مبروك ياتجار مصر خلاص القانون هايصدر

ahmed ghost · 11-12-27, 08:45 AM

صرح المستشار عادل عبدالحميد وزير العدل بان لجنة التشريعات في اجتماعها اليوم براسة وزير العدل بحثت تعديلات جوهرية لعدة قوانين قانون انتخاب رئيس الجمهورية والترخيص بحمل الاسلحة والذخائر والاتصالات والضريبة اعقارية
التعديل الخاص بقانون الاسحلة والذخائر ينص علي دخول مسدسات وبنادق الصوت وسدسات وبنادق ضغط الهواء والغاز ضمن الاسلحة البيضاء بحيث لا يجوز حيازتها او الاتجار فيها الا بترخيص والا تعرض المخالف للحبس والغرامة

والله انا فرحان في التجار الجشعين خليهم يخللو مسدسات الصوت وبنادق ضغط الهواء ويشربو ميتها وبالشفاء:d

eng.amg · 11-12-27, 09:16 AM

اقتباس:

المشاركة الأصلية كتبت بواسطة ahmed ghost

صرح المستشار عادل عبدالحميد وزير العدل بان لجنة التشريعات في اجتماعها اليوم براسة وزير العدل بحثت تعديلات جوهرية لعدة قوانين قانون انتخاب رئيس الجمهورية والترخيص بحمل الاسلحة والذخائر والاتصالات والضريبة اعقارية
التعديل الخاص بقانون الاسحلة والذخائر ينص علي دخول مسدسات وبنادق الصوت وسدسات وبنادق ضغط الهواء والغاز ضمن الاسلحة البيضاء بحيث لا يجوز حيازتها او الاتجار فيها الا بترخيص والا تعرض المخالف للحبس والغرامة

والله انا فرحان في التجار الجشعين خليهم يخللو مسدسات الصوت وبنادق ضغط الهواء ويشربو ميتها وبالشفاء:d

فيييييييييييييييييييين مصدر الكلام دا؟؟؟

إلي يقول خبر يقول جابه منين
أنا فصصت الأهرام مفيش أي كلمة عن بنادق ضغط هواء أو مسدسات صوت

سرسور · 11-12-27, 09:21 AM

لو ان هذا الكلام صحيح
سيكون على كل واحد عنده بندقية رش او مسدس صوت يعمل رخصة
الرجاء التأكد من صحة الخبر

ahmed ghost · 11-12-27, 09:24 AM

الخبر نازل علي mist news شبكة المعلومات المالية انا مش بخترع خبر من عندي

ahmed ghost · 11-12-27, 09:27 AM

mist news نقلا عن صحيفة الاهرام

ahmed ghost · 11-12-27, 09:33 AM

اقتباس:

المشاركة الأصلية كتبت بواسطة eng.amg

فيييييييييييييييييييين مصدر الكلام دا؟؟؟

إلي يقول خبر يقول جابه منين
أنا فصصت الأهرام مفيش أي كلمة عن بنادق ضغط هواء أو مسدسات صوت

وده لينك لموقع تاني ناشر الخبر برضو http://www.bladi-bladi.com/index.php...-00-16-25.html

ahmed ghost · 11-12-27, 09:34 AM

وده نص الخبر
تعديل قوانين انتخاب رئيس الجمهورية والاتصالات والأسلحة والضريبة العقارية
الاهرام...تبحث اللجنة الوزارية التشريعية ـ في اجتماعها اليوم برئاسة وزير العدل ـ تعديلات جوهرية لقوانين‏:‏ انتخاب رئيس الجمهورية‏,‏ والترخيص بحمل وحيازة الأسلحة والذخائر‏,‏ والاتصالات‏,‏ والضريبة العقارية‏.‏

وقال المستشار عادل عبدالحميد وزير العدل ـ في تصريحات خاصة لـ الأهرام ـ إن التعديل الخاص بقانون انتخاب رئيس الجمهورية يستند إلي الإعلان الدستوري الصادر في03 مارس الماضي ليتواءم مع نصوصه, وهي أن تكون مدة الرئاسة أربع سنوات, وألا يتم الترشح إلا لمدتين متتاليتين, وضرورة أن يحصل المرشح غير المنتمي لأحزاب ممثلة في البرلمان علي تأييد ثلاثين ألف ناخب, وألا يكون المرشح أو أحد والديه أو زوجته قد حصل علي جنسية أجنبية.

وتتضمن تعديلات قانون الاتصالات عدم قطع الاتصالات إلا بقرار من رئيس الجمهورية بعد موافقة مجلس الوزراء, وأن يدخل في هذا القانون واشتراطاته ما يتعلق بالبث الإذاعي والتليفزيوني, وذلك لتنظيم الناحية الفنية الخاصة بالترددات المستخدمة في عمليات البث لكل القنوات الفضائية, وأن تحصل هذه الفضائيات علي تصريح تردد من الجهاز القومي لتنظيم الاتصالات. وتنص تعديلات قانون الأسلحة والذخائر علي دخول مسدسات وبنادق الصوت ومسدسات وبنادق ضغط الهواء والغاز ضمن الأسلحة البيضاء, بحيث لا يجوز حيازتها أو التجارة فيها إلا بترخيص, وإلا تعرض المخالف لعقوبة الحبس والغرامة.
وتتضمن تعديلات قانون الضريبة العقارية زيادة حد الإعفاء من هذه الضريبة, بحيث يصل إلي ما بين المليون والمليون ونصف المليون

ahmed ghost · 11-12-27, 09:35 AM

اقتباس:

المشاركة الأصلية كتبت بواسطة eng.amg

فيييييييييييييييييييين مصدر الكلام دا؟؟؟

إلي يقول خبر يقول جابه منين
أنا فصصت الأهرام مفيش أي كلمة عن بنادق ضغط هواء أو مسدسات صوت

كده كفاية ولا اجيبلك وزير العدل بنفسة يحلف ليك علشان ترتاح:mad:

الطيار · 11-12-27, 09:36 AM

يا جماعة الموضوع تحت البحث ولا خلاص تم البت فيه؟

ياريت اللى قرا الخبر يوضح

ahmed ghost · 11-12-27, 09:37 AM

يافندم بحث التعديل يعني وضع الصياغة القانونية وغيرة من الامور الفنية لكن القانون هايتعدل يعني هايتعدل ده كلام اكيد

Masterssss · 11-12-27, 09:42 AM

اقتباس:

المشاركة الأصلية كتبت بواسطة ahmed ghost

صرح المستشار عادل عبدالحميد وزير العدل بان لجنة التشريعات في اجتماعها اليوم براسة وزير العدل بحثت تعديلات جوهرية لعدة قوانين قانون انتخاب رئيس الجمهورية والترخيص بحمل الاسلحة والذخائر والاتصالات والضريبة اعقارية
التعديل الخاص بقانون الاسحلة والذخائر ينص علي دخول مسدسات وبنادق الصوت وسدسات وبنادق ضغط الهواء والغاز ضمن الاسلحة البيضاء بحيث لا يجوز حيازتها او الاتجار فيها الا بترخيص والا تعرض المخالف للحبس والغرامة

والله انا فرحان في التجار الجشعين خليهم يخللو مسدسات الصوت وبنادق ضغط الهواء ويشربو ميتها وبالشفاء:d

المشكله في انك تفرح في التجار المصيبه ان قرار زي ده لو اتنفذ مش هنعرف نصطاد اصلا وعلشان تشتري بندقيه او تشيلها لازم ترخيص زي الحي .مفيش اي داعي للفرح في الموقف ده

الطيار · 11-12-27, 09:45 AM

طبعا الموضوع دا مش فارق مع رجالة الصعيد لانهم ممنوع مش ممنوع كلو هنا عادى

يعنى كده اللى عايز يصتاد يبقى يجيب البندقية بتعته ويجيلى نصتاد مع بعض هههههههه

وعايز ظابط او حد يتكلم معاه

ايوة كده خلينا ناكل يمام شوية مش انتو مخلصينو اول بأول بحرى ههههههه

haridy · 11-12-27, 09:54 AM

اقتباس:

المشاركة الأصلية كتبت بواسطة ahmed ghost

صرح المستشار عادل عبدالحميد وزير العدل بان لجنة التشريعات في اجتماعها اليوم براسة وزير العدل بحثت تعديلات جوهرية لعدة قوانين قانون انتخاب رئيس الجمهورية والترخيص بحمل الاسلحة والذخائر والاتصالات والضريبة اعقارية
التعديل الخاص بقانون الاسحلة والذخائر ينص علي دخول مسدسات وبنادق الصوت وسدسات وبنادق ضغط الهواء والغاز ضمن الاسلحة البيضاء بحيث لا يجوز حيازتها او الاتجار فيها الا بترخيص والا تعرض المخالف للحبس والغرامة

والله انا فرحان في التجار الجشعين خليهم يخللو مسدسات الصوت وبنادق ضغط الهواء ويشربو ميتها وبالشفاء:d

والله عندك حق تفرح المسدسات اللعبة وصل تمنها الي 3000 و 4000 وبنادق الرش وصل تمنها لتمن الالي فعلا خلي التجار يشربو شوية بقي علشان هما افترو

hema777h · 11-12-27, 09:55 AM

اقتباس:

المشاركة الأصلية كتبت بواسطة الطيار

طبعا الموضوع دا مش فارق مع رجالة الصعيد لانهم ممنوع مش ممنوع كلو هنا عادى

يعنى كده اللى عايز يصتاد يبقى يجيب البندقية بتعته ويجيلى نصتاد مع بعض هههههههه

وعايز ظابط او حد يتكلم معاه

ايوة كده خلينا ناكل يمام شوية مش انتو مخلصينو اول بأول بحرى ههههههه

خلاص احنا هنجيلك قريب استلم بقاء المنتدي كلو عندك

الطيار · 11-12-27, 09:57 AM

اقتباس:

المشاركة الأصلية كتبت بواسطة hema777h

خلاص احنا هنجيلك قريب استلم بقاء المنتدي كلو عندك

ياباشا تشرفو والله دا انا نفسى حد ييجى يشجعنى هنا مش لاقى حد يصتاد معايا خالص

haridy · 11-12-27, 10:00 AM

http://www.ahram.org.eg/Al-Mashhad-A...ws/121313.aspx

سرسور · 11-12-27, 10:04 AM

التجار لا يفرق معهم بل هو ميزة
لان التجار سوف يشترون باسعار رخيصة و يرفعوا الاسعار اكثر من الاول
لان سيبيع على انها اسلحة بيضاء
الاسلحة البيضاء لا تباع على الترخيص
المشكلة عند المشترى هو الذى يقع تحت طائلة القانون لانه لا يحمل ترخيص

haridy · 11-12-27, 10:07 AM

اقتباس:

المشاركة الأصلية كتبت بواسطة سرسور

التجار لا يفرق معهم بل هو ميزة
لان التجار سوف يشترون باسعار رخيصة و يرفعوا الاسعار اكثر من الاول
لان سيبيع على انها اسلحة بيضاء
الاسلحة البيضاء لا تباع على الترخيص
المشكلة عند المشترى هو الذى يقع تحت طائلة القانون لانه لا يحمل ترخيص

ده كلام مش مظبوط هو التجار ينفع الان يعمل عرض علي اي موقع زي الاول حركة البيع هاتكون زي الاول ده هايبقي زية زي تاجر المخدرات والسلاح الحي اللي يتمسك علي الحبس يامعلم
ثانيا بعد كده مين هايشتري صوت ولا رش طالما كده كده حبس طب ما اللي عايز يجيب يجيب حي او خرطوش للصيد طالما ان الاتثين حبس
القانون ده خراب بيوت للتجار هما اه يستهلو لكن المتضرر الوحيد هو الصياد الغلبان اللي مش ها يعرف يمارس الهواية الا بعد الحصول علي ترخيص

Biso007 · 11-12-27, 10:33 AM

أظن انه لا داعى للقلق .. هناك الكثير من القوانين غير المفعلة مثل منع التدخين فى المواصلات العامة أو الغرامة على عدم التصويت فى الانتخابات او الملصقات على السيارات او .... الخ و المقصود بها فقط امكانية تطبيقها "وقت اللزوم".

الطيار · 11-12-27, 10:35 AM

اقتباس:

المشاركة الأصلية كتبت بواسطة biso007

أظن انه لا داعى للقلق .. هناك الكثير من القوانين غير المفعلة مثل منع التدخين فى المواصلات العامة أو الغرامة على عدم التصويت فى الانتخابات او الملصقات على السيارات او .... الخ و المقصود بها فقط امكانية تطبيقها "وقت اللزوم".

انا معاك فالكلام دا وفعلا كلام مظبوط مش شايف اى داعى للقلق فالوقت الحالى لما نشوف الدنيا فيها ايه

kiko_2015 · 11-12-27, 10:39 AM

الله يبارك فيك يا ريس..عقبال عندكم جميعا :d :d

علي فكره الخبر صحيح

بس عاوز اقول لحضرتك حاجه عن تجربه للاسف ..بشكل او باخر المتضرر الوحيد هو المستهلك العادي و الناس النضيفه والله..لان اللي بيبيع

شمال عمره ما هتفرق معاه..واللي بيشتري شمال عمره ما بتفرق معاه و الدليل علي كده ان التاجر كده كده بيبيع..بس ميزة البيع ع النت ان

اللي زبون النت غالبا محترم و ابن ناس بيعمل سيرش علي مسدس صوت عشان يحمي نفسه...لكن الناس الشمال اساسا غالبا ملهمش ف

الكلام ده سواء مشتري او بائع

الطيار · 11-12-27, 10:42 AM

اقتباس:

المشاركة الأصلية كتبت بواسطة kiko_2015

الله يبارك فيك يا ريس..عقبال عندكم جميعا :d :d

علي فكره الخبر صحيح

بس عاوز اقول لحضرتك حاجه عن تجربه للاسف ..بشكل او باخر المتضرر الوحيد هو المستهلك العادي و الناس النضيفه والله..لان اللي بيبيع

شمال عمره ما هتفرق معاه..واللي بيشتري شمال عمره ما بتفرق معاه و الدليل علي كده ان التاجر كده كده بيبيع..بس ميزة البيع ع النت ان

اللي زبون النت غالبا محترم و ابن ناس بيعمل سيرش علي مسدس صوت عشان يحمي نفسه...لكن الناس الشمال اساسا غالبا ملهمش ف

الكلام ده سواء مشتري او بائع

خلاص كلو يشتغل شمال فشمال

shadymageed · 11-12-27, 11:12 AM

ده والله زى الفل هما كده بيشجعوا على شراء المسدسات والالى الحى بكل سهوله لان اللى هيشترى صوت ويبقا مجرم طيب ميشترى حى واهو برده مجرم زى الفل ربنا يخليلنا حكومتنا اتفوخص على التخلف

سرسور · 11-12-27, 11:17 AM

انا اقصد ان التاجر فى كلا الحالتين كسبان
المشكلة دائما على المستهلك النهائى لانه هو الذى يدفع
و غير هذا الاسلحة البيضاء ممنوعة و مع ذلك معروضة على المنتدى
وايضا فى المحلات لو انك اردت شراء اى مطواه او خنجر سوف يبيعه لك
و انت تتحمل مسؤلية نفسك

ahmedmh_ali · 11-12-27, 12:14 PM

++++++++++++++++++++1

elmasrey123 · 11-12-27, 12:16 PM

والله هو ده بحد زاته خير قولولى ليه بس فى حد فينا يقدر يمشى بمسدس صوت فى الشارع مع انه فيشنك ابدا لكن اكيد هيبقى ترخيصهم سهل جدا وده هيدينا حريه اكتر فى حمله مه مش معقول هتبقى شكل الحى والله البلد بتتعدل

قناص الظلم · 11-12-27, 01:12 PM

اقتباس:

المشاركة الأصلية كتبت بواسطة ahmed ghost

كده كفاية ولا اجيبلك وزير العدل بنفسة يحلف ليك علشان ترتاح:mad:

احنا بنتكلم فيه من الصبح

قناص الظلم · 11-12-27, 01:46 PM

احنا الخسرانين وهانسلملمهم التحف الى عندنا ببلاش وهايبيعوها لوط للتجار والتجار تبيعها للى معاهم رخص

msa_79 · 11-12-27, 01:53 PM

اقتباس:

المشاركة الأصلية كتبت بواسطة قناص الظلم

احنا الخسرانين وهانسلملمهم التحف الى عندنا ببلاش وهايبيعوها لوط للتجار والتجار تبيعها للى معاهم رخص

نسلم ايه ولمين البنادق دي ارواحنا ده بعنيهم ده احنا نعملهم ثورة بجد

صياد كبير · 11-12-27, 02:17 PM

خبر وحش طبعا الا لو هيسهلو اجراءات الترخيص ولو حتي بالنسبه لبنادق الرش ومسدسات الصوت لكن مايتهيأليش انهم هيعملو كده ويسهلو الترخيص والا من الاول ماكنوش عملو القانون والمتضرر بنسبه 90% هنا هو الصياد الغلبان والتاجر هيتضرر طبعا بالتبعيه لانه مش هيكون فيه اقبال علي البنادق الرش ولا مسدسات الصوت لانه كله هيكون عارف انه لو اتمسك بيها هيحصله مشكله وهتتصادر منه ده غير الغرامه والحبس اللهم مااحفظنا يارب ويجعل كلامنا خفيف عليهم ( امين يارب العالمين ) ههههههه .
وهما كده ضربوا الرياضه او الهوايه دي في مقتل لان الصياد اساسا مش هيلاقي مكان يصطاد فيه من غير مايكون معرض للقبض عليه

قناص الظلم · 11-12-27, 02:55 PM

اقتباس:

المشاركة الأصلية كتبت بواسطة msa_79

نسلم ايه ولمين البنادق دي ارواحنا ده بعنيهم ده احنا نعملهم ثورة بجد

انا معاك فى كل الى قلته وانا مش هاسلم وبندقيتى كانت فى الهيجا طبيبا تداوى راءس من يشكو الصداع

mohamed 22 · 11-12-27, 03:03 PM

انا هقول كلمتين ومحدش يزعل منى وهو فالاخر انا عارف ان ناس كتير هتقول دة بيغنى ويرد على نفسة .....

ايها السادة الكرام نحن شعب يسئ استخدام الحرية بكل صورها ومش هندحك على انفسنا وإلا مكنش حصل انفلات امنى وخسائر جسيمة فى بدن الدولة وكل البلاوى إلى بنشفها على مدار 24 ساعة حكاية ان احنا نحول الصوت الى بلى دة قمة فى التحايل على القانون وانتهاك لية ,والمتاجرة فى الخناجر والمطاوى والاسلحة البيضاء ...هتيجى ناس وتقلى طييب هنعمل اية ندافع عن انفسنا واهالينا إذاى طبعا إلى هيقول كدة مش هعرف ارد علية طب اقول لة البلد فيها قانون ياخد حقق هبقى كداب لان الى بيسبتك دة ممكن ياخد عمرك طيب اية الحل ؟؟؟؟؟ مش عارف بس متاكد اننا شعب يفتقر إلى احترام القانون والى النظام وعلى فكرة احنا الى خلينا الحكومة كدة احنا الى خليناها تمنع عننا الحرية واحد هيرد ويقلى ..يعنى اية ..انا اقلك يعنى لما الحكومة تشفنا بنلعب فى مسدسات الصوت علشان نخليها مميتة واشبة ما يكون الى الحى طيب ما اكيد هتمنعها يعنى انت متخيل اية .............ملخص كل الرغى دة ..الصبر الصبر لحد منشوف البلد هتروح بينا على فين لانى معدتش مستبشر خير

وارجوكم محدش يزعل منى منا فالاخر مصرى بردو ولابد ان نواجة عيوبنا حتى نشفى منها

elmasrey123 · 11-12-27, 04:12 PM

اقتباس:

المشاركة الأصلية كتبت بواسطة mohamed 22

انا هقول كلمتين ومحدش يزعل منى وهو فالاخر انا عارف ان ناس كتير هتقول دة بيغنى ويرد على نفسة .....

ايها السادة الكرام نحن شعب يسئ استخدام الحرية بكل صورها ومش هندحك على انفسنا وإلا مكنش حصل انفلات امنى وخسائر جسيمة فى بدن الدولة وكل البلاوى إلى بنشفها على مدار 24 ساعة حكاية ان احنا نحول الصوت الى بلى دة قمة فى التحايل على القانون وانتهاك لية ,والمتاجرة فى الخناجر والمطاوى والاسلحة البيضاء ...هتيجى ناس وتقلى طييب هنعمل اية ندافع عن انفسنا واهالينا إذاى طبعا إلى هيقول كدة مش هعرف ارد علية طب اقول لة البلد فيها قانون ياخد حقق هبقى كداب لان الى بيسبتك دة ممكن ياخد عمرك طيب اية الحل ؟؟؟؟؟ مش عارف بس متاكد اننا شعب يفتقر إلى احترام القانون والى النظام وعلى فكرة احنا الى خلينا الحكومة كدة احنا الى خليناها تمنع عننا الحرية واحد هيرد ويقلى ..يعنى اية ..انا اقلك يعنى لما الحكومة تشفنا بنلعب فى مسدسات الصوت علشان نخليها مميتة واشبة ما يكون الى الحى طيب ما اكيد هتمنعها يعنى انت متخيل اية .............ملخص كل الرغى دة ..الصبر الصبر لحد منشوف البلد هتروح بينا على فين لانى معدتش مستبشر خير

وارجوكم محدش يزعل منى منا فالاخر مصرى بردو ولابد ان نواجة عيوبنا حتى نشفى منها

يافندم انا بتفق وبختلف معاك الاتنين مع بعض انا بتفق معاك فى كونا سبب من اسباب الانفلات الامنى اما بختلف معاك فى كون التحويل الصوت الى بلى والكلام د حضرتك انا شغلى فى العريش تمام فى احداث الثورة بتاخد الى بالبطاقة ومعاه خزنة اضافى من المحافظة عايز اكتر من كده وجود السلاح فى كل بيت شئ ضرورى سواء كان قبل الثورة او بعدها المشكله انته بتستخدمه فى ايه والى مش عايز المشكله يا ريت يكون جزء من الحل

Compact · 11-12-27, 05:10 PM

اقتباس:

المشاركة الأصلية كتبت بواسطة kiko_2015

الله يبارك فيك يا ريس..عقبال عندكم جميعا :d :d

علي فكره الخبر صحيح

بس عاوز اقول لحضرتك حاجه عن تجربه للاسف ..بشكل او باخر المتضرر الوحيد هو المستهلك العادي و الناس النضيفه والله..لان اللي بيبيع

شمال عمره ما هتفرق معاه..واللي بيشتري شمال عمره ما بتفرق معاه و الدليل علي كده ان التاجر كده كده بيبيع..بس ميزة البيع ع النت ان

اللي زبون النت غالبا محترم و ابن ناس بيعمل سيرش علي مسدس صوت عشان يحمي نفسه...لكن الناس الشمال اساسا غالبا ملهمش ف

الكلام ده سواء مشتري او بائع

يا ابو سيف الدنيا اتطورت و تجار السلاح الشمال فى الصعيد شغلهم كله بالفيس بوك و بالايميلات

بس برضو كلامك صح لان اكيد 90% من زبائن النت ناس متعلمة و محترمة

shadymageed · 11-12-27, 05:15 PM

فين على الفيس ده يا جماعه فى ناس كتير بتقول حاجات انا مشوفتهاش خلاص كل الناس معت ان فى فى الحته الفلانيه حد يدينى حاجه واحد صحيحه او طريق حقيقى

Compact · 11-12-27, 05:57 PM

اقتباس:

المشاركة الأصلية كتبت بواسطة shadymageed

فين على الفيس ده يا جماعه فى ناس كتير بتقول حاجات انا مشوفتهاش خلاص كل الناس معت ان فى فى الحته الفلانيه حد يدينى حاجه واحد صحيحه او طريق حقيقى

يتعرض عليه البضاعة اللى حيشتريها مش اللى حيبعها

medhaat · 11-12-27, 06:14 PM

ياجماعه كدا الاسعار حتغلى اكتر فكرو صح بأ

Compact · 11-12-27, 06:27 PM

اقتباس:

المشاركة الأصلية كتبت بواسطة medhaat

ياجماعه كدا الاسعار حتغلى اكتر فكرو صح بأ

كلام مضبوط جدا

omarmagic · 11-12-27, 06:31 PM

يارب الاول البلد تتعدل لسا جايبين خبر دلوقتى ماسكين جواسيس اسرائلين فى العريش وفى سينا والدنيا مقلوبة ربنا يستر على البلد الواحد الحمد لله متعلم انا الحمد لله مهندس كهربا سفن بحرية وتجارية وعمرى والله العظيم عمرى ماكنت افكر اشترى حاجة شمال بس الظروف والواحد بيسمعه ده انا مستعد اشترى وبااى تمن واللى يحصل يحصل لان لاقانون ولا اى حاجة دلوقتى حامية حد بدليل الناس اللى دخلت من اسرائيل لمصر دول داخلين عادى خالص ومن المطار بس من غير تصاريح دخول او باسبور طب اذاى دخله الواحد مش عارف ياريت ياجماعة نفكر الاول فى حال البلد بعدين ندور على التراخيص وبنادق الرش ومسدسات الصوت
وياريت محدش يزعل منى
لكم وافر الاحترام والتقدير

sadaany · 11-12-27, 06:31 PM

شمال عمره ما هتفرق معاه..واللي بيشتري شمال عمره ما بتفرق معاه و الدليل علي كده ان التاجر كده كده بيبيع..بس ميزة البيع ع النت ان

اللي زبون النت غالبا محترم و ابن ناس بيعمل سيرش علي مسدس صوت عشان يحمي نفسه...لكن الناس الشمال اساسا غالبا ملهمش ف

الكلام ده سواء مشتري او بائع[/color][/b][/QUOTE]

كلام مش مظبوط لان تيتو 100 قالى قبل كده ان انا شمال ورغم كده ببيع وبشترى من على النت وانتا شمال حتى اسأل عكشه كده ههاااااااااااااااااااااااااااا
صح ياتيتو مش انتا قلتلى ان انتا شمال فاكر وايه رايك فى ابو سيف ده حتى كفايه انه تاجر مسجل هههااااااااااااااااااااااااااا

ĴΘĶЄЯ · 11-12-27, 06:50 PM

جت الحزينة تفرح ملقتلهاش مطرح
يا جدعان بعد ما نويت اشترى بندقيه
وقربت اكمل حقها يقوم طالع لى القانون ده زى الخازوق
يعنى انا احاول اجيب حق بندقيه ولا حق ترخيص
هنلاقيها من التجار ولا من الحكومة

omarmagic · 11-12-27, 06:52 PM

بجد ربنا يستر على البلد لان فى ظل الاوضاع دى بيطلع قرارات بتهيج الشعب واشمعنا القرارات دى تطلع دلوقتى والله الواحد مش عارف البلد دى ماشية ازاى
وحسبى الله ونعم الوكيل فى كل من اراد تاخير عجلة الانتاج
ولكم منى وافر الاحترام والتقدير

سرسور · 11-12-27, 07:44 PM

يا جماعة الخير انا متأكد ان المستفيد الاول نت هذا القانون هو التاجر لانه فى كلا الحالات كسبان كسبان
و المتضرر الاول هو المستهلك لانه هو الذى عليه انهاء كافة الاجراءات
و الدفع طبعا اكثر من الاول
و نلاحظ هذا عندما يسروا مسألة الترخيص بعد الاحداث سعر الحلوان كان قبل الثورة لا يتعدى 3000 جنيه يصل الى 27000 جنيه الآن
من المستفيد و من المتضرر

ابو مروان · 11-12-27, 07:55 PM

يا اخوانى وزير العدل ليس الجهة المنوطة بتعديل القوانين ممكن يقدم اقتراح بمشروع قانون لمجلس الشعب ومجلس الشعب هو الذى يبت فى الامر _ وانا مع التقنين لحمل بنادق ضغط الهواء ايضا والحصول على رخصة ولكن بشروط مخففة جدا وميسرة منها الا يكون لطالب هذا الترخيص سوابق جنائية وشهادة طبية معتمدة و مصاريف ادارية بسيطة جدا وتحديد اربع قطع سلاح ضغط هواء على الرخصة_ وبذللك ستكون الاسعار داخل مصر مثل الاسعار بالخارج ويمكنك استيراد السلاح الذى تريدة على الرخصة ودخولة من الخارج دون ادنى مشكلة والله لو الكلام دة اتنفذ اسعار البنادق هاتبقى برخص التراب وهانشوف البنادق اللى بنتفرج عليها فيديو بحق وحقيق _ القانون هو الحل الامثل لذللك ولمن بشروط مخففة جدا

kiko_2015 · 11-12-27, 08:20 PM

اقتباس:

المشاركة الأصلية كتبت بواسطة sadaany

كلام مش مظبوط لان تيتو 100 قالى قبل كده ان انا شمال ورغم كده ببيع وبشترى من على النت وانتا شمال حتى اسأل عكشه كده ههاااااااااااااااااااااااااااا
صح ياتيتو مش انتا قلتلى ان انتا شمال فاكر وايه رايك فى ابو سيف ده حتى كفايه انه تاجر مسجل هههااااااااااااااااااااااااااا

يابني انت طالعلي ف كل موضوع كده..انا بفكر اخلص منك انت وعوكشه ف يوم واحد

koko polo · 11-12-27, 08:23 PM

الاخوة الاعزاء اعتقد لو تم تطبيق تلك القوانين ستكون التراخيص الخاصة بالبنادق و مسدسات الصوت ستكون ميسرة مثلا فيش و بطاقة و سن معين و لكن لو كانت مثل الحى زلك سيكون كارثى بالنسبة الصيادين و التجار و لكن لو تم استخراج تصاريح للهوائيات فمعنى زلك انه يمكن استيرادها عن طريق النت و زلك ميزة كبيرة لو تم و اعتقد زلك ما يتمناه الجميع ما عدا التجار و شكرا

haridy · 11-12-27, 08:25 PM

اقتباس:

المشاركة الأصلية كتبت بواسطة ابو مروان

يا اخوانى وزير العدل ليس الجهة المنوطة بتعديل القوانين ممكن يقدم اقتراح بمشروع قانون لمجلس الشعب ومجلس الشعب هو الذى يبت فى الامر _ وانا مع التقنين لحمل بنادق ضغط الهواء ايضا والحصول على رخصة ولكن بشروط مخففة جدا وميسرة منها الا يكون لطالب هذا الترخيص سوابق جنائية وشهادة طبية معتمدة و مصاريف ادارية بسيطة جدا وتحديد اربع قطع سلاح ضغط هواء على الرخصة_ وبذللك ستكون الاسعار داخل مصر مثل الاسعار بالخارج ويمكنك استيراد السلاح الذى تريدة على الرخصة ودخولة من الخارج دون ادنى مشكلة والله لو الكلام دة اتنفذ اسعار البنادق هاتبقى برخص التراب وهانشوف البنادق اللى بنتفرج عليها فيديو بحق وحقيق _ القانون هو الحل الامثل لذللك ولمن بشروط مخففة جدا

كلام صح 100%

ابو مروان · 11-12-27, 08:56 PM

قامت الثورة لان القانون كان يطبق على الضعيف والفقير وتقدمت الامة الاسلامية عندما كان القانون يطبق على الشريف والعبد والغنى والفقير .....يجب ان يطبق القانون والكل امامة يكونوا سواسية لا امل لمصر الا بتطبيق القانون ...... يقدم مشروع القانون ويناقش وتدرس سلبياتة وايجابياتة ......ويقرة مجلس الشعب او يرفضة مع العلم ان هذا المجلس اول مجلس منتخب بارادة شعبية حرة...... عندما تحرز الشىء وتحوزة ومعك القانون لا تكن خائفا من احد فتخيلوا اعزائى ان معكم ترخيص بندقية هوائية محدد عيارها والترخيص علية صورتك الشخصية وبياناتك ....قلبك هايكون حديد وحضرتك بتصتاد لانك مع القانون.... واية اللى بيخلى اسعار البنادق مولعة نار وممنوع استيرادها وممنوع جلبها من الخارج ....لانة لايوجد نص فلى قانون العقوبات المصرى يتطرق للبنادق الهوائية وعياراتها والمسموح بتداولها من عدمة ......حالة من التخبط يستغلها التجار فوصلت اسعار بعض البنادق الى 8000 الاف جنية مع العلم ان هناك بنادق خرطوش ب 6000 الاف وذللك نتيجة عدم وجود قانون نحن مع القانون ولكن يجب ان يراعى القانون انة يتعامل مع هواية وغريزة وهى رياضة الملوك ويجب ان يعلم المشرع ان البلطجى لا يفكر فى شراء بندقية هوائية ب 700 جنية وهذا يعتبر اقل سعر لبندقية متوسطة فالاحسن للبلطجى او قاطع الطريق ان يشترى فرد ب 200 جنية ......يجب ان يتم التواصل فى حال طرح المشروع من محبى الصيد ومن نوادى الصيد والرماية لطرح وجة نظر محبى الصيد _ حمى الله مصر من كل سوء

Ahmed Badran · 11-12-27, 09:02 PM

السادة أعضاء المنتدى.. السلام عليكم..

هذا القانون إن طبق فسوف يضر الجميع من مستهلك ومن تاجر لأنه سوف يضع عقبة فى طريق الأثنين وهو فى هذه الحالة سوف يضع الجميع فى سلة واحدة سواء هاوى أو يطلب الحماية لنفسه ولأسرته ولن يفيد سوى البلطجية الخارجين عن القانون الذين هم أصلا لا يحترمون القوانين لأنهم لن يجدوا رادعا لهم وسيترك المواطن أعزل فى وجه البلطجى .. أليس سبب زيادة الطلب على السلاح هو الأنفلات الأمنى وأنتشار البلطجة فلو أزلت المسبب لزال العرض...وهو فى الحقيقة لن يمنع الأنفلات الأمنى طالما لا زال السلاح الحى فى أيدى البلطجية ...
كان الأجدر هو أن تكثف الحكومة من حملاتها الأمنية والتواجد الأمنى الذى سوف يؤدى فى النهاية الى أنهاء حالة الأنفلات الأمنى وليس منع جميع وسائل الدفاع الشخصى فأنت تذهب الى القسم لتقدم شكوى بسرقة عربيتك أو نقودك أو منزلك فتجد من الفتور ما يشعرك بأنك السبب فى سرقتك وكأنك أردت أن تسرق وعليك تحمل نتيجة عملك...
فى رأيى أن مقترح القانون هذا ما هو إلا أستمرار لمسلسل أنصاف الحلول...والحل فى رأيى الشخصى هو أن تقوم الحكومة بفتح ترخيص السلاح الحى لكل من يحتاجه ولو لمدة عام وفتحت أستيراد السلاح بالأسعار العالمية (مثل دول العالم المتقدم) وأصبح السلاح فى يد معظم الناس أليس ذلك سوف يقضى على البلطجة عندما يعرف البلطجى أنه قد يفقد حياته عندما يحاول سرقتك...ومع تكثيف التواجد الأمنى ومصادرة السلاح الغير مرخص والقبض على الخارجين فسوف تقضى على ظاهرة البلطجة وعندما تنتهى حالة الأنفلات الأمنى يمكن للحكومة أن توقف الترخيص الا للحالات المحددة بالقانون الحالى وفى هذه الحالة معظم المواطنين لن يحتاج الترخيص ويتحول السلاح الحى الى مقتنيات وتحف..بالطبع لهذا الحل سلبيات مثل حالات الشجاعة التى سوف يقويها الشعور بالقوة لدى الأفراد ويواجهوا البلطجية مما قد يتسبب فى فقدان حياتهم ولكن بمقارنة كم عدد الشرفاء مقابل البلطجية سنجد أن تلك الحالات ستكون قليلة مثل حالات من يقتله البلطجية حاليا ... ولأن البلطجى فى النهاية جبان لأنه ليس له قضية ولا يريد فقدان حياته فى حين أن المواطن شجاع لأنه يدافع عن نفسه وعن أسرته أو عن بيته وكلنا نذكر كيف تصطدت اللجان الشعبية بالعصى وقت أنسحاب الشرطة للبلطجية وهم بالأسلحة الحية..وهناك أيضا الحالة الثورية والخوف من المواجهات مع قوات الأمن ولكن أذا أنتهت المواجهات لصالح العزل وبالتالى لن تفرق وعموما سبب المواجهات معروف للجميع ولا أرى أستمراره طالما تواجد الأحترام المتبادل والعمل لصالح الوطن...
وهناك من الأيجابيات الكثير مثل تنشيط الأستيراد ودخل الدولة من الرسوم والضرائب للتراخيص والقضاء على ظاهرة البلطجة والأنفلات الأمنى والأنتعاش الأقتصادى الناتج من الأستقرار وعودة السياحة والشعور بالمواطنة لأنك مواطن درجة أولى تحظى بثقة الدولة...
هل هناك من يستطيع أن يقدر كم تحتاج وزارة الداخلية من وقت حتى تستطيع مصادرة الأسلحة الغير مرخصة من مصر ومن الصعيد بالذات؟؟ ليس أقل من عامين على أدنى تقدير فهل سيتحمل المصريين ذلك من البلطجة الموجودة على كافة الأصعدة من طرق وقمح ودقيق وأنابيب وبنزين وسولار ووووووو.

يجب مواجهة هذا الوضع الأستثنائى الحالى بحلول أستنائية وبتكاتف الشرطة والشعب معا جميعا لرد مصر الى الطريق السليم قبل أن لا يستطيع أحد فى الداخل أنقاذها .. ولن يتحقق أى أصلاح الا بأستعادة الدولة للشارع المصرية وتطبيق القوانين بقوة وحسم على الجميع وأستعادة هيبة الدولة... ولا يوجد حل سيرضى الجميع ولكن يكفى أرضاء الأغلبية والقضاء على الخارجين عن القانون بالقانون والنظر بنظرة شمولية الى مصلحة الوطن وبالتالى لمصلحة الجميع وليس لمصلحة فئة معينة أو خدمة توجه ما.

ولا يعتقد أحد أننى أهاجم رجال الشرطة وأنا متأكد أن أكثرهم يتفقون معى ولكنها كأى فئة منها الصالح وفيها الطالح واكثير منهم لا يرضى عن الوضع الحالى فلم يعودوا يئمنون على أنفسهم وأسرهم من البلطجة .... ويجب أن يعمل الجميع لصالح الوطن الذى يئوينا جميعا لأنه بتضرره لا قدر الله ننضر جميعا حتى وأن كان هناك من يحظى بالمكاسب ولكن على المدى الطويل الجميع سوف يتأثر.

أسف للأطالة ولكن مشاركاتى القليلة تشفع لى فى الأطالة.

ابو مروان · 11-12-27, 09:54 PM

الزميل العزيز احمد بدران_هل تريد ان يتسلح الجميع مثل امريكا؟
هل قرات حضرتك اخبار الامس من وفاة سبعة مواطنين فى احدى الولايات الامريكية فى اطلاق نار؟
عزيزى هل تعلم ان تسليح البلطجية الان هو البنادق الالية وان معظم حوادث سرقة السيارات والمحال التجارية كان الخارجون عن القانون يحملون الاسلحة الالية......تخيل عزيزى ان مواطن شاب مصرى شهم يحمل مسدس ايا كان نوعة وعيارة فى مواجهه مع ثلاث او اربع لصوص يحملون الاسلحة الالية.....النتيجة الحتمية هى وفاة من يحمل المسدس .....طرح حضرتك ان الحكومة تقوم بتجميع الاسلحة المرخصة بعد استتباب الامن طرح غير واقعى من الناحية العملية بفرض ان حضرتك تمللك بندقية ديانا مثلا و طرح قانون تجريم بنادق الرش فهل ستذهب الى القسم وتسلمها ثم من اين للحكومة ان تدفع ملايين الجنيهات تعويض عن نزع هذة الاسلحة المرخصة_انا من اشد المعارضين لمسدسات الصوت وطالبت مرارا وتكرارا ادارة المنتدى بحزف اى مشاركات بشانها ولكن لا مجيب _الموقع موقع محبى الصيد ويجب الا نتطرق لموضوعات بعيدة عن هذة الهواية.......لذلك دعنا لا نسبق الاحداث ولننتظر ماذا سياتى فى الايام القادمة _حمى الله مصر والمصريين

Ahmed Badran · 11-12-27, 11:06 PM

سيدى الفاضل أبو مروان..

سعدت برأيك والخلاف فى الرأى لا يفسد للود قضية..

أولا- أنا لم أقل أن الحل الذى أقترحه ليس به عيوب وفى رأيى لا يوجد حل بدون سلبيات وأيجابيات وعند التقييم توازن بين الأثنين.. فالقتلى فى أمريكا كانوا لمختل نفسى وهذه الحالة لا تصلح كمانع للحل وأعطى لسيادتك مثلا بحوادث الطريق لسائقى النقل المخدرين الذين يفقدوا السيطرة على سياراتهم فيقتلوا أكثر من هذا الرقم ومع هذا لم نسمع أحدا طالب بألغاء السيارات النقل.. فعيب أستخدامنا للشىء لا يعنى فشله ولكن يعنى العيب فينا..

ثانيا - البلطجى مستأسد ليس بسلاحه ولكن بضعف الخصم والا بماذا تفسر تصدى اللجان الشعبية بالعصى للبلطجية وهم مسلحين بالأسلحة الآلية... وأعتقد أن توفر للشاب المصرى الشهم وسيلة للدفاع عن نفسه خير له من أن تتركه لقمة سائغة للبلطجية ليسلبوه ممتلكاته أو يعتدوا على حرماته فحق الدفاع عن النفس حق أنسانى أقرته كافة المواثيق والأديان السماوية ...فأنا أستشعر الحالة النفسية لمن وقع فى هذا الموقف وأحساسه بالضعف والضألة وقلة الحيلة وهوانه على حكومته وأحساسه الشديد بالنقمة على الدولة والأحباط من الحكومة فهل تعتقد أنه سيظل مواطن ومصرى وشهم؟ لا أتمنى لأحد أن يكون فى هذا الموقف وأعان الله من مر به على نفسه أولا.

ثالثا - بخصوص جمع الأسلحة المرخصة فلو أن الدولة سمحت ببيع السلاح فى الداخل بنفس سعره فى الخارج وهو 100 - 200 دولار (نفس سعر الصوت حاليا) فلن يكون التعويض كبيرا لأنه لن يكون بالسعر الأصلى وهو لن يكون معضل للمواطن حتى لو سلمه للدولة دون تعويض عندما يشعر بالأمان فى الشارع أو حتى لو تم ألغاء الترخيص وأحتفظ المواطن بالسلاح بدون رخصة كتذكار ويتحمل عواقب حيازة سلاح غير مرخص وسأعطى لسيادتك مثلا بشخص كان لديه رخصة سلاح قبل الثورة هل كان يحمله طوال الوقت - كلا بالطبع وكان معظم الوقت فى المنزل وبالتالى عند أنتفاء الحاجة يمكن الأستغناء عن السلاح ببساطة عندما يكون ذلك مخالفا للقانون.

رابعا - لا تقلل من قوة تكاتف الناس مع بعضهم البعض عند مواجهة الخطر فلو أنك أعزل ومررت بالمصرى الشهم الأعزل الذى يسرق بواسطة البلطجية المسلحية ببنادق آلية هل ستساعده أم ستتركه ... ولكن لو ساعده ثلاثة آخرين مسلحين بمسدسات هل ستظل الأمور كما هى... أعتقد لا قد تفلح وقد تفشل ولكن لن تكون النتيجة مضمونة لصالح البلطجية..

سيدى الفاضل... لقد تغير الحال بالشعب المصرى بعد الثورة فالجميع ظهر على حقيقته فهناك من ظهر معدنه الطيب وهناك من ظهر معدنه الردىء وقد كان كلاهما مفاجأة للجميع فلا أحد يعلم قدرة المصرى الحقيقية وهو لا يزال دائما يخالف التوقعات وبالتالى لا يصح أن نضع المصرى فى قالب من التوقع لسلوكه لأن الواقع يؤكد عدم صحة ذلك ولهذا فلماذا نغلب الفرض السىء مع أن أحتماله مساوى تماما للفرض الحسن.

old hunter · 11-12-28, 12:12 AM

اه الاقرف ده هيا نقصه انت يا عم الجوست فرحان ليه علي الخيبه الي هنبقا فيها انت بتفكر ازاي

old hunter · 11-12-28, 12:26 AM

اه يجماع الي مفكر ان القانون ده في خير لينا يبقا بيهرج وميزعلش مني مشغلش دماغه يعني اه انا استسلم لاربع حراميه عشان داخلين علي ببنادق الي والله الي اعرف اني المفروض اقاوم لاخر قطره بعدين هما مبيمنوعش البنادق الاليه هما بيمنعوا حتي العب الي ممكن الواحد الغلبان الي مش عارف يطلع ترخيص يحمي بيه نفسه الصيادين هواه الرياضه الجميله اكتر ناس هتضر لكن الي معاهم بنادق الي هيفضلوا زي مهما لانهم ملهمش دعوه بالقانون القانون ده الي طلعه او فكر يعمله حمار واحنا عندنا في البلد ترزيه قانون من صنف البهايم كان الله في عوننا ارجوا من الاداره غلق الموضوع المقفل ده

Compact · 11-12-28, 12:38 AM

الحلوان51 النيكل النهاردة فى المصنع ب 16 الف ولا 18 الف مش فاكر والله و مسموح ببيعه للمدنيين , المهم انه كان ب12 و ممنوع بيعه للمدنيين , عشان الغاوى ينقط بطاقيته و يجيب حلوان920 ب 26 الف و الحلوان980 نزلوا منه لون ذهبى ب 32 الف جنيه , ايه الاسعار الرخيصة دى

لى صديق اشترى حلوان920 خزنة 14 طلقة سنة 2009 مستعمل ب 1800 جنيه و كان يعتبر غالى عشان مضروب بيه كام طلقة ميعدوش 5

و لسه الدنيا فيها اكتر و الغاوى ينقط بطاقيته و اللى معاه فلوس يشترى النهارده قبل بكره لان محدش عارف بكره فيه ايه , و احنا بلد الحاجة اللى سعرها بيغلى فيها لا يمكن ترخص تانى

قناص الظلم · 11-12-28, 02:42 AM

اقتباس:

المشاركة الأصلية كتبت بواسطة ابو مروان

يا اخوانى وزير العدل ليس الجهة المنوطة بتعديل القوانين ممكن يقدم اقتراح بمشروع قانون لمجلس الشعب ومجلس الشعب هو الذى يبت فى الامر _ وانا مع التقنين لحمل بنادق ضغط الهواء ايضا والحصول على رخصة ولكن بشروط مخففة جدا وميسرة منها الا يكون لطالب هذا الترخيص سوابق جنائية وشهادة طبية معتمدة و مصاريف ادارية بسيطة جدا وتحديد اربع قطع سلاح ضغط هواء على الرخصة_ وبذللك ستكون الاسعار داخل مصر مثل الاسعار بالخارج ويمكنك استيراد السلاح الذى تريدة على الرخصة ودخولة من الخارج دون ادنى مشكلة والله لو الكلام دة اتنفذ اسعار البنادق هاتبقى برخص التراب وهانشوف البنادق اللى بنتفرج عليها فيديو بحق وحقيق _ القانون هو الحل الامثل لذللك ولمن بشروط مخففة جدا

كلام جميل لكن مش ها يعملوا كده واقول حضرتك طبعا بيقولك سلاح ابيض بدون ترخيص ولعلم حضرتك مفيش شىء اسمه ترخيص سلاح ابيض والى بيتمسك معاه مطوه قرار اتهامه جنح امن دوله طوارىء والكلمه شرحه نفسها تجريمهم استنادا لقانون الطوارىء لو كانت حجتهم التراخيص كانوا فتحوها دى ضحك على الدقون اى وزير عايز ينول الرضا ينقى اى حاجه ويمنعها ومجلس الشعب بيقر اى قانون لان ياسيدى العضو مصرحله يشيل سلاح بدون رخصه

قناص الظلم · 11-12-28, 02:56 AM

اقتباس:

المشاركة الأصلية كتبت بواسطة ابو مروان

الزميل العزيز احمد بدران_هل تريد ان يتسلح الجميع مثل امريكا؟
هل قرات حضرتك اخبار الامس من وفاة سبعة مواطنين فى احدى الولايات الامريكية فى اطلاق نار؟
عزيزى هل تعلم ان تسليح البلطجية الان هو البنادق الالية وان معظم حوادث سرقة السيارات والمحال التجارية كان الخارجون عن القانون يحملون الاسلحة الالية......تخيل عزيزى ان مواطن شاب مصرى شهم يحمل مسدس ايا كان نوعة وعيارة فى مواجهه مع ثلاث او اربع لصوص يحملون الاسلحة الالية.....النتيجة الحتمية هى وفاة من يحمل المسدس .....طرح حضرتك ان الحكومة تقوم بتجميع الاسلحة المرخصة بعد استتباب الامن طرح غير واقعى من الناحية العملية بفرض ان حضرتك تمللك بندقية ديانا مثلا و طرح قانون تجريم بنادق الرش فهل ستذهب الى القسم وتسلمها ثم من اين للحكومة ان تدفع ملايين الجنيهات تعويض عن نزع هذة الاسلحة المرخصة_انا من اشد المعارضين لمسدسات الصوت وطالبت مرارا وتكرارا ادارة المنتدى بحزف اى مشاركات بشانها ولكن لا مجيب _الموقع موقع محبى الصيد ويجب الا نتطرق لموضوعات بعيدة عن هذة الهواية.......لذلك دعنا لا نسبق الاحداث ولننتظر ماذا سياتى فى الايام القادمة _حمى الله مصر والمصريين

طيب ايه العمل الشرطه مابتخشش فى مشاكل لما يكون احد الطرفين مسلح يعنى لو هجموا على بيت واتصلت بالشرطه مش هاتيجى وتتبع موضوع سابق للاخ اوكابى كنيف عن جريمه قتل حوالى100بلطجى راح قتلوا امام مسجد وقفلوا منطقه عين شمس والشرطه ماجاتش غير بعد الواقعه والى طارد البلطجيه اهل المتوفى رحمه الله يفتحوا التراخيص الاول هى ايه المشكله لو رحت ببندقيتى القسم ووانا واقف خد بياناتى وكشف عالكمبيوتر وادانى الرخصه فى وقتها بس عملو كده فى الاسلحه الناريه عندنا ولما راحت الناس صادروها منهم واتحججوا بحجج000

forexawy · 11-12-28, 11:59 PM

إذا تمت معاملة مسدسات الصوت و الغاز و بنادق الرش معاملة الأسلحة البيضاء فدا مش معناه عدم انتشارها أو بيعها و لكن يعطي للشرطة الحق في تجريم و معاقبة حائزها و مصادرة السلاح و الموضوع في الغالب هيبقي تقديري و متروك للضباط يطبقوا القانون أو يطنشوا...و الناس اللي بتقول طالما كده محبوس و كده محبوس يبقي أجيب حي بقي و خلاص، أكيد النقطة دي هتتعالج في القانون هما مش أغبياء للدرجة دي...أكيد العقوبة هتختلف و لو اتمسكت بسلاح حي بدون ترخيص تاخد 3 سنين مثلا + غرامة 5000 جنيه مثلا لكن لو اتمسكت بمسدس صوت ممكن تكون أقصي مدة للحبس 3 شهور أو غرامة 5000 جنيه + مصادرة السلاحن يعني برضه القانون ممكن يتعمل بحيث ان عقوبة الحبس تكون اختيارية و الغرامة اجبارية و بكده الناس تفكر ألف مرة بين الحي و الصوت بدون ترخيص...

بالنسبة للترخيص أنا أظن انه هيكون تصريح مش ترخيص و هيكون سهل في الاجراءات و سريع و الهدف الأساسي منه هو وجود قاعدة بيانات بكل من يملك مسدس صوت أو غاز أو بندقية رش لدي وزارة الداخلية و الجهات الأمنية في المقام الأول و ليس الحد من انتشار محدثات الصوت...

Compact · 11-12-29, 12:44 AM

بالنسبة للترخيص أنا أظن انه هيكون تصريح مش ترخيص و هيكون سهل في الاجراءات و سريع و الهدف الأساسي منه هو وجود قاعدة بيانات بكل من يملك مسدس صوت أو غاز أو بندقية رش لدي وزارة الداخلية و الجهات الأمنية في المقام الأول و ليس الحد من انتشار محدثات الصوت...[/quote]

ده اساسى طبعا

elmasrey123 · 11-12-29, 01:06 AM

هو الى حدا ما كلكم صح وكلكم غلط لان كلامكم بينافى بعض بس كل واحد عنده فكرة ونظرة للموضوع تستحق التفكير فيها

تايجر · 11-12-29, 10:18 AM

ههههههههه ياجماعه الكلام دا لو صح عادى اى مشترى حيجيب ورقه من القسم اللى تابع ليه بحمل مسدس صوت ودا عادى جدا المهم الكلام دا لو انك عدلت فى مسدس الصوت حيطبق عليك العقوب ومتقلقوش الناس بتاجر فى الناس حيقبضو عليك يلى بتاجر فى لغب الاطفال

Top · 11-12-29, 10:29 AM

مش يروحوا يلموا اصلا الأسلحه اللى اتسرق منهم واللى البلطجيه كل يوم بيموتوا وبيقتلوا بيها الناس الغلابه .. وبعدين يجوا يتشطروا على اللى ماسكين مسدسات رش ولا صوت ... فعلا نظام عقيم وفكر متدنى وربنا ياخد الاغبيه اللى بجد كرهونا فى كل حاجه الواحد كان بيحبها ...... طيب انا احمى نفسى بأيه بقا لما كل حاجه ممنوعه .؟؟

بشوكه صح ؟.؟.

fishtic · 11-12-29, 10:43 AM

معلش في حبة اسئلة جت ف بالي كدا

تخيلو ان واحد معاه ايكول تونا ولا اقولكم مسدس مونديال اللي بكبسولات وعاوز يبيعو لواحد
هل هيروحو القسم هما الاتنين عشان يعملو تنازل؟
هو الواحد ممكن يشيل كام مسدس صوت ع الرخصة؟
بعد لو حد هبيع ايكول فرات مثلا ع المنتدى هيكتب
للبيع مسدس صوت ايكول فرات... يشترط الرخصة
هههههههههههههههههههههههههههههههههههه

smsm saber · 11-12-29, 10:46 AM

اقتباس:

المشاركة الأصلية كتبت بواسطة fishtic

معلش في حبة اسئلة جت ف بالي كدا

تخيلو ان واحد معاه ايكول تونا ولا اقولكم مسدس مونديال اللي بكبسولات وعاوز يبيعو لواحد
هل هيروحو القسم هما الاتنين عشان يعملو تنازل؟
هو الواحد ممكن يشيل كام مسدس صوت ع الرخصة؟
بعد لو حد هبيع ايكول فرات مثلا ع المنتدى هيكتب
للبيع مسدس صوت ايكول فرات... يشترط الرخصة
هههههههههههههههههههههههههههههههههههه

هههههههههههههههههههههههههههههههههههههههههههههههههه هه

elmasrey123 · 11-12-29, 11:44 AM

يا جماعة متستعجلوش احنا كده بنلعب فى حوالى 3 شهور بالكتير لانه لسه مشروع تعديل يا هبتوافق عليه من مجلس الشعب يا هيتوافق عليه من المجلس العسكرى وفى الحالة دى مش هياخد اكتر من شهر يعنى الى نفسه فى حاجة يعملها

goda · 11-12-30, 09:49 PM

ربنا يستر بعد كدا ها يطلعوا يدورو علي الصيادين الي ممعهمش رخصه ويصادروا البنادق منهم

bgt · 12-01-08, 01:25 AM

على فكره دالسه مشروع قانون

الشيخ ابو على · 12-01-08, 01:59 AM

ربنا يسترها على الجميع
وياريت التجار تشوف الموضوع ده وينزلوا فى الاسعار بقا ويتقوا الله فينا
احنا مش عارفين نلاقيها منين ولا منين
والله المستعان.

ahmed abomazen · 12-01-08, 10:04 AM

انا فعلا سمعت ان الكلام دة صحيح والله اعلم

نادرموريس · 12-01-12, 06:39 PM

والله انا مبسوط في التجار المسدس 9 السريع كان جمله من عند فتحله 1000بس شوف الاستغلال خاليهم يشربو المسدسات دي او يعلقوها في النجفه

11-12-27, 08:45 AM	#1
ahmed ghost صياد جديد تاريخ التسجيل: Nov 2011 المشاركات: 49 معدل تقييم المستوى: 0	مبروك ياتجار مصر خلاص القانون هايصدر صرح المستشار عادل عبدالحميد وزير العدل بان لجنة التشريعات في اجتماعها اليوم براسة وزير العدل بحثت تعديلات جوهرية لعدة قوانين قانون انتخاب رئيس الجمهورية والترخيص بحمل الاسلحة والذخائر والاتصالات والضريبة اعقارية التعديل الخاص بقانون الاسحلة والذخائر ينص علي دخول مسدسات وبنادق الصوت وسدسات وبنادق ضغط الهواء والغاز ضمن الاسلحة البيضاء بحيث لا يجوز حيازتها او الاتجار فيها الا بترخيص والا تعرض المخالف للحبس والغرامة والله انا فرحان في التجار الجشعين خليهم يخللو مسدسات الصوت وبنادق ضغط الهواء ويشربو ميتها وبالشفاء:d

11-12-27, 09:21 AM	#3
سرسور صياد قديم تاريخ التسجيل: Apr 2011 المدينه: الإسكندرية المشاركات: 1,454 معدل تقييم المستوى: 13	رد: مبروك ياتجار مصر خلاص القانون هايصدر لو ان هذا الكلام صحيح سيكون على كل واحد عنده بندقية رش او مسدس صوت يعمل رخصة الرجاء التأكد من صحة الخبر __________________ أخي ستبيد جيوش الظلام . . . و يشرق في الكون فجر جديد فـــأطلق لـروحك إشــراقها . . . ترى الفجر يرمقنا مــــــن بعيد

11-12-27, 09:24 AM	#4
ahmed ghost صياد جديد تاريخ التسجيل: Nov 2011 المشاركات: 49 معدل تقييم المستوى: 0	رد: مبروك ياتجار مصر خلاص القانون هايصدر الخبر نازل علي mist news شبكة المعلومات المالية انا مش بخترع خبر من عندي

11-12-27, 09:27 AM	#5
ahmed ghost صياد جديد تاريخ التسجيل: Nov 2011 المشاركات: 49 معدل تقييم المستوى: 0	رد: مبروك ياتجار مصر خلاص القانون هايصدر mist news نقلا عن صحيفة الاهرام

11-12-27, 09:34 AM	#7
ahmed ghost صياد جديد تاريخ التسجيل: Nov 2011 المشاركات: 49 معدل تقييم المستوى: 0	رد: مبروك ياتجار مصر خلاص القانون هايصدر وده نص الخبر تعديل قوانين انتخاب رئيس الجمهورية والاتصالات والأسلحة والضريبة العقارية الاهرام...تبحث اللجنة الوزارية التشريعية ـ في اجتماعها اليوم برئاسة وزير العدل ـ تعديلات جوهرية لقوانين‏:‏ انتخاب رئيس الجمهورية‏,‏ والترخيص بحمل وحيازة الأسلحة والذخائر‏,‏ والاتصالات‏,‏ والضريبة العقارية‏.‏ وقال المستشار عادل عبدالحميد وزير العدل ـ في تصريحات خاصة لـ الأهرام ـ إن التعديل الخاص بقانون انتخاب رئيس الجمهورية يستند إلي الإعلان الدستوري الصادر في03 مارس الماضي ليتواءم مع نصوصه, وهي أن تكون مدة الرئاسة أربع سنوات, وألا يتم الترشح إلا لمدتين متتاليتين, وضرورة أن يحصل المرشح غير المنتمي لأحزاب ممثلة في البرلمان علي تأييد ثلاثين ألف ناخب, وألا يكون المرشح أو أحد والديه أو زوجته قد حصل علي جنسية أجنبية. وتتضمن تعديلات قانون الاتصالات عدم قطع الاتصالات إلا بقرار من رئيس الجمهورية بعد موافقة مجلس الوزراء, وأن يدخل في هذا القانون واشتراطاته ما يتعلق بالبث الإذاعي والتليفزيوني, وذلك لتنظيم الناحية الفنية الخاصة بالترددات المستخدمة في عمليات البث لكل القنوات الفضائية, وأن تحصل هذه الفضائيات علي تصريح تردد من الجهاز القومي لتنظيم الاتصالات. وتنص تعديلات قانون الأسلحة والذخائر علي دخول مسدسات وبنادق الصوت ومسدسات وبنادق ضغط الهواء والغاز ضمن الأسلحة البيضاء, بحيث لا يجوز حيازتها أو التجارة فيها إلا بترخيص, وإلا تعرض المخالف لعقوبة الحبس والغرامة. وتتضمن تعديلات قانون الضريبة العقارية زيادة حد الإعفاء من هذه الضريبة, بحيث يصل إلي ما بين المليون والمليون ونصف المليون

11-12-27, 09:36 AM	#9
الطيار صياد نشيط تاريخ التسجيل: Nov 2011 المدينه: المنيا المشاركات: 361 معدل تقييم المستوى: 6	رد: مبروك ياتجار مصر خلاص القانون هايصدر يا جماعة الموضوع تحت البحث ولا خلاص تم البت فيه؟ ياريت اللى قرا الخبر يوضح

11-12-27, 09:37 AM	#10
ahmed ghost صياد جديد تاريخ التسجيل: Nov 2011 المشاركات: 49 معدل تقييم المستوى: 0	رد: مبروك ياتجار مصر خلاص القانون هايصدر يافندم بحث التعديل يعني وضع الصياغة القانونية وغيرة من الامور الفنية لكن القانون هايتعدل يعني هايتعدل ده كلام اكيد

11-12-27, 09:45 AM	#12
الطيار صياد نشيط تاريخ التسجيل: Nov 2011 المدينه: المنيا المشاركات: 361 معدل تقييم المستوى: 6	رد: مبروك ياتجار مصر خلاص القانون هايصدر طبعا الموضوع دا مش فارق مع رجالة الصعيد لانهم ممنوع مش ممنوع كلو هنا عادى يعنى كده اللى عايز يصتاد يبقى يجيب البندقية بتعته ويجيلى نصتاد مع بعض هههههههه وعايز ظابط او حد يتكلم معاه ايوة كده خلينا ناكل يمام شوية مش انتو مخلصينو اول بأول بحرى ههههههه

11-12-27, 10:00 AM	#16
haridy صياد جديد تاريخ التسجيل: Feb 2011 المشاركات: 47 معدل تقييم المستوى: 5	رد: مبروك ياتجار مصر خلاص القانون هايصدر http://www.ahram.org.eg/Al-Mashhad-A...ws/121313.aspx

11-12-27, 10:04 AM	#17
سرسور صياد قديم تاريخ التسجيل: Apr 2011 المدينه: الإسكندرية المشاركات: 1,454 معدل تقييم المستوى: 13	رد: مبروك ياتجار مصر خلاص القانون هايصدر التجار لا يفرق معهم بل هو ميزة لان التجار سوف يشترون باسعار رخيصة و يرفعوا الاسعار اكثر من الاول لان سيبيع على انها اسلحة بيضاء الاسلحة البيضاء لا تباع على الترخيص المشكلة عند المشترى هو الذى يقع تحت طائلة القانون لانه لا يحمل ترخيص __________________ أخي ستبيد جيوش الظلام . . . و يشرق في الكون فجر جديد فـــأطلق لـروحك إشــراقها . . . ترى الفجر يرمقنا مــــــن بعيد

11-12-27, 10:33 AM	#19
Biso007 صياد نشيط تاريخ التسجيل: Jun 2011 المدينه: القاهرة الجديدة المشاركات: 299 معدل تقييم المستوى: 6	رد: مبروك ياتجار مصر خلاص القانون هايصدر أظن انه لا داعى للقلق .. هناك الكثير من القوانين غير المفعلة مثل منع التدخين فى المواصلات العامة أو الغرامة على عدم التصويت فى الانتخابات او الملصقات على السيارات او .... الخ و المقصود بها فقط امكانية تطبيقها "وقت اللزوم".

11-12-27, 10:39 AM	#21
kiko_2015 صياد قديم تاريخ التسجيل: Apr 2011 المدينه: نادي الزمالك اسمي و عنواني المشاركات: 2,373 معدل تقييم المستوى: 37	رد: مبروك ياتجار مصر خلاص القانون هايصدر الله يبارك فيك يا ريس..عقبال عندكم جميعا :d :d علي فكره الخبر صحيح بس عاوز اقول لحضرتك حاجه عن تجربه للاسف ..بشكل او باخر المتضرر الوحيد هو المستهلك العادي و الناس النضيفه والله..لان اللي بيبيع شمال عمره ما هتفرق معاه..واللي بيشتري شمال عمره ما بتفرق معاه و الدليل علي كده ان التاجر كده كده بيبيع..بس ميزة البيع ع النت ان اللي زبون النت غالبا محترم و ابن ناس بيعمل سيرش علي مسدس صوت عشان يحمي نفسه...لكن الناس الشمال اساسا غالبا ملهمش ف الكلام ده سواء مشتري او بائع __________________ كل اناء ينضح بما فية

11-12-27, 11:12 AM	#23
shadymageed Banned تاريخ التسجيل: Jun 2011 المدينه: الهرم المشاركات: 536 معدل تقييم المستوى: 0	رد: مبروك ياتجار مصر خلاص القانون هايصدر ده والله زى الفل هما كده بيشجعوا على شراء المسدسات والالى الحى بكل سهوله لان اللى هيشترى صوت ويبقا مجرم طيب ميشترى حى واهو برده مجرم زى الفل ربنا يخليلنا حكومتنا اتفوخص على التخلف

11-12-27, 11:17 AM	#24
سرسور صياد قديم تاريخ التسجيل: Apr 2011 المدينه: الإسكندرية المشاركات: 1,454 معدل تقييم المستوى: 13	رد: مبروك ياتجار مصر خلاص القانون هايصدر انا اقصد ان التاجر فى كلا الحالتين كسبان المشكلة دائما على المستهلك النهائى لانه هو الذى يدفع و غير هذا الاسلحة البيضاء ممنوعة و مع ذلك معروضة على المنتدى وايضا فى المحلات لو انك اردت شراء اى مطواه او خنجر سوف يبيعه لك و انت تتحمل مسؤلية نفسك __________________ أخي ستبيد جيوش الظلام . . . و يشرق في الكون فجر جديد فـــأطلق لـروحك إشــراقها . . . ترى الفجر يرمقنا مــــــن بعيد

11-12-27, 12:14 PM	#25
ahmedmh_ali صياد قديم تاريخ التسجيل: Jun 2011 المدينه: الأسكندرية المشاركات: 4,166 معدل تقييم المستوى: 32	رد: مبروك ياتجار مصر خلاص القانون هايصدر ++++++++++++++++++++1 __________________ ✍ Smile ... tomorrow may be worse فقد ينقلب كل شىء ضدنا و يبقى الله معنا فلنكن مع الله يكن كل شىء معنا .. ™ AHMED ALI ™ THE BENEFIT OF BEING SMILING ALL THE TIME THAT IS NO ONE WILL EVER KNOW WHAT ARE YOU CAPABLE OF ✌ الحمد لله الذى عافانا مما أبتلى بة غيرنا ✌ ღ ♥ ♥ ღ

11-12-27, 12:16 PM	#26
elmasrey123 صياد قديم اوسمتي مجموع الاوسمة: 1 تاريخ التسجيل: Jun 2011 المدينه: اسكن اينما وجدت الحياه المشاركات: 4,713 معدل تقييم المستوى: 430	رد: مبروك ياتجار مصر خلاص القانون هايصدر والله هو ده بحد زاته خير قولولى ليه بس فى حد فينا يقدر يمشى بمسدس صوت فى الشارع مع انه فيشنك ابدا لكن اكيد هيبقى ترخيصهم سهل جدا وده هيدينا حريه اكتر فى حمله مه مش معقول هتبقى شكل الحى والله البلد بتتعدل __________________

11-12-27, 01:46 PM	#28
قناص الظلم عضو مميز تاريخ التسجيل: Sep 2011 المدينه: مثلث برمودا المشاركات: 2,153 معدل تقييم المستوى: 31	رد: مبروك ياتجار مصر خلاص القانون هايصدر احنا الخسرانين وهانسلملمهم التحف الى عندنا ببلاش وهايبيعوها لوط للتجار والتجار تبيعها للى معاهم رخص

11-12-27, 02:17 PM	#30
صياد كبير صياد متفاعل تاريخ التسجيل: Aug 2011 المشاركات: 166 معدل تقييم المستوى: 5	Re: مبروك ياتجار مصر خلاص القانون هايصدر خبر وحش طبعا الا لو هيسهلو اجراءات الترخيص ولو حتي بالنسبه لبنادق الرش ومسدسات الصوت لكن مايتهيأليش انهم هيعملو كده ويسهلو الترخيص والا من الاول ماكنوش عملو القانون والمتضرر بنسبه 90% هنا هو الصياد الغلبان والتاجر هيتضرر طبعا بالتبعيه لانه مش هيكون فيه اقبال علي البنادق الرش ولا مسدسات الصوت لانه كله هيكون عارف انه لو اتمسك بيها هيحصله مشكله وهتتصادر منه ده غير الغرامه والحبس اللهم مااحفظنا يارب ويجعل كلامنا خفيف عليهم ( امين يارب العالمين ) ههههههه . وهما كده ضربوا الرياضه او الهوايه دي في مقتل لان الصياد اساسا مش هيلاقي مكان يصطاد فيه من غير مايكون معرض للقبض عليه __________________ باسم

11-12-27, 03:03 PM	#32
mohamed 22 صياد متفاعل تاريخ التسجيل: Dec 2011 المشاركات: 58 معدل تقييم المستوى: 5	رد: مبروك ياتجار مصر خلاص القانون هايصدر انا هقول كلمتين ومحدش يزعل منى وهو فالاخر انا عارف ان ناس كتير هتقول دة بيغنى ويرد على نفسة ..... ايها السادة الكرام نحن شعب يسئ استخدام الحرية بكل صورها ومش هندحك على انفسنا وإلا مكنش حصل انفلات امنى وخسائر جسيمة فى بدن الدولة وكل البلاوى إلى بنشفها على مدار 24 ساعة حكاية ان احنا نحول الصوت الى بلى دة قمة فى التحايل على القانون وانتهاك لية ,والمتاجرة فى الخناجر والمطاوى والاسلحة البيضاء ...هتيجى ناس وتقلى طييب هنعمل اية ندافع عن انفسنا واهالينا إذاى طبعا إلى هيقول كدة مش هعرف ارد علية طب اقول لة البلد فيها قانون ياخد حقق هبقى كداب لان الى بيسبتك دة ممكن ياخد عمرك طيب اية الحل ؟؟؟؟؟ مش عارف بس متاكد اننا شعب يفتقر إلى احترام القانون والى النظام وعلى فكرة احنا الى خلينا الحكومة كدة احنا الى خليناها تمنع عننا الحرية واحد هيرد ويقلى ..يعنى اية ..انا اقلك يعنى لما الحكومة تشفنا بنلعب فى مسدسات الصوت علشان نخليها مميتة واشبة ما يكون الى الحى طيب ما اكيد هتمنعها يعنى انت متخيل اية .............ملخص كل الرغى دة ..الصبر الصبر لحد منشوف البلد هتروح بينا على فين لانى معدتش مستبشر خير وارجوكم محدش يزعل منى منا فالاخر مصرى بردو ولابد ان نواجة عيوبنا حتى نشفى منها __________________ لا تخشى الكلاب وهى نابحة ولكن تخشى الاسود وهى صامتة

11-12-27, 05:15 PM	#35
shadymageed Banned تاريخ التسجيل: Jun 2011 المدينه: الهرم المشاركات: 536 معدل تقييم المستوى: 0	رد: مبروك ياتجار مصر خلاص القانون هايصدر فين على الفيس ده يا جماعه فى ناس كتير بتقول حاجات انا مشوفتهاش خلاص كل الناس معت ان فى فى الحته الفلانيه حد يدينى حاجه واحد صحيحه او طريق حقيقى

11-12-27, 06:14 PM	#37
medhaat صياد متفاعل تاريخ التسجيل: Jun 2011 المشاركات: 212 معدل تقييم المستوى: 6	رد: مبروك ياتجار مصر خلاص القانون هايصدر ياجماعه كدا الاسعار حتغلى اكتر فكرو صح بأ

11-12-27, 06:31 PM	#39
omarmagic صياد قديم تاريخ التسجيل: Jan 2011 المدينه: الاسكندرية المشاركات: 1,635 معدل تقييم المستوى: 16	رد: مبروك ياتجار مصر خلاص القانون هايصدر يارب الاول البلد تتعدل لسا جايبين خبر دلوقتى ماسكين جواسيس اسرائلين فى العريش وفى سينا والدنيا مقلوبة ربنا يستر على البلد الواحد الحمد لله متعلم انا الحمد لله مهندس كهربا سفن بحرية وتجارية وعمرى والله العظيم عمرى ماكنت افكر اشترى حاجة شمال بس الظروف والواحد بيسمعه ده انا مستعد اشترى وبااى تمن واللى يحصل يحصل لان لاقانون ولا اى حاجة دلوقتى حامية حد بدليل الناس اللى دخلت من اسرائيل لمصر دول داخلين عادى خالص ومن المطار بس من غير تصاريح دخول او باسبور طب اذاى دخله الواحد مش عارف ياريت ياجماعة نفكر الاول فى حال البلد بعدين ندور على التراخيص وبنادق الرش ومسدسات الصوت وياريت محدش يزعل منى لكم وافر الاحترام والتقدير __________________ الطيبة ليست غباء انما نعمة فقدها الاغبياء

11-12-27, 06:31 PM	#40
sadaany صياد قديم تاريخ التسجيل: Apr 2011 المدينه: الهرم المشاركات: 1,188 معدل تقييم المستوى: 13	رد: مبروك ياتجار مصر خلاص القانون هايصدر شمال عمره ما هتفرق معاه..واللي بيشتري شمال عمره ما بتفرق معاه و الدليل علي كده ان التاجر كده كده بيبيع..بس ميزة البيع ع النت ان اللي زبون النت غالبا محترم و ابن ناس بيعمل سيرش علي مسدس صوت عشان يحمي نفسه...لكن الناس الشمال اساسا غالبا ملهمش ف الكلام ده سواء مشتري او بائع[/color][/b][/QUOTE] كلام مش مظبوط لان تيتو 100 قالى قبل كده ان انا شمال ورغم كده ببيع وبشترى من على النت وانتا شمال حتى اسأل عكشه كده ههاااااااااااااااااااااااااااا صح ياتيتو مش انتا قلتلى ان انتا شمال فاكر وايه رايك فى ابو سيف ده حتى كفايه انه تاجر مسجل هههااااااااااااااااااااااااااا __________________ === (( ما يلفظ من قول إلا لديه رقيب عتيد )) ===

11-12-27, 06:50 PM	#41
ĴΘĶЄЯ صياد قديم اوسمتي مجموع الاوسمة: 1 تاريخ التسجيل: Nov 2011 المدينه: αℓєχαη∂яια المشاركات: 3,251 معدل تقييم المستوى: 230	رد: مبروك ياتجار مصر خلاص القانون هايصدر جت الحزينة تفرح ملقتلهاش مطرح يا جدعان بعد ما نويت اشترى بندقيه وقربت اكمل حقها يقوم طالع لى القانون ده زى الخازوق يعنى انا احاول اجيب حق بندقيه ولا حق ترخيص هنلاقيها من التجار ولا من الحكومة __________________ المهارة تصيب هدفاً لايمكن لأحدٍ أن يصيبه..أما العبقرية فتصيب هدفاً لايمكن لأحدٍأن يراه ツ

11-12-27, 06:52 PM	#42
omarmagic صياد قديم تاريخ التسجيل: Jan 2011 المدينه: الاسكندرية المشاركات: 1,635 معدل تقييم المستوى: 16	رد: مبروك ياتجار مصر خلاص القانون هايصدر بجد ربنا يستر على البلد لان فى ظل الاوضاع دى بيطلع قرارات بتهيج الشعب واشمعنا القرارات دى تطلع دلوقتى والله الواحد مش عارف البلد دى ماشية ازاى وحسبى الله ونعم الوكيل فى كل من اراد تاخير عجلة الانتاج ولكم منى وافر الاحترام والتقدير __________________ الطيبة ليست غباء انما نعمة فقدها الاغبياء

11-12-27, 07:44 PM	#43
سرسور صياد قديم تاريخ التسجيل: Apr 2011 المدينه: الإسكندرية المشاركات: 1,454 معدل تقييم المستوى: 13	رد: مبروك ياتجار مصر خلاص القانون هايصدر يا جماعة الخير انا متأكد ان المستفيد الاول نت هذا القانون هو التاجر لانه فى كلا الحالات كسبان كسبان و المتضرر الاول هو المستهلك لانه هو الذى عليه انهاء كافة الاجراءات و الدفع طبعا اكثر من الاول و نلاحظ هذا عندما يسروا مسألة الترخيص بعد الاحداث سعر الحلوان كان قبل الثورة لا يتعدى 3000 جنيه يصل الى 27000 جنيه الآن من المستفيد و من المتضرر __________________ أخي ستبيد جيوش الظلام . . . و يشرق في الكون فجر جديد فـــأطلق لـروحك إشــراقها . . . ترى الفجر يرمقنا مــــــن بعيد

11-12-27, 07:55 PM	#44
ابو مروان مشرف الاقسام العامه اوسمتي مجموع الاوسمة: 1 تاريخ التسجيل: Dec 2010 المدينه: مصر المحروسة المشاركات: 1,892 معدل تقييم المستوى: 215	رد: مبروك ياتجار مصر خلاص القانون هايصدر يا اخوانى وزير العدل ليس الجهة المنوطة بتعديل القوانين ممكن يقدم اقتراح بمشروع قانون لمجلس الشعب ومجلس الشعب هو الذى يبت فى الامر _ وانا مع التقنين لحمل بنادق ضغط الهواء ايضا والحصول على رخصة ولكن بشروط مخففة جدا وميسرة منها الا يكون لطالب هذا الترخيص سوابق جنائية وشهادة طبية معتمدة و مصاريف ادارية بسيطة جدا وتحديد اربع قطع سلاح ضغط هواء على الرخصة_ وبذللك ستكون الاسعار داخل مصر مثل الاسعار بالخارج ويمكنك استيراد السلاح الذى تريدة على الرخصة ودخولة من الخارج دون ادنى مشكلة والله لو الكلام دة اتنفذ اسعار البنادق هاتبقى برخص التراب وهانشوف البنادق اللى بنتفرج عليها فيديو بحق وحقيق _ القانون هو الحل الامثل لذللك ولمن بشروط مخففة جدا

11-12-27, 08:23 PM	#46
koko polo صياد جديد تاريخ التسجيل: Mar 2011 المشاركات: 24 معدل تقييم المستوى: 5	رد: مبروك ياتجار مصر خلاص القانون هايصدر الاخوة الاعزاء اعتقد لو تم تطبيق تلك القوانين ستكون التراخيص الخاصة بالبنادق و مسدسات الصوت ستكون ميسرة مثلا فيش و بطاقة و سن معين و لكن لو كانت مثل الحى زلك سيكون كارثى بالنسبة الصيادين و التجار و لكن لو تم استخراج تصاريح للهوائيات فمعنى زلك انه يمكن استيرادها عن طريق النت و زلك ميزة كبيرة لو تم و اعتقد زلك ما يتمناه الجميع ما عدا التجار و شكرا

11-12-27, 08:56 PM	#48
ابو مروان مشرف الاقسام العامه اوسمتي مجموع الاوسمة: 1 تاريخ التسجيل: Dec 2010 المدينه: مصر المحروسة المشاركات: 1,892 معدل تقييم المستوى: 215	رد: مبروك ياتجار مصر خلاص القانون هايصدر قامت الثورة لان القانون كان يطبق على الضعيف والفقير وتقدمت الامة الاسلامية عندما كان القانون يطبق على الشريف والعبد والغنى والفقير .....يجب ان يطبق القانون والكل امامة يكونوا سواسية لا امل لمصر الا بتطبيق القانون ...... يقدم مشروع القانون ويناقش وتدرس سلبياتة وايجابياتة ......ويقرة مجلس الشعب او يرفضة مع العلم ان هذا المجلس اول مجلس منتخب بارادة شعبية حرة...... عندما تحرز الشىء وتحوزة ومعك القانون لا تكن خائفا من احد فتخيلوا اعزائى ان معكم ترخيص بندقية هوائية محدد عيارها والترخيص علية صورتك الشخصية وبياناتك ....قلبك هايكون حديد وحضرتك بتصتاد لانك مع القانون.... واية اللى بيخلى اسعار البنادق مولعة نار وممنوع استيرادها وممنوع جلبها من الخارج ....لانة لايوجد نص فلى قانون العقوبات المصرى يتطرق للبنادق الهوائية وعياراتها والمسموح بتداولها من عدمة ......حالة من التخبط يستغلها التجار فوصلت اسعار بعض البنادق الى 8000 الاف جنية مع العلم ان هناك بنادق خرطوش ب 6000 الاف وذللك نتيجة عدم وجود قانون نحن مع القانون ولكن يجب ان يراعى القانون انة يتعامل مع هواية وغريزة وهى رياضة الملوك ويجب ان يعلم المشرع ان البلطجى لا يفكر فى شراء بندقية هوائية ب 700 جنية وهذا يعتبر اقل سعر لبندقية متوسطة فالاحسن للبلطجى او قاطع الطريق ان يشترى فرد ب 200 جنية ......يجب ان يتم التواصل فى حال طرح المشروع من محبى الصيد ومن نوادى الصيد والرماية لطرح وجة نظر محبى الصيد _ حمى الله مصر من كل سوء

11-12-27, 09:02 PM	#49
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 6	رد: مبروك ياتجار مصر خلاص القانون هايصدر السادة أعضاء المنتدى.. السلام عليكم.. هذا القانون إن طبق فسوف يضر الجميع من مستهلك ومن تاجر لأنه سوف يضع عقبة فى طريق الأثنين وهو فى هذه الحالة سوف يضع الجميع فى سلة واحدة سواء هاوى أو يطلب الحماية لنفسه ولأسرته ولن يفيد سوى البلطجية الخارجين عن القانون الذين هم أصلا لا يحترمون القوانين لأنهم لن يجدوا رادعا لهم وسيترك المواطن أعزل فى وجه البلطجى .. أليس سبب زيادة الطلب على السلاح هو الأنفلات الأمنى وأنتشار البلطجة فلو أزلت المسبب لزال العرض...وهو فى الحقيقة لن يمنع الأنفلات الأمنى طالما لا زال السلاح الحى فى أيدى البلطجية ... كان الأجدر هو أن تكثف الحكومة من حملاتها الأمنية والتواجد الأمنى الذى سوف يؤدى فى النهاية الى أنهاء حالة الأنفلات الأمنى وليس منع جميع وسائل الدفاع الشخصى فأنت تذهب الى القسم لتقدم شكوى بسرقة عربيتك أو نقودك أو منزلك فتجد من الفتور ما يشعرك بأنك السبب فى سرقتك وكأنك أردت أن تسرق وعليك تحمل نتيجة عملك... فى رأيى أن مقترح القانون هذا ما هو إلا أستمرار لمسلسل أنصاف الحلول...والحل فى رأيى الشخصى هو أن تقوم الحكومة بفتح ترخيص السلاح الحى لكل من يحتاجه ولو لمدة عام وفتحت أستيراد السلاح بالأسعار العالمية (مثل دول العالم المتقدم) وأصبح السلاح فى يد معظم الناس أليس ذلك سوف يقضى على البلطجة عندما يعرف البلطجى أنه قد يفقد حياته عندما يحاول سرقتك...ومع تكثيف التواجد الأمنى ومصادرة السلاح الغير مرخص والقبض على الخارجين فسوف تقضى على ظاهرة البلطجة وعندما تنتهى حالة الأنفلات الأمنى يمكن للحكومة أن توقف الترخيص الا للحالات المحددة بالقانون الحالى وفى هذه الحالة معظم المواطنين لن يحتاج الترخيص ويتحول السلاح الحى الى مقتنيات وتحف..بالطبع لهذا الحل سلبيات مثل حالات الشجاعة التى سوف يقويها الشعور بالقوة لدى الأفراد ويواجهوا البلطجية مما قد يتسبب فى فقدان حياتهم ولكن بمقارنة كم عدد الشرفاء مقابل البلطجية سنجد أن تلك الحالات ستكون قليلة مثل حالات من يقتله البلطجية حاليا ... ولأن البلطجى فى النهاية جبان لأنه ليس له قضية ولا يريد فقدان حياته فى حين أن المواطن شجاع لأنه يدافع عن نفسه وعن أسرته أو عن بيته وكلنا نذكر كيف تصطدت اللجان الشعبية بالعصى وقت أنسحاب الشرطة للبلطجية وهم بالأسلحة الحية..وهناك أيضا الحالة الثورية والخوف من المواجهات مع قوات الأمن ولكن أذا أنتهت المواجهات لصالح العزل وبالتالى لن تفرق وعموما سبب المواجهات معروف للجميع ولا أرى أستمراره طالما تواجد الأحترام المتبادل والعمل لصالح الوطن... وهناك من الأيجابيات الكثير مثل تنشيط الأستيراد ودخل الدولة من الرسوم والضرائب للتراخيص والقضاء على ظاهرة البلطجة والأنفلات الأمنى والأنتعاش الأقتصادى الناتج من الأستقرار وعودة السياحة والشعور بالمواطنة لأنك مواطن درجة أولى تحظى بثقة الدولة... هل هناك من يستطيع أن يقدر كم تحتاج وزارة الداخلية من وقت حتى تستطيع مصادرة الأسلحة الغير مرخصة من مصر ومن الصعيد بالذات؟؟ ليس أقل من عامين على أدنى تقدير فهل سيتحمل المصريين ذلك من البلطجة الموجودة على كافة الأصعدة من طرق وقمح ودقيق وأنابيب وبنزين وسولار ووووووو. يجب مواجهة هذا الوضع الأستثنائى الحالى بحلول أستنائية وبتكاتف الشرطة والشعب معا جميعا لرد مصر الى الطريق السليم قبل أن لا يستطيع أحد فى الداخل أنقاذها .. ولن يتحقق أى أصلاح الا بأستعادة الدولة للشارع المصرية وتطبيق القوانين بقوة وحسم على الجميع وأستعادة هيبة الدولة... ولا يوجد حل سيرضى الجميع ولكن يكفى أرضاء الأغلبية والقضاء على الخارجين عن القانون بالقانون والنظر بنظرة شمولية الى مصلحة الوطن وبالتالى لمصلحة الجميع وليس لمصلحة فئة معينة أو خدمة توجه ما. ولا يعتقد أحد أننى أهاجم رجال الشرطة وأنا متأكد أن أكثرهم يتفقون معى ولكنها كأى فئة منها الصالح وفيها الطالح واكثير منهم لا يرضى عن الوضع الحالى فلم يعودوا يئمنون على أنفسهم وأسرهم من البلطجة .... ويجب أن يعمل الجميع لصالح الوطن الذى يئوينا جميعا لأنه بتضرره لا قدر الله ننضر جميعا حتى وأن كان هناك من يحظى بالمكاسب ولكن على المدى الطويل الجميع سوف يتأثر. أسف للأطالة ولكن مشاركاتى القليلة تشفع لى فى الأطالة.

11-12-27, 09:54 PM	#50
ابو مروان مشرف الاقسام العامه اوسمتي مجموع الاوسمة: 1 تاريخ التسجيل: Dec 2010 المدينه: مصر المحروسة المشاركات: 1,892 معدل تقييم المستوى: 215	رد: مبروك ياتجار مصر خلاص القانون هايصدر الزميل العزيز احمد بدران_هل تريد ان يتسلح الجميع مثل امريكا؟ هل قرات حضرتك اخبار الامس من وفاة سبعة مواطنين فى احدى الولايات الامريكية فى اطلاق نار؟ عزيزى هل تعلم ان تسليح البلطجية الان هو البنادق الالية وان معظم حوادث سرقة السيارات والمحال التجارية كان الخارجون عن القانون يحملون الاسلحة الالية......تخيل عزيزى ان مواطن شاب مصرى شهم يحمل مسدس ايا كان نوعة وعيارة فى مواجهه مع ثلاث او اربع لصوص يحملون الاسلحة الالية.....النتيجة الحتمية هى وفاة من يحمل المسدس .....طرح حضرتك ان الحكومة تقوم بتجميع الاسلحة المرخصة بعد استتباب الامن طرح غير واقعى من الناحية العملية بفرض ان حضرتك تمللك بندقية ديانا مثلا و طرح قانون تجريم بنادق الرش فهل ستذهب الى القسم وتسلمها ثم من اين للحكومة ان تدفع ملايين الجنيهات تعويض عن نزع هذة الاسلحة المرخصة_انا من اشد المعارضين لمسدسات الصوت وطالبت مرارا وتكرارا ادارة المنتدى بحزف اى مشاركات بشانها ولكن لا مجيب _الموقع موقع محبى الصيد ويجب الا نتطرق لموضوعات بعيدة عن هذة الهواية.......لذلك دعنا لا نسبق الاحداث ولننتظر ماذا سياتى فى الايام القادمة _حمى الله مصر والمصريين

11-12-27, 11:06 PM	#51
Ahmed Badran صياد جديد تاريخ التسجيل: Aug 2010 المشاركات: 15 معدل تقييم المستوى: 6	رد: مبروك ياتجار مصر خلاص القانون هايصدر سيدى الفاضل أبو مروان.. سعدت برأيك والخلاف فى الرأى لا يفسد للود قضية.. أولا- أنا لم أقل أن الحل الذى أقترحه ليس به عيوب وفى رأيى لا يوجد حل بدون سلبيات وأيجابيات وعند التقييم توازن بين الأثنين.. فالقتلى فى أمريكا كانوا لمختل نفسى وهذه الحالة لا تصلح كمانع للحل وأعطى لسيادتك مثلا بحوادث الطريق لسائقى النقل المخدرين الذين يفقدوا السيطرة على سياراتهم فيقتلوا أكثر من هذا الرقم ومع هذا لم نسمع أحدا طالب بألغاء السيارات النقل.. فعيب أستخدامنا للشىء لا يعنى فشله ولكن يعنى العيب فينا.. ثانيا - البلطجى مستأسد ليس بسلاحه ولكن بضعف الخصم والا بماذا تفسر تصدى اللجان الشعبية بالعصى للبلطجية وهم مسلحين بالأسلحة الآلية... وأعتقد أن توفر للشاب المصرى الشهم وسيلة للدفاع عن نفسه خير له من أن تتركه لقمة سائغة للبلطجية ليسلبوه ممتلكاته أو يعتدوا على حرماته فحق الدفاع عن النفس حق أنسانى أقرته كافة المواثيق والأديان السماوية ...فأنا أستشعر الحالة النفسية لمن وقع فى هذا الموقف وأحساسه بالضعف والضألة وقلة الحيلة وهوانه على حكومته وأحساسه الشديد بالنقمة على الدولة والأحباط من الحكومة فهل تعتقد أنه سيظل مواطن ومصرى وشهم؟ لا أتمنى لأحد أن يكون فى هذا الموقف وأعان الله من مر به على نفسه أولا. ثالثا - بخصوص جمع الأسلحة المرخصة فلو أن الدولة سمحت ببيع السلاح فى الداخل بنفس سعره فى الخارج وهو 100 - 200 دولار (نفس سعر الصوت حاليا) فلن يكون التعويض كبيرا لأنه لن يكون بالسعر الأصلى وهو لن يكون معضل للمواطن حتى لو سلمه للدولة دون تعويض عندما يشعر بالأمان فى الشارع أو حتى لو تم ألغاء الترخيص وأحتفظ المواطن بالسلاح بدون رخصة كتذكار ويتحمل عواقب حيازة سلاح غير مرخص وسأعطى لسيادتك مثلا بشخص كان لديه رخصة سلاح قبل الثورة هل كان يحمله طوال الوقت - كلا بالطبع وكان معظم الوقت فى المنزل وبالتالى عند أنتفاء الحاجة يمكن الأستغناء عن السلاح ببساطة عندما يكون ذلك مخالفا للقانون. رابعا - لا تقلل من قوة تكاتف الناس مع بعضهم البعض عند مواجهة الخطر فلو أنك أعزل ومررت بالمصرى الشهم الأعزل الذى يسرق بواسطة البلطجية المسلحية ببنادق آلية هل ستساعده أم ستتركه ... ولكن لو ساعده ثلاثة آخرين مسلحين بمسدسات هل ستظل الأمور كما هى... أعتقد لا قد تفلح وقد تفشل ولكن لن تكون النتيجة مضمونة لصالح البلطجية.. سيدى الفاضل... لقد تغير الحال بالشعب المصرى بعد الثورة فالجميع ظهر على حقيقته فهناك من ظهر معدنه الطيب وهناك من ظهر معدنه الردىء وقد كان كلاهما مفاجأة للجميع فلا أحد يعلم قدرة المصرى الحقيقية وهو لا يزال دائما يخالف التوقعات وبالتالى لا يصح أن نضع المصرى فى قالب من التوقع لسلوكه لأن الواقع يؤكد عدم صحة ذلك ولهذا فلماذا نغلب الفرض السىء مع أن أحتماله مساوى تماما للفرض الحسن.

11-12-28, 12:12 AM	#52
old hunter Banned تاريخ التسجيل: May 2011 المدينه: طنطا المشاركات: 1,218 معدل تقييم المستوى: 0	رد: مبروك ياتجار مصر خلاص القانون هايصدر اه الاقرف ده هيا نقصه انت يا عم الجوست فرحان ليه علي الخيبه الي هنبقا فيها انت بتفكر ازاي

11-12-28, 12:26 AM	#53
old hunter Banned تاريخ التسجيل: May 2011 المدينه: طنطا المشاركات: 1,218 معدل تقييم المستوى: 0	رد: مبروك ياتجار مصر خلاص القانون هايصدر اه يجماع الي مفكر ان القانون ده في خير لينا يبقا بيهرج وميزعلش مني مشغلش دماغه يعني اه انا استسلم لاربع حراميه عشان داخلين علي ببنادق الي والله الي اعرف اني المفروض اقاوم لاخر قطره بعدين هما مبيمنوعش البنادق الاليه هما بيمنعوا حتي العب الي ممكن الواحد الغلبان الي مش عارف يطلع ترخيص يحمي بيه نفسه الصيادين هواه الرياضه الجميله اكتر ناس هتضر لكن الي معاهم بنادق الي هيفضلوا زي مهما لانهم ملهمش دعوه بالقانون القانون ده الي طلعه او فكر يعمله حمار واحنا عندنا في البلد ترزيه قانون من صنف البهايم كان الله في عوننا ارجوا من الاداره غلق الموضوع المقفل ده

11-12-28, 12:38 AM	#54
Compact صياد قديم تاريخ التسجيل: Sep 2011 المشاركات: 1,656 معدل تقييم المستوى: 15	رد: مبروك ياتجار مصر خلاص القانون هايصدر الحلوان51 النيكل النهاردة فى المصنع ب 16 الف ولا 18 الف مش فاكر والله و مسموح ببيعه للمدنيين , المهم انه كان ب12 و ممنوع بيعه للمدنيين , عشان الغاوى ينقط بطاقيته و يجيب حلوان920 ب 26 الف و الحلوان980 نزلوا منه لون ذهبى ب 32 الف جنيه , ايه الاسعار الرخيصة دى لى صديق اشترى حلوان920 خزنة 14 طلقة سنة 2009 مستعمل ب 1800 جنيه و كان يعتبر غالى عشان مضروب بيه كام طلقة ميعدوش 5 و لسه الدنيا فيها اكتر و الغاوى ينقط بطاقيته و اللى معاه فلوس يشترى النهارده قبل بكره لان محدش عارف بكره فيه ايه , و احنا بلد الحاجة اللى سعرها بيغلى فيها لا يمكن ترخص تانى