نادي هواة الصيد

[msgm]

نادي هواة الصيد ببور فؤاد .- بور سعيد .

أشكر الصياد السكندري . على تنبيهنا أنه موجود على النت ..

المهم .. المكان تقدر تشوفه على الخريطة

إنسخ الرابط التالي في متصفحك

http://www.wikimapia.org/#lat=31.2522676&lon=32.32535&z=18&l=0&m=a&v=2


جبت تليفونهم من الدليل و حاولت أتصل بيهم بس ما حدش بيرد على التليفون ... لحد ما يفتح فاكس ..

ييجي مرتين إمبارح و 3 النهاردة . في مختبف أوقات اليوم . صبح و ظهر و عصر .

التليفون هو / 0663400012

شامل مفتاح بورسعيد ..

و معلوماتي أن أشتراكه ب 5000 جنيه و يمنحك ترخيص السلاح ..
هذا والله أعلم .

و لو أي حد قدر يوصل لمعلومات . ما يبخلش علينا .
و من ناحيتي . أول ما أعرف جديد حأبلغكم في الموضوع ده .

[عاصــم الشبراوينــي]

المعلومات المتاحه ليا انه بيختبرك في الرمايه لو نجحت الاشتراك بيكوت 40 الف جنيه ولو صقط بيكون الاشتراك 150 الف جنيه

[msgm]

يا ساتر يا رب .... 40 ألف .,,,.!!!!!!!!!!

أنت عرفت المعلومات دي منين يا عاصم ..

لو سمحت قولنا المصدر .!

[venatic13]

امال 5000 جنيه ... عرفتها منين يا محمد

[msgm]

الأخ الفاضل الكريم ((صياد 65)).
من أعضاء أحد المواقع الخليجية . المختصة بالصيد . كمنتدانا الغالي علينا .

وهو صياد مصري . مقيم في الكويت .. من بورسعيد ..

بلًغني أنا و الصياد السكندري . بوجود نادي هواة صيد في بورسعيد .و سعر إشتراكه 5000 جنيه .... "سعر هين"

و إليك المشاركة الأصلية من موقع آخر.. .

و كانت نصا كالآتي من حديث الأخ صياد65 .:-

=================================================


اخي tetowawa بالنسبة لاستخراج الرخصه هناك نوعين من الرخص 1- رخصة صيد 2- رخصة دفاع
بالنسبة لرخصة الصيد لابد ان تكون مشترك بنادي معتمد مثل نادي الصيد بالدقي أو نادي الشمس وبعد ذلك تبدأ في اجراءا الرخصة وهي استخراج فيش عمل شهادة نظر وباطنه تقديم الطلب الى مركز الشرطة التابع ليك .
بالنسبة لرخصة الدفاع فى المطلوب عدد 10 افدنه زراعية يكونوا ملك لك وتثبت ذلك ببيان حيازه زراعية أو املاك مثل العقار او مزرعة دواجن او خلافه تستدعي حصولك على الترخيص وباقي اجراءات الطلب نفس الصيد بعد ذلك باستثناء اشتراك النادي .
أما من حيث طول الوقت لحين حصولك على الترخيص فالاجراءات كثيره جدا لازم الطلب يروح عده جهات مثل أمن الدولة والمخدارت وجهات عديده أخرى قبل أن يصل الطلب الى مدير الأمن ويؤشر عليه بالموافقة وده كله يتسغرق من 6 شهور الى سنه حسب التساهيل أما لو فيه حد يحركه ليك يمكن ثلاثه شهور وأن شاء الله اكون قد فدتك وأن شاء الله الصياد المصري يفيدك ايضاً فهو الخبير .
اخيك صياد 65

+++++++++++++++++++++++++++++++++++++++++++++


الاخ msgm اولا لاشكر على واجب أخي
اما من ناحية التراخيص في مصر
1- فيه كمان نوع ترخيص بس أعتقد ده مش مناسب ليك وهو ترخيص صيد للتعايش وكان بيعطي لبعض الناس للتعايش منه وبعض الناس كانت بتعمله لأنهم معندهمشي اي نوع من الاملاك او اشتراك في اندية رمايه
2-أما الموضوع الأخر فهو نادي الصيد البورسعيدي في مدينة بورسعيد وأعتقد اشتراكه أقل بكثير مما ذكرت حضرتك أعتقد في حدود 5000 الاف جنيه واعتقد ده مبلغ معقول للحصول على الترخيص
وفيه ترخيص ثاني بس ده ترخيص دفاع عن النفس ويمكت تقدر تعمله لأنه ممكن بسهوله وهو أن تعمل ترخيص محل أي نشاط تجاري وتعمل له سجل تجاري وبعد كده بالسجل التجاري مع احد يمشيه ليك يبقى تمام التمام .
ده كل الي عندي وأي استفسار أنا حاضر وتحت أمرك

أخيك صياد 65


+++++++++++++++++++++++++++++

الاخ الصياد الاسكندراني

بالنسبه لموقع نادي الصيد في مدينة بورسعيد بصراحه أنا معرفوش ولاكن ابن عمي عمل اشتراك فيه وان شاء الله بتصل عليه واجيبلك العنوان بالضبط أما بالنسة أن تكون من قاطني بورسعيد فالنادي لايشترط ذلك يمكن لأي كان أن يشترك في النادي لأنه نادي صيد متخصص وليس نادي اجتماعي فقط وابن عمي غير مقيم في بورسعيد واستطاع الاشتراك فيه .

اخيك صياد 65

================================================== ========

[عاصــم الشبراوينــي]

والله كويس بس معتقدش ان ممكن يطلع صيد للتعايش ده ليك يا محمد اذا كان موجود اصلا علي العموم نجرب مش هنخسر حاجه شوف وادينا خبر

[msgm]

السلام عليكم ورحمة الله وبركاته
ما تعتقدش ليه يا عاصم ..!؟
لو تتكرم إديني وجهة نظرك مشكوراً !!!
عندي إجابة لكن من بعدك طبعا يا عاصم .!



إن شاء الله حأسأل و أديكم خبر . بإذن الله ..

[smsmn8888]

اة تا هو الموضوع كدا خلص خالاص محتش تابع

[msgm]

للأسف المشاغل هي الي حاجبانا يا أ\smsmn8888

[Pellet-Master]

سعر الإشتراك أصبح 150 ألف جنيه مصري فقط لا غير .. الكلام من واحد صحبي في الكلية في بورسعيد

[msgm]

150ألف ..
***

شكرا على مشاركتك أخي Pellet-Master

[Pellet-Master]

صور لكارنيه العضوية في المرفقات بس 150 الف جنية مصري فقط لا غير شاملة الضرائب و الدمغات و بدلات العطلة و المناهدة ووجع القلب