عملت جراب للبندقية بنفسي+الصور

TELEBK · 11-03-10, 02:32 PM

السلام عليكم ورحمة الله وبركاته
الحمد لله إشتريت بندقية نمره 2 ، بس قابلتني مشكلة وهيه إنها من غير جراب بالكرتونه ، وكان صعب التنقل بيها لوحدها علشان ماتتبهدلش ، رحت عند أبو ضيف وسألت علي الجراب ، قالولي المحل إتعرض للسرقة وكل حاجة إتسرقت فيه ، وجابت ليه جراب قماش ووتر بروف أكنه طالع من تحت بلدوزر ومقطع ومبهدل ، وقالت ليه 100 جنيه وهوه مايستاهلش 30 جنيه علي بعض ، المهم إستخرت ربنا وقولت أعمل جراب جلد للبندقية ، وخصوصا إني الحمد لله بعرف أعمل الحاجات ديه ومدرب عليه نتيجة دراستي في الكلية وحبيت أنقل ليكم خطوات تصنيعة والخامات إللي إتصنع منها وأماكنها وأسعارها .
ملحوظة : آسف لعدم إدراج صور مراحل التصنيع لعدم توافر الكاميرا معي في هذا الوقت ، وقمت بإدراج صور الجراب بعد الإنتهاء منه فقط .
أولا : الأدوات :
1 - نصف متر جلد سكاي " اللون المفضل لديك " - السعر 11 جنيه - من عند بتوع الجلود في العتبه أو من عند أي حد بيبع جلد لكسوة العربيات وفرشها .
2- نصف متر جلد سكاي " لون آخر " - السعر 11 جنيه .
3 - فرخ سفنج للتبطين تخانة 0.5 سم " نصف سم " - السعر 6 جنيه - من عند بتاع الجلد .
4 - 5 متر حبل لعمل كردون أو حرف حول الجراب من الخارج - السعر 2 جنيه _ من عند بتاع الجلد .
5 - 2 علبه غراء سريع " كله " ربع كيلو - السعر 3 جنيه للواحدة - 6 جنيه لعدد 2 - من عند بتاع الجلد .
6 -2 متر سوسته عظم من عند العقاد + الجرارات بتاعتها - 8 جنيه .
7 - 5 متر شريط يد " حزام " أسود أو اللون المتوافر من عند العقاد - السعر 10 جنيه .
8 - بطانه قماش أو قطيفة - وديه ممكن تكون فضلة موجوده في أي بيت وفي حالة عدم وجودها نشتريها نصف متر من عند بتاع القماش وهيه مش غالية .
9 - أبلاكاش 4 مم لتقويه ظهر الجراب - من 8:10 جنيه - من عند أي نجار .
ثانيا : الخطوات :
1- تجيب البندقية وتحطها في الجلد الأساسي بتاعك وترسم شكلها وتزود عليه مسافة 10 سم داير مايدور " لزوم التني والخياطة " وتقصها .
2- تحيب الحبل وتحطه في الجلد اللون التاني وتقص شريط عرضة 5 سم وتلصق حروفه بالغراء وتنتظر 10 دقائق وتلصقهم مع بعض يديلك شكل الحزام .
3 - تلصق الحزام الجلد علي حرف الجراب الأساسي بالغراء السريع ثم تقوم بتبطين الجراب من الداخل بالأسفنج .
4 - ترسم وتقطع أشكال الجيوب إللي حضرتك محتاجها في الجراب من الخارج وتزود عليها 5 سم داير مايدور وبتطنها بالأسفنج وتغطيها بالقماش أو الكسوة الموجودة .
5 - تقطع الأبلاكاج علي أد نصف الجراب " الظهر " وده ممكن يبقي عند النجار علي طول وإنت بتشتري الأبلاكاج يقطعهولك ، وممكن ترسم الشكل إللي إنت عايز تقطعة علي قطعة ورقة جرنال وتديها له يقطع عليها .
ملحوظة : ممكن تعمل من نوع الجلد التاني إللي إتعمل منه الحزام تقويات في الجراب الأساسي من الداخل عند أماكن تثبت الأحزمة واليدات وما تراه مناسبا في الجراب الخاص بك .
**** كده وصلنا إلي إكتمال مراحل التجهيز وبكده نوصل إلي مرحلة التجميع .
ثالثا : التقفيل :
وده بيكون عند إي واحد بتاع تصليح شنط ومش جرمجي لازم بتاع شنط ، وبتسايسة وتمشي معاه واحدة واحده وتفهمة المطلوب بالضبط وتاخد معاك البندقية علشان كل شوية تقيس ويقيس عليها أثناء الخياطة ، وبعد الإنتهاء من الخياطة يقفلهولك ببرشام زياده في المتانة وتدي شكل جميل وأخد مني مقابل التقفيل والخطافات للحزام الخلفي 40 جنية .
***** تقريبا التكلفة الإجمالية بتكون في حوالي 100 جنيه ، يعني هيه غالية شوية بس بنعمل جراب علي أد البندقية بالظبط ، وبكون جلد وحاجة محترمة ولا جشع التجار وغلاستهم .
وبالتوفيق إن شاء الله
د / خالد
ودلوقتي مع الصور

محمد متولى · 11-03-10, 02:43 PM

اخيرا لاقيت موضوع يستاهل الرد
تسلم يا جميل الجراب ممتاز بس انتا نسيت تحط جيوب للرش والسكينة

TELEBK · 11-03-10, 02:45 PM

اقتباس:

المشاركة الأصلية كتبت بواسطة محمد متولى

اخيرا لاقيت موضوع يستاهل الرد
تسلم يا جميل الجراب ممتاز بس انتا نسيت تحط جيوب للرش والسكينة

الجيوب موجود وباينة في الصور وأنا كاتب عليها ومعلم عليها بالأسهم ، وشاكر لحضرتك لمرورك الكريم .

waleed2000s2 · 11-03-10, 02:45 PM

الجراب ممتاز جدا وكل واحد يطور حسب الاحتياج

TELEBK · 11-03-10, 02:48 PM

اقتباس:

المشاركة الأصلية كتبت بواسطة waleed2000s2

الجراب ممتاز جدا وكل واحد يطور حسب الاحتياج

شارك لحضرتك تشجيعك الكريم ، وعلي رأي المثل " الحاجة أم الإختراع " وإحنا الحمد لله شعب ذكي ولماح ، ومفيش حاجة بتقف إدامنا ، لما بنعوز نعمل حاجة نحطها في دماغنا ونعملها .

braveheart · 11-03-10, 03:18 PM

فوق الممتاز ... و فكرة جميلة و موفرة و عملية ... فعلا برافو عليك .. بالتوفيق.

ahmed_su · 11-03-10, 03:21 PM

الله ينور ...

احب اللى يشتغل بأيده 10/10

msa_79 · 11-03-10, 03:30 PM

فعلا امتع حاجه انك تعمل حاجه بإيدك

doos99 · 11-03-10, 03:45 PM

فكره رائعه تسلم ايدك يا ريت تعمل واحد كمان للمسدسات و تصور لنا خطوات العمل

TELEBK · 11-03-10, 04:17 PM

اقتباس:

المشاركة الأصلية كتبت بواسطة doos99

فكره رائعه تسلم ايدك يا ريت تعمل واحد كمان للمسدسات و تصور لنا خطوات العمل

الحقيقة حكاية جراب المسدسات ديه معرفهاش لإن أنا أمتلك بنقدقية ، وعلي أساسها أخدت المقاسات وفصلت الجراب عليها ، وإللي دفعني لكده إني مالاقيتش الجراب بيتباع والموجود سيئ جدا ، لكن جرابات المسدسات موجوده بكثره اليومين دول وأسعارها مش غالية .
وعلي العموم أنا تحت أمر أي حد في أي سؤال يحتاجة .

TELEBK · 11-03-10, 04:21 PM

اقتباس:

المشاركة الأصلية كتبت بواسطة msa_79

فعلا امتع حاجه انك تعمل حاجه بإيدك

اقتباس:

المشاركة الأصلية كتبت بواسطة braveheart

فوق الممتاز ... و فكرة جميلة و موفرة و عملية ... فعلا برافو عليك .. بالتوفيق.

اقتباس:

المشاركة الأصلية كتبت بواسطة ahmed_su

الله ينور ...

احب اللى يشتغل بأيده 10/10

شاكر ليكم تشجيعكم ليه ، وده بيعكس روح المحبة والإحترام إللي أنا حسيته من وقت دخولي المنتدي ده ، بارك الله فيكم ، وأنا علي أتم الإستعداد للإفاده والرد علي أي إستفسار فني ، فمجال عملي هو الفن التشكيلي والتدريس بالجامعة لهذا الفن والفنون المهارية واليدوية .

waleedrahmy · 11-03-10, 05:47 PM

صدقت فأوفيت يا د/خالد..........فكرة جميلة وتنفيذ اجمل وموضوع مرتب ومنسق ومسلسل ومصور.......الصراحة رائع وبراف______________و ....... فن_________ان دكت___________ور صحيح

TELEBK · 11-03-10, 05:50 PM

اقتباس:

المشاركة الأصلية كتبت بواسطة waleedrahmy

صدقت فأوفيت يا د/خالد..........فكرة جميلة وتنفيذ اجمل وموضوع مرتب ومنسق ومسلسل ومصور.......الصراحة رائع وبراف______________و ....... فن_________ان دكت___________ور صحيح[/color][/i][/b]

شكرا ياباشمهندس ، وشاكر ليك تشجيعك ليه ، وده شرف إنه عجب حضرتك ، وأنا تحت أمر حضرتك في أي مشورة تحتاجها بإذن الله .

waleedrahmy · 11-03-10, 05:55 PM

ما تحرمش منك يا دكتور ولا شكر علي واجب حضرتك ابدعت فعلا

lastworld · 11-03-10, 06:19 PM

فكره جميله و عاليه قوى
ربنا يخليك عالافكار اللى مالهاش حل دى

محمد السيد فهيم · 11-03-10, 06:42 PM

بجد رائع تسلم ايدك

احمد العوضى · 11-03-10, 06:48 PM

ايه الجمال والحلاوه ده اللللللللللللللللللللللللللللللله عليك

ahmedabutaleb · 11-03-10, 08:21 PM

فكرة رائعة ياباشا

khaledshareef · 11-03-10, 08:55 PM

الله ينور يا دكتور
الى مزيد من الاختراعات
بالتوفيق دائما

محمود شلبي · 11-03-10, 09:45 PM

المتعه انك عملته بنفسك وكان ممكن تشترى اسهل ولكن علمنى الصيد ولا تعطينى سمكه روح الصياد

TELEBK · 11-03-11, 12:24 AM

اقتباس:

المشاركة الأصلية كتبت بواسطة lastworld

فكره جميله و عاليه قوى
ربنا يخليك عالافكار اللى مالهاش حل دى

اقتباس:

المشاركة الأصلية كتبت بواسطة محمد السيد فهيم

بجد رائع تسلم ايدك

اقتباس:

المشاركة الأصلية كتبت بواسطة احمد العوضى

ايه الجمال والحلاوه ده اللللللللللللللللللللللللللللللله عليك

اقتباس:

المشاركة الأصلية كتبت بواسطة ahmedabutaleb

فكرة رائعة ياباشا

اقتباس:

المشاركة الأصلية كتبت بواسطة khaledshareef

الله ينور يا دكتور
الى مزيد من الاختراعات
بالتوفيق دائما

اقتباس:

المشاركة الأصلية كتبت بواسطة محمود شلبي

المتعه انك عملته بنفسك وكان ممكن تشترى اسهل ولكن علمنى الصيد ولا تعطينى سمكه روح الصياد

أنا سعيد بكل التعليقات وآراء حضراتكم الجميلة ديه والبناءة ، وده بالفعل بيحسسني بمدي الإحترام الموجود في المنتدي وفي أعضاءة الكرام ، وبيكون حافز ودافع للأمام إن الواحد يحاول يطور ويفكر ويبتكر ، ومش عيب إن الواحد يحاول ويجرب حتي لو فشل مره وإتنين وتلاته أكيد في النهاية حيوصل ، وده إللي بحاول أوصله للطلبة عندي في الكلية ، بأكرر شكري وتقديري لحضراتكم ، وأنا علي وعدي بإعطاء إي معلومة خاصة بمجال عملي في حدود علمي .

كريم الشامي · 11-03-11, 10:38 AM

تسلم ايدك الله ينور

chemist ahmed fathy · 11-03-11, 10:44 AM

السلام عليكم
ما شاء الله عليك ده الشغل ولا بلاش مش تقلى فتح الله وجرابات بتوع السلاح , فعلا الانسان لما بيوصل لهدفه بيحس بمتعه كبيره جدا .

TELEBK · 11-03-11, 10:54 AM

اقتباس:

المشاركة الأصلية كتبت بواسطة chemist ahmed fathy

السلام عليكم
ما شاء الله عليك ده الشغل ولا بلاش مش تقلى فتح الله وجرابات بتوع السلاح , فعلا الانسان لما بيوصل لهدفه بيحس بمتعه كبيره جدا .

وعليكم السلام ورحمة الله وبركاته
أشكر لك تعليقك الكريم ، ودايما الحاجة أم الإختراع ، والحقيقة لو كنت رحت ولقيت الجراب بيتباع بسعر كويس وخامة محترمة وجيدة مكنتش تعبت نفسي وعملته من منطلق " شراء العبد ولا تربيته " ، بس الظروف إللي بتمر بيها البلد وحالة السرقة اللي تعرضت ليها محلات السلاح ونهب جميع محتوياتها خلتني أفكر إزاي أوفره ليه بخامة محترمة وبسعر معقول ، وده إللي حصل ، وممكن أي حد من أعضاء المنتدي الكرام يعمله وأحسن إن شاء الله ، لإن ديه ميزه في الإنسان " المقدرة علي إيجاد الحلول للأشياء الغير متاحة " ، بأكرر شكري وتقديري لحضرتك .

TELEBK · 11-03-11, 10:54 AM

اقتباس:

المشاركة الأصلية كتبت بواسطة كريم الشامي

تسلم ايدك الله ينور

شكرا وجزاك الله كل خير ، وأنا تحت أمر حضرتك وأي حد من الأخوه الأعضاء في أي سؤال ومشورة بإذن الله تعالي .

mahmoud el masry · 11-03-12, 08:38 AM

والله حاجة حلوة اوى لما الحاجة بتعتك تبقى انت الى صنعها بنفسك عليها بصمتك:d

TELEBK · 11-03-12, 11:57 AM

اقتباس:

المشاركة الأصلية كتبت بواسطة mahmoud el masry

والله حاجة حلوة اوى لما الحاجة بتعتك تبقى انت الى صنعها بنفسك عليها بصمتك:d

أكيد وعند حضرتك حق ، وحاجة تانيه إنك بتعمل الحاجة علي قد المطلوب يعني مش بتجيب مثلا جراب يسع أي مقاس ، البندقية حتتحرك فيه ، لكن الواحد بيفصل علي أد البندقية أو أي شئ فبيطلع شكلة جميل ومحترم ومناسب ليها .

بندق · 11-03-12, 01:42 PM

السلام عليكم
بجد بجد الله ينور اجمل حاجه ان حضرتك تعمل كده بأيدك بس مش خساره في الشنغهاي ده يتحط فيها bsa _ gamo _ نوريكا حاجه كده يعني تليق بصنع اديك
يارب يباركلك فيه
السلام عليكم

TELEBK · 11-03-12, 02:09 PM

اقتباس:

المشاركة الأصلية كتبت بواسطة بندق

السلام عليكم
بجد بجد الله ينور اجمل حاجه ان حضرتك تعمل كده بأيدك بس مش خساره في الشنغهاي ده يتحط فيها bsa _ gamo _ نوريكا حاجه كده يعني تليق بصنع اديك
يارب يباركلك فيه
السلام عليكم

ياسيدي الفاضل متشكر علي مرورك الكريم ، وبعدين الشنغهاي ديه اول بندقية أمتلكها وبأتعلم عليها والحمد لله عليها ربنا يكرم ولما أتمكن إن شاء الله أبقي أجيب حاجه تانية ، وعلي العموم الشنغهاي مش وحشة اوي كده أنا شايف إنها مناسبة لواحد بيبتدي .
مع خالص شكري وتقديري

بندق · 11-03-12, 03:56 PM

السلام عليكم
متشكر جدا كنت عاوز اقول ان الجراب صنع اديك افضل بكتييييييييير
السلام عليكم

professional sniper · 11-03-12, 04:06 PM

ماشاء الله لاقوة إلا بالله
تسلم ايدك يا د/ خالد على المجهود الجميل ده , وإن شاء الله حضرتك تتحفنا بالمزيد من الاختراعات الجميله دى , وجزاك الله عنا كل خير .
تقبل مرورى ,,,

TELEBK · 11-03-12, 04:24 PM

اقتباس:

المشاركة الأصلية كتبت بواسطة professional sniper

ماشاء الله لاقوة إلا بالله
تسلم ايدك يا د/ خالد على المجهود الجميل ده , وإن شاء الله حضرتك تتحفنا بالمزيد من الاختراعات الجميله دى , وجزاك الله عنا كل خير .
تقبل مرورى ,,,

أشكر ذوقك العالي في التعبير ، بس هوه في الحقيقة مش إختراع ولاحاجة ده مجرد جراب أنا إحتجته وأي حد ممكن يعمله ، الموضوع بسيط جدا ومش معقد ، وبأكرر لو حد من حضراتكم حب يعمل أي حاجة أنا تحت أمره في أي سؤال ومشوره في حدود معرفتي .

Aboyassin · 11-03-12, 08:27 PM

فكرة جميلة جدا يا د/ خالد
أفادكم الله و جزاك الله خيرا.

TELEBK · 11-03-12, 11:58 PM

اقتباس:

المشاركة الأصلية كتبت بواسطة aboyassin

فكرة جميلة جدا يا د/ خالد
أفادكم الله و جزاك الله خيرا.

وجزاك أنت أيضا كل خير .

tamer_tatow · 11-03-13, 02:03 AM

عايزين صور للصيد يا دكتور ومبروك علي البندقية الجديدة

sam · 11-03-13, 05:18 PM

والله فنان تسلم ايدك يا هندسة

mohamed_salam · 11-03-14, 04:00 PM

السلام عليكم
الله ينور
و طبعا اختراعات سياتك لازم تستمر علشنا صح
ياريت تطورلنا اى حاجه جديده
منتظرين مشاركاتك بالتطوير دايما
تقبل مرورى

كريم محمد أحمد · 11-03-17, 03:15 PM

ما شاء الله لا قوة إلا بالله
على فكرة من أحسن الجربات اللى شفتها فى حياتى روعة روعة روعة
دى أول مشاركة ليا فى المنتدى
وانا برده وجهتنى نفس مشكلتك بندقية من غير جراب
بس انا عمات جراب أهبل من بنطلون جينز قديم
بس ايه جراب عايز الحرق
إن شاء الله هعمل جراب زى اللى حضرتك مقدمه ده
جزاكم الله خيرا

TELEBK · 11-03-17, 08:30 PM

اقتباس:

المشاركة الأصلية كتبت بواسطة mohamed_salam

السلام عليكم
الله ينور
و طبعا اختراعات سياتك لازم تستمر علشنا صح
ياريت تطورلنا اى حاجه جديده
منتظرين مشاركاتك بالتطوير دايما
تقبل مرورى

شاكر لذوق حضرتك ، وديه مش إختراعات ولا حاجة ديه إحتياجات بنتعرض إننا نحتاجها ونقتنيها علشان يكمل الشكل العام للشئ المتقتني ، وبأكرر شكري لحضرتك .
وبرضه فيه موضوع تاني إنا عامله عن " تحويل جراب الموبايل لجراب طلقات + الصور " ممكن حضرتك تشوفة وإن شاء الله تستفيد منه وده اللينك بتاعه .
http://www.egypthunt.net/showthread.php?t=5657
مع خالص تحياتي

TELEBK · 11-03-17, 08:33 PM

اقتباس:

المشاركة الأصلية كتبت بواسطة كريم محمد أحمد

ما شاء الله لا قوة إلا بالله
على فكرة من أحسن الجربات اللى شفتها فى حياتى روعة روعة روعة
دى أول مشاركة ليا فى المنتدى
وانا برده وجهتنى نفس مشكلتك بندقية من غير جراب
بس انا عمات جراب أهبل من بنطلون جينز قديم
بس ايه جراب عايز الحرق
إن شاء الله هعمل جراب زى اللى حضرتك مقدمه ده
جزاكم الله خيرا

بالتوفيق وأنا تحت أمر حضرتك في أي إستفسار وأي معلومة تفيد حضرتك .
مع خالص تحياتي

pooforever_2010 · 11-03-26, 04:02 PM

الف مبروك يا باشا على البندقيه الجديده ربنا يكفيك شرها
وبجد فكرة اكثر من ممتازة انا برده اوقات بعمل حاجه بايدى واوقات اكلفها اكتر من الجاهز
بس فيه فرحه بتحصل للواحد لما يعمل حاجته بايده تسوى كنوز الدنيا
جارى عمل جراب للمسدس ان شاء الله
ومبروك تانى يا باشا انا كنت حعمل نفس الموضوع لان جرابات المسدس مش عجبانى
وبعمل واحد جلد بس حضرتك سبقت واعجبنى ان فيه اخ محترم ليه نفس تفكيرى ومبدع كمان
تقبل مرورى
اخوك الصغير

TELEBK · 11-03-26, 08:28 PM

اقتباس:

المشاركة الأصلية كتبت بواسطة pooforever_2010

الف مبروك يا باشا على البندقيه الجديده ربنا يكفيك شرها
وبجد فكرة اكثر من ممتازة انا برده اوقات بعمل حاجه بايدى واوقات اكلفها اكتر من الجاهز
بس فيه فرحه بتحصل للواحد لما يعمل حاجته بايده تسوى كنوز الدنيا
جارى عمل جراب للمسدس ان شاء الله
ومبروك تانى يا باشا انا كنت حعمل نفس الموضوع لان جرابات المسدس مش عجبانى
وبعمل واحد جلد بس حضرتك سبقت واعجبنى ان فيه اخ محترم ليه نفس تفكيرى ومبدع كمان
تقبل مرورى
اخوك الصغير

شكرا لذوقك العالي ، وبإذن الله ربنا يوفقك في عمل الجراب للمسدس ، وأنا تحت أمر حضرتك في أي إستفسار بإذن الله .

aymoon_apl · 11-03-27, 12:01 PM

حقيى تسلم إيدك الجراب ده بيتباع غالى جدا وانت وفرت فيه كتير ده فوق الممتاز وتحت الرائع ...

Mohamed Mahmoud · 11-03-27, 12:57 PM

الله ينور عليك يا زعيم تسلم ايديك

oteote2010 · 11-03-29, 02:06 AM

انا بحب ده اوي .

بحب ان الواحد يصنع حاجته بايده .

Ahmed914 · 11-03-30, 11:28 PM

فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟

oteote2010 · 11-03-31, 05:11 PM

اقتباس:

المشاركة الأصلية كتبت بواسطة ahmed914

فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟

الفكره رائعه جدا انا رايي انه ينفذها . ويعمل موضوع ويعرض فيه شغله ويعرض السعر والخامات المصنوع منها الجراب . واللي عاوز يكلمه .

TELEBK · 11-03-31, 06:24 PM

اقتباس:

المشاركة الأصلية كتبت بواسطة ahmed914

فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟

السلام عليكم ورحمة الله وبركاته
أولا : أشكركم جميعا لهذا التشجيع لي ، ومع خالص إحترامي لجميع رواد المنتدي .
ثانيا : موضوع عمل الجرابات مشروع فكره مش وحشة بس هيه عايزه تفرغ لإن الموضوع ده بيتعمل يدوي ، وبياخد وقت وجهد كتير ، والحقيقة أنا معنديش الوقت ده لإن عندي مسؤليات تانيه خاصة بتدريسي في الكلية .
ثالثا : الجراب إتكلف معايا تقريبا 100 جنيه وكان فيه حاجات من عندي ، بس هوه الحقيقة حاجة محترمة جدا وكل إللي شافة عجبه ، وشكله فيه رهبة السلاح وده مش كلامي ده كلام الناس لما شافوه معايا ، وأخد مني تقريبا إسبوع علي ماخلص ، طبعا ماكنتش قاعد له كل يوم من أول النهار ، فلو عايز أعمله تاني ويكون مصدر دخل ليه ومشروع طبعا لازم حيكون فيه مكسب يوازي تعبي ، وفي الحاله ديه حيغلي ، وأعتقد إن فيه ناس كتير حتستكتر المبلغ ، وممكن يكون كتير عليها ، لكن مافيش مانع إني أفكر في الموضوع ده لو كان حيكون بشكل مرضي ومناسب ليه ماديا ، ويكفي تعبي ومجهودي .
مع خالص شكري وتقديري

صائد البوم · 11-03-31, 07:26 PM

الله ينور والله فكره جميله

waleedrahmy · 11-03-31, 07:27 PM

اقتباس:

المشاركة الأصلية كتبت بواسطة telebk

السلام عليكم ورحمة الله وبركاته
أولا : أشكركم جميعا لهذا التشجيع لي ، ومع خالص إحترامي لجميع رواد المنتدي .
ثانيا : موضوع عمل الجرابات مشروع فكره مش وحشة بس هيه عايزه تفرغ لإن الموضوع ده بيتعمل يدوي ، وبياخد وقت وجهد كتير ، والحقيقة أنا معنديش الوقت ده لإن عندي مسؤليات تانيه خاصة بتدريسي في الكلية .
ثالثا : الجراب إتكلف معايا تقريبا 100 جنيه وكان فيه حاجات من عندي ، بس هوه الحقيقة حاجة محترمة جدا وكل إللي شافة عجبه ، وشكله فيه رهبة السلاح وده مش كلامي ده كلام الناس لما شافوه معايا ، وأخد مني تقريبا إسبوع علي ماخلص ، طبعا ماكنتش قاعد له كل يوم من أول النهار ، فلو عايز أعمله تاني ويكون مصدر دخل ليه ومشروع طبعا لازم حيكون فيه مكسب يوازي تعبي ، وفي الحاله ديه حيغلي ، وأعتقد إن فيه ناس كتير حتستكتر المبلغ ، وممكن يكون كتير عليها ، لكن مافيش مانع إني أفكر في الموضوع ده لو كان حيكون بشكل مرضي ومناسب ليه ماديا ، ويكفي تعبي ومجهودي .
مع خالص شكري وتقديري

د/خالد انا بؤيد عمل مشروع الجرابات للبنادق وحضرتك تضيف نسبة الربح ال ترضيك وتكفي تعب حضرتك وكفاية انه صناعة يدوية متقنة وحايبقي احسن من ال بيباع جاهز في محلات الاسلحة....وانا حابتدي الطلبية بعدد 2جراب لي ......ولسيادتك وافر الشكر

hosam ibrahem · 11-04-01, 02:43 PM

الله ينور عليك صناعة ممتازة جدا

Abkreno_007 · 11-04-02, 02:30 AM

فكرة رائعة فعلا
وبصراحة انا كمان كنت هطلب من حضرتك نفس الطلب
طريقة عمل جراب لمسدس وازاى ناخد المقاسات وكده
لان بجد الاسعار مش بتاعت الجرابات مش لذيذة خصوصا اليومين دول
ولك جزيل الشكر

mahmoudalaa · 11-04-02, 03:13 AM

بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور

TELEBK · 11-04-02, 04:51 PM

بسم الله ماشاء الله ، والله حاجة محترمة جدا وشيك ، كويس إن حضرتك عملت حاجه من صنع إيديك ، ربنا يبارك لك فيها ، وعقبال باقي الإنجازات إن شاء الله .

dr_mohasan · 11-04-02, 04:55 PM

بصراحة يا جماعة شىء رائع , ممكن ينفع بداية مشروع صغير تكلفته مش هاتزيد عن 5000 جنيه ومجدى جدا اقتصاديا بأمر الله , وممكن يكون التسويق عن طريق المنتدى

mahmoudalaa · 11-04-02, 05:14 PM

اقتباس:

المشاركة الأصلية كتبت بواسطة telebk

بسم الله ماشاء الله ، والله حاجة محترمة جدا وشيك ، كويس إن حضرتك عملت حاجه من صنع إيديك ، ربنا يبارك لك فيها ، وعقبال باقي الإنجازات إن شاء الله .

شكرا جدا واللة دة بس من زوق حضرتك

hema777h · 11-04-03, 09:06 PM

اقتباس:

المشاركة الأصلية كتبت بواسطة mahmoudalaa

بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور

اللة ينور بصراحة احنا معانا في المنتدي اولا صيادين وثانيا فاننين وثالثا صناع مهرة جدااا وداا واضح جدااا من صناعتكم للجربات الي اقدرتم تصنعوها بابسط الامكانيات واتمني دايما افكار جديدة من اروع منتدي اشتركت فية
ومعلش في معا يا بندقية نوريكا مش بتكسر والزناد مش بيلقط وعايز اصلحها وياريت تشورو عليا اصلحها فين .........

TELEBK · 11-04-03, 11:26 PM

السلام عليكم ورحمة الله وبركاته
فيه واحد في شارع شبرا بيصلح البنادق ، وعنوانه 100 شارع شبرا ، وده تقدر تروح ليه بالمترو في محطه روض الفرج أدام موقف الأتوبيس وبجانب محل الروماني بتاع الساعات ، وده تروح ليه بعد الساعة 12 ظهرا ، وإن شاء الله تتصلح ، وبالتوفيق .

waleedrahmy · 11-04-04, 07:12 AM

اقتباس:

المشاركة الأصلية كتبت بواسطة mahmoudalaa

بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور

ياريت حضرتك انت والدكتور/خالد تنفذوا الجرابات الرائعة ديه بالاسعار المتميزة ديه كمشروع ربحي وتستفاد منه الاعضاء

hardman_mido · 11-04-06, 08:07 PM

تسلم ايدك الله ينور

hesham[MaFya]a · 11-04-12, 08:18 PM

الهم صلى ع النبى ايه الجمال ده

TELEBK · 11-04-12, 08:47 PM

اقتباس:

المشاركة الأصلية كتبت بواسطة hesham[mafya]a

الهم صلى ع النبى ايه الجمال ده

وعليه أفضل الصلاة والسلام ، أشكر لك ذوقك الرفيع ، ومع خالص تحياتي .

koktal · 11-04-18, 06:08 PM

حاجه شيك فعلا

sherifsn · 11-04-25, 07:00 PM

تسلم إيدك وربنا يبارك لك، المهم حاول تضيف مكان للرش وللسكينة الحامية.
وماتنساش شوال فاضي كبير علشان اللي هتصطاده

تحياتي.

Heavy equipment · 11-04-26, 01:01 AM

للي مش عارف يجيب الخامات دي دي تقدر تلاقيها كلللللللللللللللللهااااااااااااااا عند اي حد بتاع تنجيد عربيات او ليه اسم تاني ستورجي

sleemm · 11-04-28, 04:05 PM

رائعة عقبال ما نعمل البندقية نفسها

talha_hasan · 11-05-29, 08:18 AM

موضوع ممتاز فكرة جميلة والى الامام دائما

سرسور · 11-05-29, 10:09 PM

الف مبروك و عقبال جراب الخرطوش

new sniper · 11-06-09, 09:20 PM

شكرا على المعلومات

YOSSEF EL MASRY · 11-06-09, 10:13 PM

عظيم ياباشا وفكرة جميلة
توضح بعد اذنكم

الاستوجي هو الشخص الذي يقوم بدهان الاخشاب
السروجي هو الشخص المختص بعمل فرش السيارات

a7md10 · 11-06-13, 02:01 AM

فكرة رائعة بارك الله فيك

11-03-10, 02:32 PM	#1
TELEBK صياد متفاعل تاريخ التسجيل: Mar 2011 المشاركات: 81 معدل تقييم المستوى: 5	عملت جراب للبندقية بنفسي+الصور السلام عليكم ورحمة الله وبركاته الحمد لله إشتريت بندقية نمره 2 ، بس قابلتني مشكلة وهيه إنها من غير جراب بالكرتونه ، وكان صعب التنقل بيها لوحدها علشان ماتتبهدلش ، رحت عند أبو ضيف وسألت علي الجراب ، قالولي المحل إتعرض للسرقة وكل حاجة إتسرقت فيه ، وجابت ليه جراب قماش ووتر بروف أكنه طالع من تحت بلدوزر ومقطع ومبهدل ، وقالت ليه 100 جنيه وهوه مايستاهلش 30 جنيه علي بعض ، المهم إستخرت ربنا وقولت أعمل جراب جلد للبندقية ، وخصوصا إني الحمد لله بعرف أعمل الحاجات ديه ومدرب عليه نتيجة دراستي في الكلية وحبيت أنقل ليكم خطوات تصنيعة والخامات إللي إتصنع منها وأماكنها وأسعارها . ملحوظة : آسف لعدم إدراج صور مراحل التصنيع لعدم توافر الكاميرا معي في هذا الوقت ، وقمت بإدراج صور الجراب بعد الإنتهاء منه فقط . أولا : الأدوات : 1 - نصف متر جلد سكاي " اللون المفضل لديك " - السعر 11 جنيه - من عند بتوع الجلود في العتبه أو من عند أي حد بيبع جلد لكسوة العربيات وفرشها . 2- نصف متر جلد سكاي " لون آخر " - السعر 11 جنيه . 3 - فرخ سفنج للتبطين تخانة 0.5 سم " نصف سم " - السعر 6 جنيه - من عند بتاع الجلد . 4 - 5 متر حبل لعمل كردون أو حرف حول الجراب من الخارج - السعر 2 جنيه _ من عند بتاع الجلد . 5 - 2 علبه غراء سريع " كله " ربع كيلو - السعر 3 جنيه للواحدة - 6 جنيه لعدد 2 - من عند بتاع الجلد . 6 -2 متر سوسته عظم من عند العقاد + الجرارات بتاعتها - 8 جنيه . 7 - 5 متر شريط يد " حزام " أسود أو اللون المتوافر من عند العقاد - السعر 10 جنيه . 8 - بطانه قماش أو قطيفة - وديه ممكن تكون فضلة موجوده في أي بيت وفي حالة عدم وجودها نشتريها نصف متر من عند بتاع القماش وهيه مش غالية . 9 - أبلاكاش 4 مم لتقويه ظهر الجراب - من 8:10 جنيه - من عند أي نجار . ثانيا : الخطوات : 1- تجيب البندقية وتحطها في الجلد الأساسي بتاعك وترسم شكلها وتزود عليه مسافة 10 سم داير مايدور " لزوم التني والخياطة " وتقصها . 2- تحيب الحبل وتحطه في الجلد اللون التاني وتقص شريط عرضة 5 سم وتلصق حروفه بالغراء وتنتظر 10 دقائق وتلصقهم مع بعض يديلك شكل الحزام . 3 - تلصق الحزام الجلد علي حرف الجراب الأساسي بالغراء السريع ثم تقوم بتبطين الجراب من الداخل بالأسفنج . 4 - ترسم وتقطع أشكال الجيوب إللي حضرتك محتاجها في الجراب من الخارج وتزود عليها 5 سم داير مايدور وبتطنها بالأسفنج وتغطيها بالقماش أو الكسوة الموجودة . 5 - تقطع الأبلاكاج علي أد نصف الجراب " الظهر " وده ممكن يبقي عند النجار علي طول وإنت بتشتري الأبلاكاج يقطعهولك ، وممكن ترسم الشكل إللي إنت عايز تقطعة علي قطعة ورقة جرنال وتديها له يقطع عليها . ملحوظة : ممكن تعمل من نوع الجلد التاني إللي إتعمل منه الحزام تقويات في الجراب الأساسي من الداخل عند أماكن تثبت الأحزمة واليدات وما تراه مناسبا في الجراب الخاص بك . ** كده وصلنا إلي إكتمال مراحل التجهيز وبكده نوصل إلي مرحلة التجميع . ثالثا : التقفيل : وده بيكون عند إي واحد بتاع تصليح شنط ومش جرمجي لازم بتاع شنط ، وبتسايسة وتمشي معاه واحدة واحده وتفهمة المطلوب بالضبط وتاخد معاك البندقية علشان كل شوية تقيس ويقيس عليها أثناء الخياطة ، وبعد الإنتهاء من الخياطة يقفلهولك ببرشام زياده في المتانة وتدي شكل جميل وأخد مني مقابل التقفيل والخطافات للحزام الخلفي 40 جنية . *** تقريبا التكلفة الإجمالية بتكون في حوالي 100 جنيه ، يعني هيه غالية شوية بس بنعمل جراب علي أد البندقية بالظبط ، وبكون جلد وحاجة محترمة ولا جشع التجار وغلاستهم . وبالتوفيق إن شاء الله د / خالد ودلوقتي مع الصور الصور المصغرة للصور المرفقة __________________ د / خالد

11-03-10, 02:43 PM	#2
محمد متولى Banned تاريخ التسجيل: Jan 2011 المشاركات: 62 معدل تقييم المستوى: 0	رد: عملت جراب للبندقية بنفسي+الصور اخيرا لاقيت موضوع يستاهل الرد تسلم يا جميل الجراب ممتاز بس انتا نسيت تحط جيوب للرش والسكينة

11-03-10, 02:45 PM	#4
waleed2000s2 صياد جديد تاريخ التسجيل: Mar 2011 المشاركات: 31 معدل تقييم المستوى: 5	رد: عملت جراب للبندقية بنفسي+الصور الجراب ممتاز جدا وكل واحد يطور حسب الاحتياج

11-03-10, 03:18 PM	#6
braveheart صياد قديم تاريخ التسجيل: Jun 2008 المدينه: القاهرة - شمال سيناء المشاركات: 2,139 معدل تقييم المستوى: 20	رد: عملت جراب للبندقية بنفسي+الصور فوق الممتاز ... و فكرة جميلة و موفرة و عملية ... فعلا برافو عليك .. بالتوفيق. __________________ Don't say you are alone when I still alive Kemomail@ymail.com

11-03-10, 03:21 PM	#7
ahmed_su صياد جديد تاريخ التسجيل: Feb 2011 المشاركات: 29 معدل تقييم المستوى: 5	رد: عملت جراب للبندقية بنفسي+الصور الله ينور ... احب اللى يشتغل بأيده 10/10

11-03-10, 03:30 PM	#8
msa_79 صياد متقدم تاريخ التسجيل: Nov 2008 المشاركات: 913 معدل تقييم المستوى: 13	رد: عملت جراب للبندقية بنفسي+الصور فعلا امتع حاجه انك تعمل حاجه بإيدك

11-03-10, 03:45 PM	#9
doos99 صياد قديم تاريخ التسجيل: Sep 2010 المدينه: بنى سويف المشاركات: 1,093 معدل تقييم المستوى: 52	رد: عملت جراب للبندقية بنفسي+الصور فكره رائعه تسلم ايدك يا ريت تعمل واحد كمان للمسدسات و تصور لنا خطوات العمل __________________ لا تحاول أن تعيد حساب الأمس وما خسرت فيه فالعمر حين تسقط أوراقه لن تعود مرة أخرى ولكن مع كل ربيع جديد سوف تنبت أوراق أخرى فانظر الى تلك الأوراق التي تغطي وجه السماء ودعك مما سقط على الأرض فقد صارت جزءاً منها عندمآ يوِزِع آلله آلأقدآرِ وِلآ يمنحني شيئاً أرِيدهُ .. أدرِك تمآماً أن آلله سيمنحني شيئاً أجمل ممآ أُرِيد .. آللهم لآ تعلق قلبي لمآ ليس لي وِإجعل لي فيمآ أُحب نصيب

11-03-10, 05:47 PM	#12
waleedrahmy صياد متقدم تاريخ التسجيل: Feb 2011 المدينه: في المسكن المشاركات: 830 معدل تقييم المستوى: 24	رد: عملت جراب للبندقية بنفسي+الصور صدقت فأوفيت يا د/خالد..........فكرة جميلة وتنفيذ اجمل وموضوع مرتب ومنسق ومسلسل ومصور.......الصراحة رائع وبراف______________و ....... فن_________ان دكت___________ور صحيح __________________ http://www5.0zz0.com/2013/03/02/21/508922852.jpg

11-03-10, 05:55 PM	#14
waleedrahmy صياد متقدم تاريخ التسجيل: Feb 2011 المدينه: في المسكن المشاركات: 830 معدل تقييم المستوى: 24	رد: عملت جراب للبندقية بنفسي+الصور ما تحرمش منك يا دكتور ولا شكر علي واجب حضرتك ابدعت فعلا __________________ http://www5.0zz0.com/2013/03/02/21/508922852.jpg

11-03-10, 06:19 PM	#15
lastworld صياد نشيط تاريخ التسجيل: Feb 2011 المدينه: Fesal Street -Giza المشاركات: 265 معدل تقييم المستوى: 6	رد: عملت جراب للبندقية بنفسي+الصور فكره جميله و عاليه قوى ربنا يخليك عالافكار اللى مالهاش حل دى

11-03-10, 06:42 PM	#16
محمد السيد فهيم صياد متفاعل تاريخ التسجيل: Mar 2011 المشاركات: 65 معدل تقييم المستوى: 5	رد: عملت جراب للبندقية بنفسي+الصور بجد رائع تسلم ايدك

11-03-10, 06:48 PM	#17
احمد العوضى صياد متقدم تاريخ التسجيل: Feb 2011 المدينه: المحلة الكبرى المشاركات: 963 معدل تقييم المستوى: 0	رد: عملت جراب للبندقية بنفسي+الصور ايه الجمال والحلاوه ده اللللللللللللللللللللللللللللللله عليك __________________ اللهم صل على سيدنا محمد وعلى آله وصحبه وسلم صلاة تليق بمكانته عندك اللهم صل على سيدنا محمد وعلى آله وصحبه وسلم عدد ما ذكره الذاكرون وغفل عن ذكره الغافلون اللهم صل على سيدنا محمد وعلى آله وصحبه وسلم صلاة ترضيك وترضيه وترضى بها عنا يارب العالمين اللهم صل على سيدنا محمد وعلى آله وصحبه وسلم عدد خلقك ورضاء نفسك وزنة عرشك ومداد كلماتك بعددما ذكره الذاكرون وغفلَ عن ذكره الغافلون اللهم صل على سيدنا محمد وعلى آله وصحبه وسلم صلاه تفتح‘ بيننا وبينه فتحاً مبيناً لاالله الا الله محمد رسول الله

11-03-10, 08:21 PM	#18
ahmedabutaleb صياد متفاعل تاريخ التسجيل: Feb 2011 المشاركات: 99 معدل تقييم المستوى: 5	رد: عملت جراب للبندقية بنفسي+الصور فكرة رائعة ياباشا

11-03-10, 08:55 PM	#19
khaledshareef صياد متفاعل تاريخ التسجيل: Jan 2011 المدينه: التجمع الخامس المشاركات: 161 معدل تقييم المستوى: 5	رد: عملت جراب للبندقية بنفسي+الصور الله ينور يا دكتور الى مزيد من الاختراعات بالتوفيق دائما __________________ قد تخلو الزجاجة من العطر .. ولكن تبقى الرائحة العطرة عالقة بالزجاجة .. كما تبقى الذكرى الطيبة عالقة بالقلب ..

11-03-10, 09:45 PM	#20
محمود شلبي صياد نشيط تاريخ التسجيل: Dec 2008 المشاركات: 267 معدل تقييم المستوى: 8	رد: عملت جراب للبندقية بنفسي+الصور المتعه انك عملته بنفسك وكان ممكن تشترى اسهل ولكن علمنى الصيد ولا تعطينى سمكه روح الصياد

11-03-11, 10:38 AM	#22
كريم الشامي صياد نشيط تاريخ التسجيل: Jul 2010 المدينه: القاهرة المشاركات: 452 معدل تقييم المستوى: 8	رد: عملت جراب للبندقية بنفسي+الصور تسلم ايدك الله ينور __________________ بسم الله الرحمن الرحيم ( انما اَمُرهُ اِذَا ارادَ شيئاً اَن يقولَ لهُ كُنْ فيكون ^ فسُبْحان الذي بيده ملكوتُ كلِّ شيءٍ واليهِ تُرجعون ) صدق الله العظيم

11-03-11, 10:44 AM	#23
chemist ahmed fathy صياد متفاعل تاريخ التسجيل: Oct 2010 المدينه: الاسكندريه المشاركات: 228 معدل تقييم المستوى: 7	رد: عملت جراب للبندقية بنفسي+الصور السلام عليكم ما شاء الله عليك ده الشغل ولا بلاش مش تقلى فتح الله وجرابات بتوع السلاح , فعلا الانسان لما بيوصل لهدفه بيحس بمتعه كبيره جدا . __________________ (رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ).

11-03-12, 08:38 AM	#26
mahmoud el masry صياد متفاعل تاريخ التسجيل: Nov 2010 المشاركات: 160 معدل تقييم المستوى: 0	رد: عملت جراب للبندقية بنفسي+الصور والله حاجة حلوة اوى لما الحاجة بتعتك تبقى انت الى صنعها بنفسك عليها بصمتك:d __________________ الألفاظ هي الثياب التي ترتديها أفكارنا

11-03-12, 01:42 PM	#28
بندق صياد متفاعل تاريخ التسجيل: Oct 2010 المدينه: بورفؤاد-بورسعيد المشاركات: 142 معدل تقييم المستوى: 5	رد: عملت جراب للبندقية بنفسي+الصور السلام عليكم بجد بجد الله ينور اجمل حاجه ان حضرتك تعمل كده بأيدك بس مش خساره في الشنغهاي ده يتحط فيها bsa _ gamo _ نوريكا حاجه كده يعني تليق بصنع اديك يارب يباركلك فيه السلام عليكم __________________ ( يا عبادي إني حرمت الظلم على نفسي وجعلته بينكم محرما فلا تظالموا ) (هَـذَا بَلاَغٌ لِّلنَّاسِ وَلِيُنذَرُواْ بِهِ وَلِيَعْلَمُواْ أَنَّمَا هُوَ إِلَـهٌ وَاحِدٌ وَلِيَذَّكَّرَ أُوْلُواْ الأَلْبَابِ)

11-03-12, 03:56 PM	#30
بندق صياد متفاعل تاريخ التسجيل: Oct 2010 المدينه: بورفؤاد-بورسعيد المشاركات: 142 معدل تقييم المستوى: 5	رد: عملت جراب للبندقية بنفسي+الصور السلام عليكم متشكر جدا كنت عاوز اقول ان الجراب صنع اديك افضل بكتييييييييير السلام عليكم __________________ ( يا عبادي إني حرمت الظلم على نفسي وجعلته بينكم محرما فلا تظالموا ) (هَـذَا بَلاَغٌ لِّلنَّاسِ وَلِيُنذَرُواْ بِهِ وَلِيَعْلَمُواْ أَنَّمَا هُوَ إِلَـهٌ وَاحِدٌ وَلِيَذَّكَّرَ أُوْلُواْ الأَلْبَابِ)

11-03-12, 04:06 PM	#31
professional sniper صياد نشيط تاريخ التسجيل: Dec 2010 المدينه: العريش المشاركات: 360 معدل تقييم المستوى: 6	رد: عملت جراب للبندقية بنفسي+الصور ماشاء الله لاقوة إلا بالله تسلم ايدك يا د/ خالد على المجهود الجميل ده , وإن شاء الله حضرتك تتحفنا بالمزيد من الاختراعات الجميله دى , وجزاك الله عنا كل خير . تقبل مرورى ,,, __________________ ولدتك امك يابـــن آدم باكيـــــــــا * & * والناس حولك يضحكون سرورا فاعمل لنفسك ان تكون إذا بكوا * & * فى يوم موتك ضاحكا مسرورا

11-03-12, 08:27 PM	#33
Aboyassin صياد نشيط تاريخ التسجيل: Mar 2011 المدينه: القاهرة المشاركات: 281 معدل تقييم المستوى: 7	رد: عملت جراب للبندقية بنفسي+الصور فكرة جميلة جدا يا د/ خالد أفادكم الله و جزاك الله خيرا. __________________ " من كان يريد العزة فلله العزة جميعا"

11-03-13, 02:03 AM	#35
tamer_tatow صياد متفاعل تاريخ التسجيل: Jan 2011 المدينه: الاسكندرية المشاركات: 209 معدل تقييم المستوى: 6	رد: عملت جراب للبندقية بنفسي+الصور عايزين صور للصيد يا دكتور ومبروك علي البندقية الجديدة

11-03-13, 05:18 PM	#36
sam صياد متفاعل تاريخ التسجيل: Mar 2011 المدينه: الجيزة المشاركات: 145 معدل تقييم المستوى: 5	رد: عملت جراب للبندقية بنفسي+الصور والله فنان تسلم ايدك يا هندسة __________________ إنه ليس ثأرك وحدك، لكنه ثأر جيلٍ فجيل وغدًا.. سوف يولد من يلبس الدرع كاملةً، يوقد النار شاملةً، يطلب الثأرَ، يستولد الحقَّ، من أَضْلُع المستحيل لا تصالح... ولو قيل إن التصالح حيلة إنه الثأرُ تبهتُ شعلته في الضلوع.. إذا ما توالت عليها الفصول.. ثم تبقى يد العار مرسومة (بأصابعها الخمس) فوق الجباهِ الذليلة!

11-03-14, 04:00 PM	#37
mohamed_salam صياد متفاعل تاريخ التسجيل: Sep 2010 المشاركات: 226 معدل تقييم المستوى: 6	رد: عملت جراب للبندقية بنفسي+الصور السلام عليكم الله ينور و طبعا اختراعات سياتك لازم تستمر علشنا صح ياريت تطورلنا اى حاجه جديده منتظرين مشاركاتك بالتطوير دايما تقبل مرورى

11-03-17, 03:15 PM	#38
كريم محمد أحمد صياد جديد تاريخ التسجيل: Mar 2011 المشاركات: 4 معدل تقييم المستوى: 0	رد: عملت جراب للبندقية بنفسي+الصور ما شاء الله لا قوة إلا بالله على فكرة من أحسن الجربات اللى شفتها فى حياتى روعة روعة روعة دى أول مشاركة ليا فى المنتدى وانا برده وجهتنى نفس مشكلتك بندقية من غير جراب بس انا عمات جراب أهبل من بنطلون جينز قديم بس ايه جراب عايز الحرق إن شاء الله هعمل جراب زى اللى حضرتك مقدمه ده جزاكم الله خيرا

11-03-26, 04:02 PM	#41
pooforever_2010 المشرف العام اوسمتي مجموع الاوسمة: 1 تاريخ التسجيل: Mar 2011 المشاركات: 6,678 معدل تقييم المستوى: 437	رد: عملت جراب للبندقية بنفسي+الصور الف مبروك يا باشا على البندقيه الجديده ربنا يكفيك شرها وبجد فكرة اكثر من ممتازة انا برده اوقات بعمل حاجه بايدى واوقات اكلفها اكتر من الجاهز بس فيه فرحه بتحصل للواحد لما يعمل حاجته بايده تسوى كنوز الدنيا جارى عمل جراب للمسدس ان شاء الله ومبروك تانى يا باشا انا كنت حعمل نفس الموضوع لان جرابات المسدس مش عجبانى وبعمل واحد جلد بس حضرتك سبقت واعجبنى ان فيه اخ محترم ليه نفس تفكيرى ومبدع كمان تقبل مرورى اخوك الصغير __________________ أتمنى تكون فيه معلومه مفيده فموضوعاتى تحياتى ابو نور http://im63.gulfup.com/Q32Z84.jpg

11-03-27, 12:01 PM	#43
aymoon_apl صياد جديد تاريخ التسجيل: Mar 2011 المدينه: السويس المشاركات: 10 معدل تقييم المستوى: 5	رد: عملت جراب للبندقية بنفسي+الصور حقيى تسلم إيدك الجراب ده بيتباع غالى جدا وانت وفرت فيه كتير ده فوق الممتاز وتحت الرائع ... __________________ Fox hunter

11-03-27, 12:57 PM	#44
Mohamed Mahmoud الادارة العليا اوسمتي مجموع الاوسمة: 2 تاريخ التسجيل: Feb 2010 المدينه: مصر ام الدنيا المشاركات: 3,848 معدل تقييم المستوى: 568	رد: عملت جراب للبندقية بنفسي+الصور الله ينور عليك يا زعيم تسلم ايديك __________________ سبحان الله و بحمدة سبحان الله العظيم

11-03-29, 02:06 AM	#45
oteote2010 صياد متفاعل تاريخ التسجيل: Mar 2011 المشاركات: 224 معدل تقييم المستوى: 6	رد: عملت جراب للبندقية بنفسي+الصور انا بحب ده اوي . بحب ان الواحد يصنع حاجته بايده .

11-03-30, 11:28 PM	#46
Ahmed914 صياد متفاعل تاريخ التسجيل: Mar 2011 المدينه: المنيا المشاركات: 234 معدل تقييم المستوى: 6	رد: عملت جراب للبندقية بنفسي+الصور فكرة حلوة جداً ليه ما تحاولش البداية فى عمل جرابات لأعضاء المنتدى بأسعار معقولة وبخامات ممتازة زى ما عملت وأهو منها مشروع تجارى وفى نفس الوقت أعضاء المنتدى يستفيدوا من خبراتك ؟

11-03-31, 07:26 PM	#49
صائد البوم صياد نشيط تاريخ التسجيل: Jan 2011 المدينه: البحيره المشاركات: 360 معدل تقييم المستوى: 6	رد: عملت جراب للبندقية بنفسي+الصور الله ينور والله فكره جميله __________________ لا اله الا الله محمد رسول الله*

11-04-01, 02:43 PM	#51
hosam ibrahem صياد متقدم تاريخ التسجيل: Feb 2011 المدينه: الاسكندرية المشاركات: 568 معدل تقييم المستوى: 7	رد: عملت جراب للبندقية بنفسي+الصور الله ينور عليك صناعة ممتازة جدا

11-04-02, 02:30 AM	#52
Abkreno_007 صياد متفاعل تاريخ التسجيل: Apr 2011 المدينه: بنى سويف المشاركات: 161 معدل تقييم المستوى: 5	رد: عملت جراب للبندقية بنفسي+الصور فكرة رائعة فعلا وبصراحة انا كمان كنت هطلب من حضرتك نفس الطلب طريقة عمل جراب لمسدس وازاى ناخد المقاسات وكده لان بجد الاسعار مش بتاعت الجرابات مش لذيذة خصوصا اليومين دول ولك جزيل الشكر

11-04-02, 03:13 AM	#53
mahmoudalaa صياد نشيط تاريخ التسجيل: Dec 2010 المدينه: القاهرة المشاركات: 378 معدل تقييم المستوى: 7	رد: عملت جراب للبندقية بنفسي+الصور بعد اذن حضرتك طبعا يا استاذ telebkبس انا اتشجعت لما شفت فكرة حضرتك وتنفيذها قلت اعرض فكرتي وبدل ما نعمل موضوع تاني ونزحم الدنيا ف انا بعرض فكرتي انا كنت منفذها بس حضرتك شجعتني علي عرضها وهي نسخة اقتصادية من الوتر بروف والاسفنج والقماش وتكلفتها في حدود 25جنية وطلعت فيها مواهبي التفصيلية واتعاملت مع مكنة الخياطة بس اهم حاجة انها بتحمي البندقية من المية والصدمات وشكلها مناسب مش وحش يعني حمارتك العارجة ودي الصور الصور المصغرة للصور المرفقة __________________ و ما رميت اذ رميت ولكن الله رمي