سؤال لخبراء النوريكا

[ابو مروان]

السادة خبراء النوريكا والبنادق الاخرى فى المنتدى سلام الله عليكم وطابت اوقاتكم_انا معايا النوريكا 73 لسه جايبها من شهر وطلعت كذا مرة بس لسة ما ولفتش على النيشان ما فيش هارمونى يعنى هدف على بعد 5 متر ما يجيش وهدف على بعد 20 متر ينزل مقفول.......صوت البندقية ساعة الضرب السوستة فيها زنة كدا هل من شدة السوستة؟ هل ممكن تركيب سوستة تيتان ليها .......انا ممكن اجيب سوستة من السعودية وعايز اسال هى سوستة النوريكا 73 كام حلقة عشان لما اعوز اجيب واحدة تيتان....سالت كتير وطولت بس دة من العشم

[تيكا]

بعد اذنك يا باشا جبتها بكام ؟

[القبطان المصرى 77]

انا هاجاوبك على اول سؤال بس لأن الطريقه واحده فى كل البنادق
انت بتضرب هدف على 20 متر بيجى معاك صح
وطبعا انت بتنشن فى اسفل منتصف الهدف زى مالكتاب بيقول
لكن 5 متر لازم وانت بتنشن على الهدف خلى نشانك فى منتصف التلت الاعلى من الهدف
وليس اسفل منتصف الهدف
يعنى بالبلدى الطلقه عند الضرب على 5 متر بتيجى اسفل النقطه اللى انت منشن عليها بحوالى 3 او 5سنتى
ليييييييييه ؟؟
عشان منحنى مسار الطلقه وهى خارجه من السلاح بتكون فى اسفل منحنى لها
وكل مالمسافه بتزيد الطلقه بتاخد كرف لأعلى
وبعد مسافه كبيره حوالى 30 او 40 متر بتاخد كرف تانى لأسفل

[ابو مروان]

يا سلام عليك يا قبطان_عشرة على عشرة هو فعلا كدا بالتمام _بس انا كنت باضرب بالشنغهاى الصينى _المسافات القريبة قوى فى نصها وكانت بتيجى صح الصح_يمكن عشان ضعيفة شوية_انما النوريكا الرشاية فعلا بتيجى فى اليمامة وتريش بتيجى فى ديلها او فوقه بشوية _فى المسافات الاقل من 10 متر _هاعمل بنصيحتك واضرب اعلى الصدر وبكدة تيجة فى الصدر_فى المسافات القريبة_جزيل الشكر يا ابو القباطين

[ابو مروان]

استاز تيكا انا جايب البندقية من زميل عزيز فى المنتدى مستعملة بس استعمال راقى

[mody_kamal]

القبطان ده برررررررررررررررررنس برنس برنس يعمي

[DeCo]

المشاركة الأصلية كتبت بواسطة القبطان المصرى22

انا هاجاوبك على اول سؤال بس لأن الطريقه واحده فى كل البنادق
انت بتضرب هدف على 20 متر بيجى معاك صح
وطبعا انت بتنشن فى اسفل منتصف الهدف زى مالكتاب بيقول
لكن 5 متر لازم وانت بتنشن على الهدف خلى نشانك فى منتصف التلت الاعلى من الهدف
وليس اسفل منتصف الهدف
يعنى بالبلدى الطلقه عند الضرب على 5 متر بتيجى اسفل النقطه اللى انت منشن عليها بحوالى 3 او 5سنتى
ليييييييييه ؟؟
عشان منحنى مسار الطلقه وهى خارجه من السلاح بتكون فى اسفل منحنى لها
وكل مالمسافه بتزيد الطلقه بتاخد كرف لأعلى
وبعد مسافه كبيره حوالى 30 او 40 متر بتاخد كرف تانى لأسفل

يا قبطان مش لو انت مضبط على عشرين متر مثلا وتضرب ابعد تضرب فوق الهدف
ولو بتضرب اقرب تضرب تحت الهدف ولا ايه؟؟

[القبطان المصرى 77]

المشاركة الأصلية كتبت بواسطة deco

يا قبطان مش لو انت مضبط على عشرين متر مثلا وتضرب ابعد تضرب فوق الهدف
ولو بتضرب اقرب تضرب تحت الهدف ولا ايه؟؟

تمااااااااااااااااااااااااام ياغالى
الله ينور عليك

[القبطان المصرى 77]

المشاركة الأصلية كتبت بواسطة ابو مروان

يا سلام عليك يا قبطان_عشرة على عشرة هو فعلا كدا بالتمام _بس انا كنت باضرب بالشنغهاى الصينى _المسافات القريبة قوى فى نصها وكانت بتيجى صح الصح_يمكن عشان ضعيفة شوية_انما النوريكا الرشاية فعلا بتيجى فى اليمامة وتريش بتيجى فى ديلها او فوقه بشوية _فى المسافات الاقل من 10 متر _هاعمل بنصيحتك واضرب اعلى الصدر وبكدة تيجة فى الصدر_فى المسافات القريبة_جزيل الشكر يا ابو القباطين

المشاركة الأصلية كتبت بواسطة mody_kamal

القبطان ده برررررررررررررررررنس برنس برنس يعمي

مشكورين جدا ياجماعه
والله مش عارف اقول ايه
وده كتير عليا
صباحكم زى الفل جميعا