|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
14-04-22, 09:11 PM | #1 |
صياد متفاعل
تاريخ التسجيل: Apr 2014
المشاركات: 170
معدل تقييم المستوى: 4 |
تحذير لوجه الله من اصحاب محلات الكمبيوتر واللابتوب
السلام عليكم من مدة قصيرة ذهبت لشراء لاب توب فى حدود 4000-5000 المهم دخلت اول محل قابلنى كان حاطت لابتوبات فى الفاترينا قلتله كذا كذا وميزانيتى كذا وعايز مواصفات كذا قالى اتفضل يا باشا نجيب حاجة سقعة قلتله لأ شكرا المهم بعد ما فتح كل اللابتوبات اللى عنده وفرجنى على كل لاب من جوا بمواصفاته وامكانياته قلتله الصراحة سعره عالى بالنسبة لأمكانياته قام مغير تبرته معايا وقالى عندى واحد توشيبا استعمال حريمى اسبوعين بس وفاتورته اهى وسعره 2200 وهوا جديد ب 2400 قلتله طب واشترى مستعمل ليه مشتريه جديد احسن ومش فرق 200 جنيه المهم جديد قالى :- (ركز بقى فى الحتة دى وكلام قالهولى واتحاسب عليه) انتا فكرك كل الاجهزة اللى عندى دى جديدة ده انا كل شوية انزل لاب والعب عليه واستعمله واحطه فى الفاترينا تانى ومحدش هييجى يقولى ده مستعمل ولو قالى هقوله معنديش حاجة للبيع معنا كده يا حضرات ان الشخص ده نافخ اللاب لشهور يلعب ويشيت يعنى لا جديد ولا حاجة ولو حصله حاجة او وقع هيصلحه ويبيعه جديد متفتحش برضو النصيحة الاخوية منى ليكم اوعوا تشتروا اى حاجة سواء اجزاء كمبيوتر او لاب لو كانت الكارتونة مفتوحة بتاعة اللاب اعرف ازاى انها مفتوحة يا عم انتا ؟ بسيطة كل شركة فى العالم حتى الصين بتحط لزقة على العلبة (اللزقة بيبقى فيها علامة مائية يعنى اقعد حركها هتلاقى اجزاء منها بتلمع تبقى دى اللزقة الاصلية)و لو العلبة اتفتحت اللزقة بتتقسم نصين فبيشيلوا اللزقة المقسومة نصين عشان ميتفضحوش ويبعهولك انه جديد او يحطلك لزقة هوا طابعها عنده ومفهاش علامة مائية ويقولك متفتحش طب لو ملقتش اللزقة على العلبة ناحية الفتح يا عم الحج ؟ اقعد دور ف كل المحلات لغاية اما تلاقى طب لو ملقتش مشتريش خالص بقى ؟ اكيد هتلاقى المحلات ياما والناس انواع منهم اللى بيتقى الله ويبيع الجديد جديد ومنهم الشخص اللى حكيت عليه طب منا اشترى اللى مش عليه اللزقة واهو اوفر 100 200 300 400 جنيه اشترى بيهم حاجة ؟؟ اوعى تعملها لأنك ممكن تلاقى اللاب اتخرب بعد اسبوع او سنة ازااااااااى يا عم مهو لسه جديد ؟ انتا اللى جديد مش هوا وده احتمال تكون جايبه استعمال سنة بس استعمال استعمال مش اى كلام يتخرب معايا ضمان يا حبيب قلبى ؟! لو رحتله واللاب خربان هيقولك ده ضمان التوكيل يا فندم واحنا هنا مش التوكيل وديه التوكيل يتصلح وحلنى بقى الدليل على صحة كلامى معظمنا وانا منكم جبنا رامات وهاردات وحاجات تانية كتير وباظت فى اقل من سنة او سنتين او حتى تلاتة مع ان متوسط عمرها الافتراضى 5 سنوات تشغيل مش 5 سنوات يمروا عليها اتمنى نكون استفادنا من الدرس ده وبالتوفيق للجميع |
sponsor links |
14-04-22, 10:55 PM | #2 |
صياد متفاعل
تاريخ التسجيل: Oct 2008
المدينه: 6 اكتوبر
المشاركات: 102
معدل تقييم المستوى: 0 |
رد: تحذير لوجه الله من اصحاب محلات الكمبيوتر واللابتوب
شكرا على الموضوع الجميل ده واتمنى ان الجميع يأخذ هذا التحذير بمحمل الجد
|
14-04-22, 11:16 PM | #3 |
صياد قديم
تاريخ التسجيل: Nov 2011
المدينه: تحت الارض
المشاركات: 1,854
معدل تقييم المستوى: 63 |
رد: تحذير لوجه الله من اصحاب محلات الكمبيوتر واللابتوب
تسلم يباشا عالنصيحة
__________________
القوة الحقيقية في العقل وليس في العضلات |
14-04-23, 02:12 AM | #4 |
صياد متقدم
تاريخ التسجيل: Oct 2013
المدينه: القاهرة - الاميرية
المشاركات: 729
معدل تقييم المستوى: 8 |
وهذا هو الفرق
بيننا وبين الدول المتقدمة اليابان . انجلترا . فرنسا . ألمانيا ..
لديهم امانة وصدق واتقان . لذلك يزيدهم الله رقيا وغناء ورفاهية .. وهنا المفروض ان نسير على خطى الرسول صلى الله عليه وسلم ( من غشنا فليس منا ) أتمنى من الله أن تجتهد الحكومة وتغير مناهج التعليم وتزرع فى الاطفال من الصغر القيم العليا والامانة والصدق والتعاون .. يا رب |
14-04-23, 02:15 AM | #5 |
صياد متقدم
تاريخ التسجيل: Apr 2011
المشاركات: 782
معدل تقييم المستوى: 13 |
رد: تحذير لوجه الله من اصحاب محلات الكمبيوتر واللابتوب
فعلا اشتريت واحد ديل من كام سنة كان جاى من برة صناعة صينى متفتحش والحمد لله اتفتح قدامى وكان عيبة الوحيد ان الازرار مفهاش حروف عربى .. اضايقت بس كان فية اوبشنز حلوة و جبت حروف ولزقتها بسوبر جلو وماشى بقالة اربع سنين ماشاء الله مستحمل بهدلة الأولاد
|
14-04-24, 01:01 PM | #6 |
صياد متفاعل
تاريخ التسجيل: Apr 2014
المشاركات: 170
معدل تقييم المستوى: 4 |
رد: تحذير لوجه الله من اصحاب محلات الكمبيوتر واللابتوب
منورين الموضوع يا رجالة وشكرا على ردودكم المحترمة وأى حد يدخل يوتيوب يكتب اى موديل لاب هيلاقى كارتونة مقفولة باللزقة اللى بقول عليها وبيفتحه من الكارتونة ويطلع اللاب والملحقات لكن فى مصر قليل اما تلاقى بس برضو هتلاقى
__________________
يـــــــــــــــارب ستـــــــــــــــــــــــرك متغيب عن المنتدى لمدة شهرين تقريبا والدخول متقطع لظروف خاصة
|
14-04-24, 01:22 PM | #7 |
قنـــاص من الدرجه الاولى
|
رد: تحذير لوجه الله من اصحاب محلات الكمبيوتر واللابتوب
حسبى الله ونعم الوكيل
والله الواحد للاسف شبه فاقد الثقه فى كل الناس بالرغم انه فيه افاضل ومحترمين كتييير بس نعمل ايه فى ان الطبع السائد الفهلوه . لنا الله |
sponsor links |
|
|