كيف نعرف موديل الair sporter؟

[town sniper 1]

عندي bsa air sporterلا اعرف موديلها وان كنت اعتقد من خلال تصميمها انها rb2
السؤال هو كيف يمكن تحديد الموديل من خلال السيريال وسنة الصنع ؟
مع العلم ان السيريال عندي هو wrc3491
ايضا انا اعلم ان البريفكس يستخدم لتحديد الموديل السؤال هو اي بريفكس هو المقصود.... هل هو الحروف الموجودة قبل السيريل ؟
اريد من خبراء المنتدي تحديد نوع البندقية وتعريفي باي موقع استطيع من خلاله معرفة نوع البندقية وسنة الصنع منخلال السيريال
واليكم وصف البندقية:
مكان وضع الرشة هو باب (rotary breach) مثل البندقية ال gamo cfx
ذراع التعمير سفلي والخشب مغلق من الامام وهو ممتد بعد ذراع التعمير ب 5سم
لايوجد زر امان
الخشب مزخرف وليس كال بي اس ايه التي بها جزرة
الدبشك به مطاط لامتصاص الارتداد
اعتقد انها rb2 والله واعلم
اريد من يجيب عن اسئلتي وشرح لي كيفية تحديد الموديل من خلال السيريال
سؤال اخر : ماسرعة هذه البندقية مع العلم ان عيارها 22
ولكم جزيل الشكر

[town sniper 1]

لا يوجد رد ...............
اذن هي الحرب هههههههه

[طلعت بخيت بسكالس]

المشاركة الأصلية كتبت بواسطة town sniper 1

لا يوجد رد ...............
اذن هي الحرب هههههههه

أيه ياعم مافيش داعي للحرب ولا حاجة
البريفكس هو الحروف التي تسبق الأرقام اما الحروف التي تأتي بعد الأرقام أسمها سافكس
ثم أن بنادق البي أس والويبلي أي البنادق الأنجليزي عموما ليس لها الكثير من المعلومات علي النت ولكن البندقية دي تحديدا أنا عارفها كويس لأنها كانت مع صديق لي وكل هواة البي أس بيعرفوها بأسم بي أس أير سبورتر المعلقة بسبب مكان التعمير اللي أنت وصفته وهي بندقية رائعة فهي تتميز بقوة عالية ودقة متناهية
دي شوية المعلومات اللي عندي عن البندقية دي وأتمني من باقي الأصدقاء أن يكملوا .
وهو من هنا معلومة ومن هنا معلومة ويكفي الله المؤمنون شر القتال
ولك كل التحية

[salahfareed]

اخى الفاضل انا عندى بندقيه بى اس بنفس الوصف وسالت عليها ايضا فى هذا المنتدى
ورد على مشكورا اخونا محمد انور وقال ان اسمها بى اس ايه اير اسبورتر ماك 7 بس انا اللى عندى مكتوب على العلبه بخط اليد من البائع air sporter + s وبالبحث على النت لم اجد الا صورة فقط تخت اسم سوبر اسبوت ومرفق الصورة من النت وصور الاثنتين بتوعى ارجو ان اكون افادتك وعلى فكرة هى اقوى من الديانا 52 بالتجربه فى الخشب ونشاها بدون تليسكوب ادق واحسن من ال52 ارجو ان اكون وفقت فى التوضيح

[salahfareed]

نسيت اذكر انه معاها كاتم صوت يتركب على اعلى الماسورة ولكنه غير فعال خالص واعتقد انه يؤثر على دقه النشان ويضعف الرش وهذة صورة بعد تركيبه وخلعه دى كل معلوماتى

[town sniper 1]

والله ياجماعة انا مش عارف اشكركم ازاي
شكرا يا استاذ طلعت و شكرا يا استاذ صلاح
معلش ياجماعة انا تعبتكم بس انا لما لقيت الردود اتأخرت قعدت ادور على النت وفي النهاية لقيت موقع رائع اسمه gun spares وفيه رسم توضيحي للاجزاء الداخلية للعديد من موديلات ال bsa قمت فاكك البندقية وبالمقارنة عرفت انها air sporter rb2
استاذ صلاح انا بندقيتي زي بندقيتك الي في الصورة اللي علي اليمين الاختلاف الوحيد ان الناشنكاة بتاعك قديم شوية وبندقيتك يا سيدي هي air sporter rb2 وليست ماك7 او s
لأن الماك 7 وال s بجزرة ووهما متشابهان في التصميم الداخلي اما الrb2 فهي بباب للرشة يسمي rotary breech وقد بدأ انتاج هذه البندقية عام 1992 واستمر الانتاج الي2000 اي نفس العام الذي انتجت فيه الgold star التي استمر انتاجها ايضا الي2000
اما بالنسبة الsuper sport اللي حضرتك شفتها فهي انتاج عام1997وهي تختلف عن الsuper sport التي انتجت عام 1986والاختلاف بينها وبين الrb2 في الشكل ان ذراع التعمير السفلي طويلة بطول الماسورة وهي تعتبر الشكل الثالث للبنادق ال rotary breech لان هناك شكل يسبقهم وهو الشكل الاول لل rotary breech انتج عام 1990 اسمه الsuper star وقد كان هذا الشكل هو الشكل الاول للبنادق التي بها الrotary breech وبهذا يصبح الترتيب حسب الانتاج هو : الشكل الاول :superstar (1990 الشكل الثاني : rb2 (1992 الشكل الثالث : super sport (1997 ولذلك استطيع ان اقول لك بما لايدع مجالا للشك ان بندقيتك هي rb2 ولكي تتأكد راجع الرسومات التوضيحية التي جاءت في الموقع الذي ذكرته سوف تلاحظ ان الماك7 والs يكادان ان يكونا بندقية واحدة لدرجة ان الرسم التوضيحي لل s والماك 7والماك 6رسمة واحدة فقط
وتظهر فيها الجزرة وستجد ان الرسمة التي توضح الrb2 و ال stutzen واحدة ويظهر في هذه الرسمة باب الرشة بالاويل سيل الخلفي والامامي
علي فكرة الفرق بين الrb2 و stutzen هو ان خشب الثانية طويل يصل الي اخر الماسورة اما البندقية من الداخل هي هي الrb2
معلش انا طولت عليك انابس عايز اعلق علي ما ذكرته سيادتك حول قوة البندقية ودقتها
ياجماعة البندقية مش قوية............ دي رهيييييييبة
بالنسبة للدقة انا اول مرة اشوف بندقية بالدقة دية ياجماعة انا مستعد اتحدي اي بندقية اخري في دقة الاصابة وتجميع النشان في نقطة واحدة والله ياجماعة تكاد تكون بتجمع في نقطة واحدة
اوعي تفرط في البندقية دي يا استاذ صلاح وادخل علي الموقع اللي قلتلك علية عشان تكون متأكد بنسبة 1000% من ان الموديل زي ماقلتلكrb2 ودة الرابط هايدخلك علي رسومات الairsporter
http://www.gunspares.co.uk/shopdispl...cat=Airsporter
وبشكرك ياستاذ طلعت الف شكر ليك انت واستاذ صلاح وجزاكم الله خيرا

[town sniper 1]

سؤال تاني ليك يا استاذ صلاح ماهو السيريال لهذه البندقية؟
والسيريال مكتوب فين؟
وما المكتوب علي الماسورةبعد الناشنكة؟
هل مكتوب عليها england ولا مكتوب عليها made in england ؟
علي فكرة البندقية دي انا عندي سوستتها الاصلية وجلبتها الاصلية وكذلك الاويل سيل الكبير بتاع الباب
ولو حد عايز اي حاجة يقولي وانا هادلة يجيب الحاجة دي منين

[salahfareed]

شوف اخى اسنيبر اولا شكرا جداجدا جدا على معلوماتك التى افادتنى كثيرا
ثانيا انا مش خايف اقول انها اقوى من الديانا ال52 لان الاثنين عندى وانا فوجئت فعلا انها من ال52 وطبعا زعلت على ال52 رغم ان حالتها ممتازة
ثالثا والمهم انى شوفت الموقع بتاع اسبير او اسبار وشفت الرسم بس خطر فى بالى انه ليس الموديل اللى عندى بسبب الخشب اللى موجود فى الرسم(الخشب مفتوح واللى عندى مقفول) فاذا كان عند سيادتك صورة لل ال r b 2 ارجو ان تضعها للتأكيد
رابعا والاهم هو السيريال نمبر هو wrc3654 وهو محفور اسفل الناشينكان الخلفى من الجهه اليسرى وهى مكتوب على الماسورة بعد النيشان bsa guns england .22cal وبين العيار واينجلاند محفور شعار الشركه
خامسا والاكثر اهميه هو شكرى العميق لك واذا كان ممكن تقولى تفاصيل السوسته و والجلبه والسيل على الخاص او هنا زى ما تحب والف شكرا
ملحوظه صغيرة/// حاولت وضع صورة للسيريال والصناعه ولكن طلعت وحشه والموبايل اتكسر/// تمت الملحوظه

[salahfareed]

المشاركة الأصلية كتبت بواسطة town sniper 1

سؤال تاني ليك يا استاذ صلاح ماهو السيريال لهذه البندقية؟
والسيريال مكتوب فين؟
وما المكتوب علي الماسورةبعد الناشنكة؟
هل مكتوب عليها england ولا مكتوب عليها made in england ؟
علي فكرة البندقية دي انا عندي سوستتها الاصلية وجلبتها الاصلية وكذلك الاويل سيل الكبير بتاع الباب
ولو حد عايز اي حاجة يقولي وانا هادلة يجيب الحاجة دي منين

انا اجبت عن ذلك سابقا
وانا شبه مقتنع ولكن اللى عندى الماسورة من الامام تخانتها اكبر من ال ار بى تو والنشان مختلف (النشان اللى فى الصورة مش اصلى دا انا اللى عملته)وركبته مكان القديم و كدة يبقى ذلك الجزء الامامى الغامض واللى بيتركب عليه كاتم صوت وهو اشبه مايكون ب-lightning وعندما لاتستعمل الكاتم توضع مكانه صموله مشرشرة
مش عارف ايه رايك؟؟؟؟؟؟؟؟؟؟؟

[town sniper 1]

السلام عليكم ازيك يا استاذ صلاح
اولا بندقيتك نفس بندقيتي بالضبط كان نفسى انزل صورة ليها بس للاسف انا خبرتي في الامور دي ضعيفة ولكنها اذا قلنا ان النشان بتاعك كان زي بتاعي قبل ما تعمل التعديل فيه يبقي البندقيتين زي بعض
ثانيا الحروف الموجودة في السيريال هي هي معني ذلك ان البندقيتين موديل واحد ونفس الكتابة واماكن الكتابة وكل شىء باختصار البندقيتين واحد
ثالثا شكل الخشب الموجود في الموقع هو شكل كروكي بدليل انه محطوط عليخ رقم دبشك البندقية الstutzen وهي خشبها مختلف خالص عن الشكل ده فهو مغلق تماما وواصل لغية اخر المسورة عند الناشنكاة الامامي
فطبعا يبقي دة شكل كروكي وهم اكتفوابالرقم الذي يوضح رقم الخشب لمن يريد ان يشتريه
دليل اخر علي ان الموديل rb2 ان البنادق اللي ظهرت بالباب rotary breach واسمها air sporter هي الrb2 و stutzen والاخيرة شكلها معروف بسبب خشبها يبقي مفيش الا الrb2
كمان في مرةوانا بدور لقيت صورة للrb2 شخص اجني خبير في البنادق الbsa بيعرضها لشخص اخر كي يراها وهي هي نفس بنادقنا
معلش بالنسبة للرسائل الخاصة انا معرفش استخدمها ازاي ومعنديش مانع اني اقول شكل اي قطعة او وصفها هنا
وعلي العموم ده اسمي ورقم تليفوني لو حبيت تتكلم معايا في الموضوع
اسامة فتحي 0105111840

[town sniper 1]

اولا بالنسبة للسوستة هي 34 لفة والسوستة الي عندي هي السوستة الاصلية من انجلترا
بالنسبة للجلبة هي مرسومة في الموقع وهي لها جزء بارز من الخلف لكي تدخل في البستم وهي جلبة رائعة الصنع والخامة بشكل لا يصدق
الويل سيل له مقاس انا هاحاول اقيسة واقولك مقاييسه وهو غير موجود عند محلات السلاح ولكن هاقولك انا جبته ازاي انا عندي منه 20 واحد انا خلعته ورحت بيه لشركة متخصصة في استيراد الاويل سيل الالماني اسمها اويل سيل مصر في شارع شمبليون وهناك دخلت تلك الشركة الضخمة وطلبت الاويل سيل فقاموا بقياسه واعطوه لي في الخال وهو ممتاز مثل الاصلي تماما
ملحوظة : لاتحاول الذهاب الي اي شركة اخرى او محل لقطع غيار السيارات لان الاويل سيل تخانته 1.7 مم ولذلك لن تجده الا في هذه الشركة فقط من الممكن ان اعطيك من الاويل سيل اللي عندي عشان تجيب زيه بدل ما تفك البندقية وبعدين خلي الاويل سيل ده معاك لان انا عندي كتير ولو مش عايز تنزل انا هاديك كام واحد من عندي مفيش مشكلة وانا هاصور الحاجات دي وانزلهالك في الموضوع باذن الله
اسامة فتحي

[salahfareed]

شكرا اخى اسامه باشا على كل المعلومات دى ومنور المنتدى دائما بمعلوماتك القيمه ومجهودك الكبير
بس كنت عايز اعرف قطع الغيار نلاقيها فين خصوصا السوسته؟؟؟ والنشان الخ والاسعار شكلها ايه فوق اوى والا معقوله؟ وبالنسبه للسوسته هل هى نفسها زى اللى بتتركب الاير اسبورتر والا هى بتختلف؟
واشكرك مرة اخرى على مساعدتى واسهامك فى المنتدى

[أسامه خطاب]

بصراحة يا جماعة أنا عندي ديانا52 وقوتها جباره لكن في رأيي أن البي اس ايه بندقية صيد فعلا وشكلها جميل جدا وهذه البنادق بجد تورث لانها بتعيش وتخدم كتير أوي

ها هى البندقية الair sporter

[town sniper 1]

شكرا ياجماعة علي اهتمامكم
شكرا يا استاذ اسامة وشكرا يا ارجون
طبعا الرسم التوضيحي اللي نزله استاذ اسامة هو بتاع البندقية الاrb2 اللي عندي وعند استاذ صلاح
ارجون علي فكرة طبعا مشكور علي الجهد الكبير بتاعك لكن مش دي صورة الموديل ال rb2
بالنسبةللاسعار انا كنت جايب السوستة بحوالي 150 والجلبة 80والنشانات بقه نار الامامي كان عند ميشيل200 والخلفي 350 اعتقد الامامي مش موجود دلوقتي عند ميشيل والسوستة والجلبة شخص بيجبهم لي من بره انا كنت موصيه علي جلبة عشان يبقي عندي جلبتين زيادة لكن هو لسه مرجعش بس اشتراها علي فكرة النشان الامامي بيتباع من غير الشمسية اللي بتحميه والشمسية بتتباع لوحدها ب30 وشكلها واضح في الرسمة اللي بتوضح الاجزاء الداخلية الموجودة فوق وبرضه صديقي قالي انه اشتراها لي ادعو انها توصل
ونظرا لغلو النشان فالناس بتعمل تعديل وبتركب نشان الديانا الخلفي وهو رائع ودقيق وسعره 200 وهو متوفر وكمان فتحة الشيز فيه ليها اربعة اشكال بينما نشان bsa فيه شكلان
بس انا بحب الاصلي ومبحبش اغير اى شىء في البندقية
بالنسبة لسوست الير اسبورتر هل هي متشابهه ؟
فالاجابة نعم واليك الدليل وهو ستجد في الموقع spare parts ان كود السوستة في كل موديلات الايرسبورتر واحد وهو ms012 وهذا يثبت ا نها متشابهه
ملحوظة : قرت في موقع اجنبي ان هناك سوستة بتركب علي الايرسبورتر 30 لفة وهي جيدة لكن الحقبقة السوستة الاصلية الي بتتصنع البندقية بيها هي ال34 لفة يبقي مفيش داعي للتغيير واي مكان برة بتطلب منة السوستة الاصلية للايرسبورتر (السوتة كاملة القوة) بيديك ال34 لفة انا الحمدلله السوستة الاصلية اللي جاية مع البندقية شغالة بكفائتها هي والجلبة بس انا بشتري اي بنقية واجيب معاها القطع الاصلية عشان اريح دماغي ولذلك لو بعت بندقية ببعها بقطع غياره لاني لو سبتهم عندي مش هاستفيدبيهم
اتمني ان اكون قد وفيت
اسامة فتحي

[أسامه خطاب]

استاذ اسامه فتحي اشكرك على معلوماتك الدقيقة
لي سؤال عند حضرتك
لو حبيت اشتريها في مصر ألاقيها عند مين وبكام ؟؟ احب اعرف السعر حتى للمستعمل منها
وشكرا

[town sniper 1]

اخي العزيز اسامة
للاسف صعب جدا تلاقي حد عنده الbsa
لكن من اسبوعين كان عند فتح اله bsa gold star نمرة واحد وتمنها كان 3500 وهي بندقية قوية بها خزنة 10 طلقات وهي طبعا بسوستة وتعمل بنظام الحقن المباشرلكن انا خايف ان صيانتها تكون صعبة وخصوصا اها معقدة شويه من جوه
وفي bsa supersport وهي ايضا رائعة بباب للرش مثل الموديل اللي كنا بنتكلم عليه ولكنه الاحدث وهذه البندقية انا شفتها عند الحاج مجدي بس ماسألتش علي سعرها
والله لو جربت يا استاذ اسامة ال bsa مش هاتمسك اي بندقية تانية في الصيد حتي ان كانت اقوي منها
لو تساوت الbsa مع اي بندقية في السرعة فهي تزيد عنها في الاختراق والدقة وادق شخشخنات في العالم و
اطول عمر بين كل البنادق علي الاطلاق حتي بمقارنتها بالالماني
معدومة الاعطال وهي بذلك تتفوق علي الديانا عمرك مهتلاقي ايه بيحك فايه ولامش عارف ايه اتكسر طبعا ماعدا النشان الامامي اصله في الbsa دايما مصاب بس وايه يعني ما المؤمن مصاب

[town sniper 1]

معلش انا نسيت اقولك علي المستعمل
المستعمل في الموديلات الحديثة في حدود 2500تقل ل1750 او تزيد ل2750 حسب الموديل والحالة
اما عن اماكن للمستعمل للاسف معرفش بس علي العموم برضه شوف الحاج مجدي انا زرته قريب في الاسكندرية وشفت عنده bsa air sporter بجزرة كانت خالتها العامة جيدة لكن الجزرة كانت ممتازةتابعة برضه بيجيله كتير
لان الاجيال الجديدة مبيميلوش لل bsa

[أسامه خطاب]

الأخ العزيز اسامه فتحي
كلامك صح أنا فعلا بأحب البي اس ايه جدا جدا وخصوصا شكلها الانسيابي وعضمها الجامد ودقة نشانها وهي فعلا بندقية صيد وأتمنى أني اقتني واحدة منها
وشكرا على ردك وياريت نتقابل في مصر ونتعرف على بعض وكمان بنادقنا يتعرفوا على بعض هههههه

[town sniper 1]

ان شاء الله يااستاذ اسامة نتقابل ويبقي لي الشرف اني اتعرف علي سيادتك