المحافظه على البندقيه

[المايستروو]

ارجو من كل واحد انه يحافظ على البندقيه بدل ما يرجع ويقول ياريت اللى جرى ما كان. انا كان عندى بندقيه رمسيس كنت بعزها لانها كانت عندى من وانا عندى خمس سنين وكانت هدية والدى ليه وهى اللى اتعلمت عليها الصيد بنفسى . بس للأسف بهدلتها وخلتها من الأخر حتة حديده ومعاها حتة خشبه مفصولين عن بعض كمان قوتها ضعفت فانا هقولكم عكس اللى انا عملته علشان ماتبوظوش بنادقكم بنفسكم:-
1- أقفل الامان وانت رايح تعمر البندقيه وزياده أمان إبعد ايدك عن الزناد.
2- اوعى تسيبها مده كبيره من غير تزييت ولا تشحيم.
3- ماتستخدمش رش مدة صلاحيته منتهيه.
4- لو الرش اتحشر فى الماسوره ماتسخنهاش على النار علشان تسيحه استخدم احسن فرشة تنظيف الماسوره او سلك صلب وزق الرشه بيه والأحسن خدها لمحل اسلحه عشان ممكن يكون العيب فى السوسته او الجلبه.
5- ماتضربش على الهوا يعنى وهى مش متعمره.
6- ماتحطش مع الرش اضافات زى بارود وتولع فيه وتقفل بسرعه وتضرب.اوعى تعمل كده.
7- ماترمهاش على الارض علشان الرطوبه ممكن تخلى الحديد يصدى.ما تسبهاش متعمره وتركنها.
8- لو كنت معمرها وخلصت صيد ومش عاوز تضرب على الهوا افتح القفل وامسك الماسوره بايدك وهى هتنزل لوحدها لغاية الاخر واتكا عليها هتحس انها رجعت سنه كده بتكه اتكا على الزناد بس اوعى تسيب الماسوره لترجع مره واحده قاومها بايدك وهى هترجع سنه سنه بس نصيحه ماتعملش كده لتكون بندقيتك مافيهاش التكه دى ويبقى كأنك ضربت وهى متنيه وتحصل مشكله.

[المايستروو]

ارجو الرد من الناس اللى زى الفل

[gamopt80]

شكرا على النصائح الجميله دي
وان شاء الله استفاد منها لما اشتري بندقية للصيد

[DeCo]

موضوع روعه يا ميسترو

[ahmadkhalaf]

موضوع جميل تسلم ايدك

تحياتى للجميع

[tarekvb]

(أقفل الامان وانت رايح تعمر البندقيه)
ممكن مجموعة الزناد تتكشر طالما هيتم التعمير لازم يكون الامان مفتوح

[Android man]

شكراً علي النصائح دي وانا الرميسي باظت عندي بسبب كده بس انا لحقتها وعملتلها صيانة

[المايستروو]

انا متشكر على الردود الجميله دى ومهما اشكركم مش هوفيكم وانا استفدت من (tarekvb) وشكراً على الاضافه.

[المايستروو]

بس انا كان قصدى زيادة امان مش اكتر ومنكم نستفيد

[البطل]

الف شكر على النصايح ..........وجزاك الله خير

[كفافى1]

مشكور ي اخى على المعلومات القيمة

[braveheart]

المشاركة الأصلية كتبت بواسطة المايستروو

ارجو من كل واحد انه يحافظ على البندقيه بدل ما يرجع ويقول ياريت اللى جرى ما كان. انا كان عندى بندقيه رمسيس كنت بعزها لانها كانت عندى من وانا عندى خمس سنين وكانت هدية والدى ليه وهى اللى اتعلمت عليها الصيد بنفسى . بس للأسف بهدلتها وخلتها من الأخر حتة حديده ومعاها حتة خشبه مفصولين عن بعض كمان قوتها ضعفت فانا هقولكم عكس اللى انا عملته علشان ماتبوظوش بنادقكم بنفسكم:-
1- أقفل الامان وانت رايح تعمر البندقيه وزياده أمان إبعد ايدك عن الزناد.
2- اوعى تسيبها مده كبيره من غير تزييت ولا تشحيم.
3- ماتستخدمش رش مدة صلاحيته منتهيه.
4- لو الرش اتحشر فى الماسوره ماتسخنهاش على النار علشان تسيحه استخدم احسن فرشة تنظيف الماسوره او سلك صلب وزق الرشه بيه والأحسن خدها لمحل اسلحه عشان ممكن يكون العيب فى السوسته او الجلبه.
5- ماتضربش على الهوا يعنى وهى مش متعمره.
6- ماتحطش مع الرش اضافات زى بارود وتولع فيه وتقفل بسرعه وتضرب.اوعى تعمل كده.
7- ماترمهاش على الارض علشان الرطوبه ممكن تخلى الحديد يصدى.ما تسبهاش متعمره وتركنها.
8- لو كنت معمرها وخلصت صيد ومش عاوز تضرب على الهوا افتح القفل وامسك الماسوره بايدك وهى هتنزل لوحدها لغاية الاخر واتكا عليها هتحس انها رجعت سنه كده بتكه اتكا على الزناد بس اوعى تسيب الماسوره لترجع مره واحده قاومها بايدك وهى هترجع سنه سنه بس نصيحه ماتعملش كده لتكون بندقيتك مافيهاش التكه دى ويبقى كأنك ضربت وهى متنيه وتحصل مشكله.

هو حضرتك كنت بتعمل كل دة ...؟!!
و الله كويس أن فضل منها حاجة أصلا
تحياتي لك.

[hema777h]

ماشاء الله عليك نصائح غالية

[المايستروو]

متشكر جداً ياجماعه.

هو حضرتك كنت بتعمل كل دة ...؟!!
و الله كويس أن فضل منها حاجة أصلا
تحياتي لك.

للأسف كنت بعمل كده علشان كده مش عايز حد يكرر غلطتى.

[عادل عبده]

ياباشا تسلم ايدك وعلى العموم لو عاوز تصلح الرمسيس ممكن نتواصل على الخاص يمكن افيدك

[اسلام]

مجهود جميل الف شكر ليك عليه يا كبير

[المايستروو]

انا متشكر جداً على الردود الجميله دى من اعضاء جمال زيكم واتمنى نتواصل ودا شرف ليا.