رئيس مباحث قسم ثان المحلة بضبط نجل عمه لحمله سلاحا ناريا بدون ترخيص

[غاوى صيد]

قام الرائد محمد البرلسى رئيس مباحث قسم ثان المحلة بضبط نجل عمه لحمله سلاحا ناريا بدون ترخيص، وذلك بقرية العلو التابعة لدائرة قسم ثان.

قام رئيس المباحث بالقبض على ابن عمه ويدعى محمد حسنى رجب البرلسى (21 سنة ـ عاطل) وبحوزته سلاح نارى (فرد روسى).

تحرر المحضر رقم 195 لسنة 2011 جنايات طوارئ قسم ثان المحلة وبعرض المتهم على النيابة قررت حبسه 4 أيام على ذمة التحقيقات.
http://www.youm7.com/News.asp?NewsID=414117
منقول من موقع اليوم السابع

[غاوى صيد]

والله انه راجل محترم و طبق القانون على اهله اولا
واضح يا جماعة ان الشرطة معدتش بتهرج وياريت يكون دة سلوكهم كلهم

[unknown]

ظابط محترم وقدوة للكثيرون
يجب ان نبدأ بأنفسنا واهلينا اولا

[Bora]

هذا هو الحل ربنا يبارك لكل من يتقي الله ويعلم ان الله ىراه

[Mohamed Mahmoud]

محتررررررررررررررررررررم

[البطل]

بجد راجل محترم وكده الشرطة بتقدم وبشكر رئيس المباحث على الخاص على العمل ده

[koktal]

ومأمور الموسكى نزل بالألى فى وش البلطجية بتوع شارع عبد العزيز بنفسه والله يا رجاله...هما دول الظباط المحترمين والرجاله على حق الله ...تحياتى لـ غاوى صيد وباقى الاعضاء

[أميجو]

ظابط محترم

[العربى]

لو اشوفه اعمله تعظيم سلام

[tarekvb]

مش يمكن الضابط كان على خلاف مع عمه قال لما اعمل واجب معاه واهو بالمرة ابقى وطنى ؟؟؟؟ هههههههههههه
طبعا لو كان الموضوع عكس كيدا وكان محكم ضميره كلنا بنشكره

[pooforever_2010]

معلش مش عاوز اضلمها فوشكم
بس دول 2 من ملايين
فالشرطه لسه فاسدين
لو ااى حد فتح موقع اليوم السابع وتابع الحوادث حيعرف ان لسه بدرى
اللى بيقتل عشان توكتوك واغتصاب وسرقه
كل دى جرايم قتل
بجد لو فضلنا كده سنه واحده
اتنبأ ان القتل االى حيحصل محصلش فاى حرب عالميه
وشكرا

[BooGY]

ربنا يسترها على البلد دى ..... بجد ويا رب يكون السبب فى الفساد اللى (كانوا ) فيه هو النظام السابق ويكون الاصل فى اخلاقهم العدل والحق ويرجعوا لأصلهم ده بعد انهيار النظام الفاسد اللى كان موجود قولوا آمين

[الجزار]

محمد البرلسي راجل محترم وانا اعرفه شخصيا وعلي فكره كان معانا في الثوره المباركه

[غاوى صيد]

الله اكبر وشهد شاهد من اهلها اقصد المحلة طبعا شكرا لك يات اخ جزار على الايضاح وتحية وتعظيم سلام للضابط الشجاع

[mero1x]

لو ممكن يا جزار رقم تليفونة اشكرة بنفسى يبقى ليك الشكر
وياريت الداخلية كلها تحزو حزوة

[Axel]

يا رب كل الضباط يبقي كده لأن النوعية ديه نادرة بس يا ريت يكون الموضوع فعلا مش مسألة 2 في 1 ههههه

[adel_7768]

الضابط ده مثال للقدوة الحسنه التي يجب ان يحتذي بها ربنا يباركله

[mostafa amin]

بارك اللة فية واكثر من امثالة

[mahmoud11144]

يارب كتر من امثااااااااااااااااااااااااااااااااااااااااااااااا ااااااااااالة

[mosho]

يارب كل الناس تبقى كده

[Ahmed914]

شكله كان متغاظ منه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

[koktal]

المشاركة الأصلية كتبت بواسطة Ahmed914

شكله كان متغاظ منه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

ضحكنى التعليق ده

[the hacker]

والله محترم و ياريت الدخليه كلها تبقا زيه .....