|
الموضوعات العامه الموضوعات الغير متعلقه بالصيد. |
أدوات الموضوع | إبحث في الموضوع | انواع عرض الموضوع |
11-09-10, 11:06 PM | #1 |
صياد متقدم
|
السلطات المصرية تقرر استخدام الطوارىء وتفعيل الأمن الوطني
السلطات المصرية تقرر استخدام الطوارىء وتفعيل الأمن الوطني
السبت 10 سبتمبر 2011 مفكرة الاسلام: أعلن أسامة هيكل وزير الإعلام المصري أن مصر تتعرض لمحنة حاليًا، مؤكدًا أنه سيتم إتخاذ إجراءات رادعة. جاء ذلك بعد اجتماع مشترك للمجلس الأعلى للقوات المسلحة وبعض وزراء حكومة الدكتور عصام شرف ظهر اليوم لبحث الأحداث التي وقعت أمس الجمعة. وقال هيكل: "البعض استغل ضبط النفس من جانب الأمن وحاول استفزازه، وما حدث أمس كان خروج عن القانون ولا يمكن وصف من ارتكب ذلك بأنهم شرفاء، وما حدث أضر بصورة مصر ومكانتها الدولية ولا يمكن السكوت عليه". وأعلن هيكل عدة إجراءات وقرارات تم اتخاذها خلال اجتماع المجلس الأعلى للقوات المسلحة ومجلس الوزراء اليوم السبت، تتركز في إحالة المقبوض عليهم ومن يثبت المشاركة والتحريض في أحداث أمس لمحكمة أمن الدولة طوارئ، وتمت إحالة 38 من مثيري الشغب إلي نيابة أمن الدولة العليا. وتشمل الإجراءات أيضًا تفعيل قانون الطوارئ واتخاذ اجراءات رادعة ضد المظاهرات التي تعطل حركة العمل، وتطبيق قانون الطوارئ للحفاظ على الدولة وهيبيتها. وأكد هيكل التزام مصر بكافة التزاماتها الدولية وبتأمين كافة البعثات الدولية، وناشد وزير الإعلام كافة القوى السياسية والإعلامية بتحمل مسئوليتها أمام ظاهرة الانفلات الأمني والاخلاقي. ووفق بوابة الأهرام شدد هيكل على قيام أجهزة الأمن بدءا من الآن وصاعدا باتخاذ ما يلزم من إجراءات قانونية وكافة الصلاحيات في حقها الشرعي للحفاظ على الأمن. طنطاوي يطلب تفعيل جهاز الأمن الوطني في سياق متصل كشف مصدر مسئول بالمجلس الأعلى للقوات المسلحة المصري أن المشير حسين طنطاوي طلب من مجموعة الأزمة الوزارية برئاسة الدكتور عصام شرف، رئيس مجلس الوزراء، في الاجتماع المشترك بين اللجنة والمجلس حاليا بضرورة تفعيل دور جهاز الأمن الوطني الذي جاء بديلاً لجهاز أمن الدول بعد ثورة 25 يناير، وذلك لتعقب مثير الشغب وحماية ممتلكات الدولة. وناقش الاجتماع تفاصيل الخطة الأمنية لحماية المنشآت الحيوية خلال الفترة المقبلة وتكثيف التواجد الأمني في الشارع المصري، وكذلك مناقشة خطة التصرف مع الجانب "الإسرائيلي" بعد أحداث اقتحام السفارة "الإسرائيلية" في مظاهرات أمس الجمعة. وأوضح المصدر أن المجتمعين أكدوا على حق التظاهر للجميع ولكن بشكل سلمي وأن من يخرج عن هذا الإطار سوف يواجه بكل حزم وشدة. http://www.islammemo.cc/akhbar/arab/...10/133598.html
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
sponsor links |
11-09-10, 11:09 PM | #2 |
صياد متقدم
|
رد: السلطات المصرية تقرر استخدام الطوارىء وتفعيل الأمن الوطني
المصيبة بقى يرجع أمن الدولة بتاع زمان بأساليبه القذرة والتعذيب والإعتقال والسجون السرية، وإلى ملهوش فى الطور ولا الطحين يضيع زى زمان، لكى الله يا مصر، الواحد لما صدق يبقى فيه حرية، إلى عايز يربى دقنه يربى، وإلى عايز يروح يعتكف فى المسجد يعتكف من غير خوف، يا جماعة المفروض لو حصل تجاوز من الأمن الوطنى وتعدى حدوده مش نسكت زى زمان، مش ناقصين ظلم 30 سنة كمان.
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
11-09-10, 11:15 PM | #3 |
صياد قديم
تاريخ التسجيل: Aug 2011
المدينه: القاهرة ’ الزيتون
المشاركات: 1,965
معدل تقييم المستوى: 17 |
رد: السلطات المصرية تقرر استخدام الطوارىء وتفعيل الأمن الوطني
طنطاوى و مبارك وجهان لعملة واحدة
__________________
{صعب تسمع يوم سكوتنا} |
11-09-10, 11:23 PM | #4 |
صياد متقدم
|
رد: السلطات المصرية تقرر استخدام الطوارىء وتفعيل الأمن الوطني
والله يا أخى أنا حاسس أن مصر مقبلة على ديكتاتورية أخرى وهيحصل فيها ثورة أخرى، مش عارف ساعات بحس أن طنطاوى راجل وطنى وخايف على مصر وساعات بحس أنه مش يفرق كثير عن مبارك ولو فضضل كثير يحكم هيبقى نسخة طبق الأصل من مبارك، والله أعلم إيه إلى ممكن يحصل فى البلد أكثر من كده، أنا مش عارف إلى يتمسك معاه مطوة أو يسرق تلفزيون بيتحاكم عسكرياً وياخد حكم مفهوش إستئناف فى خلال أسبوع، وإلى سرق البلد وقتل الآلاف وكل يوم يثيروا الفتنة ويبعتوا البلطجية تموت وتصيب الناس بيتحاكمو محاكمة 5 نجوم، طنطاوى ده لو مفاقشى لنفسه كويس هيلاقى ثورة اشد من بتاعة مبارك، والشعب مش هيصبر أكثر من سنة ولا إثنين بالكثير وبعد كده أنا واحد من الناس معارض المظاهرات والاعتصامات حالياً أخر ما هفقد أى أمل مش هيبقى قدام الواحد إلا أنه ياخد حقه بإيده ويا قاتل يا مقتول.
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
11-09-10, 11:27 PM | #5 |
صياد متقدم
تاريخ التسجيل: Apr 2011
المدينه: Cairo
المشاركات: 783
معدل تقييم المستوى: 9 |
رد: السلطات المصرية تقرر استخدام الطوارىء وتفعيل الأمن الوطني
منقول عن شهاده احد الشباب كان واقف عند السفاره من علي الفيسبوك
لغاية هدم الجدار كان تمام جداً والجيش والامن المركزي كانوا في حالهم جداً وكانوا كاشين في بعض وبعد ما الجدار اتهد والناس بدأت تهتف بحماس حوالي اربع شباب طلعوا على العمارة اللي فيها السفارة من بره اتنين تعبوا ونزلوا من تاني دور واتنين كملوا وطلعوا في الدور الخامس من العمارة اللي جمب العمارة اللي فيها السفارة دخلوا الشابين دول واختفوا بعد كده لمدة ربع ساعة عشر دقايق تقريباً وبعد كده لقيناهم مره واحد في الدور التاسع في العمارة اللي فيها السفارة ومحدش يعرف طلع كده مره واحده ازاي وكان فيه ظباط جيش على سطح العمارة الصغيرة اللي جمب السفارة الظباط دول كمان اختفوا وفجأة لقينا حوالي 10 .. 15 شاب فوق السطح ده والله اعلم طلعوا ازاي برضو المهم الولد اللي كان من بره العماره شال العلم وبعدين الشباب دول كسروا الازاز بتاع السفارة ودخلوها من جوه وفضلوا قاعدين فيها كتير جداً المهم افتكرنا انهم هينزلوا فالناس نزلت عند المدخل عشان تخرجهم قبل الجيش ما يقبض عليهم بس الشباب دول ما نزلوش والامن المركزي كله انسحب والجيش كان متساهل معانا جداً لدرجة تخوف المهم الجيش كمان اتسحب هو كان موجود بس ملوش لازمة خالص وظابط رتبه كده سحب العساكر كلهم وقعد بيهم ع الرصيف وكل ما حد يكلمه هو او اي ظابط جيش يقول مليش دعوة دي بلدكم وانتوا احرار فيها وبعد كده كل شوية يخرج شاب وهو مسخسخ من الشارع اللي فيه السفارة والناس بتقول بيرشوا غاز اعصاب !! المهم الشارع اللي ورا العمارة اللي فيها السفارة كان فيه عربيات الامن المركزي بس فاضيه وعربية منهم كانت بتولع والناس بتحاول تطفيها وجابت خرطوم مطافي من مطعم ع النيل او حاجه زي كده قالوا لظابط الجيش قالهم مليش دعوة قالوله سكان الشارع هما اللي بيستغيثوا مش احنا قالهم انتوا احرار وبعدين عربية مطافي جات وطفت الحريقة الشباب وقفوا على مداخل العمارة يأمنوها ومداخل البنك اللي في نفس الشارع وكان هناك شيخ عمال يقول للناس ولعوا في باقي العربيات بقالنا تلاتين سنه ساكتين ولعوا في العربيات بس الشباب اللي هناك مسحوا بكرامته الارض وواحد من الناس اللي هناك كان مصمم ان الشيخ ده ايراني وبعدين الجيش جه وخرجنا مش الشارع بعد ما الشباب طفوا الحريقة وأمنوا المنشأت اللي هناك والجيش كان سايب تماماً الشارع اللي فيه السفارة مجرد مدرعات موجودة بس ملهاش لازمة ولا بتعمل اي حاجه العجيب في الامر ان الجيش كان مأمن جداً سفارة السعودية ومحدش يقدر يقرب من هناك وسؤال بسيط يعني الثوار اقتحموا السفارة والمديرية وحرقوا جنينة الاورمان والحيوانات وما قربوش لسفارة السعودية ليه ؟؟؟ اشمعنا يعني * كل ده والشباب لسه فوق السفارة بيقولوا انها اخر 3 ادوار من العمارة الشباب كانوا في الدور الرابع من فوق مش عارف ليه برضو ما دخلوش التلات ادوار اللي فوق الله اعلم المهم كل ما حد يقول لظباط الجيش انتوا مش بتعملوا حاجه ليه بيقولوا اصل اللي فوق دول بلطجية الشباب تقولهم طب هاتوهم من فوق يقولوا ملناش دعوة لو تعرف انت تجيبهم اطلع هاتهم وبعدها قال اتقلوا انتوا بس وابعدوا من هنا احنا هنتصرف دلوقت والله اعلم ايه اللي حصل عند المديرية بس اللي انا شوفته ان الشباب والامن المركزي كانوا بيضربوا بعض بالطوب ظابط جيش دخل وسط الشباب يشوف الوضع اضرب في راسه بطوبه من الامن المركزي راح الظابط رجع عند سفارة السعودية واخد 20 عسكري تقريباً ودخل بيهم الشارع اللي عند المديرية وخرج الشباب اللي هناك وبعد كده رجع قعد مكانه والشباب دخلوا تاني المهم عربيات الامن المركزي وبوكسات شرطة كانت موجودة في العجوزة عند مستشفى الشرطة بكثافة وتقريباً الساعة 12 بالظبط كانوا عند السفارة وبدأوا في سحل الشباب اللي هناك * الخلاصة والله العظيم الجيش اللي كان هناك لو كان عايز يمنع كل ده كان منعه ومن غير جهد كمان واللي بينزل مظاهرات هيعرف وحصلت اكتر من مره ناس مندسه كانت بتدخل وسط الثوار وبيحاولوا يقوموا بشغب ويقتحموا السفارة والشباب اللب هناك هما اللي كانوا بيعملوا دروع بشرية ادام العساكر وبيفصلوهم عن البلطجية وهما اللي كانوا بيحموا مدخل العمارة واخر يوم اللي احمد الشحات مزل فيه العلم وكل ده متصور عن نفسي اقسم بالله قوات الجيش اللي هناك متواطئة في كل اللي حصل واتخاذلت في حماية المنشأت اللي هناك مش بس السفارة ما عدا سفارة السعودية اللي محدش قدر ولا هيقدر يلمسها مش قصدي ان الجيش مأمن سفارة السعودية عشان هي ضد الثورة والكلام ده انا اقصد ان الجيش لو عايز يأمن اي منشأة او موقع هيأمنها كويس وده امر طبيعي |
11-09-11, 12:01 AM | #6 |
صياد متقدم
|
رد: السلطات المصرية تقرر استخدام الطوارىء وتفعيل الأمن الوطني
والله يا أستاذ أندريا الواحد مبقاش عارف ايه الى بيحصل فى البلد فيه لعب كبير، وفيه حاجات بتحصل من تحت لتحت، يظهر أننا هنعيش فترة من عدم الإستقرار، ومبارك قالها كلما، إما أنا أو الفوضى، وما دام مبارك مش فيها هيخفيها، المشكلة أن النظام لسة موجود، مبارك بس هو إلى أتشال، يعنى واحد زى صفوت الشريف ده الخبيث الرقابة الإدارية متهماه أنه سرق 50 مليار جنيه فى 20 سنة لما كان وزير الإعلام، وطبعا المواضيع دى نامت دلوقتى ومش بنسمع عنها حاجة، تخيل واحد سرق 50 مليار جنيه فى فترة توليه لوزارة الإعلام فقط، يعنى مش بعيد يكون معاه أكثر من 100 مليار جنيه، وطبعاً الفلوس الى فى مصر إلى أتحفظ عليها مجرد ملاليم، واحد زى ده خبيث بسهولة جداً يخلى واحد برة السجن يجمعله 200 بلطجى فى 200 جنيه لكل لواحد يعنى 40 ألف جينه ملاليم بالنسبة لثروته، ويدخله فى أى مظاهرة أو مشكلة ويعمله قلق وإضطرابات فى البلد، والناس دى للأسف بفلوسهم الى سرقوها من الشعب يقدروا يعملوا الكثير وللأسف فى مصر أكثر من نصف مليون مسجل خطر وبلطجى، يعنى معاك قرش تقدر تعمل إلى أنت عايزه، فيا ريت الناس دى تتحاكم عسكرياً وياخده إعدام فوراً علشان نخلص من شرهم.
__________________
قال رسول الله (ص ) : ( عَلَيكُم بالرَّمْي فإنَّهُ مِنْ خَيرِ لَهْوِكُم )
|
11-09-11, 12:04 AM | #7 |
صياد متقدم
تاريخ التسجيل: Apr 2011
المدينه: Cairo
المشاركات: 783
معدل تقييم المستوى: 9 |
رد: السلطات المصرية تقرر استخدام الطوارىء وتفعيل الأمن الوطني
يا رب سترك علي مصرنا الحبيبة وشعبها العظيم
|
11-09-11, 12:38 AM | #8 |
Banned
|
رد: السلطات المصرية تقرر استخدام الطوارىء وتفعيل الأمن الوطني
انا حاولت اقول بلاش البيحصل عشان متحصلش حاجة تزعلنا احنا
وحصل واحنا الزعلنا احنا والسفير هيتهبب على عينه وعين اهلة وهيرجع مصر |
11-09-11, 12:50 AM | #9 |
صياد متفاعل
تاريخ التسجيل: Apr 2011
المدينه: Cairo
المشاركات: 146
معدل تقييم المستوى: 5 |
رد: السلطات المصرية تقرر استخدام الطوارىء وتفعيل الأمن الوطني
موقع الدستور الاصلي
شباب 6 إبريل : اما المجلس بتاعنا ده طلع لعيب بشكل؟؟؟ فهم الشعب انه معاه ضد مبارك ... وفهم مبارك انه معاه ضد الثورة..وفهم الإخوان انه معاهم ضد الفلول و الأحزاب..وفهم السلفيين انه معاهم ضد الكفار..وفهم الثوار انه مع مدنية الدولة و المبادئ الفوق دستورية ضد الإسلاميين..وفهم الفلول انه معاهم ضد التغيير؟؟وفهم بتوع التغيير انه معاهم ضد الفلول..و سابهم يطحنوا بعض احلي طحن..وبعد ما قعدهم كلهم علي حجره رماهم كلهم في الزبالة و خلا الناس تتحايل عليه انه يمسك الحكم و يعلن الطوارئ لإنهم فقدوا الثقة في كل دول.
__________________
ربنا لاتؤاخذنا ان نسينا أو اخطأنا
|
11-09-11, 12:54 AM | #10 |
صياد قديم
تاريخ التسجيل: Apr 2011
المدينه: ضفاف النيل
المشاركات: 1,016
معدل تقييم المستوى: 11 |
رد: السلطات المصرية تقرر استخدام الطوارىء وتفعيل الأمن الوطني
بلا طوارىء بلا امن وطنى بلا نيلة
الحكاية مفهومة وملعوبة ومتقسمه من زمان ايام العادلى اضربونا كنيستين ولا حاجة خلى امن الدولة يشتغل ولا فرقعولنا قنبلة فى الحسين او اعملوا حاجة خلى الشعب يشجعنا دلوقتى يلا ادخلوا على السفارة تانى يوم تفعيل الامن الوطنى والطوارىء يا نا س دى ملعوبة دة ولا مردونا يعرف يقسم زى التقسيم دة قسم يا استاذ قسم احنا مسلطحين القفا ادخل بقى بكل قوتك أأأأأأأأأأأأأأأأأأأأأأأأأى هههههههههههههههههه
__________________
الاكسلنس
محاضر ومدرب بأكاديمية كبرى للعلوم والتكنولوجيا لا للبلطجة لا للنصب والاحتيال .. نعم لمصر أهلى وناسى الايجيبشن ستيك اختراع مصرى ضد البلطجة Chiropractor_cairo@hotmail.com حذفت الرقم شاهد الفيديو من هنا http://www.youtube.com/watch?v=iSrd4WxnTEc http://www.youtube.com/watch?v=UvKJhlORZEo شاهد ماذا تفعل الصعقة فى اليد http://www.egypthunt.net/attachment....6&d=1309719769 |
11-09-11, 12:56 AM | #11 |
صياد قديم
تاريخ التسجيل: Apr 2011
المدينه: نادي الزمالك اسمي و عنواني
المشاركات: 2,373
معدل تقييم المستوى: 37 |
رد: السلطات المصرية تقرر استخدام الطوارىء وتفعيل الأمن الوطني
__________________
كل اناء ينضح بما فية |
11-09-11, 01:43 AM | #12 |
صياد نشيط
تاريخ التسجيل: Jun 2011
المدينه: الجيزه
المشاركات: 421
معدل تقييم المستوى: 7 |
رد: السلطات المصرية تقرر استخدام الطوارىء وتفعيل الأمن الوطني
حسبى الله ونعم الوكيل
__________________
لا اله الا انت سبحانك انى كنت من الظالمين |
11-09-11, 11:03 AM | #13 |
صياد قديم
|
رد: السلطات المصرية تقرر استخدام الطوارىء وتفعيل الأمن الوطني
هههههههههههههههههههه حنان الأم ( أحضن ) ..
__________________
✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ
|
11-09-11, 11:04 AM | #14 |
صياد قديم
|
رد: السلطات المصرية تقرر استخدام الطوارىء وتفعيل الأمن الوطني
يا حبى 30 سنة واكلين شاربين نايمين شغالين لكاكين مع بعض ( عايز اية تانى ؟ ) :d
__________________
✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
النشيد الوطنى القديم ....... ايه رأيكم القديم و لا الحالى؟؟ | AHMED IS MAHMOUD | الموضوعات العامه | 13 | 11-09-09 12:56 AM |
السلطات المصرية تتحمل مسئولية تسخين الأوضاع على الحدود مع إسرائيل | Ahmed El Sarky | الموضوعات العامه | 3 | 11-08-20 12:20 PM |
بندقية المانى الحرس الوطنى | ali.aaa | البنادق الهوائيه | 17 | 11-08-14 07:18 AM |
موسوعة الاسماك المصرية (اسماك . نهر النيل , البحر الاحمر , البحر المتوسط , البحيرات المصرية ) | egyptian coptic | صيد السمك | 13 | 10-11-03 10:08 PM |
لقاء مع مدير الأمن حول الأسلحة | msgm | انواع الطرائد ومواسمها | 10 | 09-04-26 03:51 AM |