|
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
 |
| أدوات الموضوع | إبحث في الموضوع | انواع عرض الموضوع |
13-01-23, 03:15 PM
|
#1 |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129   |
حنفى...والصقر العباسى
صباح الفل عليكم.......
النهاردة كنت ناوى من بالليل انى اخرج الصبح قبل الشغل اصطاد.........المهم احمد ابنى كمان هو اللى كان عاوز يخرج اوى ههههههههههه بس سهر بالليل جامد ولما حاولت اصحية الصبح لقيتة ماضى عقد مع السرير هههههههههه قولتلة ماشى يا مان انا نازل وقفلت النور وسبتة ونزلت بينى وبينكم بقيت عامل زى الأكتع ههههههههههههههه شايل الشنطة بايد والبندقية بايد..........وقعدت الوش بالكرال........وكالعادة الصوابع المتلجة مابتصطدش يمام ههههههههههه المهم نزلت الساعة 7 ولفيت لفتين.......وعلى 7.45 بلف من جنب سور مزرعة قريبة من البيت وببص فية 3 نخلات بعيد.... وانا صورتهم ومن نفسى المكان اللى ضربت منة ولقيت حاجة مكببة واقفة..........المسافة بعيدة وانا مش قادر احدد دا اية شكلة ممكن يمامة كبيرة او فرد حمام.........ولكن وقفتة كدة على قمة النخلة عرفتنى ان هو الوحيد اللى بيطلع الأماكن دى.......... وكان ظنى انة صقر وطبعا انا ضربت علية قبل كدا فى رحلات تانية يجى 3 مرات وماجبتوش .........اولا هو حذر جدا جدا جدنين ههههههههههه لو حس باى حد بيطير من على بعد 50 60 متر المهم المرة دى طبعا كان الضرب بزاوية 45.......ونشنت علية تحتة بسنة صغيرة ورفعت سن نملة الدبانة حوالى ملى........وانا كلى يقين انها مش هتيجى المسافة كانت تفوق الخمسين متر......دا النخل دا قدييييم اوى اوى وعالى جدا وبينى وبينة ولا 40 متر المهم توكلت على الله وضربت  Uploaded with ImageShack.us ولقيت اللى بيقع وبيصوت هههههههههههههه  Uploaded with ImageShack.us  Uploaded with ImageShack.us  Uploaded with ImageShack.us  Uploaded with ImageShack.us  Uploaded with ImageShack.us [/SIZE][/COLOR]والصورة دى بالذات بتفكرنى بعلاء ولى الدين فى فيلم الناظر وهو لابس واحدة ست كانت امة يعنى وكان بيقول .... ياعينى على الحلو لما تبهدلة الأيام ههههههههههههههههههه  Uploaded with ImageShack.us  Uploaded with ImageShack.us طبعا جريت علية ودى حاجة اول مرة اعملها هههههههههه دايما احمد هو اللى بيقفش الضحايا هههههههههه المهم جريت عليةوركنت البندقة على الشنطة وعديتلة قناية عريضة عرضها حوالى مترين....عديت على نخلة مكسورة ومحطوطة فى المية ونطيت الباقى وعديت لقيتة تحت النخلة بيحاول يمشى بس مش قادر .........حطيت علية ههههههههه ايوة انا فعلا حطيت عليةنزلت بايدى قفشة واحدة كأنى بقفش تعبان مثلا وتمكنت منة وانا مزهول بجد ودى صورة مكان الضربة وانا واقف جنب سور المزرعة والتلات نخلات قدامى وهو كان واقف على النخلة اللى فى النص وكان واقف بين الجزء المفتوح فى ورق النخلة وعشان كدة كان واضح وبجد كان فى وضعية كويسة ليا بغض النظر عن انة كان بعيد جدا لقيتة مضروب فى جناحة الشمال ودا اللى كان ظاهروبس ماقدرتش ابص على حاجة تانى لأنة شرس جدا المهم لما لقيتة صاحى قمت راجع على البيت وطول الطريق عمال باصصلى وعينة منى...تراارررراا وعينة منى ترااااررررااااا وانا عينى برضة منة هههههههههههههههه وعمال باصصلى ومركز ودايما معلق عينة على عين اروح بعينى يمين معايا ....شمال معايا........... وفاتح بقة.....مش عارف لية كأنة معمر بندقية ومستنى يعضنى ههههههههههههه روحت البيت ....كنت قريب مسافة 5 دقايق للبيت ودخلت جبت خيط من عندة محمل وعملتلة عقدة من عقد الصيد البحرى بنسميها مشنقة....وربطتة من رجلة......طبعا مراتى اول ما شافتة صوتت هههههههههههه وجبتلة حتة رصاص عندى بتستخدم فى الصيد البحرى حاجة كدا...يجى 200 جرام... المهم ربطتة فيها وسبتلة يجى متر خيط...وبعدين لفيت الخيط شوية عليها....قصرتلة وسبتة فى الصالة فوق السجادة ودخلت للمعلم احمد........هههههه صحيتة قولتلة انت يا استاذ تعالى هنا .....قام مفزوع قولتلة مش انا قولتلك مية مرة.........وكان وصلل للصالة وهو خايف..........هههههههه مش قولتلك مية مرة ماتجبش صقور البيت ههههههههههههه اتذهل ........... وقعد يقولى انا ندمت بعد مانت نزلت ماعرفتش انام وكنت نفسى اتصل بيك واجيلك........ قولتلة انت ضاعت منك فرصة عمرك كنت هتشوف ضربة اوبن سايت اوف عليها كانت جامدة كيك هههههههههه............. المهم مراتى بتقولى هتقعد قولتلها لا هنزل اكمل..........المعلم احمد بقا عاوز يخلع ويقعد يلعب بالصقر قولتلة لالالالا تعال معايا عشان ما تندمش تانى............ نزلنا وكملنا الجولة وتلاحظ تناقص اعداد اليمام شويتين.........وانة بقا حذر بطربقه وحشة يا راجل دا بقا اوسخ من الصقور هههههههههههههه المهم خدنا فدين وكنا فيصنا واحمد قاللى بقولك اية تعال نريح قولتلة طيب بص اعمل الشاى وانا هلف لفتين.............المهم المعلم طلع على سلم بيت جديد وقعد على مسطبتة مكان ماحنا متعودين نقعد وقام بدأ يعمل الشاى........مانا دربتة المرة اللى فاتت يشغل التاو تاو لوحدة ولفيت لفة وماجبتش حاجة ورجعت اشرب الشاى.........واول ما قعدت واخدت بوق شاى .......كان دايما قدامنا بيت بتاع صاحب الأرض نفسها وهو عم عاطف حكيت عنة هنا مرة اللى كلمنى عن الوز العراقى المهم فوق بيتة ...........ايوة اللى فى الصورة دى..........اليمام غاوى يقف على العواميد بتاعتة....وانا قاعد بشرب شاى وساند كويس وقاعد حلو قولت لما اركب ماتش وجرب....مع ان المسافة بعيدد جدا.......بينى وبين البيت حوالى 40 متر دا غير الأرتفاع .........المهم المعلم احمد كان قابلى من فترة مستحيل تصطاد من هنا ههههههههههههه وبينى وبينكم انا نفسى كنت بقول مش هعرف اجيب من المكان دة يمام بدون اسكوب  Uploaded with ImageShack.us بس قولت اجرب وانا قاعد قومت ساند البندقية على ركبتى وواخد وضع قنص حلو وساند بندقيت ومزبط وقومت ضارب فى تالت مرة هوب.........جبت يمامة من العمود اللى فى نص البيت احمد بقا مزهول هههههههههههههه قاللى اية دة انا مش مصدق...........انا ماكنتش متخبل انها تيجى من هنا.........فى تعدية عم عاطف قومت مناولة كوباية شاى وفتحلنا البيت واحمد طلع لليمامة لقاها بتجرى على البيت....مشى وراها وقعة من على السطح......وطبعا انا كنت منبة علية انة مايجريش لا يقع....وانا جريت من تحت ودبحتها ........... ..... قبل ما نروح كان فية طائر دايما بنشوفة..........ضربت علية من مسافة كبيرة جدا ووقع مقفول وبعد ما وصلنالة طلعت حمامة...........شكلها غريب اصلا وكانت برضة ضربة مذهلة من حوالى 45 متر..... واغلب الصيد النهاردة كان بماتش عشان كنت بلاقى الضربة بعيدة اوىىىىىى كنت بركب ماتش......عشان احافظ على مسار الرشة لأعلى دقة وكانت هى دى الحصلة اللى قدامكوا.........دا غير اللى ضاع فى البيوت المقفولة كالعادة حوالى 5 كمان..  Uploaded with ImageShack.us المهم ابوحميد لما وصلنا للبيت كان مبسوط قوى انة شاف ضربتين مزهلتين.......وقالى على فكرة يا باب انت بقيت جامد هههههههههههه طبعا انا اتفشخت علية وقولتلة دى اقل حاجة عندى يابنى هههههههههههه لما الصياد يحب بندقيتة ويعرف انها صيادة ويتكيف منها بيسميها اسم المعلم احمد وفجأة بعد ما وصلنا البيت لقيتة بيقولى بابا انا عاوز اسمى بندقيتنا....قولتلة ومالة نسميها اية قاللى نسميها زوبة زى العربية....هههههههههه مانا مسمى ال 127 بتاعتى زوبة......قولتلى لا طبعا لما نقول زوبة نبقا بنتكلم على العربية والا البندقية اختار اسم تانى............قاللى خلاص يبقا حنفى............ههههههههههه قولتلة خلاص مفيش حنفى ههههههههه تنزل المرادى............حنفى حنفى..........بينى وبينكم حسيت انة حب البندقية وبقا بيقدرها طبعا انا روحت الساعة 11 واخدت دش ونزلت على المكتب........ بس بقا وجنبنا دكتور بيطرى بعتلة احمد....يسألة عن علاج للبلبل هههههههههه اقصد للصقر قالة ماعنديش لة علاج..... اقتراحاتكوا اية......نعالجة ازاى.....ابيعة .....اشحتة...........اسلقة ..... احنطة.....ههههههههههههههه اأجرة للعيال فى الشارع يتصوروا معاة..أأكلة ازاى اشربة ازاى... شورونى الهى وانت جاهى مايغلبلكم صقر .................................................. .................على فكرة حنفى بيسلم عليكم ههههههههه |
|
|
| sponsor links |
|
13-01-23, 04:57 PM
|
#2 |
|
صياد متميز جداً
تاريخ التسجيل: Feb 2012
المدينه: الزيتون
المشاركات: 1,370
معدل تقييم المستوى: 158 |
رد: حنفى...والصقر العباسى
هههههههههههههههههه يا سلام يا طارق باشا على طلعلتك الجامده انتا واحمد بتفكرنى بيا انا وجاسر مبعرفش اصطاد من غيره.
__________________
اذا دعتك قدرتك على ظلم الناس فتذكر قدره الله عليك من تواضع لله رفعه وقل رب زدنى علما
|
|
|
|
|
13-01-23, 05:58 PM
|
#3 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 140 |
رد: حنفى...والصقر العباسى
هههههههههههههههههههههههه
الله ينور عليك ياحاج طارق وبسم الله ماشاء الله الصقر شكلو روعه ربنا يسهل وحد من الاخوه يقدر يفيدك فى علاجه لانو خساره يموت وعلى فكره المثل بيقول اخطب لبنتك ومتخطبش لابنك وانا طالب القرب منك و باخطب حنفى ابنك لكايداهم بنتى واهو حتى يبقى زيتنا فى دقيقنا بس حاولو تغيرو الاسم عشان اسم حنفى ده ماينفعش خالص فى 2013 وكمان عشان العروسه ترضى بيه ههههههههههههههههههههههه
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
13-01-23, 08:55 PM
|
#4 |
|
صياد قديم
تاريخ التسجيل: May 2012
المشاركات: 1,049
معدل تقييم المستوى: 55 |
رد: حنفى...والصقر العباسى
ههههههههههههههههه طلعه موفقه و مبروك عليك الصقر
و حلو اسم حنفي ده بس قديم شويه زي ما قال القبطان حاول تغيره |
|
|
|
|
13-01-23, 09:52 PM
|
#5 |
|
صياد متقدم
تاريخ التسجيل: Oct 2012
المدينه: بورســعيد
المشاركات: 652
معدل تقييم المستوى: 23 |
رد: حنفى...والصقر العباسى
ههههههههههههه ربنا يخلهولك يارب طلعة صيد موفقة صقر
 ماشي
__________________
فشكلني حبك ياروح الروح **سبحان الله وبحمدة :: سبحان الله العظيم** |
|
|
|
|
13-01-23, 11:37 PM
|
#6 |
|
قنـــاص من الدرجه الاولى
تاريخ التسجيل: Feb 2008
المدينه: البحيره- القاهره- الاسكندريه
المشاركات: 6,244
معدل تقييم المستوى: 597  |
رد: حنفى...والصقر العباسى
ههههههههههههههههههههههههههههههه
 :lf : هههههههههههههه هههههههههههههههههههالله الله الله على الروعه والجمال والله انا كنت مستمتع جداً وانا بقرا الموضوع اصلاً انا بستنى مواضيعك علشان الروح الحلوه وخفة الدم ربنا يخليلك البرنسين احمد وحنفى ومتحرمناش يا معالى الباشا من مواضيعك الجذابه بالنسبه للصقر تاكد ان الرشايه مقرها الجناح فقط لو الجناح الامر سهل جداً ان شا الله هتقوم بتعديل وضعيو الجناح وبريش من ريشه هتعمله جبيره مكان الكسر بعد التعديل وبلزق طبى هتجبرله الجناح ام لو الرشايه خترقت الجسم فأمره مفوض لخالقه ومكان الاصابه اما الجرح يلتئم ا هيموت بالنسبه للاكل هو مش هياكل اول يوم او يومىن متقلقش مش هيموت من قلة الاكل بس عليك بالميه بعد كده هترميله عصافير بمعدل 3 عصافير فى اليوم او فتافيت لحم الفراخ لو موجود وليا طلب اخير بلاش ضرب صقور مره تانيه واحلى تقييم يا ابو احمد التعديل الأخير تم بواسطة هشام سمير ; 13-01-24 الساعة 02:00 AM |
|
|
|
|
13-01-24, 12:45 AM
|
#7 |
|
مشرف قسم السوق
تاريخ التسجيل: Mar 2011
المدينه: كورنيش مصر القديمه - القاهره
المشاركات: 1,030
معدل تقييم المستوى: 16  |
رد: حنفى...والصقر العباسى
هههههههههههههههههههههههههههههههههههههههههههههههههه ههه
كان في دكتور و زميل اصتاد صقر و رباه و استانسه كمان و اعمله جبيره و اكله و هينسا البريه ااكل العيش مر ههههههههههههههههههههههههه |
|
|
|
|
13-01-24, 12:50 AM
|
#8 |
|
ادمن صفحة المنتدى
تاريخ التسجيل: Nov 2011
المدينه: الزقازيق
المشاركات: 1,423
معدل تقييم المستوى: 29 |
رد: حنفى...والصقر العباسى
بالتوفيق ياباشا ان شاء الله بس بجد بلاش صيد الصقور ونصيحتي انك تحاول تعالجه وبعد كدا تربيه او تطلقه ولو جناحه اتكسر هات قطن و سوليتب وحاول تجبسه علي عدلته ولو ماتكسرش سيبه والجرح هايلم لوحده وبالنسبه للاكل ممكن تديله عصفوره او يمامه او كبده
|
|
|
|
|
13-01-24, 01:32 PM
|
#9 |
|
صياد جديد
تاريخ التسجيل: Dec 2012
المشاركات: 28
معدل تقييم المستوى: 5 |
رد: حنفى...والصقر العباسى
هههههههههههه بجد طلعه جميله اوى بس للاسف كان نفسى القناص الصغير يبقى معاك بس يلا و هتلاقيه فرح اوى لما شاف الصقرهههههههه
|
|
|
|
|
13-01-24, 04:39 PM
|
#10 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
|
|
|
|
|
|
13-01-24, 04:55 PM
|
#11 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
وينور عليك يا باشا فعلا هو شكلة جمييل جدا بصراحة الوانة جميلة سبحان الخلاق.....والله بحاول ارعاة واحمد قاعد بية على طوول...........بس بينى وبينة مجننى كل ما اربط رجلة بعقدة يفكها هههههههههههههه تخيل ربطات بحرية صعبة ومعقدة لغاية ما ربطتلة ربطة فظيعة مشنقة معقدة جدا .........ومتأكد مليون فى المية انه هيفكها صحيت النهاردة الصبح لقيتة فاكك نفسة وساحب التقل الرصاص وهو من 200 جرام ل 250 تقريبا ساحبة مسافة متر ونص وفك نفسة وقعد ههههههههههه ............قولت طيب لما انت مش هتطير وهتفك نفسك بس بتعمل كدة لية...........ههههههههههههه وبعدين قولت لنفسى دا طائر صياد محترم مايرضاش تقييد حريتة حتى لو فى الأسر .............. كمان بيتابع القريب منة بعنية دايما هيتروش..........عاوز اشوفلة حاجة اغمية بيها عشان ما يتروش............مش عارف دا صح والا غلط والا اية ............... اما بقا عن كيداهم يا معلم احنا نتاقلها بالدهب اهلها ناس كويسين مربينها ومابتخرجش من البيت الا مع ابوها وانت عارف بقى حنفى مايحبش الا البنات الجدعان ههههههههههههه حنفى وكيداهم..............ههههههههههه بذمتك مش لايقين على بعض ههههههههههههه هما اى نعم بلدى قوى هههههههههه تحس ان كيداهم لابسة ملاية لف ومنديل بقوية وحنفى لابس جلابية بلدى وراجع من سوق الخضار ههههههههههههههه اما عن تغيير اسم حنفى..........الراجل مايعيبوش الا اية هههههههههههه الا صيدة ههههههههه وحنفى اثبت كفاءة بدون احتياج لتايجر كنج هههههههههههههه انت بس قول لكيداهم ان الشتيمة مابتلزقش هههههههههههه..........وهو ممكن يقولها يا فيفى وهى تقولة حنفنف ههههههههه ..........يعععععععععععععع ههههههههههههه تحياتى يا كايدهم |
|
|
|
|
|
13-01-24, 04:58 PM
|
#12 |
|
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0   |
رد: حنفى...والصقر العباسى
مش عارف ليه حاسس انى بشبهه على البندقيه ديه يا اخى
بس حاجه حلوه وطلعه لذيذه وشغل جميل اللى ينور عليك
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
|
|
|
|
13-01-24, 05:15 PM
|
#13 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
المهم الكفاءة والبلدى يوكل ههههههههههه وخلى بالك .. نووور لو بيتت مع حنفى ليلة هتطرد مهند من الشقة تانى يوم ههههههههه خالص تحياتى |
|
|
|
|
|
13-01-24, 05:16 PM
|
#14 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
ماشى
|
|
|
|
|
|
13-01-24, 05:46 PM
|
#15 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
الله يخليك يا باشا.....واو بتستنى مواضيعى....دنا يا باشا اسيب الشغل والعيشة واللى عايشينها واتفرغلك لكتابة مواضيع ههههههههههههههه الحمد لله ان مواضيعى بتعجبك..........بس والله بكتبها بتلقائية جدا وبدون تدبير او ترتيب واللى ليا بقولة واللى عليا بقولة....وبحاول اشارككم الطلعة كأنكم كنتم معايا بالزبط..... خالص شكرى على تقديرك للموضوع وحنفى وابو حميد بيبلغوك السلام الصقر يا باشا زى الحصان هههههههههههه سيبك من السهوكة اللى هو فيها دا الصبح وانا بعيد ربطة بعد ما فك نفسة رزعنى خربوش فتح صوباعى ههههههههههههه اة والله ماكنتش متخيل كدة..........فعلا موس هو دة الموس بجد ولا تقولى بندقية موس ولا الضانى احلا مالجاموس...........مركب امواس فى مخالبة تخيل قفش الخيط تحت مخلب عندة ماقدرتش اطلعة منة والا افك ضافرة اللى تناة على الخيط..... هههههههههههه ..........وهنا افتكر مقولة اللمبى على السبكى لما كان فى عزا ام مختار....اول ما فتح اللمبى علبة المطوة وقالة خش عاوزك تخش تعزى تنتشر فى المكان ههههههههه...فاول ما السبكى دخل قعد يحدفهم بالكراسى...وقال اللمبى قولتة المشهورة دا طلع مجرم وصيت احمد يأكلة بواسطة سلك من بعيد عشان ما يفطرش بصباعة هههههههههههههه ومش عارف اسقية ازاى لكن اعتقدان هو هيتصرف.........هههههه مانا ماليلة طاجن مية جنبة بلاش ضرب صقور مرة تانية..........ههههههههه بص انت عارف الموضوع بيفكرنى بجملة فى احد الأفلام القديمة.....اصور جمبة يااابا [size="5"]ههههههههههههههه الصياد لو خبرتة عظيمة زيى كدة واول مر ة يمسك بندقية من شهرين مثلا ههههههههههههه بيبقا مش عاتق اى حاجة.......بيصطاد اى حاجة بجناح ماعدا الطائرات هههههههههههه الضربة كانت من وجهة نظرى مستحيلة بجد............لما ضربت علية ماكنش عندى شك واحد فى المية انها هتيجى....لكن فعلا ثقة الصياد فى نفسة وفبندقيتة مابتخيش الا من خلال الخبرة العملية حتى لو قالولة ان البندقية اللى هو بيصطاد بيها بتصطاد بال اس ام اس.....يعنى حتى لو هيبعت رسالة بنوع الطائر اللى عاوزة يقع تحت رجلةلازم برضة ياخد الخبرة العملية عشان يثق بنفسة وقدراتة وطبعا الفشخرة بقا وانت عارف.....ههههههههه..........وابويا صاد صقر هههههههههههههه واللى يسمع بقا يضم شفايفة ويسحب الهوا بصوت هههههههه جرب كدة ضم شفايفة اسحب شوية هوا ههههههههههههههههه اصلى ماعرفش الحركة دى تتسمى اية هههههههههههه ممكن تبقى واووووو ههههههههههههههههه واذا قولتلك انى ممكن امنع نفسى عن ضرب اى حاجة بتطير هههههههههه ابقا بجاملك او محرج منك.....لسة ماعنديش النوع دة من السيلف كونترول ههههههههههه....لسة بأخذ من كل رجل قبيييييلة ال يعنى انا اصلا صياد صقور ههههههههههه دى جت مع الهبل دوبل يا عم الحاج ......ههههههههههه وبعدين بينى وبينك الضربات البعيدة بقت مزاج ههههههههههه.........دنا من حبى للضربات البعيدة بفكر اجيب بندقية نمرة واحد واسكوب هههههههههه بس كتفى واجعنى من النهضة ههههههههههه..........واجمل سلام للسلام والنهضة..ههههههههههه.......وعلى راى عوكل اخوكى بياكل صوحابة ههههههههههه تحياتى يا برنس ومشكور على التقييم........ [size="3] |
|
|
|
|
|
13-01-24, 05:58 PM
|
#16 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
|
|
|
|
|
|
13-01-24, 06:00 PM
|
#17 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
|
|
|
|
|
|
13-01-24, 06:02 PM
|
#18 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
انت بس بتتواضع.........يا نجم الكرال يا جن........... ربنا يهديلك فنك ويهديك لأعضاء المنتدى الكرام تحياتى يا عدولة اخبار التليفون اية شغال والا لسة مقفول |
|
|
|
|
|
13-01-24, 06:22 PM
|
#19 | |
|
صياد قديم
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0 |
رد: حنفى...والصقر العباسى
اقتباس:
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
اللهم انى استغفرك واتوب اليك *اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت * |
|
|
|
|
|
13-01-25, 12:09 AM
|
#20 |
|
صياد قديم
تاريخ التسجيل: Dec 2011
المدينه: القاهرة
المشاركات: 1,185
معدل تقييم المستوى: 77 |
رد: حنفى...والصقر العباسى
بسم الله ما شاء الله عليك يا قناص يا كبير
|
|
|
|
|
13-01-25, 04:07 AM
|
#21 |
|
مشرف قسم الصيد البرى
تاريخ التسجيل: Aug 2012
المدينه: بورسعيد
المشاركات: 998
معدل تقييم المستوى: 96 |
رد: حنفى...والصقر العباسى
الله ينور يا ابو احمد
و يباركلك في احمد و تشوفه قناص كبير و ربنا يتمم لحنفي و كايداهم على خير مش هتلاقي لحنفي عروسه احسن منها كفايه انها تربيه القبطان هاني
__________________
لئن فغر الخطر فاه ، فأدخل رأسك فيه .. لئن غزا الخطر قلبك ، فأغز قلبه .. لئن جرى الخطر ، خلفك فلتتوقف .. انتظره .. |
|
|
|
|
13-01-26, 10:00 AM
|
#22 |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
الله يخليك يا حاج وليد وخالص تحياتى يا نجم ومبروك البندقية
|
|
|
|
|
13-01-26, 04:47 PM
|
#23 | |
|
عضو مميز جداً
تاريخ التسجيل: Jul 2012
المشاركات: 508
معدل تقييم المستوى: 129 |
رد: حنفى...والصقر العباسى
اقتباس:
تاتاتاتاتاتا مسلسل حنف افندى و كايداى اغا هههههههههههههههههه دا هيبقا فرح مسخرة هههههههههه......... وهنفرق رش فى الفرح وطبعا كل اللى داخل الفرح لازم يجيب علبة رش معاة ههههههههههههههههه وهيبقا اجمد من فرح اللمبى ههههههههههه واحنا نطول لما نناسب القبطان نهارك عسل يا كبير |
|
|
|
|
|
| sponsor links |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التاو تاو..... العباسى | tarekabasy | صيد السمك | 38 | 16-11-06 03:19 PM |
| مصيبة ...حديؤكد او ينفى | دكتور عابدينوف | البنادق الهوائيه | 18 | 12-08-30 11:09 PM |
| حكم اكل وقتل الطيور مثل الغراب والطاووس والشاهين والصقر | hamoda1991 | الصيد العام | 4 | 12-08-23 02:58 PM |
| حد من السويس يأكد أو ينفي الكلام دا | fishtic | الموضوعات العامه | 16 | 12-07-04 03:30 PM |
| التليفزيون الإسرائيلى: 1500 إرهابى دخلوا سيناء عبر غزة والقاعدة احتلتها.. ومدير أمن شمال سيناء ينفى | elexlns1 | الموضوعات العامه | 2 | 11-08-16 01:31 AM |
العرض العادي
