جميع صدارات ويندوز 7 الـ 64 و الـ32 بيت فى سيدى واحد فقط بسعر خيالى

[vegita75]

بسم الله الرحمن الرحيم بما أنى لقيت طلبات كثير من ناس اعرفهم عن نسخ اصليه لويندوز 7
فقررت عرض أقيم نسخة ممكن تراها لويندوز 7
و هى تحتوى على التالى :

Windows 7 HomeBasic Activated x64 BIT

Windows 7 HomePremium Activated x64 BIT

Windows 7 professional Activated x64 BIT

Windows 7 Ultimate Activated x64 BIT

Windows 7 Enterprise Activated (Kms) x64 BIT

Windows 7 Starter Activated x64 BIT

Windows 7 HomeBasic Activated x32 BIT

Windows 7 HomePremium Activated x32 BIT

Windows 7 Professional Activated x32 BIT

Windows 7 Ultimate Activated x32 BIT

Windows 7 Enterprise Activated (Kms) x32 BIT


فى سى دى واحد و للعلم هذة الاسطوانة انا اخدتها من واحد شغال فى شركة ميكروسوفت و انا شغال بالنسخة دى و كل الاصدارات مدفوعة ولا عازة كراك و لا كل شوية ووجع دماغ من الشركة لأن النسخة غير اصلية ولا حاجة انا بقالى أهو سنتين بيها و زى الفل

و العرض ده فى الاسكندرية
و كما قلت لكم سعر خيالى كل هذة الاصدارات ب 100 جنية فقط و للعلم اسأل او شوف عند اى شخص نسخة 7 اصلية مش كل دول بئا لا يعنى مثلا سعر الـ Home Edition من عند كارفور الأصلية بــ 599 جنية انا بئا كل دووووووووول بفقط 100 جنية

[CRAZY SNIPER]

انا معايا اختها مشاء الله cd وهمي .. بس انتا ليه مرخصها اوي كدة دي تستاهل اكثر من كدة بكتيــــــــــر اوي الحقيقة .. !

[vegita75]

و الله العظيم دى على الاقل تتباع ب 900 او اكتر بكتير زى ماقلت دى الهوم ايديشن لوحدها ب 600
بس الفكره ان مش أى حد بيقدر النسخ دى أهو انت اول واحد رد على الموضوع ده :'(

[CRAZY SNIPER]

اصلها مش منتشرة علي فكرة لانها بصراحة جيالي هدية بردة من شركة كمبيوتر كبيرة اوي في مصر دون ذكر اسماء وميعرفش قيمتها الا الي جربها ... انا بعتبرها كنز استراتيجي .

[mahmoudsaid]

بص يا باشا انا هاوضحلك
اولا قريبك الل ىفى مايكروسفت دة لو اداك الديفيدى دة هايقطعول رقبتة
واصلا مفيش حد شغال فى مايكروسوفت بياخد اسطوانات من هناك ولا حتى ال IT واساسا مايكروسفت مصر اللى موجودة فى القرية الذكية تسويق بس مش دعم يعنى المفروض الديفيدى دة يكون بفلوس ومعاة الرخصة بتاعتة license لان من غيرها مالهوش قيمة والشركة مش هبلة عشان تديك نسخة من غير رخصة تنسخها على مزاجك
واصلا مايكروسوفت مش بتنزل اقراص مجمعة للويندوز لكن بتنزل لمجموع ةالاوفيس فقط وبيكون اسمها OEM او للباكدج بتاع الNT ودى بتبقى مع الـ SQL
يعنى اللى بيشترى من كارفور نسخة ب 900 جنية .... ودة رقم مش صح بيشتريها عشان المصنفات ودة مش اى حد بيعمل كدة الا الشركات الكبيرة اللى بتبقى بارتنر مع مايكروسوفت او بروموتك
انا مش بقول كدة عشان اضايقك او اقلل من قيمة الديفيدى اللى معاك
لكن انا معايا MCSE
Microsoft Certified Solutions Expert
وانا كنت فى الدعم الفنى للينك وبعديها IT EGYPT لو تسمع عنها
كمان انا اتدربت فى ITWORX يعنى لو مش انا اللى قلت الكلمتين دول يبقى خسارة الفلوس اللى اتدفعت فيا
وارجوك متزعلش وعامة................ ربنا يوفقك فى البيع

[_SAIKO_]

انا بردة معايا واحدة بس تحفة في كل الاصدارات ل ويندوز 7 مرة 64 و مرة 32 روعة بصراحة

[tarekvb]

وتشكيلة الاصدارات ده هيفيد فى ايه يعنى اصدار واحد هيادى الغرض

[_SAIKO_]

المشاركة الأصلية كتبت بواسطة tarekvb

وتشكيلة الاصدارات ده هيفيد فى ايه يعنى اصدار واحد هيادى الغرض

حضرتك مش كل الناس بتعرف تتعامل مع الكومبيوتر او اللاب توب ف الاصدارات دي في منها للمبتدئين و و مستوي اعلي و و اعلي الي اخرة

الاصدار الاول ف اوبشنات و التاني في اوبشنات اكتر و الثالت اكتر و اكتر و هكذا و احسنهم اصدار win 7 ultimate

و اصدارات 32 غير 64 دة لية مميزات و عيوب و دة لية مميزات و عيوب و لكن الافضل و الاحسن النسخ اللي هي 32

[tarekvb]

المشاركة الأصلية كتبت بواسطة _saiko_

حضرتك مش كل الناس بتعرف تتعامل مع الكومبيوتر او اللاب توب ف الاصدارات دي في منها للمبتدئين و و مستوي اعلي و و اعلي الي اخرة

الاصدار الاول ف اوبشنات و التاني في اوبشنات اكتر و الثالت اكتر و اكتر و هكذا و احسنهم اصدار win 7 ultimate

و اصدارات 32 غير 64 دة لية مميزات و عيوب و دة لية مميزات و عيوب و لكن الافضل و الاحسن النسخ اللي هي 32

ممكن مثال للوبشنات دى
وحيث ان النسخة الاخيرة بها كل الوبشنات ليه ميكونش الاعتماد عليها ومش لازم ما سبق طالما مميزات ما سبق فيها

[_SAIKO_]

مثال للاوبشنات بصراحة مش اعرفهم كلهم بس علي ما اظن زي مثلا اوبشنات ف tools تبع الفولدرات مش عندي علم بيها كلها و دة لاني ماستخدمتهاش من زمااااااااان كل استخدامي ب الالتميت

و السبب ان مايكونش استخدام الالتميت خو السائد حاجتين ان الشركات لما بتنزل لابات بتنزلها ب مختلف النسخ لابات هوم بريميم ولابات التميت و لابات بروفشنال و هو بيزيك الخ الخ

ف العميل بياخد اللاب و بيعدين يتخنق من النسخة ف بيسقط ويندوز و ينزل سفن التميت لانها اسرع نسخة

بالنسبة للمبتدئين ف مش بيلاحظوا البطيء دة او النقص للاوبشنز لانهم لسة مبتدئين

[fishtic]

المشاركة الأصلية كتبت بواسطة _saiko_

حضرتك مش كل الناس بتعرف تتعامل مع الكومبيوتر او اللاب توب ف الاصدارات دي في منها للمبتدئين و و مستوي اعلي و و اعلي الي اخرة

الاصدار الاول ف اوبشنات و التاني في اوبشنات اكتر و الثالت اكتر و اكتر و هكذا و احسنهم اصدار win 7 ultimate

و اصدارات 32 غير 64 دة لية مميزات و عيوب و دة لية مميزات و عيوب و لكن الافضل و الاحسن النسخ اللي هي 32

المشاركة الأصلية كتبت بواسطة _saiko_

مثال للاوبشنات بصراحة مش اعرفهم كلهم بس علي ما اظن زي مثلا اوبشنات ف tools تبع الفولدرات مش عندي علم بيها كلها و دة لاني ماستخدمتهاش من زمااااااااان كل استخدامي ب الالتميت

و السبب ان مايكونش استخدام الالتميت خو السائد حاجتين ان الشركات لما بتنزل لابات بتنزلها ب مختلف النسخ لابات هوم بريميم ولابات التميت و لابات بروفشنال و هو بيزيك الخ الخ

ف العميل بياخد اللاب و بيعدين يتخنق من النسخة ف بيسقط ويندوز و ينزل سفن التميت لانها اسرع نسخة

بالنسبة للمبتدئين ف مش بيلاحظوا البطيء دة او النقص للاوبشنز لانهم لسة مبتدئين

الاعلى ف النسخ هي الانتربريز مش الالتيمات
ثانيا حوار ال 32 او 64 مش عيوب وميزات الحوار نوع البروسيسور
وحوار ان الاسطوانة دي من مايكروسوفت اشتغالة
وحوار انها اكتيفاتد اكبر دليل
وهو بيقول مش محتاجة كراك ف دا عشان هي متكركة منها فيها مش عشان اصلية

[_SAIKO_]

المشاركة الأصلية كتبت بواسطة fishtic

الاعلى ف النسخ هي الانتربريز مش الالتيمات
ثانيا حوار ال 32 او 64 مش عيوب وميزات الحوار نوع البروسيسور
وحوار ان الاسطوانة دي من مايكروسوفت اشتغالة
وحوار انها اكتيفاتد اكبر دليل
وهو بيقول مش محتاجة كراك ف دا عشان هي متكركة منها فيها مش عشان اصلية

حضرتك انا اخر تعمل ليا مع السفن كان التميت بالتالي الالتميت بالنسبالي احسنهم لو انا جربت الانتربريز كنت قولت انها احسن منهم
و بالنسبة ل حوار ال 32 و ال 64 ف مميزات ال 32 انة بيشغل حاجات كتير ال 64 مش بيشغلها و ساعت بكون مضطر اجيب برامج تشتغل عال 64 دة غير ان ال 32 اخف بردة و دي متجربة علي لابات مختلفة البروسيسور i3 , i5 , cor2due

بالنسبة لل انها مش اصلية ف انا مش عارف الصراحة انا اللي يهمني انها تكون شغالة طول العمر والحمدلله النسخة اللي معايا بقالها سنة ونص ماقلتش بم

تقبل مروري استاذ رامي و صباحك خير ان شاءالله

[ahmedmh_ali]

المشاركة الأصلية كتبت بواسطة mahmoudsaid

بص يا باشا انا هاوضحلك
اولا قريبك الل ىفى مايكروسفت دة لو اداك الديفيدى دة هايقطعول رقبتة
واصلا مفيش حد شغال فى مايكروسوفت بياخد اسطوانات من هناك ولا حتى ال it واساسا مايكروسفت مصر اللى موجودة فى القرية الذكية تسويق بس مش دعم يعنى المفروض الديفيدى دة يكون بفلوس ومعاة الرخصة بتاعتة license لان من غيرها مالهوش قيمة والشركة مش هبلة عشان تديك نسخة من غير رخصة تنسخها على مزاجك
واصلا مايكروسوفت مش بتنزل اقراص مجمعة للويندوز لكن بتنزل لمجموع ةالاوفيس فقط وبيكون اسمها oem او للباكدج بتاع الnt ودى بتبقى مع الـ sql
يعنى اللى بيشترى من كارفور نسخة ب 900 جنية .... ودة رقم مش صح بيشتريها عشان المصنفات ودة مش اى حد بيعمل كدة الا الشركات الكبيرة اللى بتبقى بارتنر مع مايكروسوفت او بروموتك
انا مش بقول كدة عشان اضايقك او اقلل من قيمة الديفيدى اللى معاك
لكن انا معايا mcse
microsoft certified solutions expert
وانا كنت فى الدعم الفنى للينك وبعديها it egypt لو تسمع عنها
كمان انا اتدربت فى itworx يعنى لو مش انا اللى قلت الكلمتين دول يبقى خسارة الفلوس اللى اتدفعت فيا
وارجوك متزعلش وعامة................ ربنا يوفقك فى البيع

أنا مش بحب أشارك فى مواضيع حد أيا كان و لا أعترض على السلعه أو السعر لكن كلام حضرتك مظبوط و الأسطوانة عادية و منسوخ عليها الويندوز المتعدد الأصدارات و الأسطوانة المتعددة الأصدارات موجودة فى محلات الكمبيوتر و الصيانة ب 5 جنية و أشتريت منها و نسخت لأصحابى لما أحتاجوا ...

[mahmoudsaid]

اولا شكرا أ . أحمد على للدعم
ثانيا كلام الاستاذ fishtic سليم
الانتربرايز اعلى نسخة و موضوع الـ 32 بت و 64 بت دة نظام بروسيسور وموضوع اكتيفيتيد دة عشان مضروبة
الاستاذ _SAIKO رجاءا انت وصلت لطريق مسدود فمن فضلك متحاولش تعافر اكتر ودة مش تكبر والله بس انت بتتكلم فى اكل عيشى
انا قايم نايم فى الشغلانة دى وزى ما نوهت انا معايا MCSE ومش قصدى بيها العنطزة ابدا والله
" فوق كل ذى علم عليم "
بس مينفعش تقول ان عندك برامج 64 وبرامج 32 والاتنين يشتغلوا مع بعض او ال 32 برامجها كتير وال 64 لا
اوضحلك بس ان كل ال 32 او حسب اسمها الجديد 86 بيشتغل على 64 لكن العكس غير صحيح
كمان لما تتكلم عن بروسيسور 64 وعلى فكرة لما نيجى نقول بنقول قبل اى رقم X يعنى X 64 , X 32 . X 86 وهكذا والموضوع دة ظهر قوى جدا بعد ظهور ال Cor I 3 ,I5 , I 7 ومن قبلهم مجموعة ال 6 Qad والموضوع دة شرحة يطول لانة بيرجع لبيئة التشغيل او اللى بيتقال عليها الـ Kernal E
فارجوك تحرى الدقة ومن قال لا اعرف فقد افتى
والدنيا هات وخد وعادى يا عبد العال
وتقبل احترامى

[mahmoudsaid]

انا بصراحة مش عايز اتفذلك بس يعنى اهى فرصة الواحد يتنطط بالكلمتين اللى اتعلمهم
الفرق بين الانتربرايز و الالتميت و البروفيشيونال والهوم ايديشن باصدارتها التلاتة " بيسك وبرميم واكتيف يوزر " بتفرق فى الهوتفيكس ودعم النيتوورك وسيكيوريتى الايزا وفوق دة كله حاجة اسمها الـ iss والـ netdde ودى بيحس بيها الناس بتوع الداتابيز والانفرا ستراكتر يعنى من الاخر دومين ادمين وسيكوال بيلدجر واوراكل ديفيلوبر
لكن اليوز العادى مش هايحس باى فرق لان كل الكلام دة ملاوش لازمة الا اا كنت شغال على vbn او proxy ودة مش عند الغالبية العظمى مننا
يا جماعة قلبتوا عليا المواجع الكلام دة بحر ومهما اتكلمنا عنه مش هانجيب اخرة
اتمنى اكون وفقت فى نبذة بسيطة
ولو حد معترض ياريت يعرفنى غلطى فين يمكن اتعلم حاجة جديدة

[mahmoudsaid]

وياريت اعرف مين ادانى تقييم بالسالب
انا مقلتش حاجة غلط

[ahmedmh_ali]

المشاركة الأصلية كتبت بواسطة mahmoudsaid

وياريت اعرف مين ادانى تقييم بالسالب
انا مقلتش حاجة غلط

أحلى تقييم منى بالموجب على المعلومات القيمة دى ، و اللى يقيمك بالسالب من غير لما يقول هو مين أعرف أن أنت ماشى صح ....

[amr_amr0182000]

الاسطوانه متوفره على النت وممكن تحميلها وفيه اداه صغيره بتخلي النسخه الالتميت متوفر فيها جميع الانوع
واداه اخري بتدمج الاسطوانتين الـ64 والـ32 بت في اسطوانه واحده

ف صاحبك اللي شغال ف مايكروسوفت ده ممكن يكون محملها من النت اصلاً :d

[_SAIKO_]

حضرتك انا لا بتكبر ولا بتفذلك ولا اي حاجة من دي خالص و انا بصراحة مش عارف لية انت فهمت غلطت كدة لكن انا كان كل قصدي اني قولت اللي اعرفة و قولت تجربتي مع السفن حضرتك بما انك اعلم مني و عندك خبرة اكتر مني ف من حقك تفيدني و توضحلي و علي فكرة حضرتك انا لا اتكلمت بالسلب علي عرضك و لا نقصت منة دي مناقشة عادية خالص و قولت اللي عندي و اتناقشت ان و الاستاذ رامي و مفيش اي مشكلة بينا الامر عادي خالص ..حضرتك سبب الضيق اللي عندك مش عارف لية

ممكن حضرتك تراجع ردودي هتلاقيني بقول تجربتي و بقول اللي اعرفة من خلال تعاملي مع السفن و مفيش رد ف ردودي بينقص من عرض حضرتك المحترم و لو في رد ف ردودي بينقص من عرضك قولي و انا اتأسفلك يا استاذ محمود

تقبل مروري

[mahmoudsaid]

أخى العزيز _saiko
انت مقريتش المشاركة بتاعتى صح " ودة مش تكبر والله بس انت بتتكلم فى اكل عيشى "
اولا مقلتش انك بتتكبر او بتتفذلك انا بقول عن نفسى انى بأقسم انى بأسرد المعلومة بدون أن قصد اى تكبر او فذلكة ... انا مقدرش اعيب فى حد اى كان .... لانه ممكن يكون احسن منى فى نواحى كتير
كمان حصل لبس يا جماعة انا بأعتذر عنه
التقييم السالب مكنش فى المشاركة دى لكن كان فى نقاش تانى عن فتح مسدس الريتاى ومن شخص مش مشارك معانا تقريبا فى النقاش وانا بعت رسالة خاصة للاستاذ محمد محمود مراقب القسم عشان استفسر منه عن اللى حصل وعرفت ان التقييم مش من هنا يا جماعة وانا بعتذر بس حط نفسك مكانى فى اللى حصل
انا كنت بتكلم فى مشاركتين واحدة بعمل عرض علمى لمعلومات تفدنا كلنا والتانية كنت بساعد زميل فى موضوع فتح مسدس ريتاى والناس كانت بتشكرنى وفجأة الاقى نفسى اتقيمت بالسلب فأتضايقت بسبب الموقف مش الاشخاص
الموضوع كان عامل زى ماتكون واقف على محطة الاتوبي وفجأة واحد لسعك على قفاك وجرى من غير سبب
لا انت عارف تستحق ولا متستحقش طيب لو تستحق ... يبقى تستحق لية ؟
ولو مش تستحق يبقى ضربك لية ؟
...........................................

وبعد الرغى دة كلة انا بقدم شكرى وتقديرى لكل الاصدقاء والزملاء والاخوة ولو فى
اخوات كمان على التقييمات اللى كانت بتمطر عليا وكل واحد بيطيب خاطرى بكلمتين كأنهم لقوا طفل بيعيط عشان وقع منه المصروف
بصراحة الشحات فعلا ليه نصف البلد ان مكنش اكتر
بجد يا جماعة الف الف شكر