شروط حمل سلاح الصوت ( جديد)

[ahmed mado]

المعلومات دى جاية من وزارة الداخلية و تحديدا النقطة رقم 3

الشروط العامة لحمل الطبنجة الصوت وعدم المسائلة القانونية نص القانون المصرى على تجريم حمل السلاح الأبيض والنارى وقد وضع مجموعة من القيود لترخيص السلاح النارى وجرم حمل السلاح الابيض ولم يتيح له الترخيص .. أما السلاح الصوت فقد تطرق إلى تجريم البعض وذلك تحت بند [ محدث صوت ] الذى يشمل الأسلحة الصوتيه وكذا قنابل الصدمه وبعض مُحدثات الصوت الأخرى والمعروفه عالمياَ وللتعرف على شروط حمل السلاح الصوت وضغط الهواء دون محاسبة يجب أن تتوافر تلك الشروط

1 – الحصول على السلاح من محل أسلحة مُعتمد .
2 – الأحتفاظ بأصل فاتورة الشراء مختومه ومُدون عليها رقم السجل التجارى والبطاقة الضريبية للمحل .
3 – أثبات السلاح فى دفتر محدثات الصوت فى القسم او المركز التابع له – بعض الأقسام أصبحت على تعمل بهذا الدفتر .

وبهذه الطرق يحق لأى شخص حمل السلاح الصوت أو ضغط الهواء [ الرش ] دون التعرض للمسائلة القانونية شرط الإ يتم ضبطه فى أى مشاجرة او أستخدامه فى أعمال تتنافى مع القانون مثل [ المشاجرة – الضرب – السطو – النصب ] ألخ يحق للضابط فى حالة عدم توافر تلك الشروط أن يحرر لك محضر بحيازة “محدث صوت” ويتم تغريمك لحمله طبقاَ للقانون المصرى وقد تعرض نفسك للحبس وتقع فى تلك الحالة تحت طائلة القانون .

[aliessam97]

طيب والناس الي معاها سلاح من غير فاتورة يعملو ايه

[KARIM KA]

الكلام دة اكيد موثوق منة والاثبات فين

[ahmed mado]

اسف جدا يا جماعة الموضوع قديم و ياريت الادارة تمسح الموضوع اسف مرة تانية
اخوكم الصغير و غلط

[كوماندوز السلاح]

شكرا علي المعلومة الهامة دي ياغالي اناهاعمل كدة

[nour eltoureny]

انا عاوز افهم حاجه يعني انا في ظل الي احنا فيه ده .....
حاخد مسدس صوت عادي جدا اشتريته ومعاه كشف حساب وكل حاجه وتمام التمام اقولهم اني عاوز اسجله في قسم الشرطه بصفتي ايه حينفذلي الكلام ده ده لو انا اصلا لحقت اكمل الجملة من الاساس لازم نتاكد من صحه المعلومه دي معتقدش ان في حد في مصر اصلا اشتري مسدس صوت ومعاه فاتوره وكل شئ قانوني وراح سجله في قسم شرطه .
يرجاء التاكد من صحه المعلومه دي ولو بيحصل كده فين الي سجلوا مسدساتهم في قسم الشرطه التابعين له
لتعم الفائده علي الجميع ....

[محمد ياقوت]

السادة الافاضل
1 كون انك تاخد فاتورة من محل بشراء مسدس صوت او بندقية رش ده حقك لكن بعد سداد الضرائب وده عادى وحقك وحق البائع او المحل
2 اما موضوع انك تسجلة فى قسم شرطة لا لا لا يوجد تسجيل لمحدث صوت او بندقية رش فى قسم شرطة
لا شئ اسمة دفتر يومية ولا دفتر محدثات صوت هذا الكلام خاطئ

[nour eltoureny]

المشاركة الأصلية كتبت بواسطة محمد ياقوت

السادة الافاضل
1 كون انك تاخد فاتورة من محل بشراء مسدس صوت او بندقية رش ده حقك لكن بعد سداد الضرائب وده عادى وحقك وحق البائع او المحل
2 اما موضوع انك تسجلة فى قسم شرطة لا لا لا يوجد تسجيل لمحدث صوت او بندقية رش فى قسم شرطة
لا شئ اسمة دفتر يومية ولا دفتر محدثات صوت هذا الكلام خاطئ

الله ينور يا استاذ محمد


Nour eltoureny

[عاطف الشاذلى]

مع كل الاحترام للاخ صاحب الموضوع
مفيش حاجة اسمها دفتر محدثات الصوت
انا اسف ده كلام فارغ
هو اللى ممكن انك لو بتشتغل فى شركة امن مثلا ممكن يعملولك كارنيه بيبقى شبه البطاقة الشخصية كدة وفى ضهر الكارنيه بيبقى مكتوب ( يصرح له بحمل سلاح صوت ) ولازم كمان تكون شركة معتمدة من الدولة ومعاها التراخيص الخاصة
غير كدة مفيش
وانا سألت واحد صاحبى نقيب شرطة هل فيه تصريح بيصدر من الداخلية بحمل مسدس صوت وقاللى ان مسدس الصوت غير مجرم اصلا عشان يطلعله تصريح
وارجوا من الاخ صاحب الموضوع ان يتحقق اولا من معلوماته قبل ان ينشرها حتى لا يكون ذلك تضليلا للناس .

[ahmed mado]

انا والله غلط لان الكلام كان نازل على صفحة من الفيس بتاريخ سنة فاتت و اعتذرت فى رد و طلبت من الادارة المسح للموضوع و اسف مرة تانية

[Aly Hussien]

طب عاوزين نعرف الاجراءات القانونية عشان عرف نمشى بمسدس الصوت من غير قلق و امشى بيه فى اى حته

[ahmed mado]

المشاركة الأصلية كتبت بواسطة aly hussien

طب عاوزين نعرف الاجراءات القانونية عشان عرف نمشى بمسدس الصوت من غير قلق و امشى بيه فى اى حته

1 – الحصول على السلاح من محل أسلحة مُعتمد .
2 – الأحتفاظ بأصل فاتورة الشراء مختومه ومُدون عليها رقم السجل التجارى والبطاقة الضريبية للمحل .

[فكرى الفساخ]

وجهة نظرى انها فكرة ممتازة يمكن العمل بها . ليسير حامل البندقية الرش او مسدس الصوت وهو مطمئن .
وأعتقد فى ظروف البلد الحالية صعب جدا تنفيذها .

[mooxoor]

تاجر كتب الكلام دة على الفيس من اسبوع على انة قانون ولما قلت لة جبت الكلام دة من اى قانون مسح البوست صح يا مادووو

[ahmed mado]

المشاركة الأصلية كتبت بواسطة mooxoor

تاجر كتب الكلام دة على الفيس من اسبوع على انة قانون ولما قلت لة جبت الكلام دة من اى قانون مسح البوست صح يا مادووو

الكلام من الفيس فعلااا بس كان من موقع اخبارى و انا قريته و جيت راجعته تانى لقيته من سنه فاتت للاسف و بعتذر لاثارة الجدل فى الموضوع ده