مشكلة في الديانا 54 حيرتني

[يوسف القناص]

مساء الخير لكل أعضاء ومشرفي هذا المنتدى الراقي
بعد تجربتي مع الديانا 350 الماغنيوم
قررت أجرب الديانا 54 كان أختياري لها من خلال بعض المقاطع الي شفتها في اليوتيوب
ساكتون جميلة جدا وخامتها قويه
المهم شريت الديانا وطلعت بيها أجربها وصدمت الحقيقة من دي الساكتون مع العلم اني استخدمت قبلها 350 الماقنيوم
الديانا 54 قربت معاها كل انواع الرش الخفيف والثقيل والمتفجر والعايدي والمسطح والمدبب بس ولا هدم قدرت أصيبه مش عارف المشكله فين
الوزنيه تمام التمام
لكن الرش مبقبش الهدف أبداً مره يمين ومره شمال
لدرجة أني كرهتها وقررت أبيعها

حد يجماعه مرت المشكله دي معاه
أيه الحل بالضبط
إيزاي الساكتون دي تتوزن وتقيب الهدف ياريت حد من الاساسته ينورنا
الله يبارك فيكم جميع يارب

[Mohamed Mahmoud]

اولا اهلا و مرحبا بك فى منتدى الصيد فى مصر
ومبروك على حضرتك ملكة الهوائيات
مشكلة الديانا 54 هو الوزن الكبير اللى بيوصل 4300 جرام
ولانك مش واخد على هذا الوزن العالى يبقى لازم تتمرن الاول ايون تتمرن هتقولى ازاى يا ابومنة هقولك يا سيدى
هتمسك البندقية فى وضع الضرب وتنشن على حاجة صغير خالص زى مثلا مفتاح الكهرباء وتمسك استوب ووتش وتحسب هتمسك البندقية كام ثانية هتعمل الموضوع دة مش اقل من 6 مرات يوميا و لو عرفت تكتر يبقى رائع بس لازم متحركش يديك على ما تستطيع التمرين دة لمدة اسبوعين يوميا وتحاول كل مرة انك مرة تمسك البندقية فى وضع الضرب العالى و مرة فى الوضع الافقى وان شاء الله هتحس بتحسن جامد

[elmasrey123]

بص ياكبير انا مريت بنص التجربه بتعتك كان معايا 350 وجبت ال54 الفرق شاسع طبعا بين الاتنين بس دى ليها طعم ودى ليها طعم تانى خالص بص يامعلم انا هكلمك على انطباعى ال350 رونك الكلاسكيه فى الشكل والقوة المفرطة ال54 ميكانيكا عاليه جدا بسبب الريكول سيتم وشكل جزاب وملفت للنظر ودقة لابعد الحدود ياراجل انا عمرى ماطلعت ببندقيه وجبت رزق معايا من اول مرة ال54 جاب من اول طلعة وعلى الظبطة الاستندر الى انا اشتريتها بيها انته بس اسمع كلام عم محمد واتمرن كويس وده انا بعمله دلوقتى بس علشان انا مزود وزنها كمان بملحقات تانية وصلت الوزن ل5600 لكن الدقة بسم الله ماشاء الله وممكن بقه تتاكد من حاجة انته تثبت البندقيه وانته بتضرب هتلاقة الضرب بيجى فوق بعده او جمب بعضه على طول وده انا شوفته بعينى وعن تجربه اما بحط على طربيظة واضرب على هدف من غير تظبيط النشان كل مرة اضرب على نفس المكان يالرش بيجى فوق بعضة يجمب بعضه على طول اعمل ده واتاكد لو كانت بتخلف برده وهى كده كنت سمعت معلومة قبل كده ان ده ممكن يكون بسبب الريكول سيستم بيبقه عايز يتظبط

[يوسف القناص]

الله يبارك فيك يا أستاذ محمد
ويبارك فيك يامصري ياهندسه
انا مش مختلف معاكم على إن الديانا 54 ممتازه أنا شفت ليها مقاطع في اليوتيوب وعشان كدا اعجبت فيها وموديش اخسرها لكن صدمت لمن قربتها خلاف ماشفت تماما
طبعا انا متعود على الوزن التقيل وقسمي مساعدي تمام وكمان لمن ارمي فيها بسندها على باب العربيه ومركب عليها دربيل ممتاز ووزنيته ممتازه
بس مش عارف ايه المشكله
ممكن يكون فيها عيب من المصنع او حاقه مش عارف لأني سمعت إن بعض انواع الديانا فيها عيوب
بكرر شكري ليك ياأستاد محمد
وكمان الباش مهندس حبيبي المصري
وإن شاء الله تكون المشكله بسيطه وتنحل
ولو فيه حد مرت بيه المشكله ديه منستغنيش عن رأيه وخبرته

[هشام سمير]

بص يا كبييير العيب عند من التيلسكوب او زى ما بتسميه الدربيييل
بالاضافه ان انتا كمان عندك عيب الا وهو ان بتقول جربت كل انواع الرش وعادة فى الضرب بدربيل النوع اللى انتا صفرت بيه البندقيه والدربيل هو لازم يكون نفس النوع اللى انتا بتصطاد او بتضرب بيه
الاهم ان تكون متاكد بثبات الدربيل على البندقيه بنسبة 100% اولاً
ثانياً تكون متأطده من جوده التيلسكوب ودقته منفرداً وبعيد عن الاير كينج
اما احتما ان العيب يكون من البندقيه دا احتمال وارد بس ضعييييف جداً
ودا هتكتشفه لو ثبت البندقيه بطريقه جيده عن طريق منجله او حسب ما بتسموها او اى اداره من ادوات التثبيت وضربت اكتر من 10 رشات وتشوف تجميع البندقيه واماكن وقوع الرشه وارجع قولى النتيجه علشان اقولك الحل
منور المنتدى

[وليد سالم]

طبعا بعد كلام كبار الصيد مفيش كلام تاني يتقال وخصوصا خبراء الديانا في مصر ( ابو منه * هشام سمير )
اما عن ملحوظاتي بناء عن تجربة انك لو كنت بتعتمد في نشانك علي تثبيت البندقية علي باب العربية او الشباك بتاعها بدون وضع ايدك مناصفة بين الباب او السناده والبندقية فدائما ستشعر بعدم الاتزان حتي ولو في نظام الريكويل سيستم بردو والافضل انك يا تضع البندقية كتثبيتها في مكان زي ما استاذ هشام قال يا اما تحاول تثبت ايدك وتكون محدد نوع معين للرش ولا تغيره مع تثبيت النشان او الدريبل علي نوع رش اخر لانك هتلاقي اكيد في فروق كتير في الدقة فكل رشة لها وزنها وشكلها ومعامل مختلف في الاحتكاك مع الهواء المحيط بها اثناء الانطلاق من فوهة البندقية واظن ان الاسباب دي هيكون ليها تاثير كبير في شكوتك واتمني لك التوفيق بعون الله

[dr mohamed kamal]

السلام عليكم أخى الفاضل ,أولا_ لا تضع أى زيت داخل البندقية لان ده أحد أسباب عدم التجميع ثانيا _ لإستبعاد أن يكون السبب من الدريبل فكه وجرب تضرب بنشنات البندقية بدون دريبل ,ثلاثا _و إنت بتعمر البندقية ذراع التعمير يتحرك معك بسلاسه و نعومه و مفيش أى صوت حتى نهاية مشوار ذراع التعمير , رابعا _تأكد إن البندقية مثبتة بإحكام بالدبشك الخشب , تحياتى

[يوسف القناص]

استادنا الكبير ابو منه واستادنا وليد استادنا محمد الف الف شكر على مشاركتكم في حل دي المشكله حنا فعلاً محتاجين لمثل هذه الخبرات لتعم الفايده للجميع
طبعا مش حستعجل وراح اعمل كل الي قلتوا عليه لأنه اكيد المشكله بتتحل ان شاء الله
وربنا يبارك فيكم يارب

[big man]

زي ما قال الاستاذ هشام سمير
كل نوع رش معين لازم يتم عمل زيرو للدربيل او تصفير لة لانك عندما تغيير النوع سياتي الرش في مكان اخر غير المكان الي الرش من النوع الاخر جه فية
الخلاصة: كل نوع رش يحتاج الى تصفير مخصوص لة
عندما تجرب اكثر من نوع من الرش على هدف واحد بالطبع سسياتي كل نوع في اتجاة غير النوع الاخر
يفضل انك تشيل الدربيل موئقتا
بعدين تضرب باالناشنكاة (اوبن سيت) وتجرب نوع رش واحد فقط من الرش على سبيل المثال رش جامو ماتش
لو لقيت النشان مضبوط ركب الدربيل او الاسكوب واعممل زيرو او تصفير

[يوسف القناص]

الف شكر ليك ياكبير وإن شاء الله في القريب أنزل صور لصيدها وتكون فال خير ومتخيبش ظني فيها