حقيقة الطبنجات الصوت

[elhosseiny]

من واقع مشاهداتى للعديدمن المواضيع المرتبطة بالسلاح الصوت و المبالغة فى الأسعار حبيت أشارك معاكم بوجهة نظرى المتواضعة و أتمنى إنها تلاقى القبول الكافى أو النقد حتى علشان نوصل لنتيجة.

أتمنى إن الناس تدرك إن السلاح الصوت ده مجرد حاجة للمرح .... يعنى زى ما الأجانب بيقولوا .... For FUN ..... أما كحماية و الكلام ده أنا شايف اللى يفتكر إنه هيحمى نفسه بيه يبقى بيهزر لأن سلاح الصوت لا يسمن و لا يغنى من جوع.

كل الموضوع إن فى بعض الناس (و أنا منهم) بيحبوا صوت الفرقعة و ضرب النار و مفيش مجال إننا نضرب نار حى، فبالتالى بنجيب مسدسات صوت و نفرغ طاقتنا.... ممكن نضرب رصاصتين فى فرح ..... خراطيش ألعاب نارية ..... يعنى الموضوع هواية و مالهوش علاقة بأى ظروف أمنية.

و طبعاً لا ننسى إخوانا اللى عايزين يعيشوا فى دور إنهم ظباط و يمشوا بمسدس شبه الحقيقى ... بس أعتقد إن الفئة دى قليلة (طبعاً لو الفئة دى كتير تبقى مصيبة لأننا هيبقى عندنا كم مرضى نفسيين كتير).

أما للحماية فده كلام فاضى، إلا لو واحد شاله فى البيت و سمع إن فيه حراميه فيقوم يضرب عيارين فى البلكونة يعمل بيهم دوشة و يرهب الحرامى اللى فى المنطقة .... بس بشرط إنه يكون فى مكان منعزل عن الحرامى .... يعنى ما يكونش فى المواجهة .... هنا ممكن نقول إن الطبنجة الصوت ساعات بتنفع .... إنما فى حالة المواجهة الأكيد إن ضررها أكتر من نفعها.

و برضه ينفع للغفر و الحراس على أساس إن صوته العالى بيلفت نظر الجيران ليهم و فى نفس الوقت ممكن يرهب اللصوص .... بس بشرط .... إنه ما يواجهش اللصوص بيه .... يعنى يضرب و هو بعيد عن اللصوص أو البلطجية .... يعنى بلاش مواجهة برضه.

الخلاصة، مفيش داعى للتهافت على السلاح الصوت دلوقتى و نصبر لحد ما الجو يهدى و الأسعار تبقى طبيعية و نبقى بعد كده نمارس هوايتنا عادى .... إنما اللى رفع الأسعار الفترة اللى فاتت هو الهوجة اللى خلت كل الناس عايزة تعمل منظر علشان وهم البلطجية اللى بينزلوا يقتلوا الناس ... و ده طبعاً كلام فاضى.

مجرد إن الجو يهدى فى الطلب شوية الأسعار هتنزل أكتر .... يعنى على رأى أحمد زكى فى فيلم البيضة و الحجر، ياريت نحارب الغلاء بالإستغناء ..... و بالأخص إن المسدس الصوت سلعة كمالية و مش أساسية و لا مهمة (لو فكرنا بشىء من المنطقية)

[osama2011]

الله ينور عليك هو ده الكلام

[mlikhunter]

السلام : اخي كلامك سليم100%

[elhosseiny]

المشاركة الأصلية كتبت بواسطة osama2011

الله ينور عليك هو ده الكلام

خالص الشكر على المرور و التعليق

[elhosseiny]

المشاركة الأصلية كتبت بواسطة mlikhunter

السلام : اخي كلامك سليم100%

خالص الشكر على المرور و التعليق

[lastworld]

المشاركة الأصلية كتبت بواسطة osama2011

الله ينور عليك هو ده الكلام

.................................................. .

[mahmoud el masry]

كلام سليم من عاقل سليم

[drmaged40]

كلامك مظبوت ..........اهو انت كده جبت الخلاصه

[ابو جبل]

كلام 10على 10 وطلما الحكايه صوت بصوت نشوف واحده بتصوت كويس

[ahmedabutaleb]

كلام منطقى جدااا

[silver_5000]

و الله يا باشا انا متفق معاك مية ف المية بس ليا اضافة صغيرة لو تسمحلى , يمكن فى ناس بتفكر تجيب المسدس الصوت لسبب غير المرح و غير البلطجية , و هو الفوضى العامة اللى البلد بقت فيها , يعنى كفاية اقولك ان فى واحد صاحبى و انا راكب معاه العربية مرة و واحد بتاع ميكروباص رمى عليه او هو رمى على بتاع الميكروباص _ مش مهم _ المهم ان حصل مشكلة بيننا و بين بتاع الميكروباص فنزلنا نتخانق عادى جدا زى ما بيحصل ف الطبيعى , خناقة بالايدين و ممكن تكون مشاداة كلامية بس و لقينا بتاع الميكروباص بيطلع من عربيته حديدة و هيموتنا منجدناش منه غير المسدس الصوت اللى ف عربية صاحبى جرى عليه و مجرد ما المسدس ظهر و الاجزاء اتشدت و بتاع الميكروباص رمى الحديدة و اصحابه مسكونا و خلاص يا باشا و احنا اسفين و هو ركب عربيته و اختفى , يعنى انا طولت اكيد عليكو بس حبيت اوضح ان فى ناس مش بلطجية نازلة تقلبنا بس بيستغلو الفوضى ف انهم ممكن يعملو اللى مكانوش يقدرو يعملوه ف الظروف الطبيعية و دول بطبيعتهم جبانات و مجرد ظهور سلاح صوت او حى قدامهم بيرجعو للصح

[البورسعيدي]

كلام صحيح 100 في 100 ، وأنا معك أرجوا من الكل محاربة الغلاء بالإستغناء وخصوص إنها سلعه كماليه فقط

[amrrashed]

كلام 100 100 احسن حاجة قريتها فى الموضوع ده

[مؤنس محمد]

لا فض فوك كلامك تمام هو الموضوع اما هواية الواحد مش عارف يجيب حى فبيوهم نفسة بالصوت عشان يشبع الرغبة المكبوتة ودة عشان قوانين البلد الى بتحط الف حاجز للترخيص انا شايف يخففو القيود وارخص تحت عين الحكومة احسن مااجيبة متهرب ولا من ايى مكان اصل بصراحة الى عاوز يجيب حى ومحتاج ليه هيتصرف باى طريقة ويجيب لو حتى فرد خرطوش محلى الصنع
وتقبلو تحياتى

[mishooo77]

كلام سليم تماما بارك الله فيك

[ahmadkader]

أنا من رأيى و خبرتى فى الموضوع بتاع السلاح من أيام ما كنت فى ثانوى من ييجى عشرين سنة كدا ، و فك و تركيب أى سلاح يقع تحت إيدي ، إن الأسلحة المقلدة أو ال replica اللى هى مسدسات الصوت ، إتعملت علشان الناس اللى بتحب الإقتناء و الفك و التركيب و التعلم ، إلى جانب طبعا الدعاية ، يعنى لما بينزلوا موديل طبنجة حية مثلا جديدة بيروحوا منزلين ليها التقليد بتاعها صوت بسعر أرخص و خامات طبعا أقل عشان الناس تشوفه و تتعرف عليه ، و أهه بالمرة الشركة المنتجة تكسب قرشين حلوين من بيع المسدس الصوت ، مايمنعش ، و أهه إعلان عن المسدس الحقيقى بس إعلان مدفوع تمنه من اللى هايشترى المسدس الصوت.
بدون أن أطيل على حضراتكم ، المسدس الصوت متعملش عشان يكون ليه إستخدام غير إنه تقليد للمسدس الحى فقط لا غير ، لو إحنا بقى عايزين نخلقله إستخدام يبقى دى قصتنا إحنا. يعنى مثلا واحد صاحبى إشترى مسدس صوت قبل الأحداث دى من فترة عشان يشتغل مراته و يتمنظر كدا قصادها ، و هى فهمت إن المسدس اللى حاطه فى الدولاب ده حى ، و عنها يا معلم و بقت ماشية على العجين من ساعتها ، أمال إيه هو العمر بعزقة ؟ هاهاهاهاها

[basemzero]

كلام منطقى و سليم....تقبل مرورى
تحياتى

[braveheart]

المشاركة الأصلية كتبت بواسطة elhosseiny

من واقع مشاهداتى للعديدمن المواضيع المرتبطة بالسلاح الصوت و المبالغة فى الأسعار حبيت أشارك معاكم بوجهة نظرى المتواضعة و أتمنى إنها تلاقى القبول الكافى أو النقد حتى علشان نوصل لنتيجة.

أتمنى إن الناس تدرك إن السلاح الصوت ده مجرد حاجة للمرح .... يعنى زى ما الأجانب بيقولوا .... for fun ..... أما كحماية و الكلام ده أنا شايف اللى يفتكر إنه هيحمى نفسه بيه يبقى بيهزر لأن سلاح الصوت لا يسمن و لا يغنى من جوع.

كل الموضوع إن فى بعض الناس (و أنا منهم) بيحبوا صوت الفرقعة و ضرب النار و مفيش مجال إننا نضرب نار حى، فبالتالى بنجيب مسدسات صوت و نفرغ طاقتنا.... ممكن نضرب رصاصتين فى فرح ..... خراطيش ألعاب نارية ..... يعنى الموضوع هواية و مالهوش علاقة بأى ظروف أمنية.

و طبعاً لا ننسى إخوانا اللى عايزين يعيشوا فى دور إنهم ظباط و يمشوا بمسدس شبه الحقيقى ... بس أعتقد إن الفئة دى قليلة (طبعاً لو الفئة دى كتير تبقى مصيبة لأننا هيبقى عندنا كم مرضى نفسيين كتير).

أما للحماية فده كلام فاضى، إلا لو واحد شاله فى البيت و سمع إن فيه حراميه فيقوم يضرب عيارين فى البلكونة يعمل بيهم دوشة و يرهب الحرامى اللى فى المنطقة .... بس بشرط إنه يكون فى مكان منعزل عن الحرامى .... يعنى ما يكونش فى المواجهة .... هنا ممكن نقول إن الطبنجة الصوت ساعات بتنفع .... إنما فى حالة المواجهة الأكيد إن ضررها أكتر من نفعها.

و برضه ينفع للغفر و الحراس على أساس إن صوته العالى بيلفت نظر الجيران ليهم و فى نفس الوقت ممكن يرهب اللصوص .... بس بشرط .... إنه ما يواجهش اللصوص بيه .... يعنى يضرب و هو بعيد عن اللصوص أو البلطجية .... يعنى بلاش مواجهة برضه.

الخلاصة، مفيش داعى للتهافت على السلاح الصوت دلوقتى و نصبر لحد ما الجو يهدى و الأسعار تبقى طبيعية و نبقى بعد كده نمارس هوايتنا عادى .... إنما اللى رفع الأسعار الفترة اللى فاتت هو الهوجة اللى خلت كل الناس عايزة تعمل منظر علشان وهم البلطجية اللى بينزلوا يقتلوا الناس ... و ده طبعاً كلام فاضى.

مجرد إن الجو يهدى فى الطلب شوية الأسعار هتنزل أكتر .... يعنى على رأى أحمد زكى فى فيلم البيضة و الحجر، ياريت نحارب الغلاء بالإستغناء ..... و بالأخص إن المسدس الصوت سلعة كمالية و مش أساسية و لا مهمة (لو فكرنا بشىء من المنطقية)

أنت صح ... 10/10 و 100 % ...

و كلامك كله سليم و الله.

[حازم6/10]

طب منحاول نعمل نوادى للرماية بكل انواعها للمنتدى بتعنا وتكون وخدة شكل قانونى ورسمى معتمد ، للعايز يمارس هواية الرماية
وبكدة نقنن حمل السلاح عمال على بطال ، والناس تشبع رغبتها فى شكل رياضة وهواية 0

اية رايكوا تكون الفكرة دية عموم اعضاء المنتدى

[elhosseiny]

المشاركة الأصلية كتبت بواسطة ابو جبل

كلام 10على 10 وطلما الحكايه صوت بصوت نشوف واحده بتصوت كويس

على رأيك، و أهو نحد من البطالة عند الستات :d

[elhosseiny]

المشاركة الأصلية كتبت بواسطة حازم6/10

طب منحاول نعمل نوادى للرماية بكل انواعها للمنتدى بتعنا وتكون وخدة شكل قانونى ورسمى معتمد ، للعايز يمارس هواية الرماية
وبكدة نقنن حمل السلاح عمال على بطال ، والناس تشبع رغبتها فى شكل رياضة وهواية 0

اية رايكوا تكون الفكرة دية عموم اعضاء المنتدى

و الله الفكرة جديرة بالتبنى و ياريت نلاقى طريقة نعملها
بس طبعاً هيكون مشكلة تكلفة الإنشاء ... إلا لو سمحوا للهواة إنهم يدخلوا نوادى الرماية و يضربوا نار بمقابل مادى معقول.
بس بكرر إن الفكرة ممتازة

[elhosseiny]

شكر خاص لجميع الأعضاء الذين مروا على الموضوع و شاركوا برأيهم و تعليقاتهم الطيبة

[elhosseiny]

المشاركة الأصلية كتبت بواسطة silver_5000

و الله يا باشا انا متفق معاك مية ف المية بس ليا اضافة صغيرة لو تسمحلى , يمكن فى ناس بتفكر تجيب المسدس الصوت لسبب غير المرح و غير البلطجية , و هو الفوضى العامة اللى البلد بقت فيها , يعنى كفاية اقولك ان فى واحد صاحبى و انا راكب معاه العربية مرة و واحد بتاع ميكروباص رمى عليه او هو رمى على بتاع الميكروباص _ مش مهم _ المهم ان حصل مشكلة بيننا و بين بتاع الميكروباص فنزلنا نتخانق عادى جدا زى ما بيحصل ف الطبيعى , خناقة بالايدين و ممكن تكون مشاداة كلامية بس و لقينا بتاع الميكروباص بيطلع من عربيته حديدة و هيموتنا منجدناش منه غير المسدس الصوت اللى ف عربية صاحبى جرى عليه و مجرد ما المسدس ظهر و الاجزاء اتشدت و بتاع الميكروباص رمى الحديدة و اصحابه مسكونا و خلاص يا باشا و احنا اسفين و هو ركب عربيته و اختفى , يعنى انا طولت اكيد عليكو بس حبيت اوضح ان فى ناس مش بلطجية نازلة تقلبنا بس بيستغلو الفوضى ف انهم ممكن يعملو اللى مكانوش يقدرو يعملوه ف الظروف الطبيعية و دول بطبيعتهم جبانات و مجرد ظهور سلاح صوت او حى قدامهم بيرجعو للصح

يا أخى الكريم كلامك على العين و الرأٍ، بس المشكلة بقى لو السواق ده بلطجى أو مسجل و معاه طبنجة حى، أكيد هيرمى الحديدة و يطلع الطبنجة و يضرب عليك أنت أو صديقك و هنا هنا المشكلة دخلت فى منعطف خطير قوى.
إحنا قلنا بينفع أحياناً، بس بقيود معينة، أهمها إنك ما تكونش على خط المواجهة و فى حالة لو ضربت لازم تراعى إن الفوارغ ما تنزلش أو ما تظهرش قدام اللى أنت بتهدده .... أنا عارف إن الطبنجة الصوت لو شبه الحى من حيث الحجم بتنفع فى حالة شد الأجزاء على الناس، بس برضه الخطورة كبيرة، يعنى ما ينفعش الواحد يحمى نفسه بيها أو يتعامل معاها إنها للحماية .... إنما ممكن نقول إن ربنا قدر و لطف و أهى جت كده .... بس ما يبقاش هو ده المبدأ

[A_H_M_A_D]

كلام سليم , هي ممكن تبقى سبب لمشكلة أكبر بكتير , لإنها هاتديك إحساس بالثقة الزائفة ,

ولو اللي قدامك طلع بلطجي أو حرامي مسلح يبقى إنت كده حطيت نفسك في موقف لا تحسد عليه

لإنه مش هايستنى لما يشوف ده حقيقى و لا صوت , هايستخدم السلاح بتاعه فورا

[elhosseiny]

المشاركة الأصلية كتبت بواسطة a_h_m_a_d

كلام سليم , هي ممكن تبقى سبب لمشكلة أكبر بكتير , لإنها هاتديك إحساس بالثقة الزائفة ,

ولو اللي قدامك طلع بلطجي أو حرامي مسلح يبقى إنت كده حطيت نفسك في موقف لا تحسد عليه

لإنه مش هايستنى لما يشوف ده حقيقى و لا صوت , هايستخدم السلاح بتاعه فورا

علشان كده بنقول، يستخدم بدون مواجهة للأشخاص المجرمين .... يعنى من وراء ساتر لا يمكن إنهم يصلوا إليه (يعنى الحرامية فى الشارع بيسرقوا العربية و هو فى البلكونة فى الدور التانى مثلاً) .... يعنى بدل ما الواحد يخلى المدام تصوت يضرب طلقتين أحسن

[elhosseiny]

شكراً لكل من قرأ و تفاعل مع الموضوع

[silver_5000]

يا أخى الكريم كلامك على العين و الرأٍ، بس المشكلة بقى لو السواق ده بلطجى أو مسجل و معاه طبنجة حى، أكيد هيرمى الحديدة و يطلع الطبنجة و يضرب عليك أنت أو صديقك و هنا هنا المشكلة دخلت فى منعطف خطير قوى.
إحنا قلنا بينفع أحياناً، بس بقيود معينة، أهمها إنك ما تكونش على خط المواجهة و فى حالة لو ضربت لازم تراعى إن الفوارغ ما تنزلش أو ما تظهرش قدام اللى أنت بتهدده .... أنا عارف إن الطبنجة الصوت لو شبه الحى من حيث الحجم بتنفع فى حالة شد الأجزاء على الناس، بس برضه الخطورة كبيرة، يعنى ما ينفعش الواحد يحمى نفسه بيها أو يتعامل معاها إنها للحماية .... إنما ممكن نقول إن ربنا قدر و لطف و أهى جت كده .... بس ما يبقاش هو ده المبدأ

اقتنعت بكلامك 100%

[tamer el-henawy]

المشاركة الأصلية كتبت بواسطة osama2011

الله ينور عليك هو ده الكلام

كلام زى الفل تسلم ونرجوا من السادة الاعضاء قرأءة هذا الموضوع

[elhosseiny]

المشاركة الأصلية كتبت بواسطة tamer el-henawy

كلام زى الفل تسلم ونرجوا من السادة الاعضاء قرأءة هذا الموضوع

خالص الشكر على المرور و الرد

[المهندس]

يار ب الناس ليها ربع عقلك كنا بقينا احسن دولة لكن مافيش توعية للناس ولا اي شئ

[صقر]

انتا اصلى اصلى تسلم دماغك

[dr_mohasan]

كلام جميل ولازم نستجيب جميعا لهذا الكلام العاقل

[elhosseiny]

شكراً لكل من مر على الموضوع و أبدى الرأى

[silver_5000]

لا شكر على واجب يا صديقى , اللى المفروض يتشكر هو سعادتك على انك تعبت نفسك و عملت الموضوع ده , و بينى و بينك انا كنت ناوى اشترى دلوقتى مسدس صوت علشان الحماية و اقتنعت بوجهة نظرك ف الاول كنت ناوى انى اشترى بالغالى دلوقتى و يمكن كمان ازنق نفسى بس لما فكرت ف كلامك قولت مادام الموضوع ده عجبنى كهواية ف مش لازم ازنق نفسى دلوقتى , لا استنى لما الاحوال تهدى شوية و ابقى اشترى بمزاج

[elhosseiny]

المشاركة الأصلية كتبت بواسطة silver_5000

لا شكر على واجب يا صديقى , اللى المفروض يتشكر هو سعادتك على انك تعبت نفسك و عملت الموضوع ده , و بينى و بينك انا كنت ناوى اشترى دلوقتى مسدس صوت علشان الحماية و اقتنعت بوجهة نظرك ف الاول كنت ناوى انى اشترى بالغالى دلوقتى و يمكن كمان ازنق نفسى بس لما فكرت ف كلامك قولت مادام الموضوع ده عجبنى كهواية ف مش لازم ازنق نفسى دلوقتى , لا استنى لما الاحوال تهدى شوية و ابقى اشترى بمزاج

و الله و نعم التفكير،
و برضه لما الجو هيروق هتلاقى إن كل الحاجات المضروبة خلصت من عند التجار و الأسعار هتكون أفضل بالإضافة إلى إنك هتعرف تدخل المحل و تشترى و تنقى و تجيب سعر كويس زى زمان.
كنا بندخل المحل و نقعد مع أصحابه بالساعتين و يجيب شاى و قهوة و نقعد نرغى و نبدل القديم و كان الموضوع زى الفل.

دلوقتى بقى خلاص، من و أنت واقف بره و من غير علبة و المعاملة مش لطيفة .... إلا بعض الناس اللى لسه عندها إحترام بتتعامل كويس زى الجيزة للأسلحة والبارودى فى الجيزة لسه بيتعاملوا بإحترام بس مع زباينهم القدام بس، إنما الجديد برضه بيتعامل و هو واقف بره.

أنت هتعجبك الهواية إن شاء الله و أهو الإنسان لما يفرغ طاقته السلبية فى حاجة مش بتأذى أعتقد إن ده شىء كويس لأن أى إنسان طبيعى فى العالم عنده طاقات إيجابية و طاقات سلبية و لازم يدور على طريقة لصرف الطاقات السلبية علشان تراكمها مش كويس و بيخلى الإنسان عصبى المزاج.

خالص الشكر مرة أخرى على التعليق

محمود

[hamadabadr]

احنا ممكن نسجل صوت الطلق ال 9 مل ونحطها كنغمه على موبيل صينى صوته عالى ونشغل النغمه لما يكون فى بلطجي او حرامى ونوفر تمن المسدس اليى بلالاف

[michael]

ممكن اعرف هل مسدس الصوت ممكن يصيب على بعد متر ام لا

[عيون الصقر12]

الله ينور عليك هو ده الكلام

[احمد العوضى]

اولا تسلم ايدك ثانين يارب الامو تهده

[goodzila]

انت فعلا جبت من الاخر السلاح الصوت يموت صاحبه لو حصلت مواجه مابينه ومبين واحد شايل حي وزي مبيقولو السبقانه كسبانه فالتاني هيضرب من غير ميفكر ازا كان الي معاك صوت ولا حي وتقبلو مروري