الصيد فى مصر  

العودة   الصيد فى مصر > الاسلحه > بنادق ضغط الهواء ومتعلقاتها

بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها.

 
 
أدوات الموضوع إبحث في الموضوع انواع عرض الموضوع
غير مقروء 12-05-21, 07:15 PM   #1
القبطان المصرى 77
صيــــــــاد محتـــــــــرف

اوسمتي

 
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140
القبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدىالقبطان المصرى 77 عميد بالمنتدى
افتراضي شرح متكامل عن تمويه البنادق...تجربه على الكرال والــ bsa

بسم الله الرحمن الرحيم
السلام عليكم ورحمة الله وبركاته
اخوانى واحبابى الصيادين والقناصين المصريين
اليوم موعدنا مع شرح كامل ووافى لعمليه تمويه السلاح الخاص بك
وبناء على طلب الكثير من اخوانى سأقوم بشرح الموضوع تفصيليا
ومع ان الموضوع قد تم عمله من قبل من احد صيادينا المحترفين الكرام وخصوصا استاذنا الفاضل (طارق الصياد)
ولكن وجدت طلبات كثيره جدا ورسايل على الخاص لشرح الطريقه
وقد قمت بعمل الموضوع لكى يستفيد به كل صياد من اخوانى الكرام
وعلى بركة الله نبدأ
التجربه كانت على بندقيه كرال وبندقيه bsa
اولا الاشياء المطلوبه
1=عدد 2 موس جديد او قطر يكون حامى جدا من احد المكتبات ومقص حامى ايضا جدا

2=عدد 2 بكرة لزق دابل فيس مقاس 1 سنتى من عند اى محل اكسسوار سيارات ودى سعرها 10 جنيه والبندقيه بتاخد تقريبا بكره ونص
وده ميزته انك لو حبيت تغير او تفك التمويه فى اى وقت هاتفكه بسهوله وبدون تأثير او تجريح للون البندقيه الاصلى

3=عدد1 متر قماش مموه وده بيتباع فى محلات التند والشماسى او محلات مشمع(غطاء) السيارات والمتر سعره من 10 الى 25 جنيه حسب الخامه والبندقيه مش بتاخد اكتر من نص متر فى متر وفيه منه انواع والوان كتير اختار اللى يعجبك

4=عدد ولاعه عاديه او سخان والافضل تكون ولاعه سخان

وبكده احنا معانا كل حاجه محتاجنها فى العمليه اللى هانعملوها
اول حاجه هانجيب البندقيه ونفك الدبشك
ونسمى الله ونبدأ
تجيب قطعة قماش نظيفه وتقوم بتنظيف الدبشك كويس جدا من اى اتربه او زيوت او اى عوالق
وبعدين هانجيب اللزق الدابل فيس وطبعا اسمه بيدل على انه بيلزق من الناحيتين
ونبدأ بالجزء الاسفل من الدبشك ونلف اللزق شريط جنب شريط وخليك حريص انه ميركبش شريط فوق شريط عشان (مايكلكعش)
ودى صوره لعملية اللف

وبعد لف الجزء الاسفل من الدبشك ده نقوم بقص اللزق والضغط جيدا على اللزق ذهابا وايابا حتى نتأكد انه قد تم تثبيته جيدا على الدبشك
ثم نقوم بقص قطعة قماش على قد الجزء الملفوف من الدبشك (قطعه قماش واحده للوشين)
ثم نقوم بنزع الاستيكر العازل من فوق اللزق الملفوف على الدبشك بالطريقه دى

وبعدين نجيب قطعة القماش اللى قصناها ونحط اول طرفها اسفل باطن الدبشك
انا سامع واحد بيزعقلى وبيقول اشمعنى يعنى ابدأ من اسفل الدبشك:
هاقولك عشان دى المنطقه اللى هايكون فيها تلاقى الطرفين و اللحام بتاع طرفين قطعة القماش عند الالتقاء والافضل يكون من تحت عشان مظهر الدبشك من اعلى يكون شيك ومفهوش اى لحام
وابدأ واحده واحده افرد قطعة القماش على الناحيتين مع الضغط الخفيف وفى نفس الوقت تقوم بتفريغ اى كمية هواء تقابلك او تعمل كرمشه
ودى صوره للقماش على الدبشك قبل التثبيت وتفريغ الهواء

وبعد تفرغ الهواء بالكامل اضغط بقى على قد ماتقدر وبقوه لتثبيت القماش على الدبشك ولو قابلك شوية هواء مش عاوزين يتفرغو من تحت شق الحته اللى منفوخه بالموس ثم اضغط عليها وسيتم اختفاء المشكله نهائيا
وخليك ماشى بالضغط على القماشه
لغاااااااااااااااية ماتوصل بالقماش للطرف التانى وكده بقى جه وقت القطر او الموس الحامى وتقطع القماش الذائد بحرص شدييييييييد وبرااااااااحه عشان الموس مايجرحش الدبشك سامع ولا لا
وتخللى اطراف القماش متسوايه جدا الطرف الاول اللى لزقناه اول حاجه مع الطرف الاخير وتبدأ تغط عليهم كويس عشان التثبيت يكون جيد

كده مش فاضل فى الجزء ده غير الفنش النهائى
هانجيب الولاعه ونمسك الدبشك على ادينا ونبص فيه كويس واى خيوط مدلدله او رايش او زيادات بسيطه هانشغل عليها النار بتاعة الولاعه على خفيف كده لغاية ماتختفى اى شوائب او خيوط متدليه
وبكده الجزء ده انتهى
طبعا انت هتاخد فى الجزء ده حوالى ساعه او ساعه ونص وهاتكون تعبت
لألألألألألألألأ
عاوزك تصبر ياكبير لأن الموضوع فى الاخر هايعجبك لما تخلص وتشوف نتيجة تعبك
استريح شويه واشرب شوب عصير وبعدين كمل عشان الموضوع عاوز تركيز
وماتزهقش ولو باظت منك قطعة قماش عادى قص غيرها وماتزعلش
ندخل بقى على باقى الدبشك وهو الجزء الامامى من الدبشك اللى هو جنبين
وده هايتعمل على قطعتين شمال ويمين
هانبدأ بأى ناحيه ونلزق اللزق عليها لكن المره دى هايكون اللزق بالطول زى كده

وبعدين نعمل الناحيه التانيه بنفس الطريقه وبعدين نقص قطعتين قماش على قد كل ناحيه ونبدا نعمل اللى عملناه فى اسفل الدبشك
وولو البندقيه كرال مننساش نفرغ مكان قطعتين الفايبر اللى بيركبو فوق مسامير الدبشك
وكمان اللى عاوز يكسى الدبشك كله مفيش مشكله
واللى عاوز يسيب جزء يدي شياكه اكتر زى مانا عامل كده برده براحته
وهاكذا حتى النهايه
وبعدين ندخل على الماسوره بقى ونلف عليها اللزق دواير دواير وبرده اللى عملناه فى الجزء الاول هانعمله فيها دلوقت
وبالنسبه للتلسكوب اللى عاوز يعمله يعمله واللى مش عاوز عادى هو كده كده الاسكوب بيكون شيك
لكن انا عملت بتاعى عشان يبقى طقم واحد مع البندقيه:1306783995985:
وبكده نبقى خلصنا البندقيه وكله تمااااااااااااام اوى
ودى النتايج اهى على الكرال:sm49840:






والتجربه دى كانت على البندقيه البى اس ايه



ارجو انى اكون وفقت فى الشرح الوافى
واى حد عنده اى استفسار انا فى الخدمه
وده تلفونى لو حد عاوز يسأل او يكون فيه حاجه مش مستوعبها

وارجو الدعاء لى ولأهلى بظاهر الغيب
هذ كل ما اطلبه منكم
وعلى الله حد فيكو يطنش ومايدعيش
ههههههههههههه

من مواضيعى
بالذمه ده اسمه كلا يارجاله
http://www.egypthunt.net/showthread.php?t=30091
مذبحة الجمعه بالكرال
http://www.egypthunt.net/showthread.php?t=28543
رساله الى كارهى الكرال
http://www.egypthunt.net/showthread.php?t=29417
كنا هانروح فى شربة ميه

http://www.egypthunt.net/showthread.php?t=30036
الشرح الكامل لقنص الاسماك بالبندقيه

http://www.egypthunt.net/showthread.php?t=29067
طلعة النهاره اهداء للرئيس المصرى القادم
http://www.egypthunt.net/showthread.php?t=30185
طلعة ساعه متنوعه
http://www.egypthunt.net/showthread.php?t=28988
طلعة ساعتين الصبح قبل الشغل
http://www.egypthunt.net/showthread.php?t=29990
الموضوع الشامل عن صيد اليمام ودجاج الماء ليلا
http://www.egypthunt.net/showthread.php?t=29886
نص ساعه صيد والقطه الشقيه
http://www.egypthunt.net/showthread.php?t=29646
شرح متكامل عن تمويه البنادق تجربه على الكرال والبى اس ايه
http://www.egypthunt.net/showthread.php?t=28907
تمويه الbsa بتاعتى وارجو التقييم
http://www.egypthunt.net/showthread.php?t=28570
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*

القبطان المصرى 77 غير متواجد حالياً   رد مع اقتباس
sponsor links
 

sponsor links

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اين يباع قماش تمويه البنادق فى اسكندريه؟؟ القبطان المصرى 77 البنادق الهوائيه 13 12-04-01 10:32 AM
فيديو متكامل عن الطبنجة cz 75 Compact ادوات الصيد الثقيله 15 12-02-16 10:28 AM
موضوع متكامل لرش h&n الاماني بالصور mohd_wafik بنادق ضغط الهواء ومتعلقاتها 35 12-02-08 10:19 PM
أسعار البنادق الكرال فى الأسكندرية اليوم loot-ait الصيد العام 12 11-04-30 03:37 PM
برنامج متكامل لحساب الطاقة المتولدة من البنادق galal khalifa بنادق ضغط الهواء ومتعلقاتها 16 11-02-07 02:46 PM


الساعة الآن 01:54 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir