|
بنادق ضغط الهواء ومتعلقاتها معلومات عن بنادق ضغط الهواء والرش ومستلزماتها. |
أدوات الموضوع | إبحث في الموضوع | انواع عرض الموضوع |
09-11-02, 10:47 AM | #1 |
صياد قديم
|
الفكر المصري ومحاولة التطوير
اخواني واحبائي اعضاء المنتدي الكرام
الموضوع دة عبارة عن شرح لنوعين من التعديل انا قمت بيهم الايام الي فاتت وكان وقتها المنتدي مغلق ونزلتها في المنتدي الاخر بس طبعا لازم انزلهم في المنتدي دة وهما محاولة لفتح باب الابتكار والتعديل الي المصري دايما بيحاول يعملة لو في زنقة وزمان واحنا في الجيش اتعلمنا ان احنا ما نعطلش ولازم نمشي حالنا بالامكانيات المتاحة معلش طولت عليكم . التعديل الاول هو تركيب سوستة بندقية ديانا 52 الي البندقية التاريخية ( فالك 80 ) عيار 2.2 طبعا يا جماعة مش عارف اقول اية علي البندقية خامة مش ممكن تتكرر ابدا لانها مصنعة في المانيا اثناء الحرب العالمية الثانية داخل المصانع الحربية الالمانية . (( علي فكرة للحق الي قالي الموضوع دة الاستاذ محمد انور )) وانا بادعوة الي الانضمام لينا انة بسم الله علي علم ولما فتحتها لقيتها بحالة الفابريقة فعلا يا جماعة بس طبعا السوستة كانت تعبانة خالص المهم ركبت السوستة الجديدة انا والاستاذ سيف ابني ( وهي السهل الممتنع ) وبعدين جربتها علي باب صاج لمحل امامي فعلا عدت الناحية التانية بدون مبالغة وكان اول تجربة بيها وانا رايح لاشرف باهي علشان يشوفها وكانت الاحصيلة عدد 3 رشات = 3 حمامات فعلا تحفة ومن يومها والاستاذ سيف شغال بيها وبداء فعلا ينافسني التعديل التاني هوة تركيب سوستة ديانا 52 الي بندقية فايروخ 35 (hw (1.77 وعلي فكرة يا جماعة البندقية دية رائعة فعلا بس هي مالهاش حظ في مصر وحاليا انا بدور علي نيشان خلفي للبندقية لاني بعد التعديل اصبحت بقوة رهيبة جدا لدرجة اني بعد ما ضربت بيها كسرت النيشان الخلفي لانو مصنوع بكل اسف من مادة انتامونيا طبعا الناس ها يقولوا طب هو بيكتب الموضوع دة لية ماهو عادي ان الواحد يفك اي بندقية وخلاص بس مش هوة دة الهدف فعلا الهدف اني بخفز الاخوة الصيادين انهم يفكوا ويركبوا البنادق ما يخفوش من التعديل والتطور لان المصري والله جامد جدا بس اديلو امكانيات وبردة علشان الناس الي بتصلح بتهرج في الاسعار وشغلهم مش مضبوط معذرة للاطالة وجعت دماغكم
__________________
الصيد متعة والتفوق هو الهدف التعديل الأخير تم بواسطة galal khalifa ; 09-11-02 الساعة 10:53 AM |
sponsor links |
09-11-02, 12:10 PM | #2 |
صياد نشيط
تاريخ التسجيل: Jan 2009
المشاركات: 270
معدل تقييم المستوى: 7 |
رد: الفكر المصري ومحاولة التطوير
جلال باشا
تسلم وتسلم أفكارك أنا إنشاء الله ناوي على كده مع ال BAM B21 (الديانا الصيني ) لكن بصراحه هيي لسه كويسه بقالها سنه تقريبآ وأول ما ألاقيها مش عاجباني أركبلها سوسته Diana وسمعت إن ناس عملتها ونتيجتها كويسه وعايزين تطويرات تانيه |
09-11-02, 12:40 PM | #3 |
صياد قديم
|
رد: الفكر المصري ومحاولة التطوير
الله ينور يا حسام
شد حيلك يا بطل وانا معاك في اي وقت وعلي فكرة البندقية دية جامدة جدا ولو تم التعديل فيها ها تبقا حاجو كويسة بس عايزين لما نفك نشوف ونقارن بين المادة المصنوع منها قميص البيندقية وصلب السوستة علشان ما يحصلش مشاكل مع الوقت .
__________________
الصيد متعة والتفوق هو الهدف |
09-11-02, 02:58 PM | #4 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: الفكر المصري ومحاولة التطوير
بس ارجو الوعي في التغير لان المادة المصنعة منها البنادق الالماني و الانجليزى و الاسباني اكيد مش زى الصيني والمصري
فياليت الاحتراس والا سوف يتم تدمير البندقية بالكامل ؟؟؟
__________________
لا تعليق
|
09-11-03, 07:52 AM | #5 |
صياد قديم
|
رد: الفكر المصري ومحاولة التطوير
شكرا جزيلا يا سمسم
بس انا عايز اقول حاجة مهمة جدا فيما عدا الالمان طبعا بيصنعوا الحاجة كلها في الصين بدليل ان باتريوت بتتعمل حاليا في تركيا والصين اشترت شركة هامر العملاقة وعلي فكرة شركة هامر متخصصة في انتاج السيارات العسكرية يعني ذات الكفاءة العالية وانا اشرت سابقا اننا لازم نقارن بين المواد المصنع منها البندقية وعلي فكرة يا سمسم حتي قطع غيار الديانا الالماني انواع وفي عدة اماكن بتصنع علي سبيل المثال السوستة منها السعودية وتركيا والمصانع الاسبانية بتصنع في الغرب بعض الاجزاء تحياتي
__________________
الصيد متعة والتفوق هو الهدف |
09-11-03, 08:11 AM | #6 |
صياد قديم
تاريخ التسجيل: Jan 2009
المشاركات: 2,653
معدل تقييم المستوى: 21 |
رد: الفكر المصري ومحاولة التطوير
كلام صح
بس بخصوص فرق الخامة بين الالماني و الانجليزى و الاسباني و الباقي اكيد في فرق ومتوقع انة يوثر علي الااداء يعني مش بعد التعديل تكون منتظر ان البندقية الصيني اصبحت الماني علشان غيرنا السوستة ولا اة بالضبط انا كلام تا علي اساس المنطق مش عن تجربة فا ارجو التوضيح
__________________
لا تعليق
|
09-11-03, 09:13 AM | #7 |
صياد قديم
|
رد: الفكر المصري ومحاولة التطوير
طبعا ياسمسم الالمان المان والصنيين بردة صيينين
بس الدنيا اتغيرت ومش ممكن ان سوستة وجلبة تغير الاصل والا ماكنش حد غلب
__________________
الصيد متعة والتفوق هو الهدف |
09-11-03, 11:56 AM | #8 |
صياد نشيط
تاريخ التسجيل: Jan 2009
المشاركات: 270
معدل تقييم المستوى: 7 |
رد: الفكر المصري ومحاولة التطوير
يا جماعه الفكره كلها هي تحسين أداء
مش تغيير الأصل يعن الألماني إللي كفائتها 95% تبقى 99% ( على أساس إن 100% الحاجه السوبر إللي لسه متوجدتش) والصيني إللي كفائته 70% يبقي 80% و أي تحسن هو أحسن من مافيش |
09-11-03, 12:17 PM | #9 |
صياد قديم
|
رد: الفكر المصري ومحاولة التطوير
الله علي التحليل دة منك يا حسام
__________________
الصيد متعة والتفوق هو الهدف |
09-11-14, 11:15 PM | #10 |
صياد نشيط
|
رد: الفكر المصري ومحاولة التطوير
عموما أهم شئ هو عدم اليأس أمام أي مشكلة
وطالما بنفكر ونحاول أكيد هنوصل لحلول كتيرة ومفيدة لأي مشكله ومبروك عليك الثلاث حمامات يا باشا
__________________
والله لو صـحـب الإنسان جـبـريلا *** لم يسلم المرء من قال ومن قـيلا قــد قـيـل في الله أقـوالاً مصـنـفـةً *** تـُتـلـى إذا رُتـل الــقــــرآن تـرتيلا قــد قـيــل أن له ولـداً وصـاحـبـةً *** زورا عـلـيـه وبهـتـانـا وتـضـلـيـلا ********** فما بالنا لو قيل فينا بعض ما قيلا ********** oekhattab@yahoo.com |
09-11-15, 08:07 AM | #11 |
صياد قديم
|
رد: الفكر المصري ومحاولة التطوير
الله يبارك فيك يا اسامة بس دية بعد كدا جابت فوق 45 يمامة وعلي يد ابني سيف الدين وانا متفق معاك ان اليأس مش من المفروض انة يكون لة مكان في هوايتنا
__________________
الصيد متعة والتفوق هو الهدف |
09-11-26, 01:18 PM | #12 |
صياد نشيط
|
رد: الفكر المصري ومحاولة التطوير
كلام اخى ابو الجلاجل جميل وصح ومفيد بس المشكله فى الشباب المبتداين بيخافوا من التكنولوجيا الحديثه
فلازم نشجعهم ونساعدهم علشان يحبو الصيد والسلاح عشان الورش تخفف الاسعار شويه لانهم بيفهموا الشباب انهم اخترعوا الذرة لما يركبوا نشان اويغيروا سوسته وطبعا دة شىء بسيط جداا لمن يحاول ان يتعلم الموضوع جميل اخى جلال شكرااااااا
__________________
الصيد أدب مش رفع سلاح (وقُل رَبى زِدنى علماً ) صدق الله العظيم |
09-11-28, 07:21 PM | #13 |
صياد نشيط
|
رد: الفكر المصري ومحاولة التطوير
أخ جلال اكتبي نوع وموديل الفايروخ اللى عندك بالظبط ولو عندك صورة للنشان المكسور ياريت تحطه هنا وانا هاحاول أدورلك على النشان ده وان شاء الله هالاقيهولك هنا في السعودية لان فيه محلات هنا بتبيعها أعتقد انها عند الرميح دا بعد اذنك طبعا
__________________
والله لو صـحـب الإنسان جـبـريلا *** لم يسلم المرء من قال ومن قـيلا قــد قـيـل في الله أقـوالاً مصـنـفـةً *** تـُتـلـى إذا رُتـل الــقــــرآن تـرتيلا قــد قـيــل أن له ولـداً وصـاحـبـةً *** زورا عـلـيـه وبهـتـانـا وتـضـلـيـلا ********** فما بالنا لو قيل فينا بعض ما قيلا ********** oekhattab@yahoo.com |
09-11-29, 02:42 PM | #14 |
صياد قديم
|
رد: الفكر المصري ومحاولة التطوير
اولا الف شكر علي ذوقك واخلاقك وهي دية اخلاق المصريين اما عن نوع الموديل هو 35 القديم وقريب جدا من نيشان الجامو قطيعة واحدة واعتقد انة مش موجود حاليا وانا اذا فشلت ها جيب نشيان الجامو واعدلة ويبقا تمام التمام
واتخفش اخوك مابيعطلش صعقاوي قديم وللمرة الالف شطرا علي ذوقك
__________________
الصيد متعة والتفوق هو الهدف |
09-12-09, 01:36 PM | #15 |
صياد متفاعل
تاريخ التسجيل: Dec 2009
المشاركات: 74
معدل تقييم المستوى: 6 |
رد: الفكر المصري ومحاولة التطوير
تحية طيبة وبعد
عندى سؤال هل ممكن الواحد يشترى البندقية عن طريق النت انا عندى اخوية ضابط وممكن يجبها على اسمو هل هيكون فى مشكلة بالنسبالو ولو مفشكرا ليك اتمنى الرد فى اسرع وقت لان الصيد خلاص هيجننى وخصوصا انى البندقية الاى عندى باظت ونفسى اشترى حاجة جمده بس مش من مصر يش مشكلة حضرتك تعرف مواقع مضمونه ممكن الواحد يشترى عن طريقها |
09-12-14, 10:52 AM | #17 |
صياد نشيط
|
رد: الفكر المصري ومحاولة التطوير
ماتقلقش من الصيني ببساطة شركة اديداس الأمريكية بتعمل حاجتها فالصين, بس الرك على إنها "درجة أولى"
عندي سؤال -أنا من النوع اللي بيفعكش كتير و بوظت بدل الحاجة مية- ممكن احط آه للنرويكا جت علما بأنها سستتها رفيعة و 43 حلقة ؟؟ التعديل الأخير تم بواسطة Oonyx ; 09-12-14 الساعة 10:52 AM سبب آخر: نسيت كلمة |
09-12-15, 09:53 AM | #18 |
صياد متفاعل
تاريخ التسجيل: Dec 2009
المشاركات: 74
معدل تقييم المستوى: 6 |
رد: الفكر المصري ومحاولة التطوير
بجد موضوع جامد جدا وانا بفكر انى اشترى بندقية صينى لانى ممعيش الامكانيات الاى تمكنى من الاصلى الالمانى وهقوم بتطورها ان شاء الله لانى ده جزء من شخصيتى
وشكرا |
09-12-15, 12:28 PM | #19 |
صياد نشيط
|
رد: الفكر المصري ومحاولة التطوير
وجود استاذ جلال في اي منتدي يعد مكسب لهذا المنتدي واعضائه فالرجل يمتلك عقلية رائعة وخبرة لا حدود لها وقدرة علي الابتكار لاتتوقفكما يعجبني جدا نجاحه في ان يغرس هذه الهواية في نفس ابننه سيف الذي اسعد خين اراه يشارك(وخصوصا ان ابني اسمه سيف الدين ) كما لوكان ابني هو الذي يشارك
كما ان لاخلاقه الرائعة اثر في اشعار كل من حوله بانهم اذا احتجوه فهو لن يتاخر بل هواول من يبادر بعرض خدماته التي يعرضها بصدق واخلاص وكانما يريد ان يرفع الحرج عمن يستشعر فيه رغبته في طلب المساعد ة بالفعل نحن محظوظون لوجود رجال مثل استاذ جلال واستاذ طلعت الذي لايقل عن اخيه الاستاذ جلال في عقليته وخدماته ودماثة خلقه استاذجلال انه يشرف نا ان نكون في منتدي انتما عضوان فيه والله حين علمت من صديقي الشيخ مجدي انكما عنده في الاسكندرية اخبرته ان يبعث لكما بسلام حار وان يكلمنى حين تكونان معه لكن يبدو انه نسى الامر تحياتي لكما مرة اخري |
09-12-15, 10:59 PM | #20 |
صياد متقدم
تاريخ التسجيل: Aug 2008
المدينه: القاهرة
المشاركات: 603
معدل تقييم المستوى: 9 |
رد: الفكر المصري ومحاولة التطوير
ده أنت اللي جميل قوي بجد ياتاون سنيبر وان وبعدين أنت مين أنا عايز أعرفك ؟؟؟
__________________
بلادي وأن جارت عليا عزيزة أهلي وأن ضنوا عليا كرام |
09-12-16, 12:12 AM | #21 |
صياد نشيط
|
رد: الفكر المصري ومحاولة التطوير
|
09-12-16, 07:56 AM | #22 |
صياد قديم
|
رد: الفكر المصري ومحاولة التطوير
اشكرك يا اسامة علي هذة الكلمات الرائعة التي اقشعر بدني لها
اخي العزيز للعلم نحن في مصر قادرين علي التطوير والابداع في كل شئ ويكفي ان المصريين يتحلون باجمل شئ وهو الكرم ومساعدة الاخرين وعلي فكرة ممكن تلاقي واحد مصري يحصل معاة مشكلة كبيرة في موضوع مالوش دعوة بية وان دل ذلك فعلي الكرم والشهابة ام بالنسبة لاخي العزيز طلعت فدة يا اسامة راجل بلسم ادب وذوق وعلم وكرم وان شاء الله نتقابل علي الخير سواء في اسكندرية او القاهرة وانا بشكرك للمرة التانية علي الكلمات الجميلة الي انت كتبتها واتمني لقائك قريبا
__________________
الصيد متعة والتفوق هو الهدف |
09-12-16, 03:11 PM | #23 |
صياد نشيط
|
رد: الفكر المصري ومحاولة التطوير
تحية حرة جدا لجميع الفطاحل الموجودين في هذا المنتدى الذي أنا اصبحت عضوا مستجدا فيه. الأستاذ جلال هو ممكن حضرتك تقولي إيه التطوير اللي أنا ممكن اعمله في النريكا جت ؟
|
09-12-16, 08:41 PM | #24 |
صياد قديم
|
رد: الفكر المصري ومحاولة التطوير
تعتير البندقية النوركا جت من البنادق الهاي بور لان سرعتها 250 متر في الثانية الواحدة والتعديل الوحيد الي ممكن يتعمل انك تركب سوستة البندقية النوركا المارفك هي هي السوستة بس الصلابة بتاعت المارفك اعلي شوية وممكن تعدل النشان الي فسفوري.. ودمتم
__________________
الصيد متعة والتفوق هو الهدف |
09-12-17, 07:37 PM | #25 |
صياد نشيط
|
رد: الفكر المصري ومحاولة التطوير
مش عارف أقول لحضرتك إيه متشكر جدا يا أستاذ جلال.بجد حضرتك افادتني
|
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الغراب البري المصري | egyptian coptic | انواع الطرائد ومواسمها | 629 | 24-02-27 04:05 PM |
مقارنة بين البنادق الصيني و المصري | القناص المصري | بنادق ضغط الهواء ومتعلقاتها | 16 | 10-09-01 09:16 PM |
قانون الأسلحة والذخائر المصري | محمد عز | الصيد العام | 13 | 10-08-04 08:13 PM |
تحياتي لشعب المصري | السلطان | الصيد العام | 7 | 10-02-27 09:18 AM |
الإتحاد المصري للرماية | msgm | الصيد العام | 4 | 09-02-23 01:21 PM |