متظاهرو التحرير يعلقون البلطجية عرايا على نخلة بساحة الميدان

[elexlns1]

شاهدوا الموضوع بالصور

http://www.youm7.com/News.asp?NewsID=453357

[kiko_2015]

الله اكبر..الحق بيفرض نفسه علي الباطل

[gamopt80]

رغم ان الواحد يتمنى انهم يضربوا بالنار في ميدان عام لكن الي في الصور دا حرام في شرع ربنا
البلطجي انت ممكن تطلع غلك فيه لو هو جاي يتعدى عليك دا حقك ,لكن لما يقع على الارض ويسلم امره بعدها هيبقى حرام عليك تمثل بيه
والي يعلقه او حتى يشنقه هو القانون مش احنا , دا مش حقنا
والا مش هيبقى في فرق بينا وبينهم

[hazeeeeem]

طيب واذا كان مفيش قانون !!
انا شغلى فى شارع طلعت حرب مش عايز اقولك ان امثال هؤلاء
كانوا مبهدلين الدنيا امبارح مع اصحاب المحلات وسكان الشارع وحاجه تحزن والله
وانهارده اقسم بالله انى شفت بعينى شاب منهم الله يهديه واقف (مَلط) عريان اقصد
عند تمثال طلعت حرب وفارش فى وسط الشارع حاجات بيبعها وقافل الطريق والناس نزلوا من العربيات
عشان يكلموه قال انا مفترى وعافيه ويعلى صوته ويقول مفيــــــــش حكومه اعمل اللى انا عايزه
لحد ما السواق لف بيا من شارع تانى ومشيت
ولا حول ولاقوة الا بالله

[سامح عاشور]

المصور بتاع اليوم السابع, محترف.

يا حازم اللي زي ده تتلموا عليه تعرفوه إن الله حق.

[mazenger]

لابد من سيادة القانون لان القانون هو سمة الشعوب المتحضرة التى تتبادل الاحترام بين افرادها وان كان الفساد متفشى فى القائمين علية

[الجزار]

الله اكبر ايوه كده يا رجاله

[kiko_2015]

لكل من يقول حرام وبتاع..عشان اللينك بتاع المقال مليان ناس عماله تقول حرام و تقول الثوار بلطجيه
كل اللي بيقولو كده هسالهم سؤال واحد
لو البلطجي ده اغتصب حد تعرفو
او كان راكل ماكينه وسرق الشنطه من ايد والدتك و وقعها ع الارض
او ثبت اخوك او ابوك ف الشارع بمطواه
هتقوللي بردو قانون و بتاع؟؟
العين بالعين و السن بالسن والبادي اظلم
الجيش قال اللي يشوف بلطجي بيمارس اعمال بلطجه و معاه شهود..يموتو
يبقي ارتاح وريحنا

[msa_79]

عن رسول الله صلى الله عليه وسلم قال : إن الله كتب الإحسان على كل شيء ، فإذا قتلتم فأحسنوا القتلة ، وإذا ذبحتم فأحسنوا الذبحة ، وليحد أحدكم شفرته ، وليرح ذبيحته . رواه مسلم .
ديننا لم يأمرنا بتعذيب البشر بل امرنا باحترام الانسان وادميته حتي في عقابه تحترم ادميته وانسانيته فما يحجث في الصور يدل علي الهمجية الوجشيء والتأخر وديننا دين رقي و حضارة ولا يرضي الله بهذه مهما كانت جريمتهم يعاقبو علي قدر جريمتهم بما امر به الله ولا حول ولا قوة الا بالله

[محمد المهدى]

عفوا جزاء من ينشر فى الارض فسادا (و ذلك بعد الادلة و الشهود العدل ) ان يصلب و يقطع ايديهم من خلاف او ينفو من الارض و ذلك ليكونو عبرة و عدم انتشار هذة الظاهرة

[smsmn8888]

هو مين البلطجي بالضبط انا الذي شايفة في الصور انهم اغلابهم من الاشكال دي

غير في مشكلة برضو هو ان الذي يروح الميدان ويختلف في الراي معاهم او يشد مع الجان اقال اة الشعبية هيعملو في نفس الكلام تا ويحطوك علي الشجرة برضو ؟؟؟؟؟؟؟؟؟؟؟

[smsmn8888]

المشاركة الأصلية كتبت بواسطة hazeeeeem

طيب واذا كان مفيش قانون !!
انا شغلى فى شارع طلعت حرب مش عايز اقولك ان امثال هؤلاء
كانوا مبهدلين الدنيا امبارح مع اصحاب المحلات وسكان الشارع وحاجه تحزن والله
وانهارده اقسم بالله انى شفت بعينى شاب منهم الله يهديه واقف (مَلط) عريان اقصد
عند تمثال طلعت حرب وفارش فى وسط الشارع حاجات بيبعها وقافل الطريق والناس نزلوا من العربيات
عشان يكلموه قال انا مفترى وعافيه ويعلى صوته ويقول مفيــــــــش حكومه اعمل اللى انا عايزه
لحد ما السواق لف بيا من شارع تانى ومشيت
ولا حول ولاقوة الا بالله

للاسف انا شوفت الكلام تا كمان وكونت في غاية الحزن فعلاااا البلد بتنهار

[راندى اورتن]

لا حول ولا قوة الا بالله

[gamopt80]

المشاركة الأصلية كتبت بواسطة kiko_2015

لكل من يقول حرام وبتاع..عشان اللينك بتاع المقال مليان ناس عماله تقول حرام و تقول الثوار بلطجيه
كل اللي بيقولو كده هسالهم سؤال واحد
لو البلطجي ده اغتصب حد تعرفو
او كان راكل ماكينه وسرق الشنطه من ايد والدتك و وقعها ع الارض
او ثبت اخوك او ابوك ف الشارع بمطواه
هتقوللي بردو قانون و بتاع؟؟
العين بالعين و السن بالسن والبادي اظلم
الجيش قال اللي يشوف بلطجي بيمارس اعمال بلطجه و معاه شهود..يموتو
يبقي ارتاح وريحنا

يا ابو سيف انا فاهم كلامك كويس وانا راجل اصلي صعيدي ودمي حامي لو واحد عمل حاجه من الي بتقول عليها هقتله مش هضربه بس
لكن انا بتكلم على ناس ما ليها اي حق في انهم يصلبوا بلطجي في الشارع وفي الميادين!! مين دول ومين اداهم الحق في تطبيق القانون على الناس؟؟
لو الموضوع يتقاس بالشكل ده طيب ايه الي يمنعه بكره يعمل كده فيك؟
وزي ما انا قولت في ردي السابق ان دول يستاهلوا يضربوا بالنار في ميدان عام مش بس يتصلبوا , بس بعد حكم شرعي من قاضي , ومش اي حد هينفذه, دا شرع ربنا

انا عندي يضرب بالنار قدام الناس كلها ولا انه يتمثل بيه ويتعذب

[اسلام]

كا لعاده التحرير والبلطجيه واكسلنس والقتل انتا شكلك عايز تجيب ضلف المنتدى بعد الحكايه ما تنتهى وتخلص

[الصقر المصرى]

بسم الله الرحمن الرحيم

{ إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ } المائده:33

صدق الله العظيم

دول اللى ظلموا انفسهم وباعوها بارخص ثمن ويستاهلوا كل اللى يجرالهم
تحياتى للجميع،،،

[elexlns1]

المشاركة الأصلية كتبت بواسطة اسلام

كا لعاده التحرير والبلطجيه واكسلنس والقتل انتا شكلك عايز تجيب ضلف المنتدى بعد الحكايه ما تنتهى وتخلص

هو انت مش عايش فى مصر ولا اية ؟؟

شكلك سنك صغير

دة خبر ونقل الخبر من مكان لأخر لا يحاسب عليه لا الافراد ولا القانون

والخبر منقول

ومفيش حاجة اهم من الثورة ومتابعة اخبارها ساعة بساعة

ولو انت مش مهتم غيرك مهتم

[elexlns1]

المشاركة الأصلية كتبت بواسطة الصقر المصرى

بسم الله الرحمن الرحيم

{ إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنْفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ } المائده:33

صدق الله العظيم

دول اللى ظلموا انفسهم وباعوها بارخص ثمن ويستاهلوا كل اللى يجرالهم
تحياتى للجميع،،،

بارك الله فيك انت جبت من الاخر

[mman2005]

يا جماعة البلطجى لو قدر على حد مش بيرحم، وعلشان ياخد 200 جنيه ممكن يضيع مستقبل شاب يعيمه ولا يعمله عاهة مستديمة، فلما يشوف زميله البلطجى متعلق ملط وواخد طريحة ممتازة هيقولك أنا مش هعرض نفسى لكده علشان حتى 1000 جنيه، هتبقى شغلانة البلطجة مش مستهالة إلى هيحصله بسببها وده أسلوب ردع كويس وعبرة لأى بلطجى.

[الصقر المصرى]

المشاركة الأصلية كتبت بواسطة mman2005

يا جماعة البلطجى لو قدر على حد مش بيرحم، وعلشان ياخد 200 جنيه ممكن يضيع مستقبل شاب يعيمه ولا يعمله عاهة مستديمة، فلما يشوف زميله البلطجى متعلق ملط وواخد طريحة ممتازة هيقولك أنا مش هعرض نفسى لكده علشان حتى 1000 جنيه، هتبقى شغلانة البلطجة مش مستهالة إلى هيحصله بسببها وده أسلوب ردع كويس وعبرة لأى بلطجى.

الله يفتح عليك كلام سليم 100% لان ويمكن فى ناس كتير متعرفش ده ان نوعيه البلطجيه دول بيبقوا من اجبن خلق الله وعمر متلاقى بلطجى يتعرض لحد لوحده او لواحد هو شايف انه معاه سلاح او اقوى منه والدليل ان البلطجى ميعرفش يروح مشوار الا وهو واخد اباتريل او ترامادول علشان يحاول يحس بان فى حاجه هتخليه اقوى من اللى قدامه واول مبيتمسك بيبكى ويتحايل زى الاطفال ويطلب الرحمه لانهم جبناااااء وبمجرد متحاول تشتبك معاه بينهار
انا بتفق مع رايك ولا كمان ياريت تتحلق راسه زيرو ويتلبس طرحه وهدوم حريمى ويتلف بيه الميدان كمان واهم حاجه ان زمايله يشوفوا الكلام ده ومش هتلاقوا ولا بلطجى يهوب ناحيه الميدان تانى
تحياتى ،،،

[اسلام]

المشاركة الأصلية كتبت بواسطة elexlns1

هو انت مش عايش فى مصر ولا اية ؟؟

شكلك سنك صغير

دة خبر ونقل الخبر من مكان لأخر لا يحاسب عليه لا الافراد ولا القانون

والخبر منقول

ومفيش حاجة اهم من الثورة ومتابعة اخبارها ساعة بساعة

ولو انت مش مهتم غيرك مهتم

يعنى تقريباً ان لسه شاب لم اتجاوز 45 ربيع
لكن الغريب والواضح ان كل مواضيعك من النوع دا كلها بلا استسناء ياما بتبيع فى اليكتريك يا اما بتقول ان صحابك اتقتلو يا اما بتتكلم عن البلطجيه
وبينى وبينى مجرد احساس انك ليك غرض من وراء اللى انتا بتعمله دا