لوحة فنية عمرها اكثر من120 سنة

[يهاء]

بسم الله الاخوة الاعزاء يوجد لدى موروث عمرة اكثر من 120 عام واحضر معك خبير وان طلع الكلام غير صحيح اوغرم بما تحكم بة واللوحة ممضية من الوجهين والجميل العمر دة كلة وكل السنين لم يتغيراللوان الوحة وتحكى عن الراعى وغنمة وكلبةوهى خشبية

[moneey1975]

موفق في البيع ان شاء الله لوحه فعلا غايه في الروعه وربنا يكرمك

[tarekvb]

سبحان الله وبحمده سبحان الله العظيم
بالتوفيق

[يهاء]

بسم الله شكرا لاخى moneey1975

[العربى]

بالتوفيق------------

[يونس]

ربنا يوفئق في بيغها

[يهاء]

بسم الله شكرا لاخى tarekvb

[lilkapo]

بكام؟....
واثبات ملكيتها معاك؟

[يهاء]

بسم الله الثمن 5000جنية ولك كل ماطلبت من ضمانات على الله ننفز

[بسام سعيد]

بالتوفيق ان شاء الله

[هشام عزب]

موفق في البيع ان شاء الله

[يهاء]

بسم الله اخى الكريم ((((lilkapo)))) وعندى من فضل الله حاجة افضل وثمنها معقول حجرة نوم طراز انجليزى هاند ميد وثمنها قريب (40000ج اربعون الف جنية ومعاها اثبات الملكيةوالفاتورة مدام بتحب التحف ودول كام لقطة بكميرا التلفون الصينى الحجرة مصنوعة سنة1982 ودة مثبت من المصنع وهى بهااغلى قشرة بيسموها الصناع بعين الكتكوت وهى زان يتعملو تعظيم سلام مش جزورين الشغل اليدوى اليفيها يسوى عند هاوى الفن اضعاف ثمنها وكلو بالورق ولك تحياتى

[العربى]

بالتوفيق--------

[well12m]

ممضيه من مين وممكن صور اوضح خاصه للتوقيع

[يهاء]

بسم الله اخى العزيز ان كنت بتشترى اتفضل تشرفنى بزيارتك وان شاء اللة ربنى يقدرنى على مضايفتك ومش عايزك تزعل منى انى بقول كدة لانك لو فى مكانى اكيد هتزق كل واحد يرميلك سوال ومتلقهوش

[يهاء]

بسم الله الاخوة الاعزاء الي عندة نية الشراء يتكلم ويستفسر ويطلب من العارض المقابلة مش كل واحد معاة كلمة يحدفها على العارض ويخش على موضوع تانى وهوتسالى دة شئ يوجد الضغائن فى النفوس والاسعار المكتوبة نهائ ولا جدال ولافصال لوسمحتم

[tarekvb]

تحلى بالصبر اخى العارض فمن الطبيعة ان تواجه باسئلة كثيرة طبقا لثقافة كل شخص تلك هى طبيعة البشر الاختلاف ومن الطبيعى ايضا ان تجيب عليها ولك تحياتى

[dr mohamed kamal]

المشاركة الأصلية كتبت بواسطة tarekvb

تحلى بالصبر اخى العارض فمن الطبيعة ان تواجه باسئلة كثيرة طبقا لثقافة كل شخص تلك هى طبيعة البشر الاختلاف ومن الطبيعى ايضا ان تجيب عليها ولك تحياتى

أستاذ طارق الاستاذ بهاء هو الحاج عرفة شيخ صيادين مصر من أسوان حتى الاسكندرية لمن لايعرف ويبلغ من العمر 70 عام وخبرتة تفوق مائة منتدى صيد بأعضائه ,وأعتقد مش لطيف يتوجهله هذا الكلام بهذا الاسلوب ده فى مقام جدك ودائما يبداء كلامه بى بسم الله,وتقبل تحياتى وبدون زعل

[tarekvb]

المشاركة الأصلية كتبت بواسطة dr mohamed kamal

أستاذ طارق الاستاذ بهاء هو الحاج عرفة شيخ صيادين مصر من أسوان حتى الاسكندرية لمن لايعرف ويبلغ من العمر 70 عام وخبرتة تفوق مائة منتدى صيد بأعضائه ,وأعتقد مش لطيف يتوجهله هذا الكلام بهذا الاسلوب ده فى مقام جدك ودائما يبداء كلامه بى بسم الله,وتقبل تحياتى وبدون زعل

فى البداية ربنا ميبجبش زعل واحنا كلنا اخوة ودعنى ارد على ما كتبته جزء جزء
- (بهاء هو الحاج عرفة شيخ صيادين مصر من أسوان حتى الاسكندرية لمن لا يعرف ويبلغ من العمر 70 عاما)
* شرف لنا جميعا ان يكون معنا هذه الشخصية القديرة.
* ماهو مكتوب (بهاء) فقط يعنى مش مكتوب مين هو ولا سنه عشان تتكلمه ومفترض ان الكل يعرفه؟؟

-(وخبرتة تفوق مائة منتدى صيد بأعضائه)
* انا متكلمتش على خبرته خالص ولا قلليلت من شانها عشان تذكر الجملة دى.(وفوق كل ذي علم عليم)

- (وأعتقد مش لطيف يتوجهله هذا الكلام بهذا الاسلوب ده فى مقام جدك ودائما يبداء كلامه بى بسم الله)
* ماعلاقة بداية الكلام بالبسملة بمحتوى الكلام بعدها لا ادرى !!!
*ايه هو الكلام اللى مش لطيف اللى قولته كلمة (تحلى بالصبر)؟؟ هل هذه من وجهة نظرك اسلوب مش لطيف هل هذه الكلمة فيها غلط ومع ذللك لم اقولها من فراغ وسببها الاتى :
(ولك كل ماطلبت من ضمانات على الله ننفز )
( لو فى مكانى اكيد هتزق كل واحد يرميلك سوال ومتلقهوش )
(الي عندة نية الشراء يتكلم ويستفسر ويطلب من العارض المقابلة مش كل واحد معاة كلمة يحدفها على العارض )

انا كتبت كلمتين (تحلى بالصبر) زعلت وقولت اسلوب مش لطيف طيب ردك ايه على ماسبق ما معنى على الله ننفز - يرميلك سوال متلقهوش- يحدفها على العارض - حضرتك تعد؟؟ ولا اعد انا ؟؟؟؟؟

اللى بيعرض اى حاجة وراجع كل المشاراكات بيتسال عشرات الاسئلة فيه اللى بيسال من باب الخبر وفيه اللى بيشترى ومع ذلك كل عارض بيرد على كل الاسئلة بصدر رحب دون اشتراط ان اللى بيسال لازم يشترى ولازم ينفز حتى لو اللى بيساله مش هيشترى مشوفتش عارض (مع اشد اخترامى لشخصية ا/بهاء فهو فى مقام والدى (بالمناسبة وليس جدى لان والدى اكبر سنا منه)) بيتكلم كيدا مع اللى بيسالو - طبيعى انه يواجه بعشرات الاسئلة بالاخص الاخص ان هو عارض اكثر من منتج اللى بيعرض منتج واحد بيلاقى 20-30 سوال فما بالك اللى بيعرض اكثر من منتج ؟ طبيعى كم الاسئلة هيكون كتير ومش شرط انى مش هشترى اذا مسالش

وكان يجب ان تقراء كل مشاركات ا/بهاء فى بادءى الامر واسمحلى و(تتحلى بالصبر) والا تهاجم بدون داعى (تتحلى بالصبر ليس شتيمة ليتنا جميعا نتحلى بالصبر ونكون من الصابرين) وهذا ربط كامل عن الصبر الذى يجب الكل يتحلى بيه من الطفولة حتى الممات دون تفرقة فى الجنس او السن
http://www.alhikmeh.com/arabic/mktba...sabr/index.htm

وهذا رابط اخر بالايات التى ورد فيها الصبر والله عز وجل يامرنا بيه وحضرتك زعلان عشان قولت تحلى بالصبر
http://www.alquran-network.net/assabr.htm
وشكرا ليك

[يهاء]

بسم الله اخى الحبيب دكتور محمد جزاك الله كل الخير على هذا الكلام الطيب وربنا يجعلة فى ميزان حسناتك

[يهاء]

بسم الله اخى الحبيب الاستاذ طارق انا انسان مش من طبعى ان اغلط فى الغير او اتعقبة بما يغضبة او يسفهه انا محب للجميع ومتسامح الى حدكبير واعلم جيدا انى لااملك من المعرفة الا اقل القليل ومش حفندلحضرتك كما فندت لى وانا لم اسئ لك او لاابنى سبب هذا الحوار كلة كما انى لم اعلق على ردك حتى لاتغضب منى اواغضب منك فاستعذ بالله وربنا يهدى الجميع وانامنهم ولك حبى وتحياتى وان كان عرضى اى شئ بيزعل اى احد منى فالغى كافة موضوعاتى ومشاراكتى ومعروضاتى ويكفينى ان اكون زائر وشكرا

[محمد احمد العنانى]

المشاركة الأصلية كتبت بواسطة dr mohamed kamal

أستاذ طارق الاستاذ بهاء هو الحاج عرفة شيخ صيادين مصر من أسوان حتى الاسكندرية لمن لايعرف ويبلغ من العمر 70 عام وخبرتة تفوق مائة منتدى صيد بأعضائه ,وأعتقد مش لطيف يتوجهله هذا الكلام بهذا الاسلوب ده فى مقام جدك ودائما يبداء كلامه بى بسم الله,وتقبل تحياتى وبدون زعل

السلام عليكم يا دكتور اية الغيبة الطويلة دى لم نر مشاركاتكم منذ فترة لعل المانع خير ان شاء اللة

حصل خير ونحن كلنا اخوة ف اللة والاستاذ طارق ميعرفش الحاج حبيبنا وبعد ربنا يجعلنا من الصابرين

الدعوة للصبر خير والصبر على البلاء عبادة وعاما الحاج عرفة احنا بنتعلم منة سعة الصدر وحسن الرد

وطيب الخلق والكلمة الطيبة صدقة واللهم اجعلنا طيبين متسامحين متحابين فاللة وللة واللهم امين.

[يهاء]

بسم الله اخى عنانى صباح الخير الاول للغالى احمد يعنى مش ناوى تنزل شبرا وتعدى لانى عايزك لو عرفت انك نزلت شبرا ومعدتش هرد على احمد عنانى الاول وبعدين ناخد موقف

[tarekvb]

المشاركة الأصلية كتبت بواسطة يهاء

بسم الله اخى الحبيب الاستاذ طارق انا انسان مش من طبعى ان اغلط فى الغير او اتعقبة بما يغضبة او يسفهه انا محب للجميع ومتسامح الى حدكبير واعلم جيدا انى لااملك من المعرفة الا اقل القليل ومش حفندلحضرتك كما فندت لى وانا لم اسئ لك او لاابنى سبب هذا الحوار كلة كما انى لم اعلق على ردك حتى لاتغضب منى اواغضب منك فاستعذ بالله وربنا يهدى الجميع وانامنهم ولك حبى وتحياتى وان كان عرضى اى شئ بيزعل اى احد منى فالغى كافة موضوعاتى ومشاراكتى ومعروضاتى ويكفينى ان اكون زائر وشكرا

-( انا انسان مش من طبعى ان اغلط فى الغير )
حضرتك راجل محترم ومحدش قال انك غلط فى حد كل اللى قولته اللى قلب الدنيا (تحلى بالصبر) لان حضرتك بتشترط ان اللى يسالك لازم ينفز وميحدفش سوال ويجرى وده مش غلط فى حد لا سامح الله بس المضوع ان الطبيعى ان حضرتك تواجه بعشرات الاستفسارات وتجاول عليها والكل هنا بيعمل كيدا

(ومش حفند لحضرتك كما فندت لى )
معنى حضرتك ان ليك تعليق وتفنيد على كلامى وملحوظات عليها مش عايز تفندها انا هكون فى منتهى السعادة لو تفند كلامى حرف حرف وليسة كلمة كلمة وتقولى لو كان فيه نقطة من حرف غلط حتى اقدم اعتذارى عنها.

(لاتغضب منى اواغضب منك )
بالنسبة لى ان لن اغضب منك ابدا حضرتك شيخ فاضل محترم واى اختلاف فى الراى عمره ماهيزعلنى خالص وانا صعب اوى انى ازعل من حد ---- وفى المقابل اتمنى الا تغضب منى لانى لم اسئ اليك باى شى

(وان كان عرضى اى شئ بيزعل اى احد منى فالغى كافة موضوعاتى )
اسمحلى جملة خارج نطاق مناقشتنا لم اتعرض اطلاقا للعرض بتاع حضرتك خالص عشان تقول كيدا وعرضتك عارض حاجات محترمة وجميلة وقيمة يبقى ماينفعش الغيلك موضوعك حتى لو اختلفنا فى الراى فيوجد قواعد نتبعها وليس الاهواء الشخصية هى الحاكم فى الغاء المواضيع او اغلاقها

[tarekvb]

المشاركة الأصلية كتبت بواسطة محمد احمد العنانى

السلام عليكم يا دكتور اية الغيبة الطويلة دى لم نر مشاركاتكم منذ فترة لعل المانع خير ان شاء اللة

حصل خير ونحن كلنا اخوة ف اللة والاستاذ طارق ميعرفش الحاج حبيبنا وبعد ربنا يجعلنا من الصابرين

الدعوة للصبر خير والصبر على البلاء عبادة وعاما الحاج عرفة احنا بنتعلم منة سعة الصدر وحسن الرد

وطيب الخلق والكلمة الطيبة صدقة واللهم اجعلنا طيبين متسامحين متحابين فاللة وللة واللهم امين.

(والاستاذ طارق ميعرفش الحاج حبيبنا )
وحتى لو كنت اعرفه فكلمة (تحلى بالصبر) امر من الله للمؤمنين جميعا ان يتحلو بالصبر وليس فيها اسائة حضرتك يا دكتور محمد بدافع عنى وكانى غلط وبتلمس العذر ليا ؟؟؟؟؟ انا اتكلمت بشكل محترم وقولت اسباب الكلمتين فقط اللى قولتهم وكانو موجهين نتيجة بعض التعليقات دون النظر لسن العضو ومن المتبع فى المنتدى الاجابة على الاسئلة المطروحة للعارض فبالتى مع اشد تقديرنا واحترامنا لشيخ الصيادين انا كلامى واحد لا سن طالما ليس فيه خطا

[يهاء]

بسم الله يااستاذ طارق الموضوع خلص من السنة اليفاتت وربنا يجعلنا من الصابرين تعرف تقول الجملة دى عشر مرات وبسرعة عصفورتين فى السقف عصفور ة اتعصفرنبها وعصفورة متعصفرنبهاش تعرف ياعصفور يا مستعصفر تستعصفر لنا سبع عصافير من عند صياد العصافير كما استعصفرنا هم وانا راضى ذمتك ان غلطت اول وان مغلطتش اول كل الحب والتحية

[tarekvb]

المشاركة الأصلية كتبت بواسطة يهاء

بسم الله يااستاذ طارق الموضوع خلص من السنة اليفاتت وربنا يجعلنا من الصابرين تعرف تقول الجملة دى عشر مرات وبسرعة عصفورتين فى السقف عصفور ة اتعصفرنبها وعصفورة متعصفرنبهاش تعرف ياعصفور يا مستعصفر تستعصفر لنا سبع عصافير من عند صياد العصافير كما استعصفرنا هم وانا راضى ذمتك ان غلطت اول وان مغلطتش اول كل الحب والتحية

بصراحة جامدة جدا جدا بس مش هقول حضرتك تانى تحلى بالصبر انت تحليت بيه وزيادة لما عرفت تكتبها دى عايزة يوم اقراها الاول بعدين افكر اكررها وتقبل اجمل تحياتى بس مقولتليش بينى وبينك انت بتعرف تقولها 10 مرات ؟؟؟؟؟ قرقشندى دبح كبشه ماتقليشششش

[يهاء]

بسم الله حبيب قلبى اخوك الصغير لعيب

[tarekvb]

المشاركة الأصلية كتبت بواسطة يهاء

بسم الله حبيب قلبى اخوك الصغير لعيب

من زمان مش بحسب لما حضرتك 70 سنة وصغير يبقا انا ليسة متولدتش وبكتب من العالم الاخر ههههههههه ا/بهاء بالحق حضرتك 70 فعلا ولا ازيد ولا اقل ؟ ولا مش عايز تقول ؟؟؟؟؟؟ بس برده لعيب واستاذ وانا عن راية موضوع العصفور ده جميل ادخلنا بقا على حتة يمام هههههه

[يهاء]

بسم الله هقولك بس فيك مين بكتم السر خلاص انا مصدق حضرتك انشاء الله 64 سنة من فضل الله ويارب يحسن ختامنا ومش ذنبى انك ماكنتش اتولدت وعلشان قلتلى وبالحق عمرى كام هوريك شئ جميل قوى بيبين حب ابى لى رحمة الله عليةشهادة ميلادى وهى مكتوبة على ورق البردى بها حافظة جميلة ومش هطول لحسن تقول الراجل دة عمال يجبلنا ويقولينا حواديت

[يهاء]

بسم الله الرجاء غلق الموضوع