حكايتى مع اتنين بلطجية على الدائرى .. وأربع غرز فى رأسى

[تاجر جملة]

السلام عليكم

يوم الجمعة اللى فاتت كنت ماشى على الدائرى بعربيتى الساعة حوالى 2 ونص بالليل متأخر
وجيت عند محطة كدة عند شركة الكهربا لانى كنت جاى من الرماية وراجع بيتى
لقيت واحد ومراته وطفلين ومعاهم اتنين شكلهم مش ولابد روحت راكن بعديهم بشوية

وبصيت عليهم حسيت ان العيلين دول بيثبتوهم وبينى وبينكم عايز اعمل حاجة وقلقان والمهم توكلت على الله ورجعت بعربيتى وعملت عبيط وقولتلهم يا جماعة الوقت متأخر ولو عايزين اوصلكم
انا تحت امركم وراحت الست صرخت وقالت والنبى توصلنا ومتسبناش وببص لجوزها لقيته متنح على الاخر وعرقان اوى وكل دة وانا بجد خايف من جوايا
انا كان معايا اليكتريك والعصاية بتاعة اكسلنس حاططتها بين رجلى وخدت بالى بسرعة ان العيال
حاطين مطاوى فى جنب جوز الست وفى ضهر الواد ابنهم
قالولى امشى يا ك... ام... من هنا
ساعتها حسيت ان الواد الصغير دة ابنى وروحت فاتح باب العربية ونزلت بسرعة وكانوا هما الناحية التانية من العربية وانا ماسك عصاية اكسلنس باليمين والاليكتريك بالشمال
والله العظيم ضربت واحد بالعصاية فى دماغه ولقيته ساح فى دمه واترمى فى الارض
والتانى جرى وجريت وراه انا وجوز الست وروحت لايشه فى رجله بالعصاية من تحت وطبعا اتقلب
وجوز الست مسك ايده اللى فيا المطوه وطبعا اتعور وانا نزلت فى جسمه تكسير
واقسم بالله كان بيصوت زى المرة
وكل دة واحنا بنجرى ورا الواد اتارى معاهم واحد تالت معرفش طلع منين وضربنى بالمطوة فى دماغى وكان يوم
طبعا كلنا طلعنا على المستشفى والناس جابت الشرطة والعيال اتنفخت
والظابط حالف ياخد منى العصاية والاليكتريك وانا قولتله على جثتى ولولاهم كان الراجل واسرته ضاعوا

واقسم بالله واحد جاله ارتجاج فى المخ والتانى كسر فى القدم والتالت هرب
والحمد لله عدت بسلامة

[hosam hamza]

الله ينور
ادى الرجاله ولا بلاش
تسلم ايدك
المهم تكون ظبتهم

[جنرال]

سلامتك يا باشا بس ده منتدى صيد مش دفاع عن النفس.
ربنا معاك

[Andria]

rabena yekhaleek 3ala shaga3tak , walahy enta hatekaf2 fel gana

[pooforever_2010]

الله ينور حمدالله على السلامه تسلم رغم انه غلط ايه يمشى راجل ومراته وعياله بالليل كده
والله الناس بتستعبط وترجع تعيط
ربنا يسترها

[koktal]

ألف حمد الله على السلامة يا عم .. والله انتا راجل من دهر راجل .. وربنا إن شاء الله يجازيك كل خير على العمل العظيـــم ده ..

[gamopt80]

جدع والله ورجوله منك انك مسبتهمش, وربنا بعتك ليهم الله اعلم كان هيحصل معاهم ايه
والي يحصله حاجه في موقف زي ده يبقى شهيد

[تاجر جملة]

الحمد لله انها عدت على خير وبصراحة الناس والله وقفوا جنبى وكل يوم بيجولى البيت وكفاية ان الواحد يحس
ان عمل خير وان الناس دى بتحبه حقيقى فى زمن محدش عارف فيه نوايا الناس

[sameer]

الله ينور عليك يا باشا ربنا يشفيك يا رب

[تاجر جملة]

مشكورين يا جماعة ونسيت اقولكم ان العيال دى كانت بتقلع الست الدهب
والناس يا عينى بيحلفولى ان الدهب دة شايلينه لأى عوزة
وهما كانوا راجعين من عند حمات الراجل ومروحين

[Andria]

momken teb3atly el email beta3ak , lama 7ateet el mawdou3 3al facebook , kol el nass 3ayzeen esalemo 3aleek we ye3rafo meen el batal , Rabena ye7afesz 3aleek ya rab.

[osama.oscar]

الحمد لله و سلاااااااامتك يا باشا

[اسامة]

ألف حمد الله على السلامة وربنا إن شاء الله يجازيك كل خير

[hogan]

[Android man]

في داهية البلطجية المهم الحمد لله انك محصلكش مضاعفات ووالله يوم القيامة هشوف علشان الي حصل ده ربنا محضرك ايه في ميزان حسناتك
بس الظابط ده راجل مش تمام علي فكرة وكل يوم والله انا بيزيد اقتناعي بمسدسات البلي المعدلة وشكلي هشتري واحد

[تاجر جملة]

أشكركم جدا وبحمد ربنا وفعلا الواحد اللى بيعمل حاجة زى دى بيحس باحساس عظيم جدا

[تاجر جملة]

المشاركة الأصلية كتبت بواسطة andria

momken teb3atly el email beta3ak , lama 7ateet el mawdou3 3al facebook , kol el nass 3ayzeen esalemo 3aleek we ye3rafo meen el batal , rabena ye7afesz 3aleek ya rab.

أشكرك جداااااا وخليهم يتفضلوا المنتدى

[هشام سمير]

اخى افاضل الرجوله مواقف وانت راجل وراجل جداً كمان الانسان الشهم ميسبش حد فى الموقف دا ويمشى لك منى كل تحيه وتقدير

[تاجر جملة]

المشاركة الأصلية كتبت بواسطة هشام سمير

اخى افاضل الرجوله مواقف وانت راجل وراجل جداً كمان الانسان الشهم ميسبش حد فى الموقف دا ويمشى لك منى كل تحيه وتقدير

مشكور وبصراحة انا كنت خايف فى الاول لكن اكتشفت ان البلطجى جبان

[sayedlabib]

ربنا يشفيك اولا وان شاء الله تكون قدوة ومثل لينا كلنا لاننا محتاجين فعلا القلب الجامد اللى يخلينا مانخافش جدع وابن بلد وراجل مصرى اصيل يا عمنا وكله فى ميزان حسناتك وخلى بالك لو انتا نسيت فى يوم انك عملت خير ربك مش بينسى ابدا وهايردهولك خير اكتر منه

[تاجر جملة]

المشاركة الأصلية كتبت بواسطة sayedlabib

ربنا يشفيك اولا وان شاء الله تكون قدوة ومثل لينا كلنا لاننا محتاجين فعلا القلب الجامد اللى يخلينا مانخافش جدع وابن بلد وراجل مصرى اصيل يا عمنا وكله فى ميزان حسناتك وخلى بالك لو انتا نسيت فى يوم انك عملت خير ربك مش بينسى ابدا وهايردهولك خير اكتر منه

الحمد لله على كل حاجة وفعلا حاسس ان قلبى جمد اكتر لان دى اول مرة اتعرض للموقف دة

[mahmoud11144]

الف الف حمد الله علي سلامتك يا اجدع راجل
والله لو حد تاني كمانك كان خلع من اول ما اتشتم
بس انت عملت عمل بطولي وبصراحة ربنا يجازيك خير علي ما فعلت
وانت فعلا رااااااااااااااااااااااجل بمعني الكلمة لو في منك اتنين كمان
كانت البلد نضفت ..
تحياتي يا راااااااجل يا جدع..

[كريم الشامي]

الف حمد الله علي السلامة... الظباط بيهرجو يسيبوا الجاني و يمسكو في المظلوم ...

[avokato]

تمام ومتديلوش العصايه ولا الالكتريك

[تاجر جملة]

المشاركة الأصلية كتبت بواسطة mahmoud11144

الف الف حمد الله علي سلامتك يا اجدع راجل
والله لو حد تاني كمانك كان خلع من اول ما اتشتم
بس انت عملت عمل بطولي وبصراحة ربنا يجازيك خير علي ما فعلت
وانت فعلا رااااااااااااااااااااااجل بمعني الكلمة لو في منك اتنين كمان
كانت البلد نضفت ..
تحياتي يا راااااااجل يا جدع..

شكرا حبيبى بس انا مش بحكى للفشخرة لا والله انا حكيت لان موقف صعب مر فى حياتى فى الايام الزفت دى

[تاجر جملة]

المشاركة الأصلية كتبت بواسطة avokato

تمام ومتديلوش العصايه ولا الالكتريك

طبعا على جثتى يخدوهم بس هو كان هيتجنن ويعرف الايجيبشن ستيك جايبها منين
وطبعا توهته والمفروض الاخ اكسلانس يعمل معايا واجب لكن يللا ماهو بردوا هو عمل معايا واجب
بعصايته وانا اشتريت منها وبعتها لناس كتير ودلوقتى حاسس انهم متضحكش عليهم
مع انى استخدمتها شومة ونسيت حكاية الكهربا دى خالص لان كل دة حصل فى دقايق ومعرفتش افكر فى اى حاجة ومعتقدش الكهربا تنفع فى المواضيع دى
لان الاولانى لما دمه ساح التانى جرى وخاف ولو كنت فكرت فى الكهربا كانوا عورونى بالمطاوى
ودة رأى الناس كلها اللى عرفوا الموضوع

[Hany Ekram]

ألف سلامة عليك و دعواتي لك بالشفاء التام و عقبال ما يتم القضاء علي البلطجة تماما ان شاء الله

[تاجر جملة]

المشاركة الأصلية كتبت بواسطة hany ekram

ألف سلامة عليك و دعواتي لك بالشفاء التام و عقبال ما يتم القضاء علي البلطجة تماما ان شاء الله

شكرا لدعائك ويارب ربنا يولع فيهم بجاز

[تاجر جملة]

عارفين انا اية اللى مجننى لحد دلوقتى
ان اللى عورنى فى دماغى هو اللى هرب وللأسف انا لقيت الدم نزل على وشى والدنيا اصفرت
وهمدت عن الحركة والحمد لله انى مفقدتش الوعى

[عادل عبده]

ربنا يجعله فى ميزان حسناتك يا استاذنا الفاضل ومتعرفش ممكن يكون ربنا قوى قلبكوخلاك عملت كده فعلا عشان بعد كده فى مقابل الثواب ده يرفع درجات او يفك عنك قرب او ضيقه وأسأل الله العظيم رب العرش الكريم ان يتقبل هذا العمل منك ويفرج عنك قربه من قرب يوم القيامه كما فرجت عن هؤلاء المسلمين كربه من كرب الدنيا
وتقبل مرورى

[hesham[MaFya]a]

الحمد لله انها جاءت على اد كدة!حمد اللـــــــه على سلامتك

[elexlns1]

الف حمدا لله على السلامة

أسف جت متأخرة ولسة عارف ويارب تكون بخير وانا فعلا استغربت لما كلمتك ولقيتك مبتردش
اليومين اللى فاتوا والحمد لله على سلامتك يا بطل

[ahmadkhalaf]

الف الف الف حمدلله على السلامة
وانتا فعلا راجل شهم وجدع لان الموقف دة صعب جدا
ولو كنت اتعرضتلة كنت هفتكر المثل اللى بيقول (الجرى نص الجدعنة ) ههههههههه
وعلى فكرة الظباط لسة فيهم حتة الغباء اللى هتوديهم فى داهية
وانا لو منك كنت عطيت الظابط 10 فولت يظبطوله دماغة شوية ههههههههههههههه

[doos99]

قدر الله وما شاء فعل علشان كده مصر هتفضل طول العمر بلد الامن و الامان طول ما فيها رجاله زيك
انت عملت الصح و ان شاء الله سوف يجازيك الله خيرا علي ما فعلته

[walther p99]

ربنا يديك على قد ضميرك و مساعدتك للناس

[elexlns1]

مصر بلد الرجالة وبلد الشجاعة واللى ميعرفش مصر يشوف رجالتها وهى بتحمى ناسها وممتلكاتها بنفسها
فى ايام الثورة
والكلام دة عمره ما حصل فى اى دولة فى العالم

[khaledshareef]

المهم ان الجكاية دي هاتشجع ناس كتير تواجه البلطجية
حمدالله على السلامة

[tarek8003]

بارك الله فيك, وأكثر من أمثالك.

[احمد على]

تسلم ايدك انك كسرت خوفك يا ريت مصر كلها زيك

[smsmn8888]

سوال
يعني مخوفتش ليكون معاهم مسدس ولا رشاش والبتاع اليكتريك تا هيعملك اة امام الرشاشات والمسدسات الحية
مخوفتش لية سوال
عارف لية علشان انت انسان كويس وتوكلت علي ربنا ولانك بتعمل خير للة وربنا مابيسيبش حد ابداااا
سوال تاني لو مكنش معاك السلاح هل كان ممكن تعمل كداا الاجابة معلش هجاوب عنك لا الموضوع مختلف
معني كدا ان السلاح البسيط التي معاك اعطي وسيلة مساعدة صح
معلش علي الاسلوب بس تا بسبب بعض الاعضاء التي هاجمة الموضوع تا بشدة و هاجمة اى وسيلة للدفاع عن النفس اقتناع ان الناس الي بتتهجم دول مش بشر دول كائنات من الفضاء وتملك من الاسلاح مالا نستطيع مواجهتة وشكراااا

[koktal]

المشاركة الأصلية كتبت بواسطة smsmn8888

سوال
يعني مخوفتش ليكون معاهم مسدس ولا رشاش والبتاع اليكتريك تا هيعملك اة امام الرشاشات والمسدسات الحية
مخوفتش لية سوال
عارف لية علشان انت انسان كويس وتوكلت علي ربنا ولانك بتعمل خير للة وربنا مابيسيبش حد ابداااا
سوال تاني لو مكنش معاك السلاح هل كان ممكن تعمل كداا الاجابة معلش هجاوب عنك لا الموضوع مختلف
معني كدا ان السلاح البسيط التي معاك اعطي وسيلة مساعدة صح
معلش علي الاسلوب بس تا بسبب بعض الاعضاء التي هاجمة الموضوع تا بشدة و هاجمة اى وسيلة للدفاع عن النفس اقتناع ان الناس الي بتتهجم دول مش بشر دول كائنات من الفضاء وتملك من الاسلاح مالا نستطيع مواجهتة وشكراااا

كلامك سليم يا سمسم .. بس ممكن طلب .. ألا وهو تحسين الأخطاء الإملائية اللى فى كتاباتك .. لأن والله ساعات بيتعسر عليا قرائتها .. تحياتى لك وللجميع ..

[elexlns1]

يا جماعة انا أعرف الاستاذ حاتم وهو راجل محترم ومالوش فى المشاكل ودة حتى لما بنشغل الاليكتريك قدامه بيخاف ويبعد نفسه عنه لكن اللى عمله دة دليل على انه خرج من جلده وتخيل نفسه فى الموقف دة ومعاة اسرته
والحقيقة ان الواحد لما بيشوف او بيسمع حاجة زى دى قلبه بيجمد وفعلا مهما كان خوفنا لكن مصر بخير

[Tarabeishy]

Teslam edein el reggallah

[guns]

حمد اللة علي السلامة وبجد اللي انتا عملتة دا موقف راجل بجد وانسان محترم

[waleedrahmy]

راجل من ظهر راجل

[kivok0]

بسم الله مشاء الله ربنا يبركلك و يريت كل الناس محطرمه زيك بس عايز اسئل سوأل ؟ انت معاك سلاح علشان
كدة جمت قلبك و نزلت صح انا برضو نفسي يبقي معايا سلاح علشان ادافع عن نفسي وعلي اي حد في نفس الموقف و اشكرك علي شجعتك

[gamopt80]

المشاركة الأصلية كتبت بواسطة smsmn8888

سوال
يعني مخوفتش ليكون معاهم مسدس ولا رشاش والبتاع اليكتريك تا هيعملك اة امام الرشاشات والمسدسات الحية
مخوفتش لية سوال
عارف لية علشان انت انسان كويس وتوكلت علي ربنا ولانك بتعمل خير للة وربنا مابيسيبش حد ابداااا
سوال تاني لو مكنش معاك السلاح هل كان ممكن تعمل كداا الاجابة معلش هجاوب عنك لا الموضوع مختلف
معني كدا ان السلاح البسيط التي معاك اعطي وسيلة مساعدة صح
معلش علي الاسلوب بس تا بسبب بعض الاعضاء التي هاجمة الموضوع تا بشدة و هاجمة اى وسيلة للدفاع عن النفس اقتناع ان الناس الي بتتهجم دول مش بشر دول كائنات من الفضاء وتملك من الاسلاح مالا نستطيع مواجهتة وشكراااا

كلامك صح يا سمسم انا بستغرب قوي من الناس الي بتعارض ان الواحد يبقى معاه اي حاجه يدافع بيها عن نفسه!, والاغرب ان هو يبقى معاه هو نفس الحاجه ومش عايز غيره يعمل كده
وهو لو اتعرض لموقف هيعرف قيمتها وقتها

[Roshdy]

ربنا يجعلكه في ميزان حسناتك

[boody]

بجد انت من ارجل الناس فى مصر وناس تانية كتير لو كان حصل معاها الموقف دة كانوا حيقولوا ملناش دعوة ولا اية
حمد الله على سلامتك وربنا يحفظك ويحفظ مصر من الاشكال ال....... اللى زى البلطجية

[don'tshoot]

ربنا يحفظك يا بطل ويشفيك وربنا ع الظلمة سواء كانوا البلطجية عديمي الدم والدين أو اللي سايبنهم عشان صعبان عليهم البلد تنضف!

[ashraf_f]

الف سلامة الجدعنة موجودة بس دى فايدت انك معاك حاجة تقوى قلبك السلاح لا يواجه الا بسلاح و سلاح الحق اقوى بكثير من سلاح الباطل

[omarara]

على فكرة يا جماعة عشان نجيب من الآخر الناس بتقول السلاح ومش عارف ايه الراجل استخدم العصاية على انها شومة يعنى لو نزل بالكوريك او اى حاجة كان عمل الصح برضه الفكرة مش فى السلاح والله الفكرة فى البنى آدم
يعنى مش اى حد بيعمل كده والله حط واحد تانى بمسدس حى فى الموقف ده مش هيعمل كده على حسب قدرة ربنا والشجاعة اللى بيدهالك فى الموقف ده
على فكرة الكلام ده مش للشباب اللى بيتخناقوا على طول واللى ماسكين مناطق وبينزلوا يتخانقوا على طول فى الكليات ممكن واحد طول عمره مش بيتخانق ولا بيعمل مشاكل ولكن ساعت لما بيتجيله بيعمل الصح وهى ديه الرجولة
تحياتى ياباشا انا لو فى موقفك ومشيت هربط نفسى فى السرير طول عمرى وهفضل كاره نفسى لغاية لما اموت يارب ما يضعف قلبى ابداً فى موقف زى ده يارب
طالما انت معاك الحق وبضاعف عن شخص ضعيف وكمان بتهاجم قاطع طريق ملوش ديه مش مشكلة لو حتى مت
هتموت شهيد بإذن الله

[YOSSEF EL MASRY]

حمد الله علي السلامتك

[يونس]

انا مش عارف اقول ايه بس بصراحه ربنا يباركلك

[m777md62]

ربنا يباركلك ويجازيك خير ,, وألف حمد لله على سلامتك ,,,,,,,,,,,,,,

[سيدخالد]

فعلا انت راجل بجد والتصرف ايلى عملته يدل على شهمتك ورجولتك ...............وحمد على سلامتك .........ويكون هذا الموقف فى ميزان حسناتك

[the hacker]

الف سلامه عليك يا باشا و جزاك الله خير على فعل الخير

[محمود صالح]

الف سلامة عليك
واهنيك على ان ربنا ثبتك فى موقف زى دة لان فى الاول والاخر ملهاش الا الله هو اللى بيقدر وبيثبت
ولولا ان ربنا اختارك واستخدمك فى نصرة الحق ومساعدة الضعيف
وطبعا موضوع السلاح دة سبب كان ممكن متعرفش تستخدمة لكن ربنا قدر انك تحمى الناس دى وانك تشفهم وتقف لهم والسلاح هو سبب ان اداك الثقة فى نفسك
وطبعا ربنا مبيخطرش ولا بيصطفى اى حد لينصر بية الحق ودة طبعا اكيد لانك راجل صاحب رجولة وخير وحق
بس حبيت افكر ان الفضل فى الاول والاخر من الله ليس الشخص ولا السلاح ولا النتيجة
طبعا دة ميقللش من شهامة ورجولة حضرتك
وبجد يا ريت كل واحد يعرف او يشوف او يحصل معاة موقف يؤل ويحكى لان الحكايات دية بتجرء وبطمن الناس
زى مبنسمع كتير العكس وبنخاف من كتر ما بنسمع عن البلطجية ونخاف منهم
الحكايات دية بتبين انهم اجبن خلق الله وهما احنا اللى خوفنا نفسنا منهم بالباطل
واسف على الاطالة

[ramyhekal]

ربنا يباركلك ويعوضك خير فى مالك واهلك

[NSAA]

بجد ... ربنا يكرمك و يردلك المعروف في الدنيا على أهلك و حبايبك و في الآخرة في الجنة إن شاء الله

[NSAA]

بس إيه حكاية عصاية الإكسلنس دي ... دى غير الإلكترك بتاعه و لا هوه نفسه الإلكترك

[محمد احمد العنانى]

هى دى اخلاق المصرى الاصيل الى شارب من مية النيل تحياتى يا بطل .

[fendeka]

قصه روعه تجسد بطوله الايجبشن ستيك

[moneey1975]

الف حمدله علي سلامتك يا باشا والغرز ديه هتبقي وسام علي صدرك وعلي راسنا كلنا من فوق لانك مصري بجد ومحترم بجد وربنا يكتر من امثالك

[avokato]

انا حصلي موقف قريب من دا في فبراير والاحداث شغاله واتنين ماتوا واتعملتلي قضيه عسكريه وطلع الاتنين واحد هربان من طره والتاني مسجل وسوابق وانا محامي وكان معايا دكتور صيدلي يومين وكنت بره وكانوا خاطفين واحده في مكروباص وحسيت اني عايش فيلم هندي

[smsmn8888]

المشاركة الأصلية كتبت بواسطة koktal

كلامك سليم يا سمسم .. بس ممكن طلب .. ألا وهو تحسين الأخطاء الإملائية اللى فى كتاباتك .. لأن والله ساعات بيتعسر عليا قرائتها .. تحياتى لك وللجميع ..

تحت امرك يا باشا هدخل اخلاص نحو امية تاني بعد اذنك ههههههههههه

[smsmn8888]

المشاركة الأصلية كتبت بواسطة gamopt80

كلامك صح يا سمسم انا بستغرب قوي من الناس الي بتعارض ان الواحد يبقى معاه اي حاجه يدافع بيها عن نفسه!, والاغرب ان هو يبقى معاه هو نفس الحاجه ومش عايز غيره يعمل كده
وهو لو اتعرض لموقف هيعرف قيمتها وقتها

هي دي النقطة فعلاااا انا كونت بختلف مع ناس كتير علي مسدس الصوت مثلاا وكان دائما ما يرفضو الموضوع تا لية لانهم ببساطة معاهم مسدس حي برخصة يعني الصوت تا لعبة طيب انا لم ربنا يعطيني كام مليون انشاء اللة وارخص سلاح واجيب مسدس حي صدقني مهمسك صوت ناني بس هجيب رشاش بعد كدا شكرااا

[محمد صلاح الدين]

فعلا معادن الناس بتظهر وقت الشدة

ربنا يباركلك

[NSAA]

المشاركة الأصلية كتبت بواسطة smsmn8888

هي دي النقطة فعلاااا انا كونت بختلف مع ناس كتير علي مسدس الصوت مثلاا وكان دائما ما يرفضو الموضوع تا لية لانهم ببساطة معاهم مسدس حي برخصة يعني الصوت تا لعبة طيب انا لم ربنا يعطيني كام مليون انشاء اللة وارخص سلاح واجيب مسدس حي صدقني مهمسك صوت ناني بس هجيب رشاش بعد كدا شكرااا

ههههههههه
بس يا خوفي لما تجيب الرشاش ... ماتكتفيش بس بمجرد رفض حمل الصوت ... انت ممكن ترفض حمل الصوت و الحي و تطلب قفل المنتدى أصلا .... رشاش بقى

[smsmn8888]

المشاركة الأصلية كتبت بواسطة nsaa

ههههههههه
بس يا خوفي لما تجيب الرشاش ... ماتكتفيش بس بمجرد رفض حمل الصوت ... انت ممكن ترفض حمل الصوت و الحي و تطلب قفل المنتدى أصلا .... رشاش بقى

الخطوة التالتا بقي ؟؟؟ f16 نفسي فيها اوي بس بسواق

[avokato]

المشاركة الأصلية كتبت بواسطة smsmn8888

هي دي النقطة فعلاااا انا كونت بختلف مع ناس كتير علي مسدس الصوت مثلاا وكان دائما ما يرفضو الموضوع تا لية لانهم ببساطة معاهم مسدس حي برخصة يعني الصوت تا لعبة طيب انا لم ربنا يعطيني كام مليون انشاء اللة وارخص سلاح واجيب مسدس حي صدقني مهمسك صوت ناني بس هجيب رشاش بعد كدا شكرااا

انا سهل ليا ارخص حي بس كل الي حوليا بيحزروني منه ومن شره ومن مشاكله ومن استخدامه فكبرت دماغي

[smsmn8888]

المشاركة الأصلية كتبت بواسطة avokato

انا سهل ليا ارخص حي بس كل الي حوليا بيحزروني منه ومن شره ومن مشاكله ومن استخدامه فكبرت دماغي

لا مهلش انت غلطان خاص في الوقت الحالي

[avokato]

انا شغال في شركه اجنبيه ومعايا توكيل من شركه مساهم فيها البنك االاهلي بنسبه كبيره ومعايا باستمرار شيكات بمبالغ كبيره وساعات فلوس وشريك في شركه واخده عقد تحصيل مديونيات من بنك يبقي صعب ولا سهل

[كفافى1]

مصر كلها رجاله

[NSAA]

المشاركة الأصلية كتبت بواسطة كفافى1

مصر كلها رجاله

أنا أسف للتعليق اللي هكتبه و مش قصدي بكده التعديل عليك أو مراجعتك ... بس بجد الكلمة استوقفتني ...
مصر لسه فيها رجالة ... إنما للأسف مش كلها رجالة و لا حاجة ... يمكن كان زمان ... بس دلوقتي ... معتقدش

[كفافى1]

ربنا قادر ويخليها كلها رجالة

[tamer el-henawy]

حمد على سلامتك
والله ينور عليك

[hema777h]

المشاركة الأصلية كتبت بواسطة تاجر جملة

مشكورين يا جماعة ونسيت اقولكم ان العيال دى كانت بتقلع الست الدهب
والناس يا عينى بيحلفولى ان الدهب دة شايلينه لأى عوزة
وهما كانوا راجعين من عند حمات الراجل ومروحين

انا عايز افهم حاااااااااااااااااااجة واستحملوني شوية
1-هماااااااااااااااا لية سيبين البلطجية تبيع وتشتري في الناس بالطريقة دي .
2-لية لحد دلوقتي شيفين مناظر بس للشرطة ومفيش وجود حقيقي في المواقف
3-لية ان يكون معااااااااااك حاجة بتستخدمها في الدفاع عن نفسك عيزين يخدوها منك ودي تاني مرة تحصل وتاني موضوع يناقش في المنتدي واللة اعلم في قد اية علي ارض الواقع .
4- سوال بسيط هما البلطجية والمسجلين والاشكاااال القذرة دي مش حلال فيهم الاعدااااااااااام في ميدااااااااان عااااااااااااااااام وساعتها مفيش حس حيوان منهم هيطلع تاني لانهم هيبقو عارفين ان في رقبتهم هتطير
5-هما الاشكال القذرة دي مش كانو عارفين اماكنهم وعارفين هما بيلموهم ازاي لية مش بيلموهم
دااااااااااااااااا سوال بيطرح نفسو ولو كانو مش قدرين مش صاعب انهم يطلبو قوة من الجيش وبصراحة الجيش مش بيتاخر

[avokato]

فيه حمله اليومين دول الشرطه والجيش بيلموهم فعلا وحصل من كام يوم اقتحام لقسم العر يش تقريبا او مديريه الامن وفي قوه كبيره هناك دلوقتي

[avokato]

المشاركة الأصلية كتبت بواسطة كفافى1

مصر كلها رجاله

متشكرين يا جميل منا مبقاش راجل لو مكنتش نزلت وفتشت العربيات وكنت ببات في الشارع في الاحداث

[man.man115]

تسلم يمينك موقف فى منتهى الرجولة والايجابية تحية تقدير واعجاب بجد ربنا يحميك ويستر طريقك ويحفظك من كل سوء

[wknm]

حمد الله على السلامه
يا رب مصر تنضف بقى من ولاد ال...... بقي
و والله انت راجل 100% و شفاك الله و عفاك

تحياتي

[talha]

جدع والله ورجوله منك انك مسبتهمش

[Ahmed_Hegazi]

والله انا مهما قلت من كلام مش هقدر اعبر عن اللى انا حسيته لما قرات الكلام ده
بس فعلا ربنا يبارك فى عمرك وفى صحتك
معلش انا اتاخرت شويه بس انا لسه شايف الموضوع دلوقت

[تاجر جملة]

ياة

مكونتش اعرف ان المنتدى دة الناس فيه بتحب بعضها كدة وكل اللى كتبتوه خلانى نفسى اشوف بلطجى تانى
عشان اكله بسنانى وبجد بجد انا فخور بيكم وسعيد بكل كلمة كتبتوها
وانا اسف مش بدخل كتير عشان لسة تعبان شوية ومش عارف اخرج وانا شعرى مقصوص كدة مكان الخياطة
وربنا يخلينا لبعض ويحرق قلب البلطجى وربنا يصلح حال مصر بلدنا وحبيبتنا كلنا ونكيد الاعادى

[mrasool]

الف حمدلله على سلامتك
ودايما رجولة كدا
ربنا يباركلك

[Ahmed914]

المشاركة الأصلية كتبت بواسطة avokato

فيه حمله اليومين دول الشرطه والجيش بيلموهم فعلا وحصل من كام يوم اقتحام لقسم العر يش تقريبا او مديريه الامن وفي قوه كبيره هناك دلوقتي

بصراحة أنا عايز أقول رأيى فى الشرطة بكل وضوح ..... معدلات الجريمة قبل الثورة هى هى بعد الثورة ... الفرق كان فى إخفاء معدلات الجريمة و اللى كان بيتكلم على أمن الدولة ... وطبعاً مع أحداث يناير سقطت هيبة بذلة الضابط !!! .... وهنا ظهرت المعدلات الحقيقية للجريمة ... وظهر إن 90% من الضباط فعلاً مجرد هباء يملاْ الملبس الرسمى الموحد لإثبات أنهم قوة قاهرة .... والحقيقى أنهم يستخدمونها لإغراضهم الشخصية والعائلية .... دا كفاية إن قبل الثورة كانت الخناقة الجامدة تحصل محدش يتدخل الإ بعد ما تنفض ويكون فيه إثنين أو ثلاثة مجروحين .... دلوقتى البلد كلها عبارة عن خناقة كبيرة ... مش كفاية العار اللى هما فيه ؟!! .... بيستعينوا بالجيش - خلى بالكم من موضوع الجيش اللى أصلاً أغلبه مجندين لمدة سنة أو ثلاث سنين على الأكثر - بينما كفاءات الضباط المفترضة لا تستطيع أصلاً السيطرة على المرور ..... برجاء الإطلاع على عدد اليوم من جريدة المصرى اليوم صفحة 2 ... ويا ريت تقولوا رأيكم بعد كده ....

[Abo Yousof]

ما شاء الله تبارك الله ربنا يبارك فيك شهامة ورجولة وشجاعة تحسد عليها

وابشر بقول النبي صلى الله عليه وسلم ( من فرج عن مسلم كربه من كرب الدنيا فرج الله عنه كربة من كرب يوم

القيامة )

ولا شك انهم كانوا في كربة عظيمة .... وما ادراك ما كرب يوم القيامة

الف حمد لله على سلامتك يا بطل

[Abo Yousof]

انا عايز اسئل سؤال معليش

ايه حكاية عصاية اكسلنس دي ومين هو اكسلنس ده كان بيجي في الافلام القديمة الابيض واسود

[أبو مهند]

موقف رجولي بجد وربنا يجازيك علي اللي عملته

[braveheart]

تحياتي لك يا سيدي علي الموقف البطولي الذي قمت به ... و فعلا أنا مقدر موقفك ... و خاصة عندما شعرت بأن الطفل المعرض للخطر أحد أطفالك ... فأنا كثيرا ما أشعر بهذا الشعور و خاصة بعدما رزقني الله بالأطفال ... و تحيه لشجعاتك و سرعة أتخاذك للقرار ,, و أؤكد لك أن البلطجية هم حفنة من الجبناء ... و أنهم في هذا الموقف لا يقلون رعبا عن هذه الأسرة ... صدقني.

و في النهاية حمدا لله علي سلامتك و سلامة الأسرة الأخري .. و ربنا يحفظكم و يحفظ مصرنا من كل شر.

تحياتي للجمـــيع.

[البطل]

الراجل بجد اللى يسد وقت المحن وقت الشدائد والظروف الطارئة..... لو حد تاني كان خاف وقال هوه أنا مستغني عن حياتي ويكبر ويمشى وهوه مش عارف ان القدر مكتوب حتى لو بين الجيش ........ .... وجزاك الله خير

[elexlns1]

المشاركة الأصلية كتبت بواسطة Abo Yousof

انا عايز اسئل سؤال معليش

ايه حكاية عصاية اكسلنس دي ومين هو اكسلنس ده كان بيجي في الافلام القديمة الابيض واسود

http://www.egypthunt.net/showthread.php?t=9919

[sniper-2]

طبعا الحل الوحيد أن الناس تواجه البلطجية وما تضعفش أمامهم بس دا هيكون فيه خسائر واصابات ..وربنا يستر

[Ahmed914]

المشاركة الأصلية كتبت بواسطة sniper-2

طبعا الحل الوحيد أن الناس تواجه البلطجية وما تضعفش أمامهم بس دا هيكون فيه خسائر واصابات ..وربنا يستر

الناس هتواجه البلطجية !! ..... وطب الشرطة ... مش لازم نوفر ليهم مقاعد للمتفرجين ؟!!!

[smsmn8888]

[QUOTE=Ahmed914;129708][b][font="verdana"][size="5"][color="darkred"]بصراحة أنا عايز أقول رأيى فى الشرطة بكل وضوح ..... معدلات الجريمة قبل الثورة هى هى بعد الثورة ... الفرق كان فى إخفاء معدلات الجريمة و اللى كان بيتكلم على أمن الدولة ... وطبعاً مع أحداث يناير سقطت هيبة ب

توضيح بسيط المعدل لا ذاد بشدة كبيرة اتني المجندين وللاسف وتا من داخل الجيش في منهم بقالو اقل من شهر تدريب يعني الذي يدخل الان ويضرب نار صح بينزل الشارع تاني يوم مش بتضرب نار وعارف تشيل سلاح خلاص انول وتا للاسف في راي البسيط خطاا فادححح

[smsmn8888]

المشاركة الأصلية كتبت بواسطة ahmed914

الناس هتواجه البلطجية !! ..... وطب الشرطة ... مش لازم نوفر ليهم مقاعد للمتفرجين ؟!!!

حلوةةة بس مين هيلم النقطة طيب

[Ahmed914]

توضيح بسيط المعدل لا ذاد بشدة كبيرة اتني المجندين وللاسف وتا من داخل الجيش في منهم بقالو اقل من شهر تدريب يعني الذي يدخل الان ويضرب نار صح بينزل الشارع تاني يوم مش بتضرب نار وعارف تشيل سلاح خلاص انول وتا للاسف في راي البسيط خطاا فادححح [/quote]

توضيحاً وإستكمال لكلام حضرتك فترة التدريب للمجندين الجدد عقب أحداث 25 يناير لمدة خمسة عشر يوماً , ولكن المشكلة إن بهوات اشرطة لا عايزين يشتغلوا ولا يرخصوا سلاح لأى حد ... يعنى من الآخر تواطؤ صريح مع البلطجية والحرامية !!!!! .... وأنا أقصد نسبة الـ 90% وليس جميع ضباط الشرطة !!

[Ahmed914]

قال يعنى الـ 10% الباقين عارفين يعملوا حاجة !!!!!!!!!!!!!

[elexlns1]

هههههههههههههههههههههه والله حاجة تكسف