بناء على طلب الأعضاء - نظرية عمل الطبنجة

[ahmadkader]

ببساطة هى إيه نظرية عمل كل الأسلحة النارية الصوتية نصف الأتوماتيكية ؟

عندما ينزلق الجزء العلوى من الطبنجة للخلف فإنه يدفع التتك المئول عن ضرب النار للخلف أثناء تحركه للخلف ، و فى أثناء عودة الأجزاء للأمام تسحب معها طلقة من الخازينة إلى ماسورة الضرب أو كما يطلق عليها بيت النار. و ده مشروح فى الرسمتين المرفقين بالتفصيل. طيب دى أول سحبة. لما أول طلقة يتنضرب بيحصل طبعا إنفجار ، و ده طبعا بيتولد عن طاقة كبيرة . و لأن الطلقة مفتوحة من قدام و مقفولة من ورا ، فإتجاه الإنفجار ده بيكون من الوراء للأمام و بالتالى فيه نار بتتطلع من المسدس من قدام عبر الماسورة. طيب نظرا لأننا عايزين نستخدم جزء من الطاقة دى لدفع الأجزاء أوتوماتيكيا للخلف ، نعمل إيه ؟ قاموا توصلوا إلى نظرية إسمها blowback firearm أو بمعنى أصح إستخدام طاقة الإنفجار لدفع الأجزاء للخلف عن طريق وضع عائق بحسابات معينة داخل ماسورة الضرب و بالتالى تنحبس جزء من الطاقة داخل الماسورة و تساعد على دفع الأجزاء للخلف. التضييق فى الماسورة ده محسوب مش أى كلام و لو الماسورة إضيقت زيادة عن اللزوم ممكن المسدس يفرقع كله ، ولو الماسورة وسعت طبعا الطاقة هتطلع كلها من الأمام و الأجزاء مش هترجع للوراء.

[bahy]

بارك الله فيك مجهود رائع

[ahmadkader]

المشاركة الأصلية كتبت بواسطة bahy

بارك الله فيك مجهود رائع

يارب أقدر أفيد الناس بأى شئ ، فالعلم يبقى والمال يفنى

[احمد العوضى]

معى احترامى الشديد لصاحب الموضوع والمجهود الذى بذله لاكن نظرية التفريغ تاتى من قانون نيوتن الثالث وهوى لكل فعل رد فعل مساوى له فى المقدار ومضاض له فى الاتجاه ولا يحدس التفريغ الا بعد خروج المقذوف من الماسوره وبعض الاسلحه يعمل بنظرية غرفة الغاذ ده فى الاسلحه الكبيره التى طعطى رد فعل قوى ومن هذا يحاولو تقليل رد الفعل بغرفة الغاذ

[h.elhouseny]

الاستاذ احمد فعلا" والله حضرتك حد محترم جدا" لم تتاخر ولم تبخل علي بالرد ولا النصيحة وعلي فكرة انا بحاول ارجع المسدس دلوقتي زي مانصحتني بس طبعا" عاوز يخسرني فيه النص
انا معرف حد يشتريه لو تعرف حد يشتريه ياريت تقولي لان طبعا حضرتك عارف ان قوة الرجل غير المرأة يعني صعب عليا السحب للاجزاء الاخيرة في كل مرة لان اعصابي ضعيفة وبيبقي من الصعب عليا سحب الاجزاء اكثر من مرة وللعلم والله انا اشتريته يوم الاربع اللي فات وتم استخدام رصاصتين فقط للتجربه

[ahmadkader]

المشاركة الأصلية كتبت بواسطة احمد العوضى

معى احترامى الشديد لصاحب الموضوع والمجهود الذى بذله لاكن نظرية التفريغ تاتى من قانون نيوتن الثالث وهوى لكل فعل رد فعل مساوى له فى المقدار ومضاض له فى الاتجاه ولا يحدس التفريغ الا بعد خروج المقذوف من الماسوره وبعض الاسلحه يعمل بنظرية غرفة الغاذ ده فى الاسلحه الكبيره التى طعطى رد فعل قوى ومن هذا يحاولو تقليل رد الفعل بغرفة الغاذ

أولا : أنا متشكر على مرور حضرتك بالموضوع
ثانيا: حضرتك ما أخدتش بالك ، أنا كنت بتكلم عن المسدس الصوت مش الحى ، بس تلاقى عشان المسدس اللى فى الصورة حى فحضرتك فهمت إنى كنت بتكلم عن المسدس الحى. كلام حضرتك سليم مية فى المية فى حالة المسدس الحى.
تقبل تحياتى

[احمد العوضى]

وفى حالت الصوت الخانق الموجود فى الماسوره يقوم بعمل رد الفعل العكسى بحبس بعض من الضغط المتولد من الانفجار ولهذا فى البنادق الاليه عندما تكون معده للتدريب بدون ذخيره حيه يقوم المخطص بنذع صاموله مربوطه فى اعلى الماسوره ووضع خانق للغاذ به تقوم بالتفريغ الاوتماتيكى ايضا

[juDge911]

السلام عليكم ورحمع الله
استاذ \ احمد بخصوص الموضوع ده اانا فى مشكله عندى وتقريبا كان احد الاخوه الافاضل اتكلم فيها قبل كده
وهى ان المسدس بتاعى ضرب طلقتين ورا بعض وانحشرت واحده فى االماسوره انا فكيته وطلعتها المشكله بقى فى الخزنه اتفتحت من الخلف ومش راضيه تتطلع من المسدس انا حاولت افكه واطلعها مفيش فايده حاولت افك المقبض لقيته زى مايكون متبرشم انا بتكلم على الحديد الى من تحت الفبر ومش عارف ايه الحل انا جربته وحاطتيت طلقه فى الماسوره وضربت تمام بس المشكله دلوقتى فى الخزنه مش راضيه تتطلع خالص حاولت ارد الجزء الظاهر من الخزنه مش نافع ...... ايه العمل

[ahmadkader]

المشاركة الأصلية كتبت بواسطة احمد العوضى

وفى حالت الصوت الخانق الموجود فى الماسوره يقوم بعمل رد الفعل العكسى بحبس بعض من الضغط المتولد من الانفجار ولهذا فى البنادق الاليه عندما تكون معده للتدريب بدون ذخيره حيه يقوم المخطص بنذع صاموله مربوطه فى اعلى الماسوره ووضع خانق للغاذ به تقوم بالتفريغ الاوتماتيكى ايضا

حضرتك ده الكلام اللى أنا قلته و لكن بعبارات أكثر تخصصا و بالنسبة للإنسان العادى مش هايفهم منها حاجة ، لو حضرتك دققت هتلاقينى قلت نفس المعنى و لكن بعبارات أبسط

[ahmadkader]

المشاركة الأصلية كتبت بواسطة judge911

السلام عليكم ورحمع الله
استاذ \ احمد بخصوص الموضوع ده اانا فى مشكله عندى وتقريبا كان احد الاخوه الافاضل اتكلم فيها قبل كده
وهى ان المسدس بتاعى ضرب طلقتين ورا بعض وانحشرت واحده فى االماسوره انا فكيته وطلعتها المشكله بقى فى الخزنه اتفتحت من الخلف ومش راضيه تتطلع من المسدس انا حاولت افكه واطلعها مفيش فايده حاولت افك المقبض لقيته زى مايكون متبرشم انا بتكلم على الحديد الى من تحت الفبر ومش عارف ايه الحل انا جربته وحاطتيت طلقه فى الماسوره وضربت تمام بس المشكله دلوقتى فى الخزنه مش راضيه تتطلع خالص حاولت ارد الجزء الظاهر من الخزنه مش نافع ...... ايه العمل

حاول تطلع الخزنة بالمسايسة عشان مافيش حاجة تتكسر جوة ، ولو مانفعش يبقى المسدس لازم يتفك ف 5 دقايق عند أى محل سلاح

[unknown]

شكرا يا ابو حميد على المعلومات الغزيرة وانا كنت هكتب تعليق السيد احمد العوضى بالظبط ولكن لا يفتى ومالك فى المدينة

المشاركة الأصلية كتبت بواسطة judge911

السلام عليكم ورحمع الله
استاذ \ احمد بخصوص الموضوع ده اانا فى مشكله عندى وتقريبا كان احد الاخوه الافاضل اتكلم فيها قبل كده
وهى ان المسدس بتاعى ضرب طلقتين ورا بعض وانحشرت واحده فى االماسوره انا فكيته وطلعتها المشكله بقى فى الخزنه اتفتحت من الخلف ومش راضيه تتطلع من المسدس انا حاولت افكه واطلعها مفيش فايده حاولت افك المقبض لقيته زى مايكون متبرشم انا بتكلم على الحديد الى من تحت الفبر ومش عارف ايه الحل انا جربته وحاطتيت طلقه فى الماسوره وضربت تمام بس المشكله دلوقتى فى الخزنه مش راضيه تتطلع خالص حاولت ارد الجزء الظاهر من الخزنه مش نافع ...... ايه العمل

من كلامك واضح انه حصل انبعاج فى الخزنة ودة زى ما قال اخونا احمد لازم تحاول تسايسها او الافضل تفكها عند محل سلاح وتريح دماغك لكن قولى من فضلك المسدس جديد ولا قدقيم ونوعه ايه؟؟

[Batman]

بعد التحيه ،

رفعت صوره الولتر من الداخل.
ارجو ان تعجبكم.

[ahmadkader]

المشاركة الأصلية كتبت بواسطة batman

بعد التحيه ،

رفعت صوره الولتر من الداخل.
ارجو ان تعجبكم.

دى وولتر حية برضه و هى برضه النظرية طبعا واحدة فى كله ، و شكرا على تعبك ، برضه ممكن نحتاج الصورة دى نشرح عليها حاجة كدا و اللا كدا

[tamer_tatow]

المشاركة الأصلية كتبت بواسطة ahmadkader

دى وولتر حية برضه و هى برضه النظرية طبعا واحدة فى كله ، و شكرا على تعبك ، برضه ممكن نحتاج الصورة دى نشرح عليها حاجة كدا و اللا كدا

الولتر شغال بتكنيك مختلف عن الباقي تقريبا لأن الورتر مفيهوش امان وهو السلاح الوحيد اللي في زرار فوق الدبشك علشان يعمر التتك

[ahmadkader]

المشاركة الأصلية كتبت بواسطة tamer_tatow

الولتر شغال بتكنيك مختلف عن الباقي تقريبا لأن الورتر مفيهوش امان وهو السلاح الوحيد اللي في زرار فوق الدبشك علشان يعمر التتك

مع تقديرى لمرورك ، قصة الأمان دى ملهاش دعوة بنظرية عمل السلاح خالص ، الأمان ده فقط عبارة عن التدخل بحركة ميكانيكية بطريقة أو بإخرى حتى نفصل الحركة مابين الزناد و إبرة الضرب فقط.
أما بقى قصة إنهم يعملوا زرار بيحرك التتك فدى بقى حتى كدا ألمانى لزوم الدلع بقى ، أمال إيه ؟ مش لازم برضه يدلعوا الزبون )

[Dark hunter]

الله ينور عليك

[Ahmed Nada]

أ\حمد
تسلم والله

[sameh73eg]

قبل ما تبيع وتشترى قوم روح قول صوتك بلدك محتجالك