صيد البط

[charesma]

السلأم عليكم ورحمه الله
انا كنت عاوز اعرف حاجه
هو الواحد لما بيحب يصطاد بط بيصطاده منين وايه المواسم بتاعته
وكمان بينزل فين لأن اهم حاجه انه يكون بينزل فى حته لأنى مش معايا خرطوش وياريت ننظم رحله معض بعض قريب

[MR.BERETTA]

اولا صيد البط بيبتدى من 15اغسطس الى اخر مارس واول هجرة البط فى اوخر الصيف بيجى البط الشرشير الصيفى ولاكن مش بالكثرة المطلوبة انما من اول شهر 10 بيتدى العبور الكثيفواحب اقولك ان صيد البط بيحتاج لكمية معات كتيرة الا وهى لبس مخصوص وهوالبس المموهة الثقيل للشتا وجهاز تداء لبط ودة تمنة حوالى 2000جنية وخيالات وهى بط بلاسيتك والواحدة حوالى 50جنينةوالبندقية والخرطوش وشاكايرى لفرد الخيالات ولم الحصيلة ولاهم انك بتنزل اللبدة الساعة 4الفجر فى الشتا شوف الحلاوةوممكن بعد الفلم دة كلة متصدش حاجة رزق ونصيب وارجو انى اكون افدتك

[عاصــم الشبراوينــي]

ومتنساش حاجه ضروريه جدا جدا يا بريتا هيا مقاس الطلق مينفعش اي مقاس في البط بالاخص لزم مقاس 7.5 او 8 ويا سلام لو الافواج المهاجره من البط استجابت لندائاتك او خيالاتك ممكن تعمل في اليوم حوالي 80 بطه ويكون ربنا كرمك اخر كرم

[MR.BERETTA]

انا احترام رائيك يا عاصم بس رش 7.5و8 لا يصلح للبط انما للقميرى اوالصفير او الزرزوراللى يقلون عنة فى الخليج سمن اما البط تتستخدم لة رش6او 5 و

[charesma]

يا شباب انا معايا diana 52 انا
كنت عاوز اعرف بس الأماكن الى بينزل فيها البط ويقف؟؟؟؟
ولأ مش هاتعمل حاجه معاهم مع انها بتوقع العنز

[msgm]

و كمان بالمرة حد يشرحلنا إيه اللبد الي بيصطادوا فيها .. ؟

.. و يا عاصم لو قدرت تتوصل للصياد المصري .. عنده كل المعلومات دي ..

أنا شفت البط الي لون رأسة خضراء و بتلمع .. و شفت حوالب 7 بيعوموا في النيل .. من ناحية مطعم sea gul >
كنت أتمنى أن البندقية تكون معايا . ..

و أعتقد أن الديانا 52 تجيبها .. لأن أنا شفت حجمها . ما كانش كبير ..!

[عاصــم الشبراوينــي]

لا يا بريبتا مع احترامي لخبرتك بس اسمع كلامي انا واثق منه جدا رش ناعم 7.5 أو 8
لأن البط يكون أسراب كبيرة وتعبر كل فترة والمطلوب إسقاط أكبر عدد من كل رف يعبر عليك .
ويفضل البناادق سريعه الطلقات
عرفت يا باشا انا ليه بقول رش 7.5 او 8 للبط
يارب اكون قدرت اصحح معلومه مش اكتر

[عاصــم الشبراوينــي]

علي فكره يا باشا
أول نوع بط يهاجر إلينا هو الشرشير الصيفى فهو يبدأ هجرته من آخر شهر 7 ويكثر آخر شهر 8 وشهر 9

[msgm]

باشا ماقلتليش إيه البط الي بيعوم في النيل و راسه لونها أخضر .. و شكله جميل جدا جدا ..

[MR.BERETTA]

السلام عليكم
اخوانى احب اوضح بعض الاستفسارات للاخوة اولا الديانا تصيد البط بس من مكان قريب والرشة تكون فى مكان قاتل غير كدة لا تانى شى البط اللى راسة خضرا اما يكون شرشير اوخضارى هما اللى يجيى لون الراس اخضر ثالثا اللبدة هى مكان داخل المياة او خارجها بيكو مربع او دائرى او مستطيل يجلس فية حوالى 4 اشخاص ويكون مموة بجريد نخل او عيدان غاب من عاب اليركة حتى لا يشوفك البط وتنشر الخيالات وتعيش ام بالنسبة لاكلام عاصم ان البط بينصاد برش 7و8 انا جربت واخطات كتير جدا بة ولاكن رش 6 و5 حلو جدا وهو على حسب اللى متعود علية وارجو ان اكون افدت الجميع

[zezo]

الف شكر يا بريتا على المعلومات القيمة دى
لكن المسافة اللى ممكن اصطاد البط منها برشة نمرة 2 تطلع اد ايه بالظبط

[msgm]

حسب نوع البندقية يا زيزو و نوع الرشة يا زيزو .. أقدر أجاوبك

[MR.BERETTA]

اهم حاجة تكون البندقية قوية والمسافة حوالى 15 متر وما تستاهل انك تروح للبط ببندقية رش ابدا يعنى 90%من اللى بيجيك اما طاير او حاط بعيد عنك نوعا ما

[عاصــم الشبراوينــي]

وبعدين يعني رحله صيد البط مكلفه استحاله اول ميجيك البط هتقبله ببندقيه رش مش منطقيه يعني مع احترامي لكل البنادق الرش الي في الدنيا

[msgm]

أعتقد أن زيزو بيسأل عن البط الي في النيل .. ده سهل جدا صيده بالرش .. و أنا حضرت الوضوع ده . والبط كان في مدى الرماية ما فيش بينه وبيني 20 متر ,,.

[sokar_jax]

معتقدش الرش يوقع بط غير لما يبقا قريب اوى

[walther]

بسم الله الرحمن الرحيم
المهم ان البط يكون حاطت علي الارض ممكن الديانا او الوبلي تقتله لانها ممكن تقتل انسان ومن 50 متر كمان انما لو في السماء فالتصويب حيكون شبه مستحيل

[mozo00]

يجماعه انا عايز اصطاد بط انا الشرقيه جنبي بس اروح لمين علشان اصطاد

[momo44]

المشاركة الأصلية كتبت بواسطة mozo00

يجماعه انا عايز اصطاد بط انا الشرقيه جنبي بس اروح لمين علشان اصطاد

انا كمان عايز
وكلنا عايزين
بس مش عارفين منين وازاى

[ahmed2101]

الى الأخ momo44 اشمعنى الشرقية يعنى هل فى حد قالك ان فى بط فيها ولا حضرتك بتسأل بس

[momo44]

المشاركة الأصلية كتبت بواسطة ahmed2101

الى الأخ momo44 اشمعنى الشرقية يعنى هل فى حد قالك ان فى بط فيها ولا حضرتك بتسأل بس

المشاركة الأصلية كتبت بواسطة momo44

انا كمان عايز
وكلنا عايزين
بس مش عارفين منين وازاى

الشرقية
؟؟؟؟؟؟؟؟؟؟؟
انا بقول مش عارف منين
يبقى ازاى احدد الشرقية
مش انا اللى سألت
ده الاخ الكريم mozo00 هوة اللى بيسأل عشان جنبه الشرقية

المشاركة الأصلية كتبت بواسطة mozo00

يجماعه انا عايز اصطاد بط انا الشرقيه جنبي بس اروح لمين علشان اصطاد