رخصة السلاح واسعاره

[gaber]

السلام عليكم الأعضاء الكرام
بعد ما تقدمت بالحصول على رخصة والحمد لله جبتها شوفت فاجعة اسعار السلاح في مصر
انا كنت برا مصر لحد مارجعت بعد وقت الثورة على أمل ان البلد تظبط
كان معايا برا Walther P99 9MM -في امريكا وزوجتي امريكية لبنانية-
المهم كنت جايبه بـ 750 دولار يعني يعادل 4500 جنيه ودا السعر الطبيعي للأسلحة في امريكا وممكن تجيب من اول 300 دولار كمان يعني اقل من 2000 جنيه
لما جيت هنا طبعا بيعته هناك قبل ماجي وهنا الأول سألت ع المنتدى هنا ع سلاح قالولي رخصة ولما سألت على فعالية المسدسات اللي بتتفتح دي الناس عملتلي محاضرة في انه مش صح تشيل دا وخطر وكذلك مع شيل سلاح غير مرخص مع العلم ان الواحد عايزه عشان يأمن اهل بيته بس
انا قدمت على رخصة واستوفيت اوراقها واخدتها ومرمية في الدرج وهخش اقطعها كمان شوية لأن لما يبقى طبنجة جايبه من سنتين ب 4500 جنيه تتباعلي دلوقتي بـ 80 الف جنيه عشان هي دي الأسعار في مصر يبقى ابقى بستهبل لو اشتريتها اصلا
انا قريت شكاوي كتير هنا من اسعار السلاح وناس اشتكت من اعضاء المنتدى بس انا عارف ان المشكلة دي سببها وزارة الدفاع والتجارة اللي مبتديش تراخيص استيراد وبتاخد ضرايب مجنونة على الأسحة الواردة وكمان وجب الذكر ان تجار السلاح المحترمين بعد ماتبقي الطبنجة نزل عليها ضرايب وجمارك مجنونه يجوا حاطين نص تمن الطبنجة بعد الضرايب مكسب واوقات بيضاعفوا كمان
سوق وعرض وطلب زي اي منتج في الدنيا
بس انا مش لاعب اللعبة دي
ومش هشتري طبنجة بثمن رشاش آلي متعدد بحصيرة في اي دولة محترمة
وبرضوا مش هقعد انا واهل بيتي عرضة لشوية صيع شاربين
قولولي انتوا لو مكاني اعمل ايه وانا هسمع كلامكوا
انا دلوقتي شايف السلاح المتهرب وانتوا العلم بأسعاره اللي في متناول ايدين الجميع
وعايز احمي اهل بيتي -يعني السلاح مش هيخرج من اوضة النوم وعمري مانزل بيه الشارع والحمد لله انا عمري في حياتي ماتخانقت والواحد مش بتاع مشاكل خالص-
اتصرف ازاي؟