طلعة لمدة ساعتين وبائعة الشاى

[القناص فليفل]

مساء الخير على كل الاعضاء المحترمين وقناصى المنتدى فى طلعة خفيفة بدأت الساعة السابعة صباحا بدات رحلة صيد قبل العمل واثناء سيرى بمنطقة الرماية بالهرم شاهد غرابا على احد الاعمدة وكان هدف جميل صدرة متجة لى تماما فنزلت من السيارة وبسرعة صوبت لة فوة البندقية وماهى الا لحظات حتى كان ملقى على الارض مقفول وشاهدت ذلك المنظر بائعة شاى فنادت على وطلبت ان تشترى الغراب منى للانها تعانى من كثرتهم وصوتهم وازعاجهم لها وانها سوف تعلق هذا الغراب بجانبها حتى تمنع الغربان من الاقتراب بجانبها وجلست بجوارها واعدت لى كوب من الشاى رائع المذاق وقالت لى انها سوف تشترى الغراب بخمسة جنية واخرجت خمسة جنيهات وقالت لى استفتح ههههههههههههه فقلت لها لا انا عاوز عشرة حنية فى الغراب فامسكت بكيس وبدات تعد عشرة جنيهات فكة طبعا فضحكت ورجعت لها الفلوس واعطيتها ثمن عشرة جنية ثمن الشاى ورفضت ان تاخذ الفلوس واصريت وتركت لها الباقى وخلال تلك الفترة تجمع عدد رهيب من الغربان عشرات وعشرات على طائرهم القتيل يريدون اخذة و وكانوا متراصين على اعمدة النور باعداد كثيفة فبدات من جديد بضربهم وخلال دقائق معدوة اسقطت 12 غراب فكانت مذبحة ويوم اسود على الغربان وتجمع الناس مشجعين وفوجئت بام عبدة بائعة الشاى تحضر كيسا كبيرا تلم فية الغربان وتركت فرشة الشاى ومشت ورائى كانها تحتكر قنصى وهممت بالانصراف بعد ان مكثت اكتر من نصف ساعة ومشيت مسافة لا باس بها انتظر السائق لكى يحضر لى بالسيارة وفجاة شاهدت احد العمال يحمل كيسا صغيرل فى يدة يخرج منة بعض الريش وتبينت انة غراب فسالتة انت واخد الغراب دة لية قال علشان اعلقة فى البلد علشان امنع الغربان قلت لة انت جايبة منين قال اشتريتة من ام عبدة بتاع الشاى فسالتة عن الثمن فاجاب اخدتة لقطة بعشرين جنية وهو يساوى اكتر من كدة ههههههه فايقنت ان ام عبدة بتاعة الشاى فعلا بزنس ومن ههههههه ووصلت الى اكتوبر الساعة الثامنة صباحا وتربصت على احد المساجد العالية الذى يقف علية حمام وخلال ساعة اقتنصت 6 حمامات واربعة يمامات اغلبها من ارتفاعات عالية ولكن الديانا كانت فتاكة وفعالة وكانت لهم بالمرصاد و وعلى قمة عالية من المسجد شاهدت فرد حمام فضربتة ونزل كانة طيارة ميج تسقط على الارض الا انة كان مصابا فى جناحة وبدأ فى الجرى وسط العربيات وكان شكلة غريب جداااااااا ومنظرة جميل وجريت ورائة الا انة دخل تحت اتوبيس فطاردتة حتى خرج وبدا فى الجرى من جديد ودخل تحت العديد من السيارات فى عرض الشارع وتوقف المرور نهايا لمطاردتى لة الا ان نجحت فى النهاية من اسرة حيا وكان حجمة كبير وشكلة غريب جدااااااااا وفى النهاية اشكركم واسف للاطالة وارجو التقييم

[hesham[MaFya]a]

السلام عليكم ...

جاااااااامدة اوى دماغ ام عبده ديه ههههههههه

بس المهم انها رحله موفقة.. الله ينور.

[NEW_Year]

طلعة جميلة وموفقة حمدلة علي السلامة
تبيع الغرباب بكام ؟
هعلقة علي باب الشقة علشان اعرفهم اني سرش وصياد كمان ههههههههههههههه
بس انا مش هعمل زي ام عبدة ابيعو واكسب فية هو هاخدو ب 10 وابيعو لام عبدة ب 15
ههههههههههه

طلعة جميل وبالتوفيق

[Orabi]

ما شاء الله يا فندم صيد جميل و صياد أجمل و الأجمل بتاعة الشاي ههههههههه
أحلي تقييم علي الموضوع الجميل.

[قناص المنوفيه]

الله ينور ع الشغل الجامد يا عمو ايه الحلاوه دى بجد
كده انت رجعت ايام زمان تانى يا برنس
واحلى تقيييم واعتقد ان فرد الحمام ده زاجل

[هشام سمير]

سرد رائع جداً لرحلة الصيد واعلى تقييم لعيونك
بس ممكن توصل تحياتى لـ ام عبده

[hai_rak]

ما شاء الله

[dr_mohasan]

موفق دائماً يا باشا

أحلى حاجة الراجل اللى اشترى الغراب لقطة بعشرين جنيه

ههههههههه

[القناص فليفل]

شكرا هشام بك على زوقك وتشجيعك

[القناص فليفل]

اخى نيويير ههههههههههه ماشاء اللة دمك خفيف اية رايك نعمل شركة لبيع الغربان ونخلى ام عبدة رئيسة مجلس الادارة ههههه

[القناص فليفل]

استاذ عرابى دائما تشرفنى بتعليقاتك الجميلة وتشجيعك المستمر انت فعلا انسان خلوق

[القناص فليفل]

بركاتك يا دكتور احمد يا قناص المنوفية انت حركت بركان الصيد الدفين عندى هههههههههه

[القناص فليفل]

ههههههههههه استاذ هشام سمير واللة عسل حاضر ها اوصل سلامك للام عبدة وها اجيب لك الاكونت بتاعها على الفيس كمان ههههههههههههههههه

[القناص فليفل]

دكتور محسن يسعدنا تشجيعك المستمر لى واية رايك فى سعر الغراب الراجل انضحك علية ولا اية طب اية رايك نجيب غربان من الصين ارخص ههههههههههههه

[القناص فليفل]

اشكرك اخى هاى رك على ردك الجميل

[ابو مروان]

ههههههههه_قصة قصيرة _ جميله _زمان ام عبدة وابو عبدة وعبدة بيدعو لحضرتك 12 غراب يعنى 120 جنية_ فرد الحمام الصاحى دة فى رجلة دبلة يا باشا ؟ لو فى رجلة دبلة اعتقد انة رماية لانى شاكك فية

[ĴΘĶЄЯ]

تسلم ايدك
قصة روعة وصيد اروع
بالهنا والشفا
تقبل خالص تحياتى

[omarara]

ما شاء الله ده حضرتك كمان من اكتوير يعنى جيران يبقى لازم ننزل مع بعض إن شاء الله

[تامر عصام]

يا سلام لو الواحد يلاقى الكلام ده و هو رايح الشغل كل يوم زى حضرتك كده معلش أنا بحسدك
وعلى فكرة سردك للموضوع كأنك كاتب قصة قصيرة بالضبط أعتقد ان حضرتك ممكن تكون لك ميول أدبية
عايز أسأل حضرتك لماذا تفصل الرأس نهائى للطير هل لذلك هدف معين

[ابو عامر]

الله ينور طلعه جميله بس لو ام عبده ليها فرع هنا نا عملنا احلى بزنس هههههههههه

[mustafa-amer]

المشاركة الأصلية كتبت بواسطة القناص فليفل

مساء الخير على كل الاعضاء المحترمين وقناصى المنتدى فى طلعة خفيفة بدأت الساعة السابعة صباحا بدات رحلة صيد قبل العمل واثناء سيرى بمنطقة الرماية بالهرم شاهد غرابا على احد الاعمدة وكان هدف جميل صدرة متجة لى تماما فنزلت من السيارة وبسرعة صوبت لة فوة البندقية وماهى الا لحظات حتى كان ملقى على الارض مقفول وشاهدت ذلك المنظر بائعة شاى فنادت على وطلبت ان تشترى الغراب منى للانها تعانى من كثرتهم وصوتهم وازعاجهم لها وانها سوف تعلق هذا الغراب بجانبها حتى تمنع الغربان من الاقتراب بجانبها وجلست بجوارها واعدت لى كوب من الشاى رائع المذاق وقالت لى انها سوف تشترى الغراب بخمسة جنية واخرجت خمسة جنيهات وقالت لى استفتح ههههههههههههه فقلت لها لا انا عاوز عشرة حنية فى الغراب فامسكت بكيس وبدات تعد عشرة جنيهات فكة طبعا فضحكت ورجعت لها الفلوس واعطيتها ثمن عشرة جنية ثمن الشاى ورفضت ان تاخذ الفلوس واصريت وتركت لها الباقى وخلال تلك الفترة تجمع عدد رهيب من الغربان عشرات وعشرات على طائرهم القتيل يريدون اخذة و وكانوا متراصين على اعمدة النور باعداد كثيفة فبدات من جديد بضربهم وخلال دقائق معدوة اسقطت 12 غراب فكانت مذبحة ويوم اسود على الغربان وتجمع الناس مشجعين وفوجئت بام عبدة بائعة الشاى تحضر كيسا كبيرا تلم فية الغربان وتركت فرشة الشاى ومشت ورائى كانها تحتكر قنصى وهممت بالانصراف بعد ان مكثت اكتر من نصف ساعة ومشيت مسافة لا باس بها انتظر السائق لكى يحضر لى بالسيارة وفجاة شاهدت احد العمال يحمل كيسا صغيرل فى يدة يخرج منة بعض الريش وتبينت انة غراب فسالتة انت واخد الغراب دة لية قال علشان اعلقة فى البلد علشان امنع الغربان قلت لة انت جايبة منين قال اشتريتة من ام عبدة بتاع الشاى فسالتة عن الثمن فاجاب اخدتة لقطة بعشرين جنية وهو يساوى اكتر من كدة ههههههه فايقنت ان ام عبدة بتاعة الشاى فعلا بزنس ومن ههههههه ووصلت الى اكتوبر الساعة الثامنة صباحا وتربصت على احد المساجد العالية الذى يقف علية حمام وخلال ساعة اقتنصت 6 حمامات واربعة يمامات اغلبها من ارتفاعات عالية ولكن الديانا كانت فتاكة وفعالة وكانت لهم بالمرصاد و وعلى قمة عالية من المسجد شاهدت فرد حمام فضربتة ونزل كانة طيارة ميج تسقط على الارض الا انة كان مصابا فى جناحة وبدأ فى الجرى وسط العربيات وكان شكلة غريب جداااااااا ومنظرة جميل وجريت ورائة الا انة دخل تحت اتوبيس فطاردتة حتى خرج وبدا فى الجرى من جديد ودخل تحت العديد من السيارات فى عرض الشارع وتوقف المرور نهايا لمطاردتى لة الا ان نجحت فى النهاية من اسرة حيا وكان حجمة كبير وشكلة غريب جدااااااااا وفى النهاية اشكركم واسف للاطالة وارجو التقييم

عجبتني القصة و اللي تحسبه موسى يطلع بزنس مان

هي الغربان دي مين اللي جابها مصر يوسف والي و لا مين

و مبروك الحمام و الديانا لا ترحم

تحياتي

[Angel]

هههههههههههههههه طلعة من الاخر يا باشا و ناس عجب واللهى
طلعة موفقة و جميلة ماشاء الله

[mohd_wafik]

ههههههههههههههههههه موضوع هايل بجد و اسلوب سرد الحوار رائع جداا تقبل تحياتي

[aymank2]

المشاركة الأصلية كتبت بواسطة القناص فليفل

اخى نيويير ههههههههههه ماشاء اللة دمك خفيف اية رايك نعمل شركة لبيع الغربان ونخلى ام عبدة رئيسة مجلس الادارة ههههه

تسلم ايديك يا باشا على كده احنا كلنا هنسيب صيد الحمام واليمام ونصطاد غربان ونبيعها لام عبده ههههههه بالنسبه لفرد الحمام ده حمام جمعيات ولونه اسمه مفصص جمعيه وده باين من لون عنيه ومن الخنشور بتاعه مناخيره يعنى ولو كان متسجل فى الجمعيه يعنى متركب اسوره بلاستك فى رجله يبقى فرد اصيل وسعره غالى جدا ممكن يوصل لاكتر من الف جنيه.

[hell007_hell]

الست مش عاتقة

مشاريب و غربان !!!!!!!

يا ليلة بيضا ..... احنا المصريين جبابرة ..... لو عاوزين نبيع التراب هنبيعه

[القناص فليفل]

اشكرك استاذ مصطفى امير فعلا الغربان انتشرت بصورة فظيعة والبركة فى يوسف والى ههههههههه

[عادل عبده]

وضوع فوق الرائع طريقه سرد فوق الممتازه بجد
تحياتى لحضرتك يافندم على الموضوع والمجهود الكبير
اسف جدا لانى دخلت الموضوع متأخر
مش قادر امسك نفسى من الضحك ولا الاعجاب بأم عبده فعلا عقليه جبارهفعلا
تحياتى يا باشا وطلب صغير بس عشان كيمو الصعيدى ميزعلش لو الفرد ده زاجل عالجه وطيره يمكن يرجع لصحبه وتكسب ثواب لانههبيبقى غالى جدا
تحياتى يا باشا واسئل الله ان يجمعنى على خير

[القناص فليفل]

اللة عليك دكتور حسن فعلا لا استطيع ان ارد رد ابلغ ولا احسن من ردك وردك لا ياتى الا من صياد لة خبرة طويلة وباع كبير بالصيد للان دة اللى حصل معايا وانا ضربتها على مسافة لاتقل عن خمسين متر بدون تلسكوب ولم استطع ان اميزها على الاطلاق وانا مش خارق اوووووى علشان اقدر اشوف فى رجلها حلقة ولا لا على المسافة دى كلها وهى ما كانش فى رجلها اى حلقة وعلى فكرة المسجد بة اعداد تسكنة من هذة النوعية الزاجلة من الحمام وشكرا لك

[القناص فليفل]

اشكرك استاذ محمد وفيق على زوقك وتحياتى لشخصك الكريم

[القناص فليفل]

استاذ عادل عبدة لك من عظيم الشكر على زوقك وتشجيعك لى بس واللة الحمام دة مش بتاع حد وساكن فوق الماذنة واكيد هتلاقى فية اعداد منة تحياتى

[وليد سعد زغلول]

بسم الله ما شاء الله عليك يا سيادة المستشار قناص كبير ورحلة موفقة ورائعة وتقبل تحياتي ودمت في أمان الله تعالى

[ابوشهد]

رحلة جميلة

[محمد صلاح الدين]

--------------------------------------------------------------------------------

ماشاء اللة عليك محمود باشا
حضرتك واللة صياد بالفطرة تسلم يمينك الديانا تحولت معاك لبندقية قناصة مش بندقية رش

طلعة موفقة واسلوب راقى فى السرد

[ابو مروان]

حمام المايات دة بيكون حجمة كبير قد الفرخة كدا ودة اللى خلانى من زماااااااااان ضربت فرد منهم كان واقف وسط الحمام البرى انا بصراحة قلت دة فرد برى كبير وضربتة وكان معايا صديق وفثانية امسك امسك ادبح وبعد لما دبحتة لقيت الرشاية فى جناحة وجسمة سليم تماما والاقى فى رجلة دبلة فيبر شفاف وعليها رقم سريال _انا كنت صغير فى السن يعنى حوالى 18 ستة او اصغر المهم احتفظت بالدبلة دى سنين وفمرة سالت واحد قابلتة بيربى حمام رمايات وسالتة عن الفرد دة قالى ان الرقم السريال دة بتاع جمعية الحمام الزاجل والفرد دة غالى _بس قالى مدام كان واقف مع الحمام البرى يبقى فرد غبى لان الفرد الصح ياخد المشوار بتاعة مرة واحدة ما بيريحش_ودى حكاية فرد الرماية اللى انا لسة فاكرة من سنين _وطبعا ما حدش بيكون متعمد يصتادة

[dr_mohasan]

فيه طرق كتير احنا عارفينا من خبرة الصيد اننا نعرف الحمام البرى بغض النظر عن شكله , بإننا نراقب و نلاحظ أماكن السكن (المبيت) بتاعته والتى غالبا ما تكون فى مبانى قديمة , أو أماكن الشرب بتاعته ... وهكذا

[محمد المهدى]

الف تحية لسيادتكم فى الرحلة القصيرة الموفقة و تحية كبيرة الى ام عبدة !

[Bebeto]

تحية كبيرة للاستاذ القناص الكبيير و تحية اكبر للحاجة ام عبده
:d

[القناص فليفل]

اشكرك يا قناص انجل على زوقك واتمنى ان نتقابل عما قريب ان شاء اللة فى رحلة كبيرة

[القناص فليفل]

هههههههههه صح كلامك يوم ماتعوز تنشل لازم تصيب ابلغ تحياتى لشخصك الكريم

[ِAhmedAlaa2007]

بسم الله ما شاء الله طلعة موفقة والديانا قامت بالواجب وده طبعا لان اللي بيستخدمها قناص زي حضرتك (( بسم الله ما شاء الله 12 غراب ده انا يوم ما وقعت غراب كنت طاير من الفرحة ههههههههههه ))
واكتر حاجة عجبتني ذكاء المصريين متمثل في ام عبده طبعا والله حكاية عجيبة
بالتوفيق

[القناص فليفل]

شكرا لكم جميعا وام عبدة بتسلم عليكم هههههههههه وشكرا على التشجيع

[القناص فليفل]

شكرا بيبيتو على زوقك

[أبو صفية]

ما شاء الله صي جميل و بندقية جميلة و صياض أجمل و بائعة شاى صحيح بيزنس و من يا خوفى لما تلاقى سوق الغربان مزهزه معاها تأجرهم و يبقى المكسب أكبر

[القناص فليفل]

ههههههههههههههههههه عسل يا ابو صفية تبقى تاجرة غربان ههههههه

[abdoweb]

بجد طلعة جامده
ومش معمول حسابها

تسلم ايدك
عاوزين نتعرف علي حضرتك يا صياد يا كبير

[القناص فليفل]

انا تحت امرك استاذ عبدة انت منور المنتدى

[NewSomeBody]

المشاركة الأصلية كتبت بواسطة ابو مروان

حمام المايات دة بيكون حجمة كبير قد الفرخة كدا ودة اللى خلانى من زماااااااااان ضربت فرد منهم كان واقف وسط الحمام البرى انا بصراحة قلت دة فرد برى كبير وضربتة وكان معايا صديق وفثانية امسك امسك ادبح وبعد لما دبحتة لقيت الرشاية فى جناحة وجسمة سليم تماما والاقى فى رجلة دبلة فيبر شفاف وعليها رقم سريال _انا كنت صغير فى السن يعنى حوالى 18 ستة او اصغر المهم احتفظت بالدبلة دى سنين وفمرة سالت واحد قابلتة بيربى حمام رمايات وسالتة عن الفرد دة قالى ان الرقم السريال دة بتاع جمعية الحمام الزاجل والفرد دة غالى _بس قالى مدام كان واقف مع الحمام البرى يبقى فرد غبى لان الفرد الصح ياخد المشوار بتاعة مرة واحدة ما بيريحش_ودى حكاية فرد الرماية اللى انا لسة فاكرة من سنين _وطبعا ما حدش بيكون متعمد يصتادة

كلامك مظبوط ياابو مروان بس ده كان زمان
انما دلوقتى الدبل بتتعمل بالطلب وبينكتب فيها الاسم ورقم الموبايل واى سيريال ومش بتكون مسجلة بأي جمعيات
وكمان انا لو عندى فرد حمام مسابقات محترم وصافي عمري ما هجازف واسيبه طاير فى الجو
بس فرد الرماية ده اهالي مش بري والله اعلم
بس طبعا القناص له عزره لان المسافة بعيدة وصعب يميز خصوصا انه واقف وسط حمام بري
وتسلم الايادي يا قناص على الطلعة الموفقة وما شاء الله الجوامع عندكم معشش فيها حمام .. احنا عندنا بيعشش فيها صقور وبوم ههههههه
وسلامي للمحنكة ام عبده وده رزقها وربنا ما يحكمها على غلابة هههههههه

[ابو مروان]

شكرا للزميل نيو سوم بودى _على التوضيح هو فعلا الكلام اللى باحكى فية من سنين طويلة_كل حاجة بتطور انما حضرتك قريت خبر السعودى اللى اتحط لية 2 ملايون ريال تمن لفرد حمام وهو ما رضيش؟؟؟؟ الكلام دة قريتة على شريط الاخبار فى التليفزيون من اسبوع كدا

[NewSomeBody]

المشاركة الأصلية كتبت بواسطة ابو مروان

شكرا للزميل نيو سوم بودى _على التوضيح هو فعلا الكلام اللى باحكى فية من سنين طويلة_كل حاجة بتطور انما حضرتك قريت خبر السعودى اللى اتحط لية 2 ملايون ريال تمن لفرد حمام وهو ما رضيش؟؟؟؟ الكلام دة قريتة على شريط الاخبار فى التليفزيون من اسبوع كدا

العفو يافندم مفيش داعي للشكر
واه بيحصل كده واكتر من كده .. والحقيقة انا مااحبش تربية الحمام اطلاقا بس اخويا غاوي ووارث غية عن والدي الله يرحمه
وبسمع منه اسعار فلكية واوقات بنزل معاه اسواق للحمام بشوف العجب فيها
ده غير المعارض الخاصة بالحمام وبيكون فيها حمام روعة
وفى النهاية كل انسان وله هوايته بس الحمدلله انى مش منهم ههههههه

[القناص فليفل]

اشكرك على كلامك الجميل وشرحك الوافى اخى القناص نيوصم بودى

[NewSomeBody]

الشكر موصول ليك يافندم على مواضيعك الرائعة
اخوك احمد النحاس

[sniper falkon]

تسلم الايادي يا باشا ومبروك على ام عبده صفقة الغربان هههههههههههههههههه

[M.Hatem]

هو الكلام ده في موقف الاسكندريه هرم مشعل ؟؟؟

[besho]

جامده و نفسي اصطاد اوطلع مع اي حد عشان والدتي بتخاف عليا لصغر سني 13 سنه

[darkshaft]

ههههههه انا بقيت متابع لقصص حضرتك هنا بالذات لخفه دمها،و مشاء الله قناص نمره ١.

[Karim Eid]

ماشاء الله يا باشا صيد ولا اروع
بس ابقى خلي بالك من انواع الحنام لاحسن بيبقى فيه منهم بيبقى بتاع ناس

[LionHeart]

هههههههههههههههههه
انا من راقيى تفتح مصلحه مع ام عبده والاخوه القناصه توردلكم الغربان

[الجندي المصري]

بسم الله مشاء الله طائر جميل