رحلة العذاب فى ادغال محلات السلاح

[رجب]

اخواتى واحبابى اعضاء المنتدى بعد السلام عليكم ربنا كرم بتصريح سلاح 9م وعلشان الصعيد الى فية ما ينفع يترخص قلت يا واد عليك وعلى مصر ام الدنيا جهزت العربية الى لسة شاريهه وجهزت 30000ثلاثون الف جنية ولبست لبس اهل كيرو ومن الصحراوى الغربى وعلى مصر عدل قلت اخدها من الاول .وصلت الجيزة حوال الساعة 10 صباحا قلت ياواد اتصل على الافوكاتو وصحييه من النوم يلف معاك وبالمره تدبسة فى غدوه او نروح احنا الاتنين ندبس الاستاذ بدر فى غدوة
وبعد كدة غيرت رئيى وقلت خليها وانا راجع بالمره افرجه على الحته الى اشتريهه دخلت اول محل اسمه البارودى يستقبلك فترينتين فيهم مسدسات صوت اشكال والوان سلام عليك رد السلام
الاكول السريع بكام قال 1950 طيب الرشاش الزوراك بكام قال 2900 قلت خلينا فى الجد انا معايا تسريح شراء مسدس 9م وعايزاعرف الانواع والاسعار بعد مشاف التصريح قلى اتفضل جابلى مسدس ثمث قلت عال خالص جرب ياعم ولفة بسرعه علشان الحق رجع قال انتا عارف سعرة كام
حطيت ايدى على الثلاثون الف وقالت بقلب جامد قول ولايهمك ابوها عفى قال 98000 نعم ثمانية وتسعون الف جنيه قلت كام اعاد على نفس الرقم قلت ياعم بارودى انا لسة شارى عربية هوينداى ماتركس بور وتكييف وسنتر 4زجاج كهربة وجنوط اسبور ومجهزة للرحلات والمسافات الطويلة 72000
شوفلى حاجة ارخص جاب برونج بكام 87000 سبعة وثمانون الف جنيه قلت مافيش حاجة ارخص قال لا شكرت الراجل وطلعت رحت محل الهندسة الاسلحة سلام.سلام معيا ترخيص وعايز سلاح
عندك اية قال عندى ثمث اسود فى فضى حديث 55000 طيب مفيش حاجة ارخص فية ايطالى 43000 وكمان تعدى الساعة 7 علشان مفتاح الخزنه مش معيا دلوقت طلعت دايخ مش عارف مكان العربية وقلت من اولها كدة ربنا هدانى للعربيه وعلشان كنت بنزل مصر كتير بعرف الف كويس قالت عالى مصنع 54 الحربى لقيت نوعين حلوان 14طلقة ب16000 وحلوان معدل 2امان ونشان فسفورى 20000 اخترت واحد وخت البصمة ودفعت الفلوس