|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
12-09-17, 06:16 PM | #1 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
حصيلة اليوم ضاعت..ضاااااااعت ...ضاااااااااااااعت
السلام عليكم ورحمة الله وبركاته
حصيلة اليوم ضاعت..ضاااااااعت ...ضاااااااااااااعت الناس اللى كانت بتقوللى انت ياقبطان بقالك كتير مش بيحصل معاك مواقف ليه اتفضلو اهو موقف طلع من نافوخى اه والله كنت هاعيط من الموقف ده بس من كتر الضحك ههههههههههههههههههه امبارح قررت اخرج للصيد الصبح بس رحله جويه مش بحريه جهزت الحاجه من بالليل نمت بدرى وصحيت الساعه 4 فجرا واخدت معايا الكرال ( بالعند فى اللى بالى بالك ) ههههههههههههههههه والملقاف العجيب و علبه رش جامو ماتش فيها حوالى 150 رشايه وطلعت على الكيلو 70 طريق مصر اسكندريه مكان مقطوع ليه مدخل بعد ( قريه اسمها شلتوت ) وفضلت ماشى كتير اوى فى الطريق الجانبى ده لغاية ماوصلت ووصلت هناك حوالى الساعه6.30 وبينى وبينكو المكان كان شكله وحش ومقطوع واراضى زراعيه وطاخ طاخ طاخ حوالى نص ساعه مجبتش حاجه خالص وكنت مستغرب جدا وخصوصا ان فيه حجات بابقى واثق انى هاجيبها فى مقتل ومش بتيجى وفى الاخر افتكرت ان انا كنت ظابط الناشنكاهات للضرب لأسف عشان كنت باصطاد سمك قبلها قمت ظابط النشنكاهات من اول وجديد واضرب يامعلم ومحدش يمسكنى ولا يحوشنى عن اليمام بقى واخدت حوالى ساعه جبت فيها 7 يمامه وفرختين غيط وبعد شويه قمت مركب الاسكوب برغم انى مش باستريح معاه وجبت بيه 4 يمامه تانى والحمد لله ربنا كرمنى بمجموع 11 فرد يمام 2 فرد فراخ غيط وقلت لنفسى الحمد لله على كده وكل ده مكنتش لسه شفت ولاااااااااا بنى ادم هناك هههههههههههههههه المهم قمت رايح على اقرب طريق اسفلت واستنيت اى عربيه تعدى عشان اركب معاها لغاية الطريق الصحراوى ... وبعدين من الصحراوى اركب اى عربيه لأسكندريه ده المكان اللى انا كنت فيه وقعدت تحت الشجره دى على الطريق فى الضل مستنى اى عربيه وقمت حاطت الشنطه بتاعة الصيد جنبى وفوقيها الملقاف وحطيت البندقيه على شوية قش جنب الشجره بس من الناحيه التانيه وفضلت قاعد يجى نص ساعه وفى الاخر لقيت تكتك جاى من بعيد قلت اركب معاه لغاية الصحراوى وخلاص طالما مفيش عربيات هنا المهم شاورت له وهو جاى من بعيد وجه بعدى بحوالى عشره متر ووقف قمت سايب الحاجه ورحتلو ولقيته راجل كبير حوالى 65 سنه قالى رايح فين يا استاذ قلتله خدنى لغاية الطريق الصحراوى معاك قال ماشى رجعت جبت الشنطه والملقاف وحطيت الشنطه فى التكتك على الكرسى وسبت الملقاف بره مركون على التكتك على مارجع اجيب البندقيه واخد الاتنين على رجلى ورجعت اجيب البندقيه ويادوب مسكتها وبارفعها من الارض ولفيت ومشيت حوالى مترين ناحية التكتك لقيت الراجل بيبصلى من المرايه وهو مصدوم والرعب مسكه اول ماشاف البندقيه فى ايدى وقام دايس بنزين وطلع جرى بالتكتك باقسى سرعه انا اتصدمت من رد فعله وقعدت انادى عليه ياحج ياحج ياحااااااااااااااااااااااااااااااج دى بندقية صيد متخافش بس حج مين ياعم كل سنه وانت طيب ده الراجل شكله مش هايعدى من الطريق ده تانى طول عمره ههههههههههههههههههههههههههه المهم انا من كتر صدمتى ومن الموقف وقفت وقاعد اضحك ومش عارف اعمل ايه وكل مافكر فى الموقف ومنظر الراجل وهو بيجرى وانا واقف هناك ابقى هاقع من طولى من كتر الضحك والحاجه اللى راحت فى التكتك كانت شنطه هاند باك زى دى كان فيها 11 يمامه و2 فرخة غيط وعلبة رش جامو ماتش فيها حوالى 100 رشايه وسكينه تزكيه صغيره وزجاجة ميه واتنين مفك ومفتاح نمره 10 وفوطه صغيره طبعا كنت لسه ماصورتش الحصيله لأنى متعود اصور بعد ماروح البيت وطبعا الملقاف وقع لما هو جرى بالتكتك عشان كان مركون على التكتك من بره وقلت لنفسى الحمد لله انها جت فى الشنطه والحجات دى ومجتش فى البندقيه واول حاجه ضربت فى دماغى ساعتها هى انى اصور المكان والطريق اللى حصل فيه الموقف عشان ابقى احكيلكو عليه وبعد عشر دقايق تقريبا جت يمامه وقفت على الشجره اللى انا تحتها من فوق ومش شايفانى كان لسه فيه شوية رش فى جيبى سميت وضربت وقامت نازله قلت الحمد لله اكيد ربنا كاتبلى اليمامه دى وبس رزقى ورجعت بيها اهى وحيده بطلو حسد وقر بقى وكالعاده اتفضحت فى البيت لما روحت وقعدو يضحكو ويتريقو عليا ههههههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
sponsor links |
12-09-17, 06:32 PM | #2 |
مشرف قسم الصيد البرى
|
رد: حصيلة اليوم ضاعت..ضاااااااعت ...ضاااااااااااااعت
اسف يا قبطان
شكل عنينا كانت جامده عليك المره الفاتت يلا ولا يهمك وخيرها في غيرها |
12-09-17, 06:38 PM | #3 |
صياد متفاعل
تاريخ التسجيل: Jul 2012
المشاركات: 71
معدل تقييم المستوى: 5 |
رد: حصيلة اليوم ضاعت..ضاااااااعت ...ضاااااااااااااعت
هههههههههههههه حمدا لله علي سلامتك
|
12-09-17, 06:45 PM | #4 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
اه والله يامحمد باشا الموجه كانت عاليه اوى المره دى بس الحمد لله انها مجتش فى البندقيه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-17, 06:46 PM | #5 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
الله يسلمك يا خالد بقى
ربنا يعوض علينا هههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
12-09-17, 07:03 PM | #6 |
صياد متفاعل
تاريخ التسجيل: Sep 2012
المدينه: قاهرة المعز home of wiz
المشاركات: 225
معدل تقييم المستوى: 9 |
رد: حصيلة اليوم ضاعت..ضاااااااعت ...ضاااااااااااااعت
أنا من ساعة ما تخيلت الراجل وهو بينفد بجلده وانا بضحك .. ما بال انت عشت الموقف
v معلش يا قبطان خيرها في غيرها، وقضا أخف من قضا |
12-09-17, 07:18 PM | #7 |
صياد متفاعل
تاريخ التسجيل: Jul 2012
المشاركات: 71
معدل تقييم المستوى: 5 |
رد: حصيلة اليوم ضاعت..ضاااااااعت ...ضاااااااااااااعت
يا قبطان انا قرأت الكثير من موضوعاتك الرائعة
انا عندي كرال نمرة 2 و بصراحة رائعة مفيش كلام كنت عايز اعرف ايه افضل تليسكوب اجيبه ومن مين ؟ اخيرا ماهو اقصي مدي مؤثر لها و ما هو افضل رش للكرال للصيد علي مسافه طويلة و متوسطة وقريبة اسف للاطالة واكرر شكري |
12-09-17, 07:24 PM | #8 | |
صياد نشيط
تاريخ التسجيل: Aug 2011
المشاركات: 264
معدل تقييم المستوى: 10 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
تحياتى
__________________
[SIGPIC][/SIGPIC] |
|
12-09-17, 07:31 PM | #9 |
قنـــاص من الدرجه الاولى
|
رد: حصيلة اليوم ضاعت..ضاااااااعت ...ضاااااااااااااعت
الحمد لله انها جت على الشنطه والحصيله تجى غيرها يا كبير
بس فعلاً الناس كلها بتخف من منظر بنادق الصيد لان فى دمغها بندقية صيد يعنى رمسيس وتكون مهلوكه كمان والله يا قبطان انا ببقى محتار وانا معايا الاير كنج اضرب من العربيه ولا انزل ولو نظرات الناس وترقبهم بيسببلى لخبطه اصلاً بس الحمد لله انها جت على كده واكيد الراجل لما يروح ويلاقى فيها يمام هيفهم الموقف |
12-09-17, 07:35 PM | #10 | |
صياد متفاعل
تاريخ التسجيل: Jul 2012
المشاركات: 71
معدل تقييم المستوى: 5 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
استاذ هشام .. انا عندي كرال نمرة 2 و بصراحة رائعة مفيش كلام كنت عايز اعرف ايه افضل تليسكوب اجيبه ومن مين ؟ اخيرا ماهو اقصي مدي مؤثر لها و ما هو افضل رش للكرال للصيد علي مسافه طويلة و متوسطة وقريبة اسف للاطالة واكرر شكري |
|
12-09-17, 07:35 PM | #11 |
صياد متفاعل
تاريخ التسجيل: Jul 2012
المشاركات: 71
معدل تقييم المستوى: 5 |
رد: حصيلة اليوم ضاعت..ضاااااااعت ...ضاااااااااااااعت
|
12-09-17, 07:48 PM | #12 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
مانت لو كنت شفتنى ساعتها انا ضحكت قد ايه كنت قلت عليا دماغى لاسعه انا بقيت واقف عالسكه عامل زى المجنون من كتر الضحك
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-17, 07:57 PM | #13 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
هات اسكوب مقاس 3=7=28 سعره 250 جنيه او مقاس 3=9=40 مش فاكر سعره وياريت لو تيجبه ماركة( تاسكو) لأنى سمعت ان (البوشنيل) فيه مشاكل وده اكيد موجود عند الاستاذ كيمو بوس او الاستاذ هشام سمير بالنسبه للمدى المؤثر لو السوسته كويسه والبندقيه دقيقه ومظبوطه ممكن تصطاد بيها على 80 متر بس اهم حاجه طبعا يكون معاك منظار كويس ومظبوط والاهم يكون اللى ماسك البندقيه قناص كبير برده بالنسبه للرش فى المسافات الطويله انا جربت خمس انواع رش عليها افضلهم على الاطلاق فى الدقه جامو ماتش اسبانى العلبه 250 رشه بــ 40 جنيه ديابلو المانى ( مش تركى ) علبه 500 ـبــ 45 جنيه جامو هانتر اسبانى علبه 250 بــ 45 جنيه بالنسبه للمسافات القريبه المارسمان المصرى هدف مان المصرى الرمايه المصرى ديابلو تركى
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-17, 08:00 PM | #14 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
كل مافى الامر انى لما فكرت فى الموضوع بجديه وحطيت نفسى فى مكان الناس انى فعلا لو انا راجل عادى ومش بافهم فى الصيد ولا اعرف انواع البنادق وقابلت صياد فى مكان مقطوع ومعاه بندقيه شكلها غريب عمرى ماهفهم انه صياد ولازم هاخاف وعشان كده انا عزرت الراجل بتاع التكتك وكل اللى عملته ساعتها انى فطست على نفسى من كتر الضحك ههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-17, 08:03 PM | #15 |
صياد متميز جداً
تاريخ التسجيل: Feb 2012
المدينه: الزيتون
المشاركات: 1,370
معدل تقييم المستوى: 158 |
رد: حصيلة اليوم ضاعت..ضاااااااعت ...ضاااااااااااااعت
قلبى عندك ياقبطان عين الحسود اصابتك ولا اجدع قناص بس برده مش قادرررررررررررررررر امنع نفسى من الضحك ههههههههههههههه والراجل العجوز ياعينى زمانه عمل حوار واراهن ان القريه كلها نزلت تدور عليك من كتر المبالغه بتاعت الراجل انصحك متنزلش المكان ده لفتره تحياتى ليك يا قناص.
__________________
اذا دعتك قدرتك على ظلم الناس فتذكر قدره الله عليك من تواضع لله رفعه وقل رب زدنى علما
|
12-09-17, 08:07 PM | #16 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
اه والله اتحسدت يا ايمن باشا بس على ما اعتقد زى مالاستاذ هشام قال ان بمجرد الراجل ماهيروح ويشوف اليمام فى الشنطه هايفهم انى كنت باصطاد مش قاطع طريق وتصدق انت برده لفتت نظرى للموضوع ده انى مش هاروح هناك لفتره برده منعا ان يكون فيه مشاكل زى مانت قلت
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-17, 08:58 PM | #17 |
صياد قديم
تاريخ التسجيل: Jun 2012
المدينه: القاهرة
المشاركات: 2,645
معدل تقييم المستوى: 419 |
رد: حصيلة اليوم ضاعت..ضاااااااعت ...ضاااااااااااااعت
ههههههههههههههههههههههه حمدالله على سلامتك يا قبطان اولا وثانيا ربنا يعوضك بأحسن من اللى ضاع منك المهم انت رجعت بالسلامة ومعاك البندقيه العين حق تدخل الرجل القبر وتدخل الجمل القدر بس تعرف موقف جااااااااااااااااااااااااااااااااااااااااااامد جدا واكيد لما الراجل يفتح الشنطه هيكتشف الحقيقة ويريت تسمحه لله علشان لو اكلهم وتقوله بالف هنا وشفا
__________________
وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)». |
12-09-17, 09:15 PM | #18 |
مشرف قسم السوق و المسابقات
|
رد: حصيلة اليوم ضاعت..ضاااااااعت ...ضاااااااااااااعت
اهاهااهاهاهاهااهااهاهاهاهاهاه . يا ابنى انت مفيش فايده فيك ابدا مصمم انك تمتع الناس بطريقتك المميزه فى سرد المواضيع . ولا يهمك فداك 100 يمامه . و عسى ان تكرهوا شيء و هو خير لكم . و ربنا يعوضك خير
__________________
http://img849.imageshack.us/img849/600/o642.jpg اللهم لك الحمد كما ينبغى لجلال وجهك و عظيم سلطانك
|
12-09-18, 10:55 AM | #19 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
انا مسامحه والله يامحمد باشا من غير حاجه والراجل معزور برده هو بينى وبينك البندقيه لما بيكون عليها المنظار بيبقى شكلها مرعب وخصوصا للناس اللى ماتعرفش الفرق بين بنادق الرش والحقيقه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-18, 10:57 AM | #20 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
هانعملو ايه بس ياكبير انا مش عارف والله بتقابلنى مواقف غريبه يمكن بس عشان باخرج للصيد كتير وكمان باروح اماكن مقطوعه وباتعرض لمشاكل كتير
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-18, 01:48 PM | #21 |
صياد قديم
تاريخ التسجيل: Mar 2011
المدينه: القاهرة , شبرا مصر
المشاركات: 2,982
معدل تقييم المستوى: 235 |
رد: حصيلة اليوم ضاعت..ضاااااااعت ...ضاااااااااااااعت
ههههههههههههههههههههههههههههه
حط نفسك مكان الراجل وشفت زبون بيجري عليك ومعاه بندقية هاتعمل ايه هاتلها جراب بقى ياباشا علشان ماتبانش او تجيب عربيه هههههههههههههههه بالتوفيق المرة القادمه
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ |
12-09-18, 02:42 PM | #22 |
صياد متفاعل
تاريخ التسجيل: Apr 2012
المدينه: دمياط - فارسكور
المشاركات: 190
معدل تقييم المستوى: 7 |
رد: حصيلة اليوم ضاعت..ضاااااااعت ...ضاااااااااااااعت
يلا خير تعيش و تاخد غيرها دول من نصيب صاحب التكتك ربنا يعوض عليك و بالهنا و الشفا للى حيكلهم أنا حصلى موقف زى دا بس من زمااااااااان كنت بصيد فراخ مية من بحيرة المنزلة جمبنا و دى عشان أروحها كنت بمشى فى طريق زراعى بالعجلة يجى ساعة بالليل و الحمد لله ربنا رزقنى فى حدود 18 حبة مش فاكر بالضبط بس دى كان أول ما بديت أجيب أعداد كتير و مروح مبسوط بالعجلة و كنت واخدهم فى شنطة بلاستيك و مروح فى حدود 2 بالليل و الطريق كله كلاب و مطبات و طبعا أنا خايف و بجرى بالعجلة و الكل يعرف رجلين فراخ المية زى السكاكين روحت و معايا حبتين و الباقى كانو من نصيب الكلاب الشنطة إتقطعت من رجليهم ما فضلش غير إتنين متعلقين فى الشنطو و طبعا يوميها كلاب السكك كانت بتجرى ورايا يشكرونى و أنا بجرى خايف منهم
|
12-09-18, 04:47 PM | #23 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
مانا حطيت نفسى مكانه يامورو وعشان كده عزرته وان شاء الله هاجبلها جراب قريب مع ان الجراب مش هايداريها يعنى هاتبقى معروفه برده
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-18, 04:49 PM | #24 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
فيه اللى بيتعب ويصطاد وفى الاخر القطط والكلاب تسرقه منه وفيه اللى بيتعب ويصطاد ويوزع على الجيران وفيه اللى بيتعب ويصطاد ويوزع على اهله واقاربه واحنا م بينوبنا فى الاخر غير حب الهوايه وده يكفينا والله
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-18, 08:22 PM | #25 |
صياد جديد
تاريخ التسجيل: Sep 2012
المدينه: بورسعيد
المشاركات: 16
معدل تقييم المستوى: 5 |
رد: حصيلة اليوم ضاعت..ضاااااااعت ...ضاااااااااااااعت
عمر الشقي بقي يا معلم
|
12-09-19, 11:10 AM | #26 | |
صياد جديد
تاريخ التسجيل: May 2010
المدينه: الإسكندرية
المشاركات: 8
معدل تقييم المستوى: 0 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
و أنا من إسكندرية و يشرفني نطلع مع بعض بالعربية و لا حوجة للتوكتوك 01111159587 |
|
12-09-19, 11:59 AM | #27 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
12-09-19, 12:00 PM | #28 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
والله انت راجل زى العسل بس على فكره بقى انا طلعت هناك تانى النهارده واصطادت احلى يمام كمان ولسه هانزل موضوع الصيد الجديد دلوقت اهو والشرف ليا والله ياكبير ان شاء الله نبقى نظبط معاد ونخرج سوا
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-20, 03:28 PM | #29 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: حصيلة اليوم ضاعت..ضاااااااعت ...ضاااااااااااااعت
بندقية وعليها اسكوب _هههههههههههههه_يبقى طرف تالت رسمى او واحد رايح يخطف التوكتوك على العموم خيرها فغيرها وابقى حط البتندقية فى جراب عشان الناس بقت تخاف من خيالها......ربنا يسترها معانا
|
12-09-20, 03:43 PM | #30 |
صياد نشيط
|
رد: حصيلة اليوم ضاعت..ضاااااااعت ...ضاااااااااااااعت
هههههههههههههههه
قصه ممتعه والله والحمد لله انها جت فى حاجات بسيطه المشكله انها لو معايا كانت تبقى اكبر بكتير يعنى التليفوت والبطاقه والفلوس كل شئ بيكون فى الشنطه يعن يبقى ممكن اروح مشى دا لو قدرت لكن سيبك انت المهم سلامتك بالدنيا والمغامره نفسها كانت جميله و موفق فى الرحلات القادمه ان شاء الله
__________________
http://www4.0zz0.com/2012/03/23/03/952178624.jpg |
12-09-20, 06:50 PM | #31 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
هو ينى وبينك يابو مروان انا عن نفسى لو اتفجأت وشفت واحد شايل بندقيه ومقابلنى لازم هاخاف شويه على ما ابدا اعرف انها بندقية صيد فما بالك بقى بالمواطن العادى اللى مايعرفش الفرق بين الرش والحى
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-20, 06:51 PM | #32 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
انا الحمد لله المحفظه باشيلها فى جيبى والفلوس كمان والحمد لله قبلها بحوالى ساعه كده خرجت الاسكوب من الشنطه وركبتة على البندقيه والا كان زمانه سافر فى الشنطه هو كمان ههههههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-20, 09:28 PM | #33 |
صياد متفاعل
تاريخ التسجيل: Feb 2012
المدينه: بني سويف
المشاركات: 196
معدل تقييم المستوى: 38 |
رد: حصيلة اليوم ضاعت..ضاااااااعت ...ضاااااااااااااعت
ههههههههههههههههه والله كل ما اقرأ الموضوع ببقى هفطس من الضحك ...اولا سلامتك بالدنيا مش مهم الشنطه ولا الحصيلة ثانيا اهنيك على السرد الرااااااااااائع للصقة... بص يا قبطان انت قناص محترف وكاتب بارع بس الكراااااااااال نحساك هههههههههههههههههههههههه اهي الشنطه راحت والحصيلة كمان وهيا فضلت قاعدالك ( بالعند في اللي بيحبوهااا) هههههههههههههه ... معلش سامحني بس كله قعد يقر عليك كام طلعة كده ورا بعض من غير مواقف اهي طلعة واحده عوضت ههههههههههههه ... حبيب قلبي بهزر معاك طبعا قدر الله وماشاء فعل ...المهم انك بخير ودي ضريبة النجاح يا بطل ... خالص تحياتي القلبية يا جنرال المنتدى.
__________________
اللهم صلي وسلم على سيدنا ونبينا محمد والله يا رسول الله إنك أحب الي من نفسي وأهلى ومالي وولدي والناس أجمعين
|
12-09-21, 07:34 AM | #34 |
مشرف قسم الصيد البرى
|
رد: حصيلة اليوم ضاعت..ضاااااااعت ...ضاااااااااااااعت
والله انا بقيت بحب الكرال عالسمع بسبب القبطان
و هجيب واحده قريب باذن الله بس القبطان اسلوبه في السرد رائع والمواقف العجيبه الي بتحصل معاه دي مواقف تتحط في كتب والموقف دا بالذات و الجراب مش هيخبي البندقيه بس عالاقل هيعرف الناس انك مش هتستعملها يعني مش هيخافو زي ما هيشوفوك ماشي بيها عادي كده |
12-09-21, 01:52 PM | #35 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
والله انت اللى راجل زى العسل وكلك زوق ياعمر بجد وبعدين انا مش باعترف بموضوع القر ده انا كمان والله بس باحب اهزر معاكو عشان نضحك شويه صباحك زى الورد ببقى
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
12-09-21, 01:53 PM | #36 | |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حصيلة اليوم ضاعت..ضاااااااعت ...ضاااااااااااااعت
اقتباس:
وهات الكرال واعملها التعديلات وان شاء الله ربنا هايكرمك احلى كرم
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
sponsor links |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طلعة النهاردة الفجر و حصيلة لا بأس بها | Bebeto | صور وفيديو الصيد ورحلاته | 21 | 12-05-04 10:03 PM |
رحلة امبارح حصيلة قليلة وقضية سلاح ابيض والحمد لله | فوزى السيد | صور وفيديو الصيد ورحلاته | 41 | 12-03-15 12:57 AM |
عرض اليوم من محل خضر | trainman | محلات الاسلحه وادوات الصيد | 6 | 11-11-05 04:42 PM |
للأسف ضاعت الأمانة بين الناس | hanitarek | محدثات الصوت | 31 | 11-04-30 10:43 AM |