استفسار ؟؟؟

[mazen elfares]

هو الطلق الهندي الموجود دا ايه حلو ولا وحش يعني احسن من التركي ولا ايه ؟؟؟ وشكرا

[GAS-1]

الطلق الهندي صوته أعلى من التركي . بس اتأكد أن مكتوب على الطلقة من ورا " APC 9mm " . الطلقة دي صوتها جبااااار

[mazen elfares]

المشاركة الأصلية كتبت بواسطة gas-1

الطلق الهندي صوته أعلى من التركي . بس اتأكد أن مكتوب على الطلقة من ورا " apc 9mm " . الطلقة دي صوتها جبااااار

شكرا اخي الفاضل على الرد

[roaaroma2005]

طب سؤال عشان انا عايز اجيب منه
الطلق دا مش بيحشر زى الفضى التركى ؟
لان الطلق الوحيد اللى مش بيحشر معايا نهائى الدهبى والدهبى الى
\ حد ما غالى يعنى انا ممكن احط خزنة كاملة وميحشرش عكس الفضى
ممكن لو خزنة كاملة يحشر طلقة كل خزنة والحركة دى بتفقعنى اما
بكون فى فرح

[tarekvb]

المشاركة الأصلية كتبت بواسطة roaaroma2005

طب سؤال عشان انا عايز اجيب منه
الطلق دا مش بيحشر زى الفضى التركى ؟
لان الطلق الوحيد اللى مش بيحشر معايا نهائى الدهبى والدهبى الى
\ حد ما غالى يعنى انا ممكن احط خزنة كاملة وميحشرش عكس الفضى
ممكن لو خزنة كاملة يحشر طلقة كل خزنة والحركة دى بتفقعنى اما
بكون فى فرح

واضح ان افراحك كتير ربنا يكترها يا باشا

[roaaroma2005]

المشاركة الأصلية كتبت بواسطة tarekvb

واضح ان افراحك كتير ربنا يكترها يا باشا

ههههههههههههههههه
اه ياباشا ربنا يفرح الجميع وعقبال جميع الاخوة الافاضل بالمنتدى
انا كان عندى فى شهر سبعه لحد دلوقتى 8 افراح اخر حاجة
كانت حنة امبارح والله كانت جامدة واخدت الايجل معايا ^_^
وعشان كدا كنت اشتريت الايجل مخصوص عشان يستحمل وميحشرش
والطلق خلص منى وامبارح وولا طلقه حشرت الحمد لله
وربنا يارب يفرحكوا ويفرحنا جميعنا بالخير دايما

بس ياريت حد يقولى رد على الطلق الهندى عشان حرام الطلق
الفضى الكربون بتاعة متعب فى التنضيف

[جلوك]

احنا لازم نستشير استاز محمد ياقوت الراجل دة محترم وسمعتة سبقاة

[ahmedragab]

بعد اذنكم انا حاقولكم على ما حسيتة من فرق انا اشتريت الجكال السريع لابنى الصغير من حوالي شهر او شهر ونصف تقريبا وطبعا ضربت بية فى فرح اخويا وجربت العديد من انواع الطلق ولغاية دلوكتى انا وابنى مخلصين ٤علب تركى ابيض يعنى ٢٠٠طلقة وعلبتين طلق تركى اصفر العلبة لونها اسود وعلبة المانى ماركة r w s ٢٥طلقة وعلبتين هندى يعنى ١٠٠طلقة اولا لاحظت بالنسبة للطلق التركى الابيض طبعا اكتر طلق بيطلع هباب اسود بس فية فرق فى العلب يعنى فية علب صوتها عالى وعلب صوتها تحسة عادى بالاضافة ان كعب الطلقة بيتفك بس لم اواجة اى حشر وبيوسخ الطلقة التالية فى الخذنة اما عن الطلق التركى الاصفر الي علبتة اسود لون الطلق اصفر بس بيتمسح لوحدة لو فضل فى ايدك ودعكتة ويبقى لونة ابيض ودة صوتة اعلى بنسبة بسيطة من التركى الابيض ودةpa وطبعا بيهبب المسدس ذي التركى الابيض او اخف حاجة بسيطة ودة ثمنة تقريبا ١٧٥ كنت جايبة اما عن الطلق الالمانى ماركة rws صوتة عالى نسبيا مش ذى ماكنت فاكر او متوقع بس فعلا اخف من كل الانواع الي جربتها فى الهباب الاسود بس برضة بيطلع هباب اسود وكنت شاري العلبة ب١٧٥ ال٢٥طلقة pa وبعد كدة شاهدت اعلان الاستاذ محمد ياقوت عن الطلق الهندىpak وفعلا اشتريت وجبتة لقيتة صوتة فعلا عالي بس برضة بيطلع هباب اسود بس اخف بكتير من الطلق التركى الابيض ويكاد يكون ذي التركى الاصفر بس صوتة اعلي ومش عارف امكن فرق ال١ملي بين paوpak بس الفنش بتاع الهندى سيئ ودة مش مشكلة علشان الفارغ بيترمي فى الاخر على الارض وصوتة متهيالي اعلى من الالمانى ماركةrws بس بيطلع هباب اكتر من الالمانى وغير كدة كعب الطلقة بيفك احيانا بس عاجبنى ولم يحشر معى غير مرة واحدة اومرتين بسبب كعب الطلقة حشر فى شفة الماصورة عند رجوع الاجذاء بعض الضرب ويوم فرح اخويا ضارب انا وابني حوالي ١٣٠طلقة متنوعة خلاني لاحظت هذة الفروق وطبعا هذا العدد تسبب فى اعوجاج الابرة والحمد اللة جبت واحدة غيرها وحانكمل المشوار انا وابنى لغاية ماالمسدس يبوظ ههههههههه وطبعا بنظف المسدس بعد الضرب بس اجمل حاجة انى مخلص انا وابنى كل هذا العدد بدون حشر بخلاف موضوع كعب الطلقة الي حشر ودة مرة واحدة محصلتش تانى وبرضة نسيت اقولكم ان الهندى نسبة البارود اعلي علشان البلستكة الي بتكون اعلى الطلقة بتختفى خالص اما باقي الانواع بخلاف الالمانى بتكون موجودة ودة ملاحظة ودة بسبب ذيادة البارود فى الطلقة وسبب الصوت العالي وانا كمان شوية حانذل صور لهذة الطلقات بعد ضربها علشان الاعضاء المحترمة فى هذا المنتدى واتمنى ان اكون وضحت الاستفساررررررر*

[ahmedragab]

الطلقتين الي فى الاول دة الهندى والطلقتين الي بعدهم دة الالمانى والى بعدهم دول التركى الاصفر والى تحتيهم دة التركى الابيض