السلام عليكم زملائى القناصين (فى مشارق الارض ومغاربها وضواحيها والخ الخ .......
الحمد لله ربنا كرمنى ببندقيه جديده نوعها غريب شويه علينا فى مصر بس هى تعتبر هديه من صديق عزيز جدا عليا وكان جايبها معاه من بره واشتريتها منه واسمها (روجر) وهى نمره واحد وسرعتها حوالى 305 متر\ثانيه واقدر اقولكم انها فتااااااااااكه جدا بس الله ماشاء الله المهم قولت لنفسى فيها ايه لما اطلع رحله من نفسى لانى كنت مشغول الفتره اللى فاتت جدا ومش كان ليا نفس للصيد المهم هى نشاناتها فسفورى وانا مش بحب النشانات الفسفورى قومت مظبط الاسكوب الجامو المحترم وخليته على الشعره والحمد لله وبعدين لما نزلت اجازة واحد صاحبى جالى البيت وقاللى يلا نطلع نشوف اخبار الحمام البرى لانه شاف مجموعه جنب بيته وطبعا انا مكدبتش خبر بالذات انى عطشان صيد وطلعت من البيت الساعه 2 ظهرا فى عز الجو الحار جدا بس هنعمل ايه بقى فى الهوايه اللى هتموتنا دى وخلصت الساعه 5 يعنى 3 ساعات والحمد لله كانت الحصيله ممتازة جدا بالرغم انى كنت فاكر انى مش هلاقى حاجة نصطادها ومش اخدت معايا مطوه التزكيه ولا شنطه الصيد بس طبعا اتصرفنا فيهم ودى كانت الحصيله 45 فرد حمام برى ونوع الرش كان جامو ماتش والصيد كان ببندقيتى انا بس لان صاحبى مش معاه بندقيه حاليا وطبعا اللى فى الصور ده نصيبى علشان محدش يعد ورايا ويقولى انت كذاب ههههههههه
كل سنه وانتم طيبين وانا اسف على الاطاله بس انا بكون مستمتع لما اتكلم معاكوا
والله ولى التوفيق
__________________
علمت ان رزقى لن ياخذه غيرى فاطمان قلبى
12-07-25, 12:20 AM
طلعة صيد فى رمضان بعد طول غياب
المواضيع المتشابهه
العرض الشجري