استفسارين للافاده

[aymank2]

السلام عليكم تحياتى لكل الاعضاء المحترمين عندى استفسارين ارجو الافاده .
الاستفسار الاول / عندى بندقيتين كرال نمره 2 مع سكوب 3-9-40 الحمد لله الاسكوب متظبط 100% مع البندقيه الثانيه نوركا جيت نمره 2 بدون اسكوب دلوقتى انا مظبط البندقيتين على الضرب من مسافه 10متر الحمد لله بتيجى فى منتصف الهدف تمام بس طبعاّ كلنا عارفين انهم لازم يتظبطو على مسافه 20متر علشان منحنى الرمايه بس 10متر هيا المسافه المتاحه حاليا وبصراحه عندى طلعه الجمعه الى جايه وعايز البندقيتين يبقو متظبطيين السؤال بحساب منحنى الرمايه لمسافه10متر مفروض اظبط الهدف يكون تحت الصليبه وسن الدبانه ولا فوق الصليبه وسن الدبانه علشان يبقى النشان متظبط .
الاستفسار الثانى / قريبى جابلى معاه من بره مصر رش جامو ماجنوم اسمه كده مجنوم مش بروماجنوم بصراحه انا كنت موصيه يجيب هنتر وكان موجود هنتر بس ربنا يكرمه الى شغال فى المحل طلع مصرى حب يعمل معاه واجب قلو الرش ده بيصطادو بيه ارانب بريه وغزلان حجم صغير هيا الرشايه مدببه وتحتها حز كده عمل زى كاس مدور ياترى حد جرب الرش ده فى المسافات العاديه من 20متر الى 40 يعنى بيسرق الطير ولا بيقفلو احسن للمسافات البعيده ولا القريبه اى معلومات عنه على فكره اى رش جامو بيتباع عندنا ب40جنيه العلبه بره بتعمل 19جنيه بالكتير.

[aymank2]

1111111111111111111

[أحمد عطاالله إبراهيم]

على فكرة يا باشا الرش الماجنوم اللى فيه زى حتة زيادة كده فى مقدمة الرشاية رش ممتاز جدا جدا واسأل عنه دكتور محمد حسن كان مجربه وعامل عنه موضوع .. وطلع الرش ده دقيق جدا جدا وموجود عند استاذ محمود شلبى ب 35 جنيه على ما اعتقد للعلبة ..

وبالنسبة لاستفسارك باذن الله الخبراء يفيدوك .. بس على ما اعتقد ان لازم تخلى الهدف فوق سن الدبانة او الصليبة .. او تخلى الصليبة او الدبانة تحت الهدف ..

تحياتى ..

[aymank2]

المشاركة الأصلية كتبت بواسطة أحمد عطاالله إبراهيم

على فكرة يا باشا الرش الماجنوم اللى فيه زى حتة زيادة كده فى مقدمة الرشاية رش ممتاز جدا جدا واسأل عنه دكتور محمد حسن كان مجربه وعامل عنه موضوع .. وطلع الرش ده دقيق جدا جدا وموجود عند استاذ محمود شلبى ب 35 جنيه على ما اعتقد للعلبة ..

وبالنسبة لاستفسارك باذن الله الخبراء يفيدوك .. بس على ما اعتقد ان لازم تخلى الهدف فوق سن الدبانة او الصليبة .. او تخلى الصليبة او الدبانة تحت الهدف ..

تحياتى ..

شكرا على ردك يااستاذ احمد الرشايه فعلا شكلها جامد بس طبعا مش بالشكل تحياتى ليك