بعض الصور

[ahmed2101]

دى صور الشروخ اللى حصلت للبندقية بتاعتى هى gamo expo-26 من أول طلعة أتشرخت الشرخين دول وماعرفش لية

دة شرخ فى الدبشك اللى متظلل


نفس الشرخ من زاويا تانية





ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

ودة الشرخ التانى فى احد القتعطين الفيبر اللى تحت البكرة اللى بظبط منها النشال بتاع البندقية







ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

هى شروخ بسيطة لكنها بتزيد والشرخ اللى تحت بكرة النشال دة كل ما أكسر الماسورة علشان أحط فية الرشة بيوسع ويرجع تانى لما أرجع الماسورة
ياريت تقولولى أعمل اية

[ahmed2101]

وفى حاجة كمان القنطرة الى فوق الزناد فيها كام شرخ فى المنطقة اللى حنب المسمارين اللى رابطين القنطرة

[القناص2010]

انا من رائيى انك تغير الخشية بتاعة الدبشك بالكامل بنفس النوع لان الشروخ دى هاتزيد لحد ما يتكسر الدبشك تماما وبالنسبة للقطع الفايبر يتم استبدلها بقطع اصليه ولو ما لقتش اصلى تستعمل الامير للحامها ودا مؤقتا وشوف برضو اراء الخبراء وشكرا .

[محمد احمد العنانى]

البندقية دى ضربت بيها والمسامير مش محكمة الربط وهو ال عمل فيها كدة طبعا وقلة الصيانة لو تشرفتى انا تحت امرك ف اصلاحها دون اى مقابل خدمة للعضاء للتواصل0126190990

[mlmk66]

الشرخ الموجود في الدبشيك ناتج عن استخدام البندقية والمسامير مفكوكه او مربوطه بطريقة خاطئه وممكن تتصل بيا وده رقمي 0123965991 وده امره سهل اما قنطرة الزناد الازم تتغير الشرخ الموجود في المسورة للازم يتصلح بواسطه اللحام

[monje]

بسم الله الله عليك ياعنانى وعلى كرم اخلاقك هو دة اخلاق العنانية

[ahmed2101]

ألف شكر ياجماعة على الإهتمام وعلى ردودكم

[ahmed tawfik]

السلام عليكم ورحمة اللة
ان شاء اللة يكون الموضوع البسيط
بس لي سؤال هى البندقية دى انت شاريها جديدة ولا مستعملة؟

[درويش51]

اخى العزيز احمد
هية البندقية جديدة ولا مستعملة
لو شاريها مستعملة فحضرتك شاريها من عضو فى المنتدى ولا لاة ولو عضو فى المنتدى يا ريت تعرفنا مين هوة

ولو جديدة رجعها المحل تانى
ربنا يقويك على تصليحها

[محمد احمد العنانى]

اللة يبارك فيك يا حاج عرفة ويطمنا عليك دايما .
اولا بعد أذن صاحب البندقية
ثانيا بما أننا فى المنتدى بنتعامل كأسرة واحدة فلامر لازم يكون فى حدود الاصول فى التعامل الاصولى والى يزعل من الاصول يبقى ميعرفهاش
ثلاثا البندقية الاكسبوة ف الاصل بتاعت سامح البورسعيدى وكان عرضها فسوق المنتدى وكنت جايب كويك جديدة فسامح كلمنى المهم بدلنا ودفع الفرق وتمام وبعديها باسبوع اشتراها منى شلاطة البورسعيدى وتمام والبندقية زى الفل مفهاش اى حاجة وبكرتونتها وبعدين شلاطة بعها لاحمد صاحب الاكسبو المشروخة وبعتاى رسلة قاتلو ارجع لاشلاطة شريها من شهر منى وكانت سليمة.هى دى قصة الاكسبوة المشروخة.ود للعلم لاننا اسرة واحدة.تحياتى

[Consul]

الأخوة الأعزاء الأفاضل...أخي العزيز الأستاذ محمد أحمد العناني...أرجوكم بلاش هذه الحساسية الزائدة...الموضوع أبسط من كده وشيئ وارد وحصل وبيحصل معنا جميعا وبصور مختلفة...ولم يكن هناك من داعي لتحكي هذه القصة أخي العناني...هذا قضاء وقدر ولا يدعي أحد بوجود سوء نية لا سمح الله...وأنت أكثر الله من خيراتك تطوعت وعرضت أن تصلحها لأخونا الأستاذ أحمد2101...بس وإنتهي الموضوع علي كده...ولا يحتمل أكثر من هذا...بعد إذنكم دام فضلكم...نشوف موضوع ثاني...خالص تحياتي واحترامي للجميع...

[محمد احمد العنانى]

المشاركة الأصلية كتبت بواسطة درويش51

اخى العزيز احمد
هية البندقية جديدة ولا مستعملة
لو شاريها مستعملة فحضرتك شاريها من عضو فى المنتدى ولا لاة ولو عضو فى المنتدى يا ريت تعرفنا مين هوة

ولو جديدة رجعها المحل تانى
ربنا يقويك على تصليحها

دة للرد على استاذ درويش يا استاذ جمال وبردة خلى اى حد مكان احمد مش كان هيزعل وحسيت دة من مشاركاتو وسالتة انت عينتها وفحصتها كويس قبل الشراء.

[Consul]

أخي العزيز الأستاذ محمد أحمد العناني...أنا بصراحة لم أشعر بلوم أو عتاب من أخي الأستاذ أحمد لا من قريب ولا من بعيد مما يؤكد أنه عاينها ظاهريا من الخارج ولم يلاحظ عليها أي عيوب...وكذلك لم يشتكي من قوة البندقية أو وجود خلل عند الإستعمال مما يؤكد أن البندقية حالتها جيدة وتعمل بشكل طبيعي...ملاحظته فقط علي الشروخ التي ظهرت في الدبشك وأسفل الناشكان الفيبر الخلفي...وهذا وارد ويحدث بسبب حلحلة المسامير الرابطة للدبشك في الجزء المعدني الخلفي من البندقية بسبب قوة وشدة السوستة في الضرب...وطبعا لقلة خبرة أخونا الأستاذ أحمد2101 ( وهذا لا يعيبه ) لم يلاحظ أن البندقية تتفكك عن الدبشك...هذا هوا الموضوع بكل بساطة...قضاء وقدر وليس لأحد ذنب في شيئ...وأنت مشكور تطوعت وعرضت إصلاحها له بدافع الأخوة والمروءة ليس أكثر...نحن هنا أسرة واحدة مترابطة ومتماسكة ومتحابة...ونحن هنا لسنا في محكمة لنحاسب ونحاكم بعضنا بعضا...ولله الحمد سوء النية ليس متوافر أو متواجد بيننا...ولا أريد التعليق بأكثر من هذا...وكفي علي هذا الموضوع من فضلكم...المسكن تأثره زال وراح...وقدمي تؤلمني والوجع زاد...خالص تحياتي واحترامي للجميع...

[محمد احمد العنانى]

الف سلامة عليك يأستاذ جمال واتم اللة لك الشفاء ولكل مريض .وعافك.

[ahmed2101]

يا جماعة انا والله مش بلوم اللى انا اشتريت منة والدليل اننا ماذكرتش أسم الشخص اللى اشتريت منة فى الموضوع انا قولت عندى مشكلة وياريت لو حد يشوفلى حل ليها بس انما انا أخدت البندقية ومن برة كانت كويسة والكسر دة منى أنا لما أنا خرجت أصطاد بيها وانا والله مش زعلان من الشخص اللى اشتريت منة البندقية أنا زعلان اة ان البندقية حصل فيها دة لكن مش من الشخص اللى اشتريتها منه لأن هو مالهوش ذنب هى خبرتي القليلة اللى سببت المشكلة دى انما انا مافيش بيني وبين الشخص اللى اشتريت منة البندقية أى مشاكل وهو والله شخص قمة فى الإحترام وجالى كمان مخصوص من بلدة لبلد قريبة ليا علشان يقرب ليا المسافة فا كتر ألف خيره هى المشكلة دى منى أنا بس وانا عرضت المشكلة علشان أصلح البندقية فقط مش علشان ألوم الشخص اللى إشتريت منة وشكرا لإهتمامكم جميعا

[monje]

بسم الله الاخ المحترم محمد العنانى صاحب القلب الابيض بكلام الاخ الفاضل يكون الفصل فالموضوع وكلنا نأمل منك مساعدة اخونااحمد قدر ما يقدرلك ربك القادر ولك كل الاعزاز وخد من اخوك الكبير شوية صبر سوف تجد فيهم متع ماعصى عليك فى الدنيا ويا جمالهم فى الاخرة عند رب الصابرين اللهم اجعلنا منهم

[fugativ]

الاخ العزيز اليك السبب.... بصرف النظر مين باعها ... البنادق ماركه جامو لازم لازم لازم تقراء الكتالوج بتاعها قبل الاستخدام . ليه ..يا سيدى تجد تحزير شديد بعدم تزيت السلاح من الداخل ابدا ابدا وتستخدم بدلا الشحم الالمانى.. كزلك تقول الشركه على مواقعها ان النتيجه تكون تلف و شرخ للسلاح ؟ وهازا ما حدث لك