|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
أدوات الموضوع | إبحث في الموضوع | انواع عرض الموضوع |
10-12-09, 11:11 AM | #1 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
اول بندقية واول رحلة صيد
السلام عليكم ورحمة اللة وبركاتة
السادة الافاضل مصممى ورواد هذا الموقع الرائع المتميز المهتم بارقى الهوايات فالاساس ان الصيد ليس هواية فهو غريزة بشرية منذ القدم تحولت بعد ملايين السنين الى هواية فكل منا بداخلة صياد_ قد يكمن هذا الصياد فترة من الزمن طالت ام قصرت _ولكن لابد لة من الظهور وقد كمن صيد الطيور بداخلى فترة طويلة قرابة العشرون عاما ولكن صياد السمك لم يكمن وظل نشيطا الى ان شرفت بتصفح هذا الموقع الرائع فايقظ صياد الطيور بداخلى وجعلة على اهبة الاستعداد للانطلاق من جديد فشكرا لكم. اود ان اطرح فكرة او موضوع للتحدث عنة من الاعضاء الافاضل وهى ان يذكر كل عضو (اول سلاح امتلكة_عمر العضو فى اول رحلة صيد_اول فريسة اصطادها وشعورة وقتها_اصعب اصابة لفريسة لا ينساها العضو حتى الان) ارجو ان تكون فكرتى قد لاقت اهتمامكم وتقبلوا جميعا تحياتى وامنياتى بصيد وفير |
sponsor links |
10-12-09, 11:26 AM | #2 |
قنـــاص من الدرجه الاولى
|
رد: اول بندقية واول رحلة صيد
مبارك ابو مراون
اهنيك على توجهك لهوايه الملوك الهوايه والنبلاء الهوايه التى تقوى فينا صفات الراجل ومنتظرين منك صور اول رحلة صيد |
10-12-09, 11:41 AM | #3 |
صياد نشيط
|
رد: اول بندقية واول رحلة صيد
بالنسبه لي صعب افتكر اول رحلة صيد عشان كانت من 25 سنه وكانوا لسه مخترعوش الموبيلات و الكاميرات ههههههه . تقبل تحياتي
__________________
مصر اللتي في خاطري وفي فمي |
10-12-09, 11:51 AM | #4 | |
قنـــاص من الدرجه الاولى
|
رد: اول بندقية واول رحلة صيد
اقتباس:
الجيش بيقولك اتصرف |
|
10-12-09, 11:54 AM | #5 |
صياد نشيط
|
رد: اول بندقية واول رحلة صيد
اول رحلة صيد كانت ببندقيه رش رمسيس رقم واحد كنت في ثانية اعدادي وكان عمري حوالي 13 سنه واصطدت شوية عصافير بس مش فاكر كام واحده وكونت بصطاد في الارياف في كفر الدوار هو ده اللي فاكرة من اول رحلة صيد وصعب افتكر تاني ليس بالامكان اكثر مما كان وتقبلوا تحياتي ......
__________________
مصر اللتي في خاطري وفي فمي |
10-12-09, 11:58 AM | #6 |
صيــــــــاد محتــــــرف
|
رد: اول بندقية واول رحلة صيد
السلام عليكم .....
والله انا بصطاد من حوالى 7 اشهر بس الرمايه من زمان (او بلاش نقول رمايه عشان محدش يفهم غلط ) كانت عندى رمسيس نمره 1 وكنت بضرب بيها اهداف ثابته ...... واول بندقيه رش (بنت ناس ) كانت جامو ...عنتر 440 ..ههههه.. من احلى البنادق ومتوسط الهاى باور .... واول صيد كان يمام وحمام (برى ) .... ومش هقول اصعب فريسه بس هى كانت صدفه .... يمامتين برشه واحده من على بعد تقريبا 45 متر .... واخيرا وليس آخرا احب اشكرك جدا على الموضوع الجميل .... تحياتى .
__________________
وكل الانبياء تقول نفسى **********واحمدنا ينادى من ورائى .
صـــــــــــلى الله عليـــــــــــــــــــــــــــــــــــــــــه وسلــــــــــــــــــــــــــم |
10-12-09, 12:38 PM | #7 |
صياد متقدم
تاريخ التسجيل: Jul 2010
المشاركات: 808
معدل تقييم المستوى: 11 |
رد: اول بندقية واول رحلة صيد
موضوع جميل وفكره رائعه
انا اول بندقيه ولازلت بضرب برمسيس نمره واحده وانا اتعلمت عليها من وانا فى 5 ابتدائى واول هدف ليا كانت يمامه على بعد 25-30 متر تقريبا وجبتها بالحظ لانى كنت لسه بتعلم اما الهدف الذى لا ينسى فبصراحه ده شئ صعب افتكره لكن افتكر ان كان فيه رحله ليا كنت جايب فيها حوالى 18 فرد يمام منهم 10 اصابه فى الراس مباشره وكان يوم كله دم وفرفره :d بس وشكرا ع الموضوع الحلو ده
__________________
Best Of The Best |
10-12-09, 01:14 PM | #8 |
صياد متفاعل
تاريخ التسجيل: Jul 2010
المدينه: يورسعيد
المشاركات: 133
معدل تقييم المستوى: 6 |
رد: اول بندقية واول رحلة صيد
طبعا اول بندقية هى الرمسيس جبتها بعد الحاح وضغط نفسى على والدى الله يرحمهم وبعد التعهدات الكثيرة
كنت وقتها فى 6 ابتدائى واول صيد انا فاكره كويس كان عصفور حسون وفرحت جدابيه ولكن الفرحة ما تمتش لان والدتى رمته فى القمامة وزعلت جدا يومها الهدف الى ما انساهوش قمرى مطوق طار ووقف على اعلى فرع لشجرة بعيدة ليست فى مدى البندقية وكانت بندقية ديانا 50وانا تقريبا فى الثانوى رفعت اعلى منه بعد ما خدت النشان وضربت بزاوية 45 ومصدقتش وقع مقفول يعد صوت فرقعة عالى جدا شكرا لحضرتك .
__________________
بدأتم فأحسنتم فأثنيتُ جاهدا *** وإن عدتمو ثنيتُ والعودُ أحمدُ |
10-12-09, 06:10 PM | #9 |
صياد نشيط
تاريخ التسجيل: Dec 2008
المشاركات: 267
معدل تقييم المستوى: 8 |
رد: اول بندقية واول رحلة صيد
الموضوع جميل جدا اول بندقيه الرمسيس واحد واول صيد فكرة كويس لانى ماختوش رحمه الله عليه جدى اجلسنى بين يديه ووضع البندقيه فوق كتفى وظبط الضرب وانا ضغط الزينات والناس زمان ماكنتش تضرب الحاجه الا فى راسها كل دة سنه 79 بس ومن يومها وحياتى حول الصيد ابعد واقترب الى ان اهتديت لل----
|
10-12-09, 07:56 PM | #10 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: اول بندقية واول رحلة صيد
شكرا لحضراتكم جميعا_واعتقد ان البندقية الرمسيس نمرة 1 هى القاسم المشترك لكل الصيادين وانا منهم فاول بندقية كانت الرمسيس نمرة 1 بردة لان نمرة 2 كانت غالية شوية وبعدين ايامها واحد من اتنين ما كانتش تفرق المهم ان البندقية تيجى وخلاص_البندقية الرمسيس دى جاتلى فى سادسة ابتدائى بعد النجاح طبعا وكانت تقيلة شوية عليا ايامها كان لازم اسندها على حاجة_اول رشاية اضربها كان والدى ووالدتى فى الشغل وجيبت زجاجة المية وكانت قزاز_هههههه وطاخ لقيت الزجاجة اتفرتكت جريت وحطيت البندقية مكانها لانى كنت مواعد والدى انى موش هاطلعها الا لما يكون موجود معاية عشان يعلمنى النشان_وطبعا كدبت وقولت الزجاجة وقعت منى وعلمنى والدى النشان وبدات رحلتى مع الصيد_اما اصعب اصابة _اممممم_بصراحة هما اتنين
الاولى_يمامة ما كانش باين الا دماغها بس وكانت فوق سور الدور الخامس وفعلا الرشة جت فى دماغها التانية_يمامة كانت على الارض على بعد حوالى 30 او 35 متر واخدت الرشاية وعملت شقلباظ فى الارض وقعدت تجرى لما اخويا راح جابها لقيت الرشاية مفرتكة عظمة الجناح اشكر الجميع وامنياتى بصيد وفير |
10-12-09, 09:04 PM | #11 |
صياد جديد
تاريخ التسجيل: Oct 2010
المدينه: القاهرة
المشاركات: 29
معدل تقييم المستوى: 5 |
رد: اول بندقية واول رحلة صيد
استاذ ابو مروان مرحبا بك في منتدانا الغالي ونأمل ان تفيد وتستفيد
وطبعا اول بندقية كانت المعادي نمرة 2 وكان عندي 11 سنة يعني سنة 1999 واول صيد بيها كانت علي عصفورة علي بعد حوالي 15 متر وكانت الرشاية كاحتة جزء من دماغها بس كانت لسة صاحية وروحت البيت سميت ودبحتها وكلتها طبعا ودي بالنسبالي احسن صيدة لي لإني عمري ما هنسي الموقف ده |
10-12-09, 11:43 PM | #12 |
صياد متفاعل
تاريخ التسجيل: Oct 2009
المشاركات: 144
معدل تقييم المستوى: 6 |
رد: اول بندقية واول رحلة صيد
أولاأحب اشكرك على الموضوع الهايل دة
ثانيا بقى انا أول سلاح إمتلكتة هو الجامو إكسبو 26 ودى بقالها حوالى 10 او 15 يوم فقط وانا دلوقتى عندى 21 سنة وأول هدف كانت يمامة كنت انا فى الدور الخامس واليمامة فى الأرض والقطة أخدت اليمامة وجريت على ماخويا نزل يجبها أما أصعب هدف بقى فا لسة انا لسة بقول يا هادى وعلى فكرة انا نفسي أشترى بندقية يمكن من وأنا فى إبتدائى مثلا وأهو الحمد لله أشتريتها وانا خلاص هتخرج من الجامعة :d |
10-12-10, 01:51 AM | #13 |
صياد نشيط
|
رد: اول بندقية واول رحلة صيد
بسم الله الرحمن الرحيم
انا اول بندقيه جبتها خالى الى جبهالى بعد النجاح فى تانيه اعدادى بعد عياط والحاح لاسابيع وكانت بندقيه صينى رقم 2 موديلها b2-2a واول طلعه طلعتها كانت تانى يوم على طول من الفجر كنت ابيض ما اعرفش اى حاجه لانى كنت بستنى الموالد والاعياد علشان انشن بالبندقيه واكسب صوره وكدا وكانت الحصيله اربع عصافير بالعفيه واصعب هدف واجمل هدف اول ما اصطدت صقر وكنت بحسبه حمامه من مسافه 30 متر وانا صغير كانت كبيره اوى وصعبه وتحياتى ليكم |
10-12-10, 05:47 PM | #14 |
صياد متفاعل
تاريخ التسجيل: Apr 2010
المدينه: السعودية - جدة
المشاركات: 118
معدل تقييم المستوى: 6 |
رد: اول بندقية واول رحلة صيد
السلام عليكم ورحمة الله ويركانه ... بصراحة موضوع رائغ وبيفكرني يذكريات جميلة في حياتي
أول مرة أرمي فيها كنت وقتها بالصف الثالث الابتدائي وكان الهدف عصفورة واقفة على قمة شجرة على ارتفاع حوالي 25 متر ببتدقية صديق والدي ( من نوغ فالك )-طبعا صدفة - وكانت مقاجئة مذهلة لدرحة اني لما نجحت في الابتدائية كانت هديني بندقية من نوع بيونير رقم 2 |
10-12-10, 08:41 PM | #15 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: اول بندقية واول رحلة صيد
شكرا للجميع على اهتمامهم الرائع
واحب احكيلكم حكاية تامر صديقى ورمية لن انساها ابدا(كنا فى اجازة الصيف تقريبا كنا فى تانية اوتالتة اعدادى وكنت سبقتة فى حكاية الصيد دى من فترة طويلة لان والدة كان ممانع حكاية البندقية لان نظرة كان ضعيف قوى وبيلبس نضارة طبية من تانية ابتدائى_المهم انة جاب البندقية البايونير الصينى نمرة2 وطلعنا الصبح بدرى فى مكان غيطان كان فية زى بركة مياة والحمام البرى بييجى يشرب منها من الابراج اللى كانت موجودة بعيد شوية عن المكان دة_المهم يا اخوانى الصيادين كان فية فرد برى واقف على سلك الضغط العالى فوق غيط زرة وكانت الزرة عالية جدا يمكن اتنين متر وكنا بعيد عن الفرد دة حوالى 70 او 75 متر بخلاف ان الفرد كان على سلك الضغط العالى المرتفع يعنى الحمامة كانت فى حجم الدبانة كدا تامر قالى ايوة حمامة اهة هانشن عليها فانا بينى وبينكو قعدت اتفلسف علية واشرحلة بعد المسافة وقوة البندقية وموش عارف اية.........المهم انة ما اقتنعش بكلامى وقالى اقف قدامى وراح حاطط البندقية على كتفى انا وهوة ورايا عاملنى زى استاند لية كنا اطفال والبندقية كانت تقيلة علينا _انا واقف بابص على الفرد وتاكد مليون فى المية ان الرشاية موش هاتوصل اصلا......وراح ضارب........وابص الاقى الفرد نزل مكانة انا جالى زهول وهو اتجنن رمى البندقية فى الارض وجرى دخل جوة غيط الزرة وانا شايل البندقيتين الرمسيس بتاعتى والبايونير بتاعتة ودخلنا جوة الغيط مرعوبين مشينا تحت سلك الضغط العالى علشان ما نتوهش لحد ما وصلنا للفرد وكان جناحة مكسور وقاعد مكانة_من يومها عمرى ما قولت لاى حد بيضرب على اى هدف_انسى_كل شىء جايز |
10-12-10, 09:54 PM | #16 |
صياد متفاعل
|
رد: اول بندقية واول رحلة صيد
مساء الفل أول بندقية : رمسيس نمرة واحد العمر فى أول رحلة صيد : 8سنوات أول هدف : عصافير طبعا أصعب هدف : يمامة كانت واقفة على أريال عمارة 13 دور أجمل هدف : كان أول غراب أصطدتة فى حياتى فى أبتدائى كان واقف على شجرة و ضربتة بالبندقية الرمسيس مكنشى الضرب محوق فية بياخد الضربة و يفضل واقف قمت أعتبرت رأس الغراب هدف منفصل و نشنت على راسة قام أتقلب و فضل ماسك فرع الشجرة برجلية و دماغة و جسمة مدلدلين تحت ، قمت كسرت البندقية عشان أضربة تانى قام واقع عليا هدف لا يصدق : نورس نيلى من الى بيطيروا فوق نهر النيل كنت بصطاد سمك و كان معايا البندقية و شايف النورس رايح جاى قدامى و حتجنن نفسى واحدة تقف قريب منى و أخرت ما زهقت قمت منشن على واحدة و هى طايرة قامت مقلوبة فى المية أتجننت من الفرحة و قمت رامى البندقية و خليت واحد بفلوكة كان راسى جنبنا يجبهالى و أديتة جنية و نص
__________________
مع الشكر أحمد عصام
|
10-12-10, 10:12 PM | #17 |
مشرف الاقسام العامه
تاريخ التسجيل: Dec 2010
المدينه: مصر المحروسة
المشاركات: 1,892
معدل تقييم المستوى: 215 |
رد: اول بندقية واول رحلة صيد
اليمامة دى فعلا تعتبر اصعب هدف ولا ينسى يا باشا 13 دور الدور 3 متر يعنى 39 متر _طبعا لايمكن تنسى اصابة زى دى _شكلى هاشترى رمسيس تانى _هههههه
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
صور رحلة قنص مجنونه . رحلة صيد بالصور . صور صيد بري . الرحلات البريه . القنص و الصيد | m_ali | صور وفيديو الصيد ورحلاته | 11 | 11-02-07 07:44 AM |
صور رحلة تسقيط الاحد 29-8من بحرىوهناك رحلة الجمعة القادمة 3-9 | elnopy2005 | صيد السمك | 7 | 10-09-08 08:39 AM |
للبيع بندقية صيني تقليد p16+ بندقية رش المعادي | mohamed th15 | سوق المنتدى | 9 | 10-07-08 09:16 AM |
بندقية رائعة وساحرة في رحلة يوم الجمعة | galal khalifa | صور وفيديو الصيد ورحلاته | 19 | 09-11-11 11:26 AM |
المعادى واول صيد | ابو الشوق | بنادق ضغط الهواء ومتعلقاتها | 12 | 09-04-17 06:38 PM |