|
صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
|
أدوات الموضوع | إبحث في الموضوع | انواع عرض الموضوع |
13-02-13, 11:30 AM | #1 |
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
طلعه صيد فضيحه
السلام عليكم ورحمة الله وبركاته
طلعة الصيد دى اتعرضت فيها لموقف حرق دمى جداااااااااااا هاحكيلكو عليه دلوقت المهم انى بقالى فتره كبيره مخرجتش للصيد عشان الجو وظروف البلد زى مانتو عارفين اخدت عدتى وتوكلت على الله من يومين وخرجت على مكان كنت جربته قبل كده وكان فيه الخير كتير وفى طريقى لمكان الصيد مريت على قريه كده وحودت على محل موبايلات عشان اجيب كارت شحن دخلت المحل وكان صاحب المحل ماسك التلفون وبيكتب رقم عليه وبيبدأ يعمل مكالمه دخلت وقلت السلام عليكم وعليكم السلام وقمت خارج واقف على باب المحل على مالراجل يخلص التلفون اللى فى معاه ولقيت الراجل صاحب المحل قام فاتح فى الزعيق وقلة الادب هو طبعا بيزعق للشخص اللى معاه على التلفون انت مجبتش الفلوس اللى عليك لغاية دلوقت ليه ياخالد يعنى ده جزائى انى عملت فيك معروف والله لو ما احترمت نفسك وجبت الفلوس انا هاربيك واخليك تمشى تبص وراك انا طبعا واقف على الباب نص جسمى جوه المحل ونص جسمى فى الشارع واخدت بالى ان الناس كلها قاعده تبصلى انا ومفكرين ان صاحب المحل بيكلمنى انا ههههههههههههههههه المهم انا اول مالاحظت كده دمى اتحرق وبقيت عاوز اطلع ازعق للناس واقولهم والله مش بيكلمنى انا ياجدعان والراجل لسه عمال يزعق ويقول يعنى انت عامل فيها راجل قدام الناس وانت اصلا مش لاقى تاكل يابن كذا وكذا وكذا انت شكلك حرامى ونصاب وانا مش هاسيب امك وانا قاعد اقوله فى سرى وطى صوتك الله يخربيت اهلك يا اخى وبدأ الراجل ابن المجنونه صوته يعلى اكتر ويشتم شتيمه قذره مش قادر اقولها واننا كنت خلاص دمى اتصفى من الاحراج لأن الشارع كله وقف يتفرج عليا وفاكرين ان الكلام ليا هههههههههههههههههه فى الاخر لما زهقت قمت واخد بعضى وماشى والراجل بتاع المحل خلص المكالمه وطلع ورايا ينادى يا استاذ يا استاذ طنشت ومردتش عليه ابن المفضوحه ده ومشيت وووصلت مكان الصيد وانا فى منتهى العكننه وزى مابيقولو اليوم بيبان من اوله واللى زود الطين بله انى كمان ملقتش يمام كتير ولفيت كتير واكتشفت بالصدفه ترعه فيها شوية فراخ زى العسل لكن المشكله انى مكانش معايا الملقاف واضطريت اشمر هدومى وانزل الميه ورا كل فرخه اضربها واجيبها وطبعا نص هدومى اتبلت ورجلى بقت كلها طينه ومع الاسف سبت حوالى 4 فرخات فى الميه عشان كانو فى ميه عميقه وبعيده عنى وبصراحه كانت طلعه كلها عكننه وبهدله وفى الاخر ربنا عوضنى بالكام فرخه على كام يمامه دول تفاصيل الرحله الكرال الرش جامو ماتش 25 رشه تم ضربهم 6 يمامه 6 فرخة 4 فراخ معرفتش اجبهم 2 يمامه برده ضاعو فى الغيطان 7 رشه خطأ ده فيديو للحصيله https://www.youtube.com/watch?v=RRuHgUnvQfU ودى الصور وربنا مايكتب عليكو مواقف صعبه زى دى هههههههههههههههههه والسلام عليكم
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
sponsor links |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فضيحه <تسريب امتحان كليه الزراعه > | pooforever_2010 | الموضوعات العامه | 18 | 12-10-18 11:16 PM |
اول طلعه سمك | ابو عامر | صور وفيديو الصيد ورحلاته | 18 | 12-04-29 12:22 PM |
فضيحه شباب وبنات بلطجية التحرير تنبيه الفيدو للكبار +18 | commando | الموضوعات العامه | 0 | 12-01-02 05:19 PM |
طلعه على قدى | samraghost | صور وفيديو الصيد ورحلاته | 29 | 11-09-15 12:28 AM |
فضيحه .. يارب أسترنا | محمود القاضى | الصيد العام | 13 | 11-06-01 04:48 PM |