|
التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
ابتكارات و اختراعات الاعضاء كل مايتعلق بابتكارات و اختراعات الاعضاء الحصرية فى مجالات الاسلحة بمختلف انواعها |
|
أدوات الموضوع | إبحث في الموضوع | انواع عرض الموضوع |
12-11-14, 11:06 AM | #1 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
شرح كامل لعمل استاند لكاميرا البندقيه بــ30 جنيه
بسم الله الرحمن الرحيم
السلام عليكم ورحمة الله وبركاته بناء على طلب بعض الاخوه الكرام وجميع صيادين مصر العظام اقدم لكم شرح تفصيلى عن طريقة صنع استاند للكاميرا الديجتال والاستاند ده هايركب للبندقيه ويصورلك كل شىء وانت بتضرب سواء كنت بتصطاد باسكوب او اوبن سايت انا بصراحه مش عارف هو حد عمل الفكره دى قبل كده ولا لا لكن عموما والله دى فكرتى وتنفيذى اهداء منى لكم جميعا وعلى ما اعتقد ان اللى عمل استاند قبل كده عملو يركب للاسكوب فقط مش للاوبن سايت كمان والفكره كلها مش هاتكلفك 30 جنيه او اقل مع انى باسمع ارقام غريبه لأسعار الاستاندات يعنى مثلا 250 جنيه و600 جنيه وده مبلغ ضخم جدا على حتة استاند هو اينعم بيكون حاجه فخمه اوى لكن برده حرام المبلغ ده يندفع فى استاند وبسم الله نبدأء هو تنفيذ الفكره باينه انها صعبه اوى لكن اللى هايشغل دماغه ويركز شويه فى الشرح هايعرف انها سهله اولا المطلوب قطعتين صاج مجلفن سمكها 1 مللى القطعه الاولى مقاس 7 سنتى عرض فى 19 سنتى طول القطعه الثانيه 8 سنتى عرض فى 21 سنتى طول قطعتين كاوتش سمكها 1 مللى برده ونفس مقاسات قطعتين الصاج2 مسمارين بصاموله مقاس 10طول5 سنتى ومعاهم اربع ورد مسمار 10(سن خشن)وطوله 2 سنتى رأس المسمار مفك مش صاموله..وركز اوى فى موضوع سن خشن ده لأنه لو سنه مش خشن مش هاريبط فى الكاميرا وابقى هات معاه وردتين 4قفيز بلاستك زى ده والواحد سعره 25 قرش المهم انا عامل الشرح على قطعتين كارتون وانتو ابقو نفذوها على الصاج هانمسك القطعه اللى مقاسها 7+19 ونفصلها بالمقاسات دى وركز كويس فى المقاسات اللى مكتوبه عالصوره المربعات اللى باللون الاحمر سيتم قصها واخراجها وبالترتيب كده من اليمين من الخلف هانقص 7.5 سنتى ونسيب 1 سنتى وبعدين نقص 4.5 سنتى وبعدين نسيب 1.5 سنتى ونقص 4.5 سنتى ومن الامام هانقص 4.5 سنتى وهانسيب 3 سنتى وبعدين نقص 4سنتى وبعدين نسيب 3 وبعدين نقص 4.5 وبكده يبقى قصينا الزوائد وجهزنا القطعه بالشكل ده وبعدين نخرم خرم مقاس 10 هنا لربط الكاميرا فيه ولو عاوز تلحم صاموله من تحت مفيش مشكله الخطوه اللى بعد كده نبدأ فى لم وتجميع الجوانب وتجهيز القالب بالشكل ده ومننساش نلحم الفواصل كلها فى بعضها وده هايدى ثبات اكتر للاستاند وبعدين هانجيب القطعه الصاج التانيه اللى مقاسها 8+21 سنتى ونخرمها اربع اخرام لمسمار بصاموله مقاس 10 على نفس العلامات دى بعد الحواف بــ1سنتى وبعدين هانبداء نقص قطعتين الكاوتش ونفصلهم بنفس الطريقه بتاعة قطعتين الصاج ونلزقهم بالامير او بالكله علي الصاج من الداخل زى البطانه كده عشان الصاج مايجرحش الكاميرا او البندقيه وبعدين هاتجيب القطعه الخاصه بالدبشك وتلفها باديك على الجزء اللى قدام الزناد علطول لغاية ماتبقى كده وبعد كده نروح لأقرب ورشة ونخليه يعمل الاتى نلحم القطعتين فى بعض بالطريقه دى القطعه اللى بتشيل الكاميرا هاتتلحم فى الحته اللى متعلم عليها مربع دى بس الحمهم فى بعض كويس اوى من جميع النواحى عشان رد الفعل مايحركش ميخليش الاستاند يهتز والكاميرا زى ماحنا عارفين فيها ثقب مسمار من تحت هاتربطها منو فى الاستاند المسمار اللى عليه سهم ده هايربط الكاميرا فى الثقب اللى عليه دايره ده والشكل النهائى للاستاند هايكون كده وده شكل الكاميرا من الخلف وهايكون شكلها كده من الامام وهى راكبه على البندقيه والاستاند وابقى اربطها بالقفيز البلاستك ده فى كل طلعه صيد زياده فى التثبيت اربط القفيز فى نفس المكان اللى فى الصوره ده وابقى اقطع القفيز بعد ماتخلص تصوير وتيجى تفك الكاميرا والكاميرا بكده هاتبقى جامده ومتثبته كويس جدا وده فيديو لتوضيح عدم تأثير رد الفعل على التصوير اثناء الضرب https://www.youtube.com/watch?v=GgELavHfnRA وكل ما ارجوه منكم ان تدعولى بالخير وبالهدايه ولوالدى بالرحمه والمغفره واى سؤال انا فى الخدمه والسلام عليكم ورحمة الله
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
sponsor links |
sponsor links |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أعمل اه؟ | majo | الصيد العام | 22 | 12-07-01 11:53 PM |
واير لس ... نشن يا معلم | الرحاله | الموضوعات العامه | 8 | 12-02-28 09:48 PM |
التصوير البطيئ لعمل البندقيه الريتا وكيفيه التعبئه والطرد | hogan | ادوات الصيد الثقيله | 0 | 11-07-04 12:01 PM |
السى زيد 1200 جنيه,الكرال كينج 400 جنيه . القاهرة / مصر الجديدة | Amer | سوق المنتدى | 1 | 11-04-26 11:29 AM |
فى مرحلة شراء البندقيه ياترى البندقيه دى سعرها كام دلوقتى | محمد رضا العبد | بنادق ضغط الهواء ومتعلقاتها | 17 | 10-08-29 10:32 PM |