اسئلة لاصحاب الخبرة و ارجو اﻻجابة

[el7awi]

عايز معلومات كاملة عن المسدس التوجاريف و المكاروف
و اية عيار 9×17 دة ؟ و اية هو عيار ال8.5 و هل هو هو ال8ملي ؟
و المسدس الجلوك gen دي تعني genration ؟ واية افضل جيل فيهم ؟
اية المسدسات اللي بتضرب عيار 7.65 ؟ و هل العيار دة اصلا موجود ؟
اسف للاطالة و كثرة اﻻسئلة و شكرا

[عاطف الشاذلى]

https://www.google.com.eg/url?sa=t&s...v6nar7emfBDUHg

ده الماكروف

[عاطف الشاذلى]

https://www.google.com.eg/url?sa=t&s...PqZIpOmpbPwSnQ

و ده التوكاريف

[عاطف الشاذلى]

ان شاء الله العناوين دى هتفيدك

[أبو علي]

المشاركة الأصلية كتبت بواسطة el7awi

عايز معلومات كاملة عن المسدس التوجاريف و المكاروف
و اية عيار 9×17 دة ؟ و اية هو عيار ال8.5 و هل هو هو ال8ملي ؟
و المسدس الجلوك gen دي تعني genration ؟ واية افضل جيل فيهم ؟
اية المسدسات اللي بتضرب عيار 7.65 ؟ و هل العيار دة اصلا موجود ؟
اسف للاطالة و كثرة اﻻسئلة و شكرا

حجاوبك إجابات محدودة من واقع خبرتي المحدودة .. لحد ما حد من الزملاء ذوي الخبرة ييجي يفيدك و يفيدني معاك
* العيار 9*17 هو العيار اللي بيتقال عليه 9 قصير .. و بيطلق عليه في السوق عيار 8.5 .. و ملهوش دعوة بالــ 8 مم الصوت .. و فيه 9*19 بيتقال عليه 9 طويل .. و فيه بينهم عيار تاني حأذكره بعدين ...
* المسدس الماكروف .. هو مسدس روسي الأصل اعتقد بداية صناعته كانت مع الحرب العالمية التانية .. و هو بيستخدم عيار خاص بيه ما بين الاتنين السابقين و يقال عليه 9*18 .. أو 9 ماكروف .. و في نفس الوقت المسدس الماكروف ممكن يضرب عيار 9 قصير او 9*17 اللي تطرقنا اليه سابقا.. لكن كفاءة التصويب هتكون اقل من العيار الأصلي ... المسدس الماكروف " كسائر الأسلحة الروسية " معروف انه سلاح عملي معمر قادر علي العمل في كافة الظروف المختلفة و الصعبة " مرفق لينك فيديو رائع لاختبار كفاءة الماكروف " .. حجمه متوسط ووزنه جيد جدا و يعيبه ان خزنته بتاخد 8 طلقات فقط .. مسدس غير معقد سهل الفك و التركيب و اعتقد انه قائم بالاساس علي نموذج المسدس الوولتر بي بي كي . الإصدار الأصلي بتاعه روسي و لكن تم تصنيعه في دول اخري فيوجد منه النسخة البلغاري و الصيني و نسخة المانيا الشرقية .. و كلهم ممتازين في الأداء و الكفاءة .
https://www.youtube.com/watch?v=IAEbbhRJNYw
*المسدس التوكاريف معلوماتي عنه مش كتيرة ..بس اعتقد انه اقدم من الماكروف و ان الماكروف تم تصنيعه ليحل محل التوكاريف .. بيستخد م عيار 7.62*25
و العيار ده نفس شكل العيار المستخدم في البدقية الالية ايه كي 47 .. اعتقد ان فيه نسخة من التوكاريف تم تصنيعها خصيصا لمصر لاستخدامها في الشرطة او الجيش .. و كانت مجرية الجنسية و تسمي توكاجيبت .
* المسدسات اللي بتضرب عيار 7.65 أنواع كتير .. منها السي زد و الاسترا و غيرهم .. و للأسف تداولها قليل لان العيار ده نادر جدا و غالي ان وجد .. و لذلك تمن الطبنجة نفسها بيكون ارخص من مثيلاتها الــ 9 مم .
* موضوع الجلوك للأسف معنديش فكرة عنه .
----------
ارجوا ان أكون قد افدتك ..
تحياتي

[el7awi]

استاذ عاطف شكرا جزيلا للمعلومات المفيدة استاذ ابو علي اشكر حضرتك لتعبك معايا ليا سؤال لو تكرمت امال اية هو عيار 9*18 دة ؟ و اية هو عيار 8 ملي حي دة ؟ و حضرتك تفضلت و قلت في عيار بين ال9*19 و ال9*18 هتتفضل و تشرحة ياتري اية هو ؟ شكرا جزيلا لاساتذتي استاذ عاطف و استاذ ابو علي

[el7awi]

في انتظار باقي ردود الخبراء و اصحاب الخبرة و شكرا

[aliessam97]

نفسي افيدك والله بس للأسف معنديش حاجا اقولها

[هشام سمير]

اجابه رائعه بمعنى الكلمه يا استاذ على

[el7awi]

استاذ علي عصام كفاية عليا بس مشاعر حضرتك و شرفني مشاركتك الغالية استاذ هشام سمير فين معلوماتك القيمة ؟ متبخلش في الرد علينا :d و النبي شوفلنا حل في موضوع رفع الصور دة وعد هشهيص المنتدي مواضيع جامدة اوي اوي و كلها جديدة

[أبو علي]

المشاركة الأصلية كتبت بواسطة el7awi

امال اية هو عيار 9*18 دة ؟ و اية هو عيار 8 ملي حي دة ؟ و حضرتك تفضلت و قلت في عيار بين ال9*19 و ال9*18 هتتفضل و تشرحة ياتري اية هو ؟ شكرا جزيلا لاساتذتي استاذ عاطف و استاذ ابو علي

المشاركة الأصلية كتبت بواسطة أبو علي

* العيار 9*17 هو العيار اللي بيتقال عليه 9 قصير .. و بيطلق عليه في السوق عيار 8.5 .. و ملهوش دعوة بالــ 8 مم الصوت .. و فيه 9*19 بيتقال عليه 9 طويل .. و فيه بينهم عيار تاني حأذكره بعدين ...
* المسدس الماكروف .. هو مسدس روسي الأصل اعتقد بداية صناعته كانت مع الحرب العالمية التانية .. و هو بيستخدم عيار خاص بيه ما بين الاتنين السابقين و يقال عليه 9*18 .. أو 9 ماكروف ..
تحياتي

اقرا ردي مرة تانية متأنية هتلاقي إجابة سؤالك
الــ 9*17 هو الــ 9 قصير
الــ 9*19 هو الــ 9 طويل
اللي بينهم هو الـــ9*18 او الماكروف .. و بيطلق عليه ماكروف لانه خاص بالمسدس الماكروف فقط و مش بيشتغل علي أي مسدس اخر .

و اللـــه أعلــم

[el7awi]

شكرا يا غالي تعبتك معايا