين
واعتقد ان التركى قوى اه وكل حاجه بس مش لناس محترفه زيكو
ده لناس هاتصطاد مره ولا اتنين وبعدين تركن البندقيه
او لحد مش لاقى غيرها ويحبها وتحبه ويفهمها ويعرف يتعامل ويرضى بيها
لكن ما دام عيوبها بتظهر من اول ما بفتحها من كرتونتها يبقى بلاها كرال ونسيبها للاطفال
ههههههههههههههههههههه
بقول شعر يا نااااااااااااااااااااااااااااااس
(معلش انا اسف على جزء الشعر ده لانى واثق 100% ان اكيد فيه حد هايفهمنى غلط بس والله ما قصدى انا اقصد كلمه استاذ جلال انها داخله على انها لعب اطفال)

galal khalifa · 10-09-23, 08:55 AM

اقتباس:

المشاركة الأصلية كتبت بواسطة ahmed badran

جلال بيك شكرا لرد حضرتك الوافر... واحب اذكر ان النقاش فى الأصل هو من باب تقييم البندقية تقييما فنيا شامل والأستفادة من وجود الخبرات الكبيرة فى المنتدى دون اى مجاملات او اهواء وذلك نظرا لأنها تعتبر من ارخص البنادق مقارنة بالأسعار الموجودة للماركات الأخرى مع مواصفات الى حد ما جيدة وبالتالى ستجتذب كثيرا من الهواة والمبتدئين .....
ايضا اود ان اثير نقطة اعتقد انها مهمة وهى ان قوة البندقية عائدة الى قوة السوستة وحيث ان الموديل المتواجد حاليا هو الكسر فهل الماسورة من الخامات الجيدة التى تتحمل عزم الكسر دون اى تأثير او اعوجاج مع كثرة الأستخدام..

وشكرا لمداخلتك المحترمة ......

الاخ العزيز احمد
هو دا الكلام....
الموضوع تقيم من خلال خبرات الناس وبحيادية تامة وهو دا نوع الاسئلة الي نوصل بيها الي التقيم الخاص بالندقية علشان الناس وخاصة المبتدئين يعرفوا هما ها يشتروا اية لان المصلحة الاساسية هي الفائدة العائدة علي الاعضاء والصيادين
المطلوب معرفة وتقيم البندقية بطريقة علمية عملية
1- قوة السوستة واستمرارها بالقوة المناسبة بمرور الوقت والاستعمال.
2- هل خامة الماسورة قوية تتحمل العزم في مقابل قوة السوستة ( معامل الانعواج )؟
3- هل السعر مناسب للخامة والصناعة والعمر الافتراضي؟
4- هل السعر مناسب بالمقارنة ببنادق مثل النوركا والجامو مع الاخذ في الاعتبار بلد المنشأ ؟
واشكرك جدا علي هذة المشاركة الرائعة والاسلوب الجميل وتجيهات الاعضاء الي الاصح

adel152 · 10-09-23, 09:07 AM

أستاذنا الكبير جلال باشا
تقييم للبندقية المبدائى هو ده الى انا بحاول اعمله وبكل أمانه لباقى الأعضاء حتى يقرروا شراء البندقية ام لا مع ذكر السلبيات قبل الأيجابيات وده باين جدا فى موضوعى.
ولو البندقية دى دخلت البلد على انها لعبة اطفال تبقى مصيبة فعلا.
شكرا وكل عام وانتم بخير

galal khalifa · 10-09-23, 09:15 AM

اقتباس:

المشاركة الأصلية كتبت بواسطة adel152

أستاذنا الكبير جلال باشا
تقييم للبندقية المبدائى هو ده الى انا بحاول اعمله وبكل أمانه لباقى الأعضاء حتى يقرروا شراء البندقية ام لا مع ذكر السلبيات قبل الأيجابيات وده باين جدا فى موضوعى.
ولو البندقية دى دخلت البلد على انها لعبة اطفال تبقى مصيبة فعلا.
شكرا وكل عام وانتم بخير

الاخ العزيز عادل هو دا الي احنا عايزين نعملة ان احنا نقيم البندقية تقيم موضوعي وصح علشان الي يشتري حاجة يكون مطمئن ليها واحنا عايزين المصلحة العامة للناس .
بالنسبة لدخولها المسئولين لهم تحفظات وقيود علي بنادق الصيد التي يتم تحويلها الي بنادق نارية وهما برضة عندهم الف عذر وعذر وحق وعلشان كدا التجار بيدخلوا البنادق بالطريقة دية لتفادي القيود والاجراءات ودا امر وارد لان التاجر عايز يشتغل بردة ودا اكل عيشة
وتقبل مروري واشكرك علي سعة صدرك وكرم اخلاقك

ايهاب رمزى · 10-09-23, 08:08 PM

ياترى البنادق التركية خاضعة للفرجن f ولا؟؟؟؟؟

المستشار · 10-09-24, 03:36 AM

انا اول مره اقول راى فى البندقيه التركيه محل الجدال عشان انا اول مره امسكها بايدى اليوم وطبعا لما كنت بقرا المشاركات واشوف صورها الخادعه على النت كنت باصاب بحيره شديده بالذات لما سمعت سعرها وكنت بين امران السعر المناسب والقوه المطلوبه وكلام الاعضاء عليها من جانب ومن جانب اخر موقف اساتذه الصيد واقتناء السلاح المخدرمين وفى واقع الامر الحيره تلاشت تماما بمجرد لما اصاعبى لمست السلاح والتفت يدى على دبشكه عرفت حل اللغز
احنا وبعتبر نفسى من فئه معينه احنا الصيادين القدامى ضربنا واقتنينا معظم اسلحه الصيد ووخدين على كوالتى او خامه معينه وثقل معين ورد فعل معين يزيد او يقل من سلاح الى اخر ولكن اول ما تمسك البندقيه دى بتاخد عنها انطباع غريب كانها لعبه اطفال من الالعاب البلاستيك لدرجه انى كنت خايف وانا بكسر الماسوره تطلع فى ايدى مع انها فى الحقيقه متينه جدا بس اللى واخد على الفخامه حتى ولو قديمه بيحس بالفرق على طول طبعا الفينش بتعها يغنى عن الكلام حاجه ببلاش كده بس برضه لما بنسمع عن اخوتنا الصغار وحبهم للهوايه وانهم لسه طبعا فى بادئ الحياه ولم يعتمدوا على انفسهم فى تحصيل رزقهم بيلتمس لهم الف عذر عشان هو برضه عايز يطلع يصطاد ويقتنى سلاح ويشبع الهوايه وبندقيه بالف جنيه وبالسرعه دى حاجه مش بطاله فعند الوهله الاولى بيحدث تصادم بين الجيلين جيل الخبره اللى بيدور على البريفكت فى السلاح جيل اخر محكوم من الناحيه الاقتصاديه
واحنا علينا التوعيه وذكر مميزات وعيوب الاسلحه بغض النظر عن الذوق الشخصى
وانا راى فى البندقيه دى بكل صراحه انها بالنسبه للمبتدأين فرصه يجرب ويضرب بس يحط فى دماغه ان دى مش بندقيه صيد بمعنى الكلمه بس هى جهاز بيحول الهواءداخل انبوبه الى قوه دافعه بتضرب مقذوف
اما بالنسبه لمن لامست ايديهم الدبشك اللمنيتد وخشب الجوز ولفه الدبشك السحرى بتاع البى اس ايه
تكون التركى بالنسبه لهم زى النبله بالنسبه لمن يمتلك التركيه محل الجدل
عشان كده كل صياد محكوم بامكانياته الماديه والقوه الشرائيه وطموحه وربنا سبحانه وتعالى يوفق الجميع لاختيار الصالح وارجو ان اكون قد اوضحت وجهه نظرى التى قد يصادفها الصواب او يجانبها وانا اتقبل كل الاراء بصدر رحب مع اطيب امنياتى وارق تحياتى

محمد حافظ · 10-09-24, 04:29 AM

اقتباس:

المشاركة الأصلية كتبت بواسطة المستشار

انا اول مره اقول راى فى البندقيه التركيه محل الجدال عشان انا اول مره امسكها بايدى اليوم وطبعا لما كنت بقرا المشاركات واشوف صورها الخادعه على النت كنت باصاب بحيره شديده بالذات لما سمعت سعرها وكنت بين امران السعر المناسب والقوه المطلوبه وكلام الاعضاء عليها من جانب ومن جانب اخر موقف اساتذه الصيد واقتناء السلاح المخدرمين وفى واقع الامر الحيره تلاشت تماما بمجرد لما اصاعبى لمست السلاح والتفت يدى على دبشكه عرفت حل اللغز
احنا وبعتبر نفسى من فئه معينه احنا الصيادين القدامى ضربنا واقتنينا معظم اسلحه الصيد ووخدين على كوالتى او خامه معينه وثقل معين ورد فعل معين يزيد او يقل من سلاح الى اخر ولكن اول ما تمسك البندقيه دى بتاخد عنها انطباع غريب كانها لعبه اطفال من الالعاب البلاستيك لدرجه انى كنت خايف وانا بكسر الماسوره تطلع فى ايدى مع انها فى الحقيقه متينه جدا بس اللى واخد على الفخامه حتى ولو قديمه بيحس بالفرق على طول طبعا الفينش بتعها يغنى عن الكلام حاجه ببلاش كده بس برضه لما بنسمع عن اخوتنا الصغار وحبهم للهوايه وانهم لسه طبعا فى بادئ الحياه ولم يعتمدوا على انفسهم فى تحصيل رزقهم بيلتمس لهم الف عذر عشان هو برضه عايز يطلع يصطاد ويقتنى سلاح ويشبع الهوايه وبندقيه بالف جنيه وبالسرعه دى حاجه مش بطاله فعند الوهله الاولى بيحدث تصادم بين الجيلين جيل الخبره اللى بيدور على البريفكت فى السلاح جيل اخر محكوم من الناحيه الاقتصاديه
واحنا علينا التوعيه وذكر مميزات وعيوب الاسلحه بغض النظر عن الذوق الشخصى
وانا راى فى البندقيه دى بكل صراحه انها بالنسبه للمبتدأين فرصه يجرب ويضرب بس يحط فى دماغه ان دى مش بندقيه صيد بمعنى الكلمه بس هى جهاز بيحول الهواءداخل انبوبه الى قوه دافعه بتضرب مقذوف
اما بالنسبه لمن لامست ايديهم الدبشك اللمنيتد وخشب الجوز ولفه الدبشك السحرى بتاع البى اس ايه
تكون التركى بالنسبه لهم زى النبله بالنسبه لمن يمتلك التركيه محل الجدل
عشان كده كل صياد محكوم بامكانياته الماديه والقوه الشرائيه وطموحه وربنا سبحانه وتعالى يوفق الجميع لاختيار الصالح وارجو ان اكون قد اوضحت وجهه نظرى التى قد يصادفها الصواب او يجانبها وانا اتقبل كل الاراء بصدر رحب مع اطيب امنياتى وارق تحياتى

ألله ينور عليك أوجزت فأوفيت يا سيادة ألمستشار و نعم ألرأى
فعلا فمن حمل ألبى أس أو ألديانا و لمس ألقوة و ألمتانة و ألفخامة فى ألصناعة ألآلمانية و ألآنجليزية و عاصر ألزمن ألجميل للسلاح لن تنال ألصناعات ألشعبية أعجابه و رأيى فى هذا ألموضوع اوضحه بمثال فمن قاد السيارات ألمايباخ و ألجاجوار و ألبورشا لن يعجب بألسيارة فيات 128 و لكنها عند من لا يملك ثمن سواها تساوى ألكثير و تفى بألغرض بألرغم من أعطالها ألكثيرة و ضعف أمكانياتها و تراه معتزا بها و يعتبرها أحسن أختيار و خاصة أذا كانت أول حظه , لذا هذه ألبندقية أفضل من لا شيئ و تعتبر كبداية معقولة بألنسبة لسعرها , لنترك للأيام و لمن أقتنوها ألحكم عليها و ألمثل يقول أن غدأ" لناظره لقريب و لأستاذنا و معلمنا جلال بك خليفة أدعو ألله أن يخلف عليه خيرا" جزاء جهده و خوفه على ألآخوة ألآعضاء و حرصه عليهم و على أموالهم
و لكم و للجميع حبى و تحياتى

بندق · 10-10-10, 01:28 PM

السلام عليكم
مشكورين جميعا على المجهود الجميل في الموضوع ده
معروض عليا بندقية ai-001s التركي جديدة ارجو المشورة
*بالنسبة للسعر .
* السرعة.
* العمر الأفتراضي .
* التأثير في الهدف.
مع الأخذ في الأعتبار ان السائل مبتدء.
بندق
السلام عليكم

adel152 · 10-10-10, 04:43 PM

الأخ بندق
السعر أنا أشتريتها من أسكندريه ب1200
السرعة نمرة1 =310 متر/ث
نمرة2 = 240 متر/ث
العمر الأفتراضى (العلم عند الله) لأن البندقيه دى لسه نزله مصر من 4 شهور فقط.
التأثير فى الهدف البندقيه قوية جدا.
ده فيديو لتأثير البندقيه على هدف من 60 متر.

YouTube

KANDIL · 10-10-26, 11:45 PM

يا جماعة أنا عضو جديد بالمنتدى وبصراحة شكله منتدى رائع
بالنسبة للبندقية كرال أنا اشتريت واحدة كسر من بورسعيد بـ 1500 جنيه من أسبوعين وبصراحة البندقية جامدة جدا وسعرها مناسب قوي بالنسبة لقوتها، ونشانها دقيق، والاتزان بتاعها رائع، سوستتها قوية قوي ومحتاجة قوة للكسر، وبصراحة محستش بصوت الاحتكاك اللي بيتكلم عنه الأستاذ عادل، يعني بصراحة بالنسبة لسعرها تقدر تنافس الجامو سي اف اكس

rock · 10-10-27, 01:24 AM

لا لا لا لا يا استاذ قنديل ...... كله الا دى .... اذا كان متقدرش تنافس الجامو 900 هتنافس البندقيه الملكيه والادق على الاطلاق فى بنادق جامو ........ حضرتك منبهر بيها اوى بس لو مسكت السى اف هتحس انها بندقيه مش بلاستيك مقوى ...... تحياتى .

KANDIL · 10-10-27, 09:02 AM

يا أستاذ rock أنا استخدمت السي إف إكس وكلامك مظبوط بس قارن السعر كمان مينفعش تقارن عربية مرسيدس بهيونداي في الإمكانيات بس. بس الهيونداي كويسة أوي بالنسبة لسعرها عشان كدة بتنافس المرسيدس في السوق والكرال ممتازة بالنسبة لسعرها وإمكانياتها. لكن لو معاك فلوس وعايز فخامة واتزان وقوة ودقة محصلتش طبعا هات الجامو. تحياتي

adel152 · 10-10-27, 09:07 PM

اقتباس:

المشاركة الأصلية كتبت بواسطة kandil

يا جماعة أنا عضو جديد بالمنتدى وبصراحة شكله منتدى رائع
بالنسبة للبندقية كرال أنا اشتريت واحدة كسر من بورسعيد بـ 1500 جنيه من أسبوعين وبصراحة البندقية جامدة جدا وسعرها مناسب قوي بالنسبة لقوتها، ونشانها دقيق، والاتزان بتاعها رائع، سوستتها قوية قوي ومحتاجة قوة للكسر، وبصراحة محستش بصوت الاحتكاك اللي بيتكلم عنه الأستاذ عادل، يعني بصراحة بالنسبة لسعرها تقدر تنافس الجامو سي اف اكس

أستاذ قنديل صوت الأحتكاك الى فى بندقيتى أختفى تماما مع الأستعمال.فعلا سوستتها قوية جدا وأنا ذكرت أن سوستتها محتاجه قوة للكسر لكن مع الوقت بتتعود عليها.

اقتباس:

المشاركة الأصلية كتبت بواسطة kandil

يا أستاذ rock أنا استخدمت السي إف إكس وكلامك مظبوط بس قارن السعر كمان مينفعش تقارن عربية مرسيدس بهيونداي في الإمكانيات بس. بس الهيونداي كويسة أوي بالنسبة لسعرها عشان كدة بتنافس المرسيدس في السوق والكرال ممتازة بالنسبة لسعرها وإمكانياتها. لكن لو معاك فلوس وعايز فخامة واتزان وقوة ودقة محصلتش طبعا هات الجامو. تحياتي

حضرتك قولت الى أنا بحاول أقوله البندقيه بالنسبه لسعرها ممتازة (مع العلم أنى أشتريتها ب1200 فقط جديده) لكن من الظلم مقارنتها بالأنسيابيه الأسبانيه أو القمة الألمانية او العراقة الأنجليزيه الذى تتراوح أسعارهم بين 3500 و7000 جنيه. وأكيد الغالى ثمنه فيه.
وربنا يوفق الجميع فيما يستطيع ويريد شراءه.

ايهاب رمزى · 10-11-06, 12:57 AM

اقتباس:

المشاركة الأصلية كتبت بواسطة adel152

الأخ العزيز المحترم أبوالشوق
انا كده تقريبا بقالى أسبوعين بأجرب البندقية دى. والتالى هو تقييمى الشخصى بعد تقريبا 300 رشه:
فى البداية كان فى صوت عالى (فرقعة) من كثرة زيت المصنع الموجود. الصوت أختفى تماما بعد حوالى 150 رشه.
صوت أحتكاك دراع التعمير الداخلى مع السوسته أصبح خفيف جدا وتقريبا غير ملحوظ.
أنا شخصيا أعتقد الدبشك تصنيعه معقول جدا ولم يسبب لى أى مشكله او جروح.
تم وضع صمغ مطاطى (علشان مايكونش فى مشكلة لما أحب أفك الدبشك) على سن المسمارين الأماميين للدبشك ومافكوش تانى مع الضرب.

أرجو من جميع الأعضاء الأخذ فى الأعتبار بأنى أتعامل مع بنادق الرش أقل من عام ولم أستخدم فى هذه المدة القصيرة سوى بندقيتين وهم التل المجرى كسر والنوريكا 61 .

البندقية بالنسبة لى قوية جدا جداجدا. أنا ضربت على كانزات فاضيه وبرشه ميزان مصرى الرشة عدت فى 14 كانز من الناحيتين ومن بعد 15 متر.
نيشان البندقية كويس جدا وقريب جدا من التل(وهى تعتبر بندقية ممتازة فى تجميع النيشان) وأحسن من النوريكا61 .

لو أى عضو زى حالاتى مابيحبش يضرب غير بالتليسكوب (أنسى - أنسى - أنسى) البندقية دى لأن التليسكوب مابيقعدش ثابت على البندقية دى من قوة البندقية ورد فعلها.
أنا جربت 3 تليسكوبات مختلفين الأحجام والقواعد والستوبر الموجود مع البندقية وتنظيف مكان تركيب قاعدة التليسكوب من أى زيوت موجودة بدون فايدة. لم أتمكن من تجميع أى نيشان بالتليسكوبات. مع أن التليسكوبات الى عندى ممتازة مع التل المجرى.

الحاجة المهمة الى حتخلينى أبيع البندقية دى أنها محتاجة أأجرلها واحد من بتوع كمال الأجسام علشان يعمرهالى لأن بعد الأسبوعين دول دراعى بحركه بالعافية ودلوقتى بعمر التل حاسس أن مافيهاش سوسته خالص من قوة السوسته التركى.

البندقية فيها نظامين أمان الأول لما تعمر البندقية الزناد لايعمل حتى ترجع الماسورة الى وضعها الطبيعى يعنى لو عمرت مش حتعرف ترجع السوستة تانى الا لما تضرب رشايه والتانى زرار أمان امام الزناد.

أنا أستعملت 5 أنواع رش مختلفة أثناء التجربة مارسمان والميزان (مصرى) - الرش التركى الجديد أبو بوز - الماركسمان (أنجليزى) - والديابلو (ألمانى)
وماتستغربوش لما أقولكم أن أحسن رشه بتجمع معايا هى الميزان المصرى ماأعرفش ليه........

من الأخر ياجماعة البندقية دى عايزة واحد صحته مساعداه (للتعمير فقط لأن البندقية وزنها ممتاز وموزونه ). ومابيحبش يستعمل التليسكوب. النيشنات الفوسفورية بتاعتها أحسن من النيشنات العادية وأول ماترفع البندقية بتجيبلك الهدف بسهولة.

أعتقد كده أنا أتكلمت تقريبا عن كل حاجة فى البندقية دى ولو فى أى أستفسار أخر أنا تحت أمركم.

استاذ عادل من فضلك كنت عاوز اعرف نوع الصمغ المطاطى اللى حضرتك حطيتة علشان المسامير متفكش

شكرا

adel152 · 10-11-06, 09:24 AM

هو صمغ هندى والعلبه لونها أصفر فى أحمر وأسمه Fevibond وأشتريته ب3.50 جنيه.
بس الأحسن لو لقيت عند محلات قطع غيار السيارات نوع أخر مخصص للمسامير أسمه لوك تايت Loctite .

ايهاب رمزى · 10-11-06, 12:14 PM

اقتباس:

المشاركة الأصلية كتبت بواسطة adel152

هو صمغ هندى والعلبه لونها أصفر فى أحمر وأسمه fevibond وأشتريته ب3.50 جنيه.
بس الأحسن لو لقيت عند محلات قطع غيار السيارات نوع أخر مخصص للمسامير أسمه لوك تايت loctite .

الف شكر وربنا يوفقك

KANDIL · 10-11-06, 09:39 PM

بصراحة يا جماعة بعد حوالي 400 رشة البندقية لسة قوية ونشانها دقيق جدا بس قوتها ملحوظة أوي. وأؤكد إنها أقوي كمان من السي اف اكس، لأن عندي الاتنين وضربت بيهم على باب الشقة (غباوة بعيد عنكو بس انا بصراحة لما بمسك بندقية بحب اتغابى) وباب الشقة عندي محمل وقوي، رشة السي اف اكس استقرت في الباب أما الكرال فاخترقت الباب وخرجت من الجانب الآخر ودلوقتي بقى عندي خرم في باب شقتي مش عارف يتعالج ازاي مكنتش متوقع بصراحة إنها ممكن تخترق الباب. بس اتزان السي اف اكس والنشان بتاعها لا يعلى عليه غير طبعا التقفيل والمتانة مع إن الكرال متينة والله بس الدبشك البلاستيك برده مش زي الخشب مهما كان، وتقفيل الأجزاء المعدنية كمان في الكرال مش مية مية، بس أكرر وأقول انك بتشتري بندقية بثلث تمن الجامو مش ممكن تتوقع انها تكون بنفس الكفاءة بس في اختبار القوة الكرال تكسب عن تجربة واللي مش مصدق ييجي يشوف خرم الباب منور الشقة ازاي.

أحمد شلبى · 10-11-22, 07:58 PM

فعلا البندقيه خفيفه جدا لدرجه انها زى اللعبه انا نزلت النهارده بصيت عليها عند السجلابى بشارع عدلى ففوجئت بالبائع يقول لى معلومه غريبه وهى أن هذه البندقيه مداها المؤثر 300 متر فاستغربت وقلت لازم أسأل أهل الخبره على فكره البندقيه كرال ماجنوم وسعرها عنده 1500 جنيه

eng_ahmed · 10-11-22, 08:21 PM

هي خفيفة فعلا وانا عندي البندقية ولاكن مش لدرجة البندقية اللعبة
هي جميلة جدا ما شاء اللة انا لحد دلوقتي ضربت بيها حوالي علبة رش 250
وهي قوية جدا فعلا بس 300 متر دة مدى بعيد جدا
هي المعقول بتاعها 100 متر
و100 متر دي حيبقا العائق فيها النظر يعني لو اسكوب يبقي روعة عليها بس لازم اسكوب محترم جدا بسبب رد فعلها
وسعرها كدة زيادة ممكن ان شاء اللة تلاقيها بسعر افضل لو دورت
وبعدين انا ليا تجارب خاصة معي بياعين السلاح الي بيبقو في المحلات دول
وبجد نص كلامهم عن جهل تام الواحد لما بينزل يكلمهم يحس انوا بيقول لوغارتمات
وللانصاف مش كلهم هما فيهم قليل فاهم
فا مش دايما تصدق كلامهم
اصدق شيء ممكن تعرف منة الحق هو الموقع الرسمي للشركة

adel152 · 10-11-23, 02:54 AM

اقتباس:

المشاركة الأصلية كتبت بواسطة أحمد شلبى

فعلا البندقيه خفيفه جدا لدرجه انها زى اللعبه انا نزلت النهارده بصيت عليها عند السجلابى بشارع عدلى ففوجئت بالبائع يقول لى معلومه غريبه وهى أن هذه البندقيه مداها المؤثر 300 متر فاستغربت وقلت لازم أسأل أهل الخبره على فكره البندقيه كرال ماجنوم وسعرها عنده 1500 جنيه

أستاذ احمد مساء الخير
البندقية الكرال نفس وزن الجامو الشادو 1000 والهانتر 440 والسى اف اكس يعنى مش خفيفه لدرجة اللعبة.
الوزن: 2.9 كيلوجرام.
أنصحك ماتشتريش نمره 1 أشترى نمره 2 لو فكرت تشترى.
نمره 1 سرعتها 310 متر/ث (ممكن البائع يكون خلط مابين سرعتها والمدى المؤثر) لكنها مش دقيقه فى النيشان زى نمره 2 الى سرعتها 240 متر/ث وتجميع نشانها كويس جدا.
البندقية دى أنا أشتريتها من أسكندرية ب1200 من اكتر من شهرين.
مشكلة البندقية تثبيت تليسكوب عليها لأن رد فعلها قوى والمشكلة الثانية مسمارين الدبشك الأماميين محتاجين ماده تثبيت المسامير لأنهم بيحلوا برده من قوة البندقية.
غير كده البندقيه من وجهة نظرى الشخصية بندقية ممتازة بالنسبه لسعرها.
اه نسيت أقولك حاجة كمان البندقية محتاجة قوة لكسر الماسوره لتعمير البندقية بس بعد فترة بتاخد عليها.

rock · 10-11-23, 03:08 AM

السلام عليكم .... يعنى نتوكل يااستاذ عادل ولا ايه ؟...... تحياتى .

المستشار · 10-11-23, 03:16 AM

بندقيه جميله جدا جدا لمده 4 شهور او بعد 3000 رشه

adel152 · 10-11-23, 01:14 PM

اقتباس:

المشاركة الأصلية كتبت بواسطة rock

السلام عليكم .... يعنى نتوكل يااستاذ عادل ولا ايه ؟...... تحياتى .

أستاذ احمد سلام ورحمة الله وبركاته
انا عندى أقتراح لحضرتك للحكم على البندقية بنفسك تشتريها أو ماتشتريهاش.
حضرتك من الجيزه وفى الأستاذ أحمد عاصم بيعمل طلعه كل يوم جمعة تقريبا فى حدائق الأهرام بالتركى بتاعته ممكن حضرتك تراسل أستاذ احمد وهو شخصيه محترمة جدا مايتخيرش عن حضرتك وتجرب البندقية على الطبيعة وتحكم عليها بنفسك من خلال التجربة.
ده الرابط لمراسلة أستاذ احمد عاصم mido_23279
http://www.egypthunt.net/showthread.php?t=3783
وماتنساش تقولنا عملت أيه ورأيك الشخصى فى البندقية.
بالتوفيق أن شاء الله.

محمد سالمين · 11-01-15, 07:54 PM

اقتباس:

المشاركة الأصلية كتبت بواسطة المستشار

انا اول مره اقول راى فى البندقيه التركيه محل الجدال عشان انا اول مره امسكها بايدى اليوم وطبعا لما كنت بقرا المشاركات واشوف صورها الخادعه على النت كنت باصاب بحيره شديده بالذات لما سمعت سعرها وكنت بين امران السعر المناسب والقوه المطلوبه وكلام الاعضاء عليها من جانب ومن جانب اخر موقف اساتذه الصيد واقتناء السلاح المخدرمين وفى واقع الامر الحيره تلاشت تماما بمجرد لما اصاعبى لمست السلاح والتفت يدى على دبشكه عرفت حل اللغز
احنا وبعتبر نفسى من فئه معينه احنا الصيادين القدامى ضربنا واقتنينا معظم اسلحه الصيد ووخدين على كوالتى او خامه معينه وثقل معين ورد فعل معين يزيد او يقل من سلاح الى اخر ولكن اول ما تمسك البندقيه دى بتاخد عنها انطباع غريب كانها لعبه اطفال من الالعاب البلاستيك لدرجه انى كنت خايف وانا بكسر الماسوره تطلع فى ايدى مع انها فى الحقيقه متينه جدا بس اللى واخد على الفخامه حتى ولو قديمه بيحس بالفرق على طول طبعا الفينش بتعها يغنى عن الكلام حاجه ببلاش كده بس برضه لما بنسمع عن اخوتنا الصغار وحبهم للهوايه وانهم لسه طبعا فى بادئ الحياه ولم يعتمدوا على انفسهم فى تحصيل رزقهم بيلتمس لهم الف عذر عشان هو برضه عايز يطلع يصطاد ويقتنى سلاح ويشبع الهوايه وبندقيه بالف جنيه وبالسرعه دى حاجه مش بطاله فعند الوهله الاولى بيحدث تصادم بين الجيلين جيل الخبره اللى بيدور على البريفكت فى السلاح جيل اخر محكوم من الناحيه الاقتصاديه
واحنا علينا التوعيه وذكر مميزات وعيوب الاسلحه بغض النظر عن الذوق الشخصى
وانا راى فى البندقيه دى بكل صراحه انها بالنسبه للمبتدأين فرصه يجرب ويضرب بس يحط فى دماغه ان دى مش بندقيه صيد بمعنى الكلمه بس هى جهاز بيحول الهواءداخل انبوبه الى قوه دافعه بتضرب مقذوف
اما بالنسبه لمن لامست ايديهم الدبشك اللمنيتد وخشب الجوز ولفه الدبشك السحرى بتاع البى اس ايه
تكون التركى بالنسبه لهم زى النبله بالنسبه لمن يمتلك التركيه محل الجدل
عشان كده كل صياد محكوم بامكانياته الماديه والقوه الشرائيه وطموحه وربنا سبحانه وتعالى يوفق الجميع لاختيار الصالح وارجو ان اكون قد اوضحت وجهه نظرى التى قد يصادفها الصواب او يجانبها وانا اتقبل كل الاراء بصدر رحب مع اطيب امنياتى وارق تحياتى

بصراحة كلام حضرتك مظبوط 10/10 رغم إني من يوم مابدأت أصطاد يجي من أكتر من 15 سنة كدة مش بقتنع غير بالألماني أو الإنجليزي إلا إني فعلا لما مسكت البندقية دي حسيت إني لازم أضمها لمقتنياتي هي طبعا لن ترقى لمستوى الديانا أو bsa ولكنها بندقية محترمة بالنسبة لسعرها وقوتها أما بالنسبة لعيوبها فأنا أرى أنها ليست عيوب جوهرية ويمكن التغلب عليها وفي النهاية تبقى المسألة مسألة أزواق فكثيرا من الصيادين المحترفين لا يستعملوا الألماني ومن يهوى الألماني لا يهوى الإنجليزي ومن يهوى الأسباني لا يقتنع بالألماني وهكذا فأنا أرى أنه مادام الأساس موجود في البندقية وهو قوة البندقية بما لايؤثر في دقة التصويب ووزن البندقية فالباقي يهون
وتقبلوا مروري

أميجو · 11-01-16, 12:25 AM

الموضوع سخن أوى

omarmagic · 11-01-26, 07:41 PM

ممكن تكلمنى على 0128574698 وممكن نوصل لسعر مرضى مستنى تليفونك

talha · 11-02-05, 03:17 PM

انا ناوي اجيب وحدة

بدر · 11-02-05, 06:04 PM

اقتباس:

المشاركة الأصلية كتبت بواسطة talha

انا ناوي اجيب وحدة

على بركة الله مش هتندم

mlikhunter · 11-02-05, 06:41 PM

السلام:انا ممكن اقول انه السلاح التركي مش كله رديء والكرال من الشركات الجيده والتابعه لاشراف الحكومه
احنا عندنا في بلدنه الخرطوش الكرال لاباس به قياس بالسعر انا عندي مفرده واتو متيك واخذت هوائيه ولحد الوقت ماشيه
الخلاصه ان الكرال من الشركات المعتمده في تركيا
والله اعلم

mlikhunter · 11-02-05, 07:00 PM

السلام:واضيف انا كان عندي الديانا 27 ومازالت وطلعتها المعاش وسالت الديانا 350$ والجامو شادو200$ والكرال 80$
والصيني 35$
واحب اقول للسيد المستشار بانه في انواع تقليد للكرال عندنا
انا اسبوعيا بالسوق مالقيت مشكله بالدشبك لاي وحده وفي النوع الجديد يكون الدشبك بشكل جديد انا هذارايي
وطبعا مش اقارن مع الديانا

talha · 11-02-06, 12:06 PM

اقتباس:

المشاركة الأصلية كتبت بواسطة بدر

على بركة الله مش هتندم

شكرا على تشجيع حضرتك

oka2002 · 11-03-13, 02:17 PM

انا عندى الكرل التركى و مش عارف اضبط التليسكوب عليها بعد ما ركبته ممكن تولى الطريقه التليسكوب 3*9*40

amr nagar · 11-05-01, 03:49 AM

الاخوه الاعزاء ...

السلام عليكم ورحمة الله

هذه اولى مشاركاتى فى منتداكم الجميل هذا

انا اشتريت كورال عتله اليوم دبشك خشب فعلا ومشغول كمان مع العلم انى عندى الكورال السوداء الكسر
وكنت اشعر بعدم دقتها ..العتله دبشك الخشب شكلها عجبنى جدا وحسيت تها ادق فى التصويب .. مع ان السوداء ابتدت تظبط لما اسخدمت رش محترم مثل المنجنوم ماتش ..فعلا حلو

ارجو من سيادتكم التوتضيح بين العتله والكسر هل العتله تصل لمسافات اكبر فعلا هل هى ادق هل هى افضل فى المجمل هل لها ميزه عن الكسر . ما هى مميزتها .؟
مع العلم ان تعميرها خلس جدا بالرش الجيد لانه يدخل بصعوبه فى مكان التعمير ..........

وشكراا لسعة صدركم اخوكم

عمرو

talha · 11-05-01, 10:14 AM

يعني العتله ادق ولا الكسر
وسعر العتلة كام

sameer · 11-05-01, 11:18 AM

العتلة ادق تقريبا في اي بندقية

10-09-13, 03:03 PM	#1
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 5	البنادق التركية الموجودة فى مصر السلام عليكم ورحمة الله وبركاته... أرجو من أعضاء المنتدى الأفاضل ايضاح اذا ما كان يوجد بالسوق المصرى بنادق تركية وانواعها وأماكن بيعها وأسعارها اذا ما كانت موجودة... وشكرا...

10-09-13, 08:42 PM	#3
ادريس الترهونى صياد جديد تاريخ التسجيل: Jun 2010 المشاركات: 24 معدل تقييم المستوى: 6	رد: البنادق التركية الموجودة فى مصر السلام عليكم اخى العزيز البنادق التركى موجودة وخصوصى بالاسكندرية عندنا وانا عندى واحدة جديدة بالكرتونة لم تضرب سوى 100 رشة وهى بندقية قوية جدا وسعره ممتاز للوحابب انا ببيعها1100 جنيه

10-09-13, 10:43 PM	#5
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 5	رد: البنادق التركية الموجودة فى مصر شكرا جزيلا لجميع الآعضاء الذين تفضلوا بالرد وأتطلع لمزيد من المعلومات والردود

10-09-13, 11:33 PM	#6
ادريس الترهونى صياد جديد تاريخ التسجيل: Jun 2010 المشاركات: 24 معدل تقييم المستوى: 6	رد: البنادق التركية الموجودة فى مصر السلام عليكم بالنسبة للسرعة 310 متر ام العيار نمرة 1 بالنسبة للطول حوالى متر وعشرين الوزن مشعارف بالضبط بس مش ثقيلة اوى بالنسبة لرق التليفون 0129493141

10-09-13, 11:44 PM	#7
ادريس الترهونى صياد جديد تاريخ التسجيل: Jun 2010 المشاركات: 24 معدل تقييم المستوى: 6	رد: البنادق التركية الموجودة فى مصر اخ احمد موقع البندقية هو كرال ماجنوم

10-09-14, 12:00 AM	#8
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 5	رد: البنادق التركية الموجودة فى مصر ا/ ادريس برجاء ذكر الماركة والموديل والعيار وأى بيانات أخرى متاحة.... مع الشكر...

10-09-14, 12:03 AM	#9
ادريس الترهونى صياد جديد تاريخ التسجيل: Jun 2010 المشاركات: 24 معدل تقييم المستوى: 6	رد: البنادق التركية الموجودة فى مصر http://www.kralav.com/en/urunSergile2.asp?urunID=320 البندقية اسمها كرال ماجنوم وده اللينك

10-09-14, 12:08 AM	#10
ادريس الترهونى صياد جديد تاريخ التسجيل: Jun 2010 المشاركات: 24 معدل تقييم المستوى: 6	رد: البنادق التركية الموجودة فى مصر موديلal-001s

10-09-14, 12:21 AM	#11
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 5	رد: البنادق التركية الموجودة فى مصر ما هو كود الموديل للأننى لم أجد ماجنوم....

10-09-14, 01:38 AM	#12
momo44 صياد قديم تاريخ التسجيل: May 2010 المشاركات: 1,065 معدل تقييم المستوى: 20	رد: البنادق التركية الموجودة فى مصر سبق وذكر الاستاذ جلال ان البنادق التركية ما هى الا بنادق مصنعة فى الصين لحساب تركيا والتقفيل بتاعها وحش جدااااااااااااااااااااااا وفيها حتت بلاستيك زوايد وحامية وكانت هتعور الاستاذ جلال والاستاذ اسامة فتحى وهما بيشوفوها __________________ http://img18.imageshack.us/img18/9559/dsc01447bk.jpg الصيد رياضة الملوك

10-09-14, 10:56 AM	#13
mohamed shawkat صياد متفاعل تاريخ التسجيل: Jun 2010 المشاركات: 151 معدل تقييم المستوى: 6	رد: البنادق التركية الموجودة فى مصر صباح الخير يا مامو باشا انا يس عاوز اقلك ان اخونا محمد الشكس من اسكندرية وهو رجال قمة الزوق وادب الحوار ولا يبخل على احد بمعلومة ان عنده في اسكندرية البنادق التركي نزلت هناك الاول ومن حاولي اربع او خمس شهور والي اشترى منها العرب ولك ان تتخيل سوء استخدمهم للبنادق ومع ذلك البندقية ادها رائع وقوي شغالة كويس البندقية تعتبر منافس قوي جدا للصيني وللكل البنادق الي عل نفي المستوى الي جانب مميزات النشان الفسفوري والسيلنسير وكموفلاج ومحمد قلي انها في اسكندرية سعرها ارخص من هنا لكن العيوب اليب هاتظهر على المدى الطويل لسة محدش يعرفها ممكن تكون احسن من كل الصيني والاسباني في الفئات الاولية الي جانب قوتها وتكون حل مناسب لناس كتير في بداية التعرف على الصيد وناس كتير بتقول انها منافس قوي جدا للجامو هانتر 440 واثرت في مبيعتها لفرق السعر وتساوي المواصفات والبقى هايظر مع مرور الوقت من حيث العتنادية والفروق التصنيع وشكرا لك على ابدأ رايك

10-09-14, 02:36 PM	#15
mohamed shawkat صياد متفاعل تاريخ التسجيل: Jun 2010 المشاركات: 151 معدل تقييم المستوى: 6	رد: البنادق التركية الموجودة فى مصر يا باشا انا كانت سالت استاذ جلال وقال نفس كلامك وقالي برضوا ان في بقية المحاور من كفاءة وقطع الغير والاعطال يحتاج وقت للحكم علية لكن انت لو بصيت لانها كموفلج ونشان فسفوري وقوية وسعرها هتكون مناسبة جدا لنا كتير لسة بتبتدي في موضوع الصيد ومش عاوزة تدفع مبالغ كبيرة في الاول وهي بديل عن الحاجات الي في نفس المستوى وان شاء الله ربنا يوفق الجميع للحاجة الي تناسبة وتكون في امكانياتة وكل سنة وانت طيب

10-09-14, 06:42 PM	#16
HANINIE صياد متفاعل تاريخ التسجيل: Dec 2009 المشاركات: 151 معدل تقييم المستوى: 6	رد: البنادق التركية الموجودة فى مصر سؤال لأستاذ ادريس اذا كان يمكن انتذكر طوال القميص ( الكانون ) كام سنتيمتر

10-09-15, 02:58 AM	#18
adel152 خبير اسلحه .& عضو ذهبى اوسمتي مجموع الاوسمة: 2 تاريخ التسجيل: Apr 2009 المدينه: أسكندرية المشاركات: 3,065 معدل تقييم المستوى: 281	رد: البنادق التركية الموجودة فى مصر السلام عليكم أنا أشتريت البندقية دى نمرة 2 الأسبوع الى فات بعد مابحثت عن معلومات عنها فى النت ولقيت المكتوب عنها فى معظم المواقع أنها بندقية معقولة بالنسبة لسعرها. البندقية دى موجودة فى الأسواق فى الخارج من 2007 وفى تقرير ليها من مجلة أنجليزية تسمى Gun Mart تؤكد انها صناعة تركى وده الموقع الموجود فيه التقرير (على فكرة جميع التقارير الموجودة للنوع العتلة مش الكسر وأم عتلة تسمى Kral Demon والكسر Kral Devil ا) http://gunmart.net/gun_review/kral_demon ودى صور لمصنع كرال فى تركيا لتصنيع السلاح http://www.kralav.com/en/galeri.asp البندقية شكلها جميل جدا وقوية جدا بالنسبه لى مع العلم انا لم أستخدم الا بندقيتين وهما التل المجرى كسر والنوريكا 61 وعلشان كده انا حسيت بقوة البندقية دى على طول. الدبشك البلاستيك يوجد به مكان واحد فقط حامى فى مقدمة الدبشك من الأسفل وده باين فى الصورة الى فى نهاية الموضوع وعلية علامة حمرة (وللأمانه مش مسبب لى أى مشكلة لأنه مش حامى لدرجة أنه يجرح ايدى). للأسف لأنشغالى الأسبوع الى فات ماكنش عندى وقت كفايه لأستعمال البندقية كتير وضربت بيها حوالى 50 او 60 رشة رد فعل البندقية معقول بالنسبه لقوتها لكن فى رش كتير كان بيعمل صوت فرقعة Dieseling وأعتقد ده من كتر زيت المصنع لأن لما طلعت البندقية من الصندوق كانت مليانه زيت. السوسته قوية ومحتاجة قوة للكسر (مقارنة بالتل والنوريكا) وفى عيب أعتقد أن ده أسوء حاجة ومش متأكد لو العيب ده فى البنادق دى كلها ولا حظى أنا وحش أن اثناء كسر البندقية دراع الكسر الداخلى بيمشى على السوسته اثناء التعمير ورجوع الماسورة ودى أسؤ شئ بالنسبه لى فى هذه البندقية وأنا احطط صورة للدراع الملامس للسوسته ومعلمه بالأحمر. أنا من الأسكندرية وأشتريت البندقية ب1200 . أعتقد أن جميع قطع غيار Gamo CFX بتركب عليها ( السوسته والجلبه والزناد). الأسبوع القادم أكون ركبت التليسكوب عليها وحأقول لكم أخبار التجميع بتعها أن شاء الله. ياريت ياجماعة لو فى حد تانى عنده نفس المشكلة بتاعة صوت أحتكاك دراع التعمير الداخلى مع السوسته أثناء الكسر ورجوع الماسورة يقولنا علشان نتأكد أن ده عيب فى تصنيع فى جميع البنادق ولا بندقيتى أنا بس. الصور المصغرة للصور المرفقة

10-09-15, 12:14 PM	#19
ابو الشوق صياد نشيط تاريخ التسجيل: Dec 2008 المشاركات: 429 معدل تقييم المستوى: 8	رد: البنادق التركية الموجودة فى مصر عادل باشا اخبار معاليك متهيالى موضوع صوت الاحتكاك موجود فى بندقية تانيةhttp://www.egypthunt.net/showthread....6207#post26207 لو تلاحظ مشاركة الاستاز ادريس بيتكلم فى نفس النقطة فيا ريت الاعضاء الكرام اى حد اشترى البندقية يوضح ان كان العيب دة موجود عندة ولا لا؟ __________________ (نحن لن نستسلم ننتصر او نموت) عمر المختار [SIGPIC][/SIGPIC]

10-09-17, 11:04 AM	#21
adel152 خبير اسلحه .& عضو ذهبى اوسمتي مجموع الاوسمة: 2 تاريخ التسجيل: Apr 2009 المدينه: أسكندرية المشاركات: 3,065 معدل تقييم المستوى: 281	رد: البنادق التركية الموجودة فى مصر عيب جديد أكتشفته مع أستعمال البندقية المسمارين الأماميين المثبتين للدبشك فى السلاح بيتفكوا مع الضرب من قوة البندقية مما يؤثر فى النيشان. أنا فاكر أن فى نوع معجون فى أنبوبة صغيرة لونه أزرق شفاف كانوا بيستعملوه لتسبيت المسامير فى مواتير السيارات أنا مش فاكر أسمه لكن ح أبحث عنه فى محلات قطع غيار السيارات (لو حد عارف أسمه ياريت يكتبه لى). لو حد من خبراء المنتدى يعرف طريقة أفضل لتسبيت المسامير ياريت يتكرم ويقولنا عليها. لو أتضح لى أى عيوب تانية حكتبها فى نفس الموضوع. صوت الفرقعة Dieseling أختفى وصوت أحتكاك دراع التعمير الداخلى أصبح أقل ولكن مازال موجود اخف من الأول.

10-09-17, 02:29 PM	#23
القناص2010 صياد نشيط تاريخ التسجيل: May 2010 المشاركات: 392 معدل تقييم المستوى: 7	رد: البنادق التركية الموجودة فى مصر المعجود دا اسمة جمالكة وهوا مش غالى تقريبا 5 جنية

10-09-17, 02:45 PM	#24
ابو الشوق صياد نشيط تاريخ التسجيل: Dec 2008 المشاركات: 429 معدل تقييم المستوى: 8	رد: البنادق التركية الموجودة فى مصر موضوع الاحتكاك ممكن حلة اننا نيجى على المسمار الى بيعمر البستم وننزل علية بمبرد حدادى سنة واحد والاحتكاك هيقل ازا مكنش هيختفى __________________ (نحن لن نستسلم ننتصر او نموت) عمر المختار [SIGPIC][/SIGPIC]

10-09-17, 04:22 PM	#25
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 5	رد: البنادق التركية الموجودة فى مصر أعتقد موضوع الجمالكة صعب لأنها ممكن تكون صعبة فى الفك مرة أخرى وبالتالى تبوظ رأس المسمار... ممكن موضوع الأستك او التخشين بقطعة فويل ألمونيوم توضع فى جانب الثقب مع ترك طرفها ظاهر قبل وضع المسمار للربط......

10-09-18, 03:47 PM	#27
Samy 88 صياد جديد تاريخ التسجيل: Jun 2010 المشاركات: 31 معدل تقييم المستوى: 6	رد: البنادق التركية الموجودة فى مصر الشئ الذي يوضع علي سن المسمار في الطرف الأمامي منه ولايجعله سهل الفك إلا عند عزم معين ويستخدم في مسامير محركات السيارات وغيرها هو منتج مميز جدا وأسمه لوكتايت ويباع في شارع الجمهورية *

10-09-18, 06:52 PM	#28
prince of hunt صياد متفاعل تاريخ التسجيل: Apr 2009 المشاركات: 237 معدل تقييم المستوى: 7	رد: البنادق التركية الموجودة فى مصر استاذ عادل هيا البندقية قطع غيرها متوفرة ولا لا تقبل مرورى __________________ لو لم تكن الحياة صعبة لما خرجنا من بطون امهاتنا نبكي

10-09-19, 04:48 PM	#30
HANINIE صياد متفاعل تاريخ التسجيل: Dec 2009 المشاركات: 151 معدل تقييم المستوى: 6	رد: البنادق التركية الموجودة فى مصر استاذ عادل اذا كان يمكن ان تذكر طوال القميص ( الكانون ) كام سنتيمتر وشكرا

10-09-21, 12:13 PM	#33
ابو الشوق صياد نشيط تاريخ التسجيل: Dec 2008 المشاركات: 429 معدل تقييم المستوى: 8	رد: البنادق التركية الموجودة فى مصر عادل باشا ممكن نعرف تجميع النيشان بتاعها عامل اية؟ وتقييمك للبندقية لو سمحت __________________ (نحن لن نستسلم ننتصر او نموت) عمر المختار [SIGPIC][/SIGPIC]

10-09-21, 04:42 PM	#34
rock صيــــــــاد محتــــــرف تاريخ التسجيل: Apr 2010 المدينه: الجيزه المشاركات: 1,514 معدل تقييم المستوى: 23	رد: البنادق التركية الموجودة فى مصر انا كنت فى الشرقيه امبارح وشفت عند العراقى الكارال التركى الكامو فلاج 1450 ج الفينيش بتاعها جميل ومش بيجرح ووزنها خفيف جدا واعتقد ان الكاربون فايبر (الدبشك) فرز تانى بس مفهوش غلطات ..... بس خفيف نوعا ما .. بس فيه حاجه التجميع مش اد كده فى الناشينكان ....... لان الفسفورى مكنش متركب صح ...... وممكن تكون حاله فرديه ..... وسالته هى تركى ولاااااااااا..... قاللى تركى تركى ...... ومكتوب عليها تركى وواخده الشعار بتاع الشركه ...... ممكن تفيدونا ...... تحياتى . __________________ وكل الانبياء تقول نفسى **********واحمدنا ينادى من ورائى . صـــــــــــلى الله عليـــــــــــــــــــــــــــــــــــــــــه وسلــــــــــــــــــــــــــم

10-09-21, 05:36 PM	#35
القناص2010 صياد نشيط تاريخ التسجيل: May 2010 المشاركات: 392 معدل تقييم المستوى: 7	رد: البنادق التركية الموجودة فى مصر كنت فى الشرقيه امبارح وشفت عند العراقى الكارال التركى الكامو فلاج 1450 ج الفينيش بتاعها جميل ومش بيجرح ووزنها خفيف جدا واعتقد ان الكاربون فايبر (الدبشك) فرز تانى بس مفهوش غلطات ..... بس خفيف نوعا ما .. بس فيه حاجه التجميع مش اد كده فى الناشينكان ....... لان الفسفورى مكنش متركب صح ...... وممكن تكون حاله فرديه ..... وسالته هى تركى ولاااااااااا..... قاللى تركى تركى ...... ومكتوب عليها تركى وواخده الشعار بتاع الشركه ...... ممكن تفيدونا ...... تحياتى . لما انتا كنت فى الشرقية امبارح وكمان عند العراقى مش كنت تعرفنى يا باشا انا كنت هاعمل معاك واجب على العموم لو جيت الشرقية تلنى هازعل جدا لو ما عرفتنيش وتشرف وتنور فى اى وقت .

10-09-21, 08:07 PM	#37
prince of hunt صياد متفاعل تاريخ التسجيل: Apr 2009 المشاركات: 237 معدل تقييم المستوى: 7	رد: البنادق التركية الموجودة فى مصر استاذ عادل معلش استفسار كمان انهى الافضل ام عتلة ولا الكسر العادى والى معاك كسر ولا بعتلة وسعرها كام علشان ميدحكش عليا وشكرا مقدما __________________ لو لم تكن الحياة صعبة لما خرجنا من بطون امهاتنا نبكي

10-09-21, 10:01 PM	#38
HANINIE صياد متفاعل تاريخ التسجيل: Dec 2009 المشاركات: 151 معدل تقييم المستوى: 6	رد: البنادق التركية الموجودة فى مصر استاذ عادل الله ينور عليك المقصود بالكانون او القميص هو الجزء الذى يركب به البستم والسوستة ونظرا لقوة البندقية حبيت اعرف طول الكانون ليتضح المسافة التى يتحرك فيها البستم وتأئثيرها على رد الفعل ولكن حضرتك افادة بأنها ذات رد فعل قوى واكيد ذلك يؤثر على عملية النشان ,,,,,,,, ولك جزيل الشكر

10-09-22, 08:55 AM	#42
galal khalifa صياد قديم تاريخ التسجيل: Nov 2008 المدينه: القاهرة المشاركات: 3,013 معدل تقييم المستوى: 62	رد: البنادق التركية الموجودة فى مصر الاخوة الاحباء علي الرغم من ان في هذا الموضوع اكثر من 40 رد الا اني ماكنتش عايز ارد منعا لتفسير الامور علي هوا بعض ضعيفي الانفس والتي تطلق العنان الي الافكار والمهاترات الكثير والكثر تكلمت علي عذة البنادق سابقا وقولت انها قوية جدا ولكن الافنش بتاعها فية بعض المشاكل ( الدبشك حاد الملمس -- المسامير الامامية ضعيفة علي حجم و قوة البندقية ودية معلومة جديدة للناس الي جربتها ) ولكني اريد ان اسأل الاخوة والجميع عن بعض الاسئلة اولا وبعد ذلك 1- هل توجد قطع غيار اصلية لها متوفرة ( دراع -- تعمير سوستة - جلبة - ماسورة ) ؟ 2- هل قوتها مستمرة ام بعد فترة سوف يضعف ؟ 3- هل تم تجربتها في مصر حوالي سنة مثلا ؟ 4- هل سعرها مناسب بالنسبة الي خامتها او قوتها ؟ تعالوا نفترض توفيق بعض قطع الغيار الشبية لها ( سوستة جامو - او جلبة نوركا او جامو ) يبقا البندقية دخل فيها الابتكار المصري وطبعا الابتكارات دية غير محسوبة ولا تخضع الي اي نوع من المقاييس العلمية الدقيقة بمعني ادق ممكن البندقية تخرب وتبوظ خالص ((( وضاعت فلوسك يا صابر ))) واحنا لسة ماجربناش البندقية لفترة كافية علشان نحكم ولا علي الخامات ولا مناسبة سعرها وفي سؤال مهم جدا جدا عايز اطرحة ( البنادق تركية بنت تركية من اب وام تركيين ) صح انا متفق معاكم طيب لما هي تركية مقلدين الجامو لية يا جماعة الخير خشوا وشوفوا البنادق التركي ( الهاتسن ) عاملة ازاي وقوتها ازاي تركيا من البلاد المتقدمة في مجال انتاج الاسلحة بدرجة مخيفة جدا ولما تعمل حاجة ها تكون مش زي دية خالص ولكن هذا لايمنع ان الي عايز يشتريها يشتريها لانها مش وحشة احنا بنقول ملاحظات لتوعية الناس .. وعاي فكرة هي موجودة عند الحاج محمد فتح الله بشلرع رمسيس وفي ناس عرضاها للبيع علي مصراوي وب 1150 جنية بس .. انا لما قولت رائ عملت مقارنة بينها وبين النوركا والجامو لا اكثر ولا اقل ..... وعايز اختم كلامي بحاجة مهمة جداجدا لاتوجد بندقية ضعط هواء خالية من العيوب بما فيهم اقوي البنادق علي مستوي العالم واشكركم جميعا __________________ الصيد متعة والتفوق هو الهدف

10-09-22, 02:22 PM	#43
abosamer صياد متقدم تاريخ التسجيل: Apr 2010 المدينه: الجيزة المشاركات: 640 معدل تقييم المستوى: 9	رد: البنادق التركية الموجودة فى مصر تسلم يا غالي اتفق معاك فعلا انا معجب جدا ببنادق الهاتسن واتمني انها تنزل مصر ولي مشاركة بهذا الخصوص ع الرابط http://www.egypthunt.net/showthread.php?t=2919 __________________ إنه ليس ثأرك وحدك، لكنه ثأر جيلٍ فجيل وغدًا.. سوف يولد من يلبس الدرع كاملةً، يوقد النار شاملةً، يطلب الثأرَ، يستولد الحقَّ، من أَضْلُع المستحيل لا تصالح... ولو قيل إن التصالح حيلة إنه الثأرُ تبهتُ شعلته في الضلوع.. إذا ما توالت عليها الفصول.. ثم تبقى يد العار مرسومة (بأصابعها الخمس) فوق الجباهِ الذليلة!

10-09-22, 11:28 PM	#45
ادريس الترهونى صياد جديد تاريخ التسجيل: Jun 2010 المشاركات: 24 معدل تقييم المستوى: 6	رد: البنادق التركية الموجودة فى مصر طول القميص حوالى 36سم

10-09-23, 01:53 AM	#46
adel152 خبير اسلحه .& عضو ذهبى اوسمتي مجموع الاوسمة: 2 تاريخ التسجيل: Apr 2009 المدينه: أسكندرية المشاركات: 3,065 معدل تقييم المستوى: 281	رد: البنادق التركية الموجودة فى مصر أنا راسلت مدير شركة كرال فى تركيا لتأكيد بلد الصنع وده الرد من قسم مبيعات الشركة تؤكد أن جميع البنادق الهوائية والخرطوش صناعة تركية %100 وأليكم صورة الرد مرفقة الصور المصغرة للصور المرفقة

10-09-23, 08:51 AM	#48
hoka صياد متقدم تاريخ التسجيل: Jul 2010 المشاركات: 808 معدل تقييم المستوى: 11	رد: البنادق التركية الموجودة فى مصر (دخلت علي انها لعب اطفال) عمو جلال عمو جلال انا حاوز لعبه عمو عمو انا عاوز من ده ههههههههههههههههههههههههه هى بلدنا بقت متخلفه لدرجه انها تدخل لعب اطفال حديد؟؟ وعلى شكل بنادق كمان وفيها نيشنكان فسفورى؟؟ خلاص اشطه انا اجيب دباباه واقولهم لعبه اطفال بس مجسمه وكبيره حبتين ههههههههههههههههههه ربنا يهدينا ويهدى المسئولين واعتقد ان التركى قوى اه وكل حاجه بس مش لناس محترفه زيكو ده لناس هاتصطاد مره ولا اتنين وبعدين تركن البندقيه او لحد مش لاقى غيرها ويحبها وتحبه ويفهمها ويعرف يتعامل ويرضى بيها لكن ما دام عيوبها بتظهر من اول ما بفتحها من كرتونتها يبقى بلاها كرال ونسيبها للاطفال ههههههههههههههههههههه بقول شعر يا نااااااااااااااااااااااااااااااس (معلش انا اسف على جزء الشعر ده لانى واثق 100% ان اكيد فيه حد هايفهمنى غلط بس والله ما قصدى انا اقصد كلمه استاذ جلال انها داخله على انها لعب اطفال) __________________ Best Of The Best

10-09-23, 09:07 AM	#50
adel152 خبير اسلحه .& عضو ذهبى اوسمتي مجموع الاوسمة: 2 تاريخ التسجيل: Apr 2009 المدينه: أسكندرية المشاركات: 3,065 معدل تقييم المستوى: 281	رد: البنادق التركية الموجودة فى مصر أستاذنا الكبير جلال باشا تقييم للبندقية المبدائى هو ده الى انا بحاول اعمله وبكل أمانه لباقى الأعضاء حتى يقرروا شراء البندقية ام لا مع ذكر السلبيات قبل الأيجابيات وده باين جدا فى موضوعى. ولو البندقية دى دخلت البلد على انها لعبة اطفال تبقى مصيبة فعلا. شكرا وكل عام وانتم بخير

10-09-23, 08:08 PM	#52
ايهاب رمزى صياد نشيط تاريخ التسجيل: Sep 2010 المدينه: Germany المشاركات: 339 معدل تقييم المستوى: 6	رد: البنادق التركية الموجودة فى مصر ياترى البنادق التركية خاضعة للفرجن f ولا؟؟؟؟؟ __________________ *لا وجود للظلمة بل هناك قصور فى الرؤية*

10-09-24, 03:36 AM	#53
المستشار صياد متقدم تاريخ التسجيل: Jun 2010 المشاركات: 719 معدل تقييم المستوى: 9	رد: البنادق التركية الموجودة فى مصر انا اول مره اقول راى فى البندقيه التركيه محل الجدال عشان انا اول مره امسكها بايدى اليوم وطبعا لما كنت بقرا المشاركات واشوف صورها الخادعه على النت كنت باصاب بحيره شديده بالذات لما سمعت سعرها وكنت بين امران السعر المناسب والقوه المطلوبه وكلام الاعضاء عليها من جانب ومن جانب اخر موقف اساتذه الصيد واقتناء السلاح المخدرمين وفى واقع الامر الحيره تلاشت تماما بمجرد لما اصاعبى لمست السلاح والتفت يدى على دبشكه عرفت حل اللغز احنا وبعتبر نفسى من فئه معينه احنا الصيادين القدامى ضربنا واقتنينا معظم اسلحه الصيد ووخدين على كوالتى او خامه معينه وثقل معين ورد فعل معين يزيد او يقل من سلاح الى اخر ولكن اول ما تمسك البندقيه دى بتاخد عنها انطباع غريب كانها لعبه اطفال من الالعاب البلاستيك لدرجه انى كنت خايف وانا بكسر الماسوره تطلع فى ايدى مع انها فى الحقيقه متينه جدا بس اللى واخد على الفخامه حتى ولو قديمه بيحس بالفرق على طول طبعا الفينش بتعها يغنى عن الكلام حاجه ببلاش كده بس برضه لما بنسمع عن اخوتنا الصغار وحبهم للهوايه وانهم لسه طبعا فى بادئ الحياه ولم يعتمدوا على انفسهم فى تحصيل رزقهم بيلتمس لهم الف عذر عشان هو برضه عايز يطلع يصطاد ويقتنى سلاح ويشبع الهوايه وبندقيه بالف جنيه وبالسرعه دى حاجه مش بطاله فعند الوهله الاولى بيحدث تصادم بين الجيلين جيل الخبره اللى بيدور على البريفكت فى السلاح جيل اخر محكوم من الناحيه الاقتصاديه واحنا علينا التوعيه وذكر مميزات وعيوب الاسلحه بغض النظر عن الذوق الشخصى وانا راى فى البندقيه دى بكل صراحه انها بالنسبه للمبتدأين فرصه يجرب ويضرب بس يحط فى دماغه ان دى مش بندقيه صيد بمعنى الكلمه بس هى جهاز بيحول الهواءداخل انبوبه الى قوه دافعه بتضرب مقذوف اما بالنسبه لمن لامست ايديهم الدبشك اللمنيتد وخشب الجوز ولفه الدبشك السحرى بتاع البى اس ايه تكون التركى بالنسبه لهم زى النبله بالنسبه لمن يمتلك التركيه محل الجدل عشان كده كل صياد محكوم بامكانياته الماديه والقوه الشرائيه وطموحه وربنا سبحانه وتعالى يوفق الجميع لاختيار الصالح وارجو ان اكون قد اوضحت وجهه نظرى التى قد يصادفها الصواب او يجانبها وانا اتقبل كل الاراء بصدر رحب مع اطيب امنياتى وارق تحياتى __________________ [SIGPIC][/SIGPIC]وما رميت اذ رميت ولكن الله رمى