أرجو المساعدة من اهل الخبرة الكرام : رصاصة عالقة في صبطانة مسدس

[mohanadss]

السلام عليكم اخوتي في المنتدى
ارجو من اهل الخبرة إعطائي النصح في حل هذه المشكلة
المشكلة :
استعصاء مقذوف في سبطانة أو ماسورة مسدس FEG AP-63 / PA-63 pistolهنجاري وعدم مقدرتي على اخراجها وهي عالقة في أول السبطانة ولم اقوم بالضغط الذائد عليها خوفا من الإضرار بحلزنة السبطانة الداخلية ولكني لم اترك طريقة إلا وعملتها ولم انجح في زحزحة هذه الرصاصة فما العمل

فأرجو من اهل الخبرة الكرام التفضل علينا بالنصح
ولكم جزيل الشكر

[mohanadss]

المشاركة الأصلية كتبت بواسطة mohanadss

السلام عليكم اخوتي في المنتدى
ارجو من اهل الخبرة إعطائي النصح في حل هذه المشكلة
المشكلة :
استعصاء مقذوف في سبطانة أو ماسورة مسدس feg ap-63 / pa-63 pistolهنجاري وعدم مقدرتي على اخراجها وهي عالقة في أول السبطانة ولم اقوم بالضغط الذائد عليها خوفا من الإضرار بحلزنة السبطانة الداخلية ولكني لم اترك طريقة إلا وعملتها ولم انجح في زحزحة هذه الرصاصة فما العمل

فأرجو من اهل الخبرة الكرام التفضل علينا بالنصح
ولكم جزيل الشكر

وهذه صورة المسدس وصور الرصاصة العالقة

[tarekvb]

فى انتظار رد الخبراء

[القناص2010]

السلام عليكم
اولا الطلقة بتحشر فى الماسورة اما لعدم التنظيف والتزييت الدورى بعد كل ضرب او وجود صداء فى الماسورة او ان عيار الطلقة غير مناسب يعنى قطر المقذوف اكبر ولو بجزء بسيط من قطت الماسورة وانا برجح السبب دا
الحل تحاول تدفع المقذوف للخارج ممكن بقلم رصاص او عصا رفيعة باليد ولو ما استجابش باليد تستخدم شاكوش خفيف والطرق بحرص او بحرفنة يعنى هتلاقى المقذوف دا طلع ولو عصلج حط رشة wd4 او نقطة زيت سلاح وبسيطة ان شاء الله

[Eng Badran]

نصيحة اخوية .. ارمي الماسورة كلها وهات واحدة جديده لو كانت موجوده
معني الطلقة حشرت يبقا الماسورة اتعوجت اثناء الحشر .. وده بسبب عدم التنضيف الدوري او استعمال طلقة ابعادها مش مزبوطة زي الطلق المصري كده بالزبط
ولو كنت مصر . فالحل زي ما الاخ القناص قالك بالظبط
بس نصيحة ارمي الماسورة دي . لان الحشر معناه ان الماسورة اتعوجت اثناء الضرب . وفي الحالة دي ممكن لا قدر الله المرة الجاية ينفجر المسدس كله .. واحمد ربنا انه منفجرش المرادي كله

[mohanadss]

مشكور اخي القناص 2010 بس حبيت استشيرك بكمان طريقة بس بصراحة خايف منها وهي:

اثبت المسدس على مكنة الطورنو او الفريزا وأقوم بتفريغ الرصاصة من محتواها عن طريق المثقب بتاع المكنة وأكيد حتخف قوة الحشر في السبطانة وبعدها يمكن تخجر الرصاصة بدون ضرب ايه رأيك
بس انا بصراحة خايف يحدث مشكلة اثناء العملية دي

بصراحة انا محتار ارجوكم انصحوني يعني مستحيل ارمي مسدس جيد زي ده على شان المشكلة دي
فأروجو النصيحة وأسف لو تقلت عليكم يا أهل مصر الكرام

[mohanadss]

مشكور على الرد اخي Eng Badran

ولكن زي ما انت عارف نوع المسدس ده الماسورة بتاعته ثابتة ماتتفكش من المسدس

يعني مفيش بديل

فأرجو النصح من اهل الخبرة بصراحة مش عايز ارمي القطعة دي في الزبالة عشان المشكلة دي
وانا متأكد انو في حل فأرجوكم جودو علي بالحل يا اهل الخبرة

ولكم جزيل الشكر والأمتنان

[القناص2010]

المشاركة الأصلية كتبت بواسطة mohanadss

مشكور اخي القناص 2010 بس حبيت استشيرك بكمان طريقة بس بصراحة خايف منها وهي:

اثبت المسدس على مكنة الطورنو او الفريزا وأقوم بتفريغ الرصاصة من محتواها عن طريق المثقب بتاع المكنة وأكيد حتخف قوة الحشر في السبطانة وبعدها يمكن تخجر الرصاصة بدون ضرب ايه رأيك
بس انا بصراحة خايف يحدث مشكلة اثناء العملية دي

بصراحة انا محتار ارجوكم انصحوني يعني مستحيل ارمي مسدس جيد زي ده على شان المشكلة دي
فأروجو النصيحة وأسف لو تقلت عليكم يا أهل مصر الكرام

ما انصحكش بالطريقة دى لان ممكن اقل غلطة تبوظ الششخنات وبكدة هاترمى المسدس فى الزبالة حاول بالطريقة القولتلك عليها وهاتطلع ان شاء الله وممكن تثبت المسدس على منجلة بعد ما تلف علية فوطة صفرا من بتاعت العربيات لفتين تلاتة عشان ما بتجرحش بعد ما تفك الكبرى بتاع الاجزاء طبعا وبالخشبة المستديرة تدق دق خفيف وحتى لو الخشبة لمست الششخنات مش هتتاثر بيها لانها اضعف من الششختة لاكن الخراط ممكن البنطة تتحرك يمين او شمال او المسدس نفسة يتحرك والعملية تبوظ لو ما عرفتش ودية عند طفشجى وهايعملهولك بسهولة بس انا عايزك تجمد قلبك وما تخافش و وبعد ما الطلقة تطلع تبص فى الماسورة كويس وتشوف فى اى اعوجاج او تنفيخ من الخارج قبل ما تضرب بية اى طلقة وبالتوفيق ان شاء الله

[التلميذ]

أخى الفاضل الموضوع بسيط لا تقلق ووارد حدوثة لأسباب عدة من أهمها سببان الأول هو عدم النظافة الدورية وخاصةً فى بيت النار والماسورة والثانى أن الطلقة تالفة ولا تصلح للرمى وعلاج الموضوع بإختصار كما أفادك الأخوة الأفاضل قبلى رش زيت فى الماسورة من الأمام من ناحية خروج المقذوف ثم بقلم رصاص غير مستعمل ( مستوى الحواف ) قم بالضغط عليها فإن لم تستجب معك دق عليها دقاً يسيرا بهدوء ومع تكرار ذلك سوف يخرج المقذوف بإذن الله بدون أى ضرر ثم نظفة جيدا وإسخدمه بدون خوف ولاكن عليك بالذخيرة النظيفة ويا حبذا لو إنتاج جديد وطبعا أنت لست بحاجة لربط المسدس على منجلة ولا أى شيئ ممكن تمسكة بيدك المجردة أو أى حد يساعدك فى ذلك وطبعا لازم تشيك الكوبرى قبل إجراء هذة العملية أتمنى لك التوفيق

[mohanadss]

مشكور اخي القناص 2010

هجرب وانشاء الله تزبط معايا

الف الف شكر على عذابك معايا

[mohanadss]

مشكور على النصيحة اخي التلميذ الف شكر ليك

وانشاء الله يمشي الحال

[Mohamed Talal]

السلام عليكم
افضل طريقة لأخراخ الطلقات المحشورة هي عن طريق ادخال وربط مسمار قلاوظ مناسب لحجم الطلقة من الخلف
ثم السحب
فمثلا لو الطلقة عيار 9 ملل يتم ربط مسمار قطره لا يزيد عن 6 ملل
ومش اي مسمار قلاوظ .. بيكون مسمار قلاوظ بسن زي اللي بيستخدم للجيبسن بورد
ويكون طبعا طوله مناسب بحيث تكون رأسه خارجة من خلف الماسورة وتكون مزيت الماسورة خلف الطلقة
وبعد الربط جيدا تقوم بالسحب بكماشة او زرادية
وان شاء الله بسيطه
ولكن اود معرفه هل الطلقات مصرية الصنع ام مستورده؟؟
لو مصرية فهذا خطأ شائع في مصانعنا الحربية حيث في بعض الاحيان كميات البارود داخل الطلقة تكون ناقصة ولا تكفي لدفع الطلقة جيدا
اما لو كانت الطلقات مستوردة ونظيفة اظن عليك مراجعة احد المتخصصين البارعيين قبل استخدام مسدسك مرة اخرى حيث قد يكون هذا عيب في ماسورتك
اتمنى الافادة
السلام عليكم