|
محدثات الصوت محدثات الصوت. |
أدوات الموضوع | إبحث في الموضوع | انواع عرض الموضوع |
11-03-29, 11:51 AM | #1 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
اليوم الثاني(مغامرة صيامكو): مغامرات حوكة في ادغال محلات السلاح
كنت وعدت اني ححكيلكوا علي قصتي مع المعلم صيامكو..واهو الحمد لله جه الوقت اللي حوفي بيه بالوعد..
ابتدت القصة تاني يوم الصبح بعد مشوار بينو....صحيت الصبح وانا حاسس اني متفائل اوي والدنيا حلوة علي غير العادة..شحنة الغلاسة جوايا كانت في اعلي درجاتها بعد تدريب امبارح ههههههههه.. وقلت انشاء الله حلاقي طلبي النهاره....يا قاتل يا مقتول....استعنا علي الشقي بالله... طبعاً انا كنت زهقت من مشوار اني رايح جاي لوحدي طول النهار امبارح ..فاتصلت بزيكس يجي معايا..وزيكس (لمن لا يعرفه) ما شاء الله حاجة كدة حيطة ..ضرفة دولاب متحركة ....وهو صحبي الانتيخ من ايام الجامعة ..بس مسخرة ابن اللزينة! زي العسل...وعلي كل ده احسن واحد بياكل ضرب في أي خناقة...وساعات دماغة بتونون ويطلع منه احلي مواقف تخليك مش عارف تضربة ولا تموت من الضحك..ويااااامة دخلنا في قصص ومشاكل مع صحابنا التانيين بسببه...حتي جوازة جه صدفة غريبة ومضحكة... اذكر من نوادره اننا كنا رايحين نعزي في وفاة ابو واحد صاحبنا... وكنا بنسلم علي الناس وكان هوا قدامي..فلقيتوا بيقول لصاحبنا.. "يا عم كبر دماغك متعملش في نفسك كده" طبعاً انا مقدرتش امسك نفسي انا والناس اللي حوالينا من الضحك..كان منظرنا عره اوي ..... ايه يا ابو زيكس..نظامك ايه النهاره....كنت رايح اجيب مسدس رش..تيجي معايا؟ قاللي ماشي واهو بالمرة لو عجبني حاجة اسحب فلوس من الاي تي ام واشتري انا كمان...ظروف البلد صعبة. مفيش ساعة واتقابلنا تحت بيته وفاهمتوا اننا رايحين الأول علي محل فيه عليه كلام كتير ..والناس بيقولوا علي صحبه ان معاملته صعبة ..فاحنا نقسم عليه عشان نطلع بديل كويس.... وقلتله انا اخري 1500 ولو منفعش الفصال حنمشي عشان الراجل ده بالذات بتاع مشاكل ومش حنخلص... ووصلنا المحل...اول ما دخلنا كان إنطباعي انه محل صغير والراجل اللي كان فيه كان شكله مش مريح (هو ليه كلهم كده؟) ومعاه واحدة بتساعدة.. طبعاً انا دخلت ورا الاخ زيكس... وهوب ظهرت للراجل فجاءة من وار حائط الصد ده..وابتسمت ابتسامتي الشهرية وقلتلو بكب ثقة "عاوز مسدس رش لو سمحت"...الراجل مردش علي طول...وبالبلدي كده عملنا "سكان" من فوقنا لتحتنا...وطبعاً خد وقت مع الاخ زيكس شوية علي ما وصل لراسه ههههههههه الراجل خلص الـ"سكان" وبرده مردش (إتم اوي يعني!) وقام مدينا ظهرة ومطلع علبه وفاتحها وقاللي ده مسدس الماني محترم..حاجة من الاخر..كان في العلبة والتر سي بي 88...انا كنت شفت المسدس ده قبل كده طبعاً وهو بصراحة حلو مفيش كلام.. المهم زيكس مسك المسدس واعد يبص عليه (اول مرة يمسك مسدس في حياته) وانا اعدت ابص معاه من غير مبين اني مهتم عشان لما نتكلم في الفلوس منتدبحش....وبعدين زيكس ادهوني وسأل الراجل....وده سعره كام....الراجل قاله 3000 جنيه ومعاه انبوبة غاز هدية (عرض ميتسابش !!!) في اللحظة دي كانت الست اللي معا الراجل عمالة تزق برجليها كرتونة ومعدية من ورانا....وانا لما سمعت الراجل قال 3000...قمت بناول المسدس لزيكس (يعني نظام مش مبسوط ومش عوزة بالسعر ده) وكان زيكس بيستعد عشان يفاصل...وفجاءة الست خبطت رجل زيكس من ورا بالكرتونة ..فبص وراه في نفس اللحظة اللي انا بديله فيها المسدس ...قام المسدس. هوب يا معلم..واقع في الارض..وزيكس فقد توازنة وداس عليه.... فجاءة الزمن توقف...الراجل تحول إلي حاجة كده تقولش كوماندوز وقام في ثواني قفز قفزين بقي قدامنا ..ومسك المسدس واعد يقول "بوظتوا البضاعة!!" "انا من اول ما شفت وشوكوا حسيت انه يوم اسود النهاردة" (انا حاسيس ان دي قلت ادب بصراحة!) ... وكل ده ليه يعني!! كل اللي حصل ان الباب بتاع انبوبة الغاز اللي في المقبض حته كلبس بلاستيك فيه اتكسرت (هو ناشف اوي الصراحة)..فبقي مش بيحكم في قفلته كويس (بيلق بسيط)...وده اقل واجب بعد ما داس عليه الديناصور اللي معايا.. ...طبعاً الراجل وحياه ابويا وشه تحول (اكتر ما هو اصلاً مرعب) كان عامل زي جودزيلا...وحسيت ان فيه ريالة حتنزل من جنب بقه كمان شوية..انت حتكلنا ولا ايه يا عم!!..انا بقيت بقول جوايا ..يا ساتر استر يا رب..وقلبي كان عمال بيدق زي المدفع..! تخيلوا يحصل ايه ساعتها؟؟؟ الاقي زيكس (ابن اللزينة) بيقولي "ايه يا عم ده..مش تحاسب ..كده كسرت للراجل البضاعة"!!!! انا كان هاين عليا اطبق في زمارة رقبتة...هوا التهريج حبك دلوقتي!! يخرب بيت دماغك..يا غبي أنا قلتلك نقسم علي الراجل مش تقسم عليا انا!!! حافظ مش فاهم طول عمرك..وبعدين الراجل ده مجنون...هوا اصلاً مش مستحمل ...انا تمالكت اعصابي ورديت بكل برود ..دي حاجة بسيطة...معلش حصل خير..شوية امير يخلوه زي الفل. "بلا امير بلا عفاف…انت لازم تدفعلي تمن البضاعة اللي باظت دي"…انا قلت.. يا باشا وحد الله في قلبك…ما بظتشي ولا حاجة..دي حته كلبسة بلاستيك اللي اتكسرت....زيكس قال.."طيب ماشي نشتري منك المسدس"…انا كنت خلاص حموت...نشتري ايه يا بني ادم ...ده بيقولك 3000 جنية!!! زيكس رد عليا..لا السعر ده لما كان سليم…دلوقتي انت ملزم تاخده وتصلحه علي حسابك..الراجل كان عمال يبصلي ويبص لزيكس ويجز علي سنانة.. رديت علي زيكس..خلاص يا سيدي..امري لله..اخدة علي 1500 وابقي اصلحة علي حسابي..مع اني مش عارف اصلحة فين..ممكن نسأل في وسط البلد..اكيد فيه حتة هناك…تفتكر نروح عند مين؟ الراجل قام مزعق…1500 مين يا حبيبي انت وهو!!! وقام منادي يا سعععاااد…يا سسسعععادددد..امت البت اللي شغالة معاه جيه من بره المحل بسرعة (مش عارف كانت طلعت تعمل ايه) البت كانت مسلوعة وبتتحرك بسرعة اوي..اقفلي الباب..البت قفلت الباب بالمفتاح ووقفت قدامه… يعني انتم مش عوزين تدوني فلوس المسدس اللي كسرتوة؟؟؟ انا حسيت اننا دخلين في مرحلة صعب…وزيكس ابتدي يشتم ويقوله انت حتخوفنا وكلام من ده..والراجل كان عامل زي المجنون بس حجم زيكس كان هته أوي…المهم…من غير كلام كتير عشان انا طولت..الراجل خد مننا 100 جنية ثمن قطعة غيار بدل اللي اتكسرت وروحنا. |
sponsor links |
11-03-29, 12:01 PM | #2 |
صياد قديم
تاريخ التسجيل: Feb 2011
المدينه: القاهرة
المشاركات: 1,424
معدل تقييم المستوى: 14 |
رد: اليوم الثاني(مغامرة صيامكو): مغامرات حوكة في ادغال محلات السلاح
كمل ياعم حرام عليك انت شوقتنا وبعدين قصة بينو ان مش لقيها
|
11-03-29, 12:07 PM | #3 |
صياد متفاعل
تاريخ التسجيل: Mar 2011
المشاركات: 62
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
بجد حرام عليك .. بلاش اسلوب المسلسلات اللي تقطع قبل ما تكمل دة ... كمل عاوزين نعرف
|
11-03-29, 12:10 PM | #4 |
صياد نشيط
تاريخ التسجيل: Mar 2011
المدينه: الجيزة
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
لالالالالالالالالالالالالالالالالالالالالالالالالا لالا
كمل |
11-03-29, 12:58 PM | #5 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
والله حكمل بس انا جالي شغل طارق...بليل النهاردة انشاء الله.
|
11-03-29, 01:23 PM | #6 |
صياد قديم
|
رد: اليوم الثاني(مغامرة صيامكو): مغامرات حوكة في ادغال محلات السلاح
هههههههههه ... لعيب لعيب أنت يا حوكا ... ههههه
__________________
Don't say you are alone when I still alive Kemomail@ymail.com |
11-03-29, 02:14 PM | #7 |
صياد متقدم
تاريخ التسجيل: Mar 2011
المدينه: السويس - بورسعيد - المنصورة
المشاركات: 860
معدل تقييم المستوى: 10 |
رد: اليوم الثاني(مغامرة صيامكو): مغامرات حوكة في ادغال محلات السلاح
يا حركاتك يا حوكا
__________________
"Load Your Mind Before you Load your Gun "
|
11-03-29, 02:21 PM | #8 |
صياد متفاعل
تاريخ التسجيل: Feb 2011
المدينه: الاسكندرية
المشاركات: 165
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
والله والله والله انا قاعد علي مكتبي وداخل عن طريق الموبايل وفطسان علي نفسي من الضحك والناس بتتفرج علية يا حوكا ____ ____بصراحة انا لو منك اوطي علي ودن الراجل وقولة انك متعرفش زيكس وقابلته برة وقالك ادخل معايا المحل دة واطلع اجري وسيب زيكس مع الجودزيلا والموزة وانت طالع بتجري زعق وقول في حرامي في المحل امسكوة مش خسارة في زيكس
|
11-03-29, 02:32 PM | #9 |
الادارة العليا
تاريخ التسجيل: Feb 2010
المدينه: مصر ام الدنيا
المشاركات: 3,848
معدل تقييم المستوى: 568 |
رد: اليوم الثاني(مغامرة صيامكو): مغامرات حوكة في ادغال محلات السلاح
ايه يا حوكا الجمال دة
__________________
سبحان الله و بحمدة سبحان الله العظيم
|
11-03-29, 02:38 PM | #10 |
صياد متفاعل
تاريخ التسجيل: Feb 2011
المشاركات: 136
معدل تقييم المستوى: 0 |
رد: اليوم الثاني(مغامرة صيامكو): مغامرات حوكة في ادغال محلات السلاح
زيكس دة بيحبك اوى
__________________
وتعاونوا على البر والتقوى ولا تعاونوا على الإثم والعدوان |
11-03-29, 02:47 PM | #11 |
صياد نشيط
تاريخ التسجيل: Dec 2010
المدينه: العريش
المشاركات: 360
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
والله حوكا ده دمه زى العسل ( شربات ) واحنا مستنين التكمله .
__________________
ولدتك امك يابـــن آدم باكيـــــــــا * & * والناس حولك يضحكون سرورا
فاعمل لنفسك ان تكون إذا بكوا * & * فى يوم موتك ضاحكا مسرورا |
11-03-29, 02:59 PM | #12 | |
صياد قديم
|
رد: اليوم الثاني(مغامرة صيامكو): مغامرات حوكة في ادغال محلات السلاح
اقتباس:
__________________
Don't say you are alone when I still alive Kemomail@ymail.com |
|
11-03-29, 03:22 PM | #13 |
صياد جديد
تاريخ التسجيل: Mar 2011
المشاركات: 14
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
لاعيب جامد ياراجل حرام عليك كمل
|
11-03-29, 03:36 PM | #14 |
صياد متقدم
تاريخ التسجيل: Mar 2011
المدينه: المحله الكبره
المشاركات: 545
معدل تقييم المستوى: 7 |
رد: اليوم الثاني(مغامرة صيامكو): مغامرات حوكة في ادغال محلات السلاح
اه يا يابني الحلاواه ديه بس والله انت جامد جدا كملنا بقا عشان متتعبش اعصبنا من الانتظارا
|
11-03-29, 03:40 PM | #15 |
صياد متفاعل
تاريخ التسجيل: Feb 2011
المدينه: القاهرة
المشاركات: 121
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
بجد اسلوب اكتر من رائع .. و خفة دم تلقائية
|
11-03-29, 04:51 PM | #16 |
صياد نشيط
|
رد: اليوم الثاني(مغامرة صيامكو): مغامرات حوكة في ادغال محلات السلاح
انت حقيقي مشكلة و حرام عليك جدا لو دفنت موهبتك ده انا من كتر الضحك ادام المونيتور في الشغل الناس افتكرتني اتجننت بجد انت تحفة بس حاول تستغل الموهبة ده
__________________
أعبد ربك كأنك تراه ، فإن لم تكن تراه فهو يراك |
11-03-29, 05:16 PM | #17 |
صياد نشيط
تاريخ التسجيل: Apr 2009
المشاركات: 273
معدل تقييم المستوى: 7 |
رد: اليوم الثاني(مغامرة صيامكو): مغامرات حوكة في ادغال محلات السلاح
ممكن تسلفنى صاحبك زيكس ده يوم ما اروح اشترى بندقيتى
عقبال بقىه المحلات وربنا يسترها عليكو
__________________
لا اله الا أنت سبحانك انى كنت من الظالمين عامل سلاحك على انه عدوك يتحين الفرصه للفتك بك فلا تعطيه الامان |
11-03-29, 05:24 PM | #18 |
صياد متفاعل
تاريخ التسجيل: Apr 2009
المشاركات: 88
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
انت ملكش حل , حنسميك أحمد رجب المنتدى
مع تحياتى ليك و لزيكس |
11-03-29, 06:01 PM | #19 |
صياد نشيط
|
رد: اليوم الثاني(مغامرة صيامكو): مغامرات حوكة في ادغال محلات السلاح
يا بن الايه يا لذينة ده انا ما بطلتش ضحك من اول ما بدأت اقرأ ده انت مسخرة خااااااالص يا رمضان
__________________
كلما ازداد علمى ازدادت مساحة معرفتى بجهلى |
11-03-29, 06:22 PM | #20 |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: اليوم الثاني(مغامرة صيامكو): مغامرات حوكة في ادغال محلات السلاح
اعتقد اقل واجب اننا لازم نعوضك عن ال100 جنية هههههههه
جامدة جدا
__________________
لا حيلة فى الرزق ولا شفاعة فى الموت |
11-03-29, 06:30 PM | #21 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
ايه ده!! كل الكلام الحلو ده عشاني انا!!! والله انا فرحان اوي ان الموضوع عجبكوا ..الحمد لله علي كل شئ..انا حرد علي كل حد عشان محدش يزعل..
|
11-03-29, 06:31 PM | #22 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:33 PM | #23 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:35 PM | #24 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:36 PM | #25 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:37 PM | #26 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:38 PM | #27 | |
صياد قديم
تاريخ التسجيل: Dec 2010
المدينه: 6 اكتوبر
المشاركات: 1,819
معدل تقييم المستوى: 33 |
رد: اليوم الثاني(مغامرة صيامكو): مغامرات حوكة في ادغال محلات السلاح
اقتباس:
الموضوع فعلا جامد جدا وانا قررت اديك دور البطولة انت والاخ زيكس فى اول عمل سينمائى ليا ان شاء الله ههههههه وانا بعتذر عن غيابى الفترة السابقة لانشغالى فى بعض الامور الادارية تحياتى ومنتظرين بقية الاجزاء
__________________
لا حيلة فى الرزق ولا شفاعة فى الموت |
|
11-03-29, 06:39 PM | #28 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:42 PM | #29 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:42 PM | #30 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:44 PM | #31 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:44 PM | #32 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:45 PM | #33 | |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
اقتباس:
|
|
11-03-29, 06:46 PM | #34 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 06:48 PM | #35 |
صياد جديد
تاريخ التسجيل: Feb 2011
المشاركات: 49
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
ههههههههه
طيب مش ناوين تيجوا اسكندرية عشان العالم بتوع السلاح اللى هنا محتاجينكوا اوى
__________________
يارب احفظ مصر |
11-03-29, 07:00 PM | #36 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
طب تصدق والله اسكندرية وحشاني اوي...مفيش زي تمشية الكورنيش واكل السمك عند بلبع وايس كريم عزة...انا ناوي اجي انشاء الله ..بس زاهر (زيكس) متجوز ومراته طبقة علي انفاسة (والله بقالي بتاع 10 ايام معرفش عنه حاجة)....انا لسه مش متجوز وسهل الحركة وكدة...حنظبتلك التجار هناك متقلقش..بس انتا اديني اساميهم..المرادي حاجي ومعايا درويش..وما ادراك من هو درويش...انا وزيكس ملايكة بالنسبالة
|
11-03-29, 07:01 PM | #37 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 07:20 PM | #38 |
صياد متفاعل
تاريخ التسجيل: Nov 2009
المدينه: العراق
المشاركات: 203
معدل تقييم المستوى: 7 |
رد: اليوم الثاني(مغامرة صيامكو): مغامرات حوكة في ادغال محلات السلاح
ههههه والله قصه تصلح فيلم ياهوكا . يله معلهش تعيش وتكسر ياراجل و كان صاحبك ده هو يدفع ال100 جنيه
|
11-03-29, 07:54 PM | #39 |
صياد متفاعل
تاريخ التسجيل: Oct 2010
المشاركات: 121
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
يا جااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااااااااامد
|
11-03-29, 08:43 PM | #40 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: اليوم الثاني(مغامرة صيامكو): مغامرات حوكة في ادغال محلات السلاح
وانت بتلف يا حوكا ربنا يكرمك ابقى دورى معاك على والتر المانى 9 ميلى p99 ولو لقيته هاتلى اسم المحلى واكتبلى على الخاص اشكر
|
11-03-29, 08:48 PM | #41 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 08:49 PM | #42 | |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
اقتباس:
|
|
11-03-29, 08:53 PM | #43 |
صياد متفاعل
تاريخ التسجيل: Nov 2010
المشاركات: 160
معدل تقييم المستوى: 0 |
رد: اليوم الثاني(مغامرة صيامكو): مغامرات حوكة في ادغال محلات السلاح
والله انت تحفة فنية وربنا يديك الصحة وتحرق دم تجار السلاح كمان وكمان
__________________
الألفاظ هي الثياب التي ترتديها أفكارنا |
11-03-29, 08:56 PM | #44 |
صياد متفاعل
تاريخ التسجيل: Feb 2011
المشاركات: 99
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
باشا الموضوع جميل وموتنى من الضحك بس فيه كلمة كده مش تمام ياريت تشيلها
انا بعتها ليك على الخاص |
11-03-29, 09:03 PM | #45 |
مشرف عام سابق
تاريخ التسجيل: Feb 2011
المدينه: القاهرة
المشاركات: 5,674
معدل تقييم المستوى: 138 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 09:10 PM | #46 | |
صياد متفاعل
تاريخ التسجيل: Mar 2011
المشاركات: 224
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
اقتباس:
وياريت كمان لو تروحو لنفس الراجل هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه |
|
11-03-29, 09:16 PM | #47 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 09:18 PM | #48 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-29, 10:21 PM | #49 |
صياد متفاعل
تاريخ التسجيل: Feb 2011
المشاركات: 99
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
انت راجل تمام وانا عارف انك مخدتش بالك
|
11-03-30, 12:27 AM | #50 |
صياد متفاعل
تاريخ التسجيل: Feb 2011
المشاركات: 182
معدل تقييم المستوى: 5 |
رد: اليوم الثاني(مغامرة صيامكو): مغامرات حوكة في ادغال محلات السلاح
على فكرة موقف العزاء فكرنى بواحد صاحبى من المحلة بس واد ايه من الاخر المهم الواد واقف بياخد عزا ابوه وكنت انا وواحد تانى معايا اسمه محمد شوقى بيلعب كمال اجسام اقل عضلة فيه اد راس فارس ابنى المهم دخلنا على الواد شوقى بيقوله منجيلاكش فى حاجة وحشة الواد رد عليه قاله ماانت جيت اهو المهم انا نفس اللى حصلك سمعت البق ده يامعلم يا وانا وشوقى والناس اللى واقفة متنا ضحك
المهم ربنا يسترها معاك بس بجد تحس انا تجار الاسلحة والذخيرة بيعاملونا كاننا مدمنين وهم تجار صنف هحكيلكم قصتى مع فتحالله والسجلابى بس عموما مش زيك انت واد ملكش حل ربنا يحميك بس كده لو عزتك فى اى مصلحة فى القاهرة انشاء الله تبقى مع اخوك مع خالص تحياتى |
11-03-30, 01:00 AM | #51 |
صياد نشيط
تاريخ التسجيل: Mar 2011
المشاركات: 418
معدل تقييم المستوى: 10 |
رد: اليوم الثاني(مغامرة صيامكو): مغامرات حوكة في ادغال محلات السلاح
محل صيامكو اكبر استغلالى بجانب سوء المعاملة و كأنك بتشحت منه مش رايح تنفعه
|
11-03-30, 02:45 PM | #52 |
صياد نشيط
تاريخ التسجيل: Mar 2011
المشاركات: 261
معدل تقييم المستوى: 6 |
رد: اليوم الثاني(مغامرة صيامكو): مغامرات حوكة في ادغال محلات السلاح
|
11-03-31, 12:29 AM | #53 |
صياد متقدم
تاريخ التسجيل: Jan 2011
المدينه: مدينة نصر / القاهره
المشاركات: 832
معدل تقييم المستوى: 9 |
رد: اليوم الثاني(مغامرة صيامكو): مغامرات حوكة في ادغال محلات السلاح
مع انى أعرف أنك بتعرف تتصرف فى المواقف الصعبة لكن زيكس لبسك فى الحيط وكان هيشربك الليله .
معلش سامحه أصلها نيران صديقه . هههههههههههههههههههههههههههههههههههههههه
__________________
كن على حذر من الكريم إذا أهنته أو من العاقل إذا أحرجته أو من اللئيم إذا أكرمته أو من الفاسق إذا عاشرته أو من الأحمق إذا ماذحته وإنى ذقت الطيبات فلم أجد أطيب من العافية وإنى ذقت المرارات كلها فلم أجد أمر من الحاجة إلى الناس ونقلت الحديد و الصخر فلم أجد أثقل من الدين وأعلم أن الدهر يوم لك و يوم عليك ،فإذا كان لك فلا تبطر وإن كان عليك فاصبروكلهما سيخسر.
حديث سيدنا على بن أبى طالب (رضى الله عنه و أرضاه) . |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مغامرات حوكا في ادغال محلات السلاح | hokaboka | الصيد العام | 93 | 11-08-11 01:24 AM |
حالة محلات السلاح في الاسكندريه اليوم | hemi afifi | محدثات الصوت | 13 | 11-06-05 05:19 AM |
اسعار السلاح الاسكندريه اليوم الجمعه و شوية نصائح 3/18 | hemi afifi | سوق المنتدى | 18 | 11-04-09 08:38 AM |
الحق بسرعة..تم نشر الجزء الثالث من مغامرات حوكا في ادخال محلات الاسلحة | hokaboka | سوق المنتدى | 2 | 11-03-27 04:01 PM |
الجزء الثاني: مغامرات حوكا في ادغال محلات السلاح | hokaboka | سوق المنتدى | 17 | 11-03-26 05:15 PM |