بسم الله الرحمن الرحيم
اخوكم صياد قديم من زمان بس انا مش كبير يعنى لانى كنت بصطاد من اولى اعدادى وانا الان فى انتظار بندقيتى الجديده وباذن الله هتكون هاى بور..والبندقيه باذن الله قدامها شهر لسه لانى لسه بحوش.بس بصراحه ما قدرتش اخلينى امده دى من غير ما اصطاد وخصوصا بعد ما المنتدى شجعنى وصحى جوايا الصيد.المهم.عديت على واحد صاحبى كنت بصطاد معاه زمان بس لسه هوا بيصطاد وخدت منه البندقيه بتاعته والى هيا صينى رقم واحد. فقلت اتوكل على الله وحاول اصحى مواهبى فى الصيد مع انى كنت متخوف جدا لانى بقالى فتره كبيره ما بصطدش.حاولت انام علشان اصحى فايق معرفتش.وخلتنى صحاى لحد الساعه 6 صباحا وبعدين نزلت ..وتصدقو والله انى كنت مكسوف انى نازل اصطاد .لانى بعيد اوى من فتره.بس اتصدمت صدمه كبيره اوى.لاحظت ان نظرى بايظ خالص طبعا من قعدت الكمبيوتر بحكم شغلى.ومش عارف اركز او اشوف اى يمامه خالص.وتانى صدمه انى مش لاقى يمام خالص ههههههههههههه . لفيت لمدة نص ساعه مش لاقى حتى يمام بيطير فقلت ارجع بقى انا كدا شكلى خلاص ما بقتش صياد..وخلاص قربت اروح البيت.بالصدفه لقيت يمامه على بعد عشرين متر.فتوكلت على الله وظبط نشانى واستجمعت قوتى. والحمد لله ضربتها ضربه قاتله.وساعتها حسيت ان رجعت تانى زى الاول ولسه مهارتى موجوده .فرجعت وكملت صيد وكانت الحصيله بالظبط 7 يمامات لكنى قدرت اوصل لخمسه منهم بس..وكان فيه صقر عامل مشكله فى المنطقه بتاعتنا والحمد لله قدرت اصيبه ووقع بس للاسف ما قدرتش اوصل اجيبه...وشكراا لهذا المنتدى الجميل الى رجعنى اصطاد تانى وارجع الهوايه الجميله دى.ودى اكيد بدايه لانى كان معايا نمره واحد وصينى .بس اكيد الصيد هيزيد لما اجيب البام 21 واعزرونى ان طولت عليكم واسيبكم مع الصور