عودة الجامو و فراخ المية

[أبو صفية]

السلام عليكم ورحمة الله و بركاته

إمبيرح بعد ما صدنا السمك واحد صحبى ومشترك فى المنتدى إتصل بيا و قالى عوزين نطلع طلعة بالليل للفراخ و قلتله طيب و لأنى عارفه بيرجع فى كلامه على طول أعدت أأكد عليه و أتصل بيه لحد بعد العشا و هوا يأكد إنه طالع معايا و غيرت و جهزت العدة وأتصل عليه ما يردش و أنا بصراحة لما بنوى أصطاد بطلع أصطاد حتى لو لوحدى بالليل رحت متصل الأخ الى جا معايا فى صيد السمك الصبح و طلعنا و لله الحمد كانت الأمور كويسة لكن راح منى فراخ كتير فى حدود 5 حبات ضربتهم و متأكد إنهم أتصابوا لكن باللليل إن ما ماتتش فى مكانها من الصعب تجيبها حتى إن أول واحدة جبناها قلت لرفيقى دى و الله نزلت ما حططش منطق و هوا يقول لا لفيت أشوفها وقعت فى الترعة و إتعورت خدوش خفيفة الحمد لله و ما لقيتهاش و لكن بدور فى البر التانى الى هوا فيه لقيتها ميته تحت رجليه و طبعا هوا كان بيضحك عليا لما وقعت قلتله إنزل عندك يا حلو تحت رجليك و أنا بصراحة عارف إنه حيقع لأن البر كان رأسى و مش منحدر راح واقع فعلا فى المية و ضحكتله و قلتله إشرب بقا
المهم ربنا رزقنا بى 8 حبات فراخ مية و لكن برضه زى زمان رحت شجر اليمام و كان كتير جدا و ضربت فى حدود 15 و ماتوا لكن ما جبتش منهم غير 8 حبات بس الباقى و قعوا فى الغاب الكثيف و ما لقيناهمش و أسيبكم مع الصور

[هشام سمير]

يا ابو صفيه حرام عليك التتعقيد ده
سيب حاجه للاعضاء
المفروض يتقدم فيك شكوه لوزارة البيئه

[القبطان المصرى 77]

بسم الله ماشاء الله يابو صفيه
ربنا يزيد ويبارك
بس خلى بالك اليمام شكله كده كان واقع فى الميه لما انت ضربته
يعنى خلى بالك احسن يكون فيهم حاجه ماتت غرق

[ابو عامر]

بسم الله ما شاء الله بس نصيحه اصبر على الفراخ شويه حجمها ها يكبر وطعمها ها يكون احلى لما البرسيم يتزرع

[أبو صفية]

المشاركة الأصلية كتبت بواسطة هشام سمير

يا ابو صفيه حرام عليك التتعقيد ده
سيب حاجه للاعضاء
المفروض يتقدم فيك شكوه لوزارة البيئه

لا تعقيد و لا حاجة يا أستاذ هشام و الله أنا بقالى كتير ما خرجتش بالبندقية و الجميع فى المنتدى ما شاء الله ربنا رزقهم أحلى رزق و بالتوفيق للجميع إن شاء الله

[أبو صفية]

المشاركة الأصلية كتبت بواسطة القبطان المصرى22

بسم الله ماشاء الله يابو صفيه
ربنا يزيد ويبارك
بس خلى بالك اليمام شكله كده كان واقع فى الميه لما انت ضربته
يعنى خلى بالك احسن يكون فيهم حاجه ماتت غرق

الله يبارك فيك و شكرا على النصيحة زى ما إنتا عارف اليمام باللليل بيكون معظمه على إرتفاع منخفض يعنى الطلقة بتكون مميته ما بيلحقش يغرق يدوب بينزل يخلص على طول

[أبو صفية]

المشاركة الأصلية كتبت بواسطة ابو عامر

بسم الله ما شاء الله بس نصيحه اصبر على الفراخ شويه حجمها ها يكبر وطعمها ها يكون احلى لما البرسيم يتزرع

شكرا يا أبو عامر على النصيحة و المرور الطيب بصراحة أنا صبرت عليهم كتير و بعدين أنا لما بصبر غيرى ما بيصبرش إن شاء الله فى الشتا حيكون جا جزء مهاجر بالإضافة للمقيم و ربنا يزيد و يبارك

[مصطفى ابواسماعيل]

تسلم الايادى يا برنس

[د. محمد]

ايه يابو صفية الجمال ده؟
بسم الله ماشاء الله.
ربنا يزيدك من نعيمه
بس مقاتش لنا انت رحت تصطاد فين؟

[mohamed2010habib]

بالتوفيق يا اخى العزيز و بالهنا والشفا ,,,ربنا يزيدك من نعيمه

[أبو صفية]

ربنا يبارك فيكم جميعا و شكرا على المرور الطيب و الكلام الجميل
بالنسبة للصيد دا ليلا من مناطق زراعية عندنا فى قريتنا الى تتبع محافظة دمياط

[Mohamed Mahmoud]

بسم الله ما شاء الله
تسلم الايادى و بالف هنا و شفا

[aymank2]

ماشاء الله تسلم ايدك يا ابو صفيه صياد من طراز فريد الف هنا وشفا.

[MBadr]

ما شاء الله طلعة موفقه تسلم ايدك

[diiie_hard]

ماشاء الله
الله ينور

[أبو صفية]

الله ينور عليكم جميعا و ألف شكر على المرور و الكلام الطيب

[كيمو الصعيدي]

ماشاء الله تبارك الله حاجة تفرح بس سؤال يا استاذ ابو صفية هوانت مصري ولا خليجي اصل كلمة حبه=واحدة بس الكلمة دي بيستعملوها السعوديون في كلامهم لاني كنت عايش هناك فلو مصري ياريت تتكلم وتتعتز باللغ المصرية وخليهم هم الي يقلدونا يعني انت عمرك شفت واحد سعودي بيحشر في وسط كلامة كلام مصري عموما رحله موفقة والكلام موجه لك علي سبيل الاستفسار

[عـمـر]

تسلم ايدك يا ابوصفية بسم الله ماشاء الله لاقوة الا بالله ... تقبل تحياااااااااااتي.

[محمد خلف]

الله يباركلك ويزيدك يبو صفيه

[shadymageed]

بسم الله ما شاء الله ولا حول ولاقوة الا بالله تسلم الايادى وربنا يستر على باقى الطيور ههههه تحياتى