صناعة الأسلحة فى عهد مبارك هام جدا برجاء الدخول

[التلميذ]

إية مش عوزين تدحكو شوية وتشوفو مبارك حول المصانع الحربية لإية شوفو الفديو دة بس لازم تتفرجو علية للنهاية . ومنتظر تعليقاتك
(تم إزالة الفيديو للإرضاء الأكثرية )
وتم وضع هذا الموضوع مكانة
http://www.egypthunt.net/showthread.php?t=9457
وتحياتى للجميع وياريت مفيش حد يزعل منى

[tarek8003]

طبعاً فيديو جميل جداً, لكن لابد من وجود الثقة فى منتجاتنا الحربية لأن هذا الفيديو يقلل من قدر مصر, ويوجد فى بلدنا العظيم مصانع تقوم بتصنيع العديد من المعدات الحربية المتطورة مثل الدبابات الأمريكية والمركبات, وعلى فكرة مركبات الجيش الموجودة فى الشوارع حالياً صناعة مصرية.

*فلنفخر جميعاً بصناعة بلدنا*

[الأفوكاتو]

طيب الطقم ده لازمله ترخيص ولا بيتباع عادي ، هههههههههههه
فيديو جاااااااااااحد
خالص تحياتي للجميــــــــــــــــــــــــــــــع

[Mohamed Mahmoud]

المشاركة الأصلية كتبت بواسطة tarek8003

طبعاً فيديو جميل جداً, لكن لابد من وجود الثقة فى منتجاتنا الحربية لأن هذا الفيديو يقلل من قدر مصر, ويوجد فى بلدنا العظيم مصانع تقوم بتصنيع العديد من المعدات الحربية المتطورة مثل الدبابات الأمريكية والمركبات, وعلى فكرة مركبات الجيش الموجودة فى الشوارع حالياً صناعة مصرية.

*فلنفخر جميعاً بصناعة بلدنا*

طبعا مين اللى هيشهد للعروسة

[tarek8003]

ماشى يا سيدى, بصراحة أنا بقالى حبه حلوين مكشر ما ضحكتش إلا لما شفت تعليقك, مساء الفل يا أستاذ محمد.

[التلميذ]

الفيديو لا يقلل من قدر مصر على الإطلاق ولاكنة فديو ساخر يقلل وينسف قدر من تولى أمر مصر وحول المصانع الحربية التى أقيمت وأنشأت فى الأساس للإنتاج الحربى وتحويلها إلى مصانع للخدمات المدنية وهذا طبعا بإملاءات من أمريكا وإسرائيل( لعميلها المخلص مبارك ) كل ما نتمناه من ربنا بعد الثورة إن البلد تنظف من العملاء والحرامية وتعود هذة المصانع للغرض الذى أنشأت من أجلة فى الأساس وأنا رأى الشخصى إن إلا عمل الفديو دة من المخلصين لهذا البلد .ويقصد السخرية من النظام العميل

[tarek8003]

يا أستاذ كلامك غير صحيح, الجيش ككل يعمل فى كافة المجالات فهو يعتبر مؤسسة تعتمد على الإكتفاء الذاتى فى كل المجالات, يعنى لما المصانع الحربية تصنع حلل ولا بوتاجازات فهذا يعتبر مصدر دخل تعتمد عليه القوات المسلحة, وفيما يتعلق بالإملاءات الإمريكية والإسرائيلية لتحويل المصانع الحربية للخدمة العامة فهذا كلام خاطئ, وأبسط دليل هو مصنع 200 الحربى.

[tarek8003]

وعلى فكرة ده مش إنتقاد لحضرتك, لكن توضيح للحقائق.

[EGYFALCON73]

يا جماعة الفيديو دة فية اهانة لكل مصرى وللهيئة العربية للتصنيع ودة كلام غير صحيح على الاطلاق ولازم الادارة تاخذ موقف مناسب

[الأفوكاتو]

انا مش شايف اي لزوم للاختلاف حول الفيديو (كفيديو) لأنه أولا فيديو ساخر ، ولا يقلل من شأن القوات المسلحة في شئ ، فمن المعروف ان الجيش مثلما يقوم بتصنيع الأسلحة ، يقوم أيضا بإنتاج العديد من السلع مثل البوتاجازات والسخانات ، بل انه يوجد معارض كانت تقام قبل الثورة لبيع منتجات الجيش الثالث الميداني وكان المعرض ينصب في جامعة القاهرة ويقوم ببيع منتجات الألبان والطيور المجمدة والسلع التموينية وأشياء أخري ، ولا لوم علي من وضع الفيديو لأنه ليس من اختراعه ولا أداؤه التمثيلي ولكنه مرفوع علي موقع اليوتيوب وكل العالم يستطيع أن يشاهده
ومن ناحية أخري ، فقد كان هناك اعلان أثناء الثورة عن منتج (لحاف الثورة) وهو لحاف مرسوم عليه علم مصر ، فهل هذا يعد تقليل من شأن الثورة أو من شأن مصر ؟
أرجو عدم الدخول في مشادات كلامية ليس لها فائدة ولن تجلب لنا إلا المشاكل
خالص تحياتي للجميـــــــــــــــــــــــــــع

[smsmn8888]

يا حماعة المصانع الحربية بتصنع حجات كتير بس مينفعش يطلعو يعملو اعلان يعني عن دبابة ولا مدفع ولا اة رايكو

[التلميذ]

يا جماعة الموضوع بسيط وسهل الغرض منة أولاً ـ فرفشة حرة وثانيا : توضيح كيف تحولت المصانع الحربية التى أنشأت فى الأساس لخدمة الجيش للأغراض العسكرية لصناعات ثانوية وغير مهمة ودة بيوضح إهمال واضح ومتعمد من مبارك ونظامة وثالثا : معروف إن القوات المسلحة بتعمل إكتفاء ذاتى فى كل حاجة بس إلا عمل الفديو قصدة يقولك سبنا الأصل وبندور على الفرع ودة مش زم فى مصر ولا الجيش دة زم فى مبارك ونظامة وواضح ذلك من خلاال عنوان الموضوع ورابعا : الجميع يعلم أن هناك المئات من المشاريع العسكرية الجديدة واهامة فى التصنيع والتحديث فى الجيش ألغيت وجمدت بناءا على ضغوط أمريكية وإسرائلية على( مبارك ونظامة العميل) ولم يبقى الإ الأشياء الغير مهمة او التى لا تسبب ذعر وخوف لإسرائيل علشان هما عرفين ديتها إية.
وخامساً : هذا ليس تهريج ولاكنة بناء وتوجية وتوعية بنظام السخرية والنقد على عهد مبارك وهناك الألاف من الفديوهات الساخرة الشبيهة به والكل يعلم منها أنها لا تقلل من قدر مصر ولا من الجيش ولاكن تقلل من قدر من تولى أمرها.
وسادسا : أنا مبزعلشى من النقد طالما أنة للتوعية وبيان الحقيقة .
وسابعا : بكرر الكلام نأمل إن هذة المصانع تعود للغرض الذى أنشأت من أجلة فى الأساس لا أن ننتج الفرعيات ونستورد السلاح . وتحياتى لكم جميعا وعوزين مشاركة أوسع هدفها نتمنى التقدم والخير لمصر ما بعد الثورة

[التلميذ]

ولو الموضوع يا جماعة فية إهانة أو تقليل من قدر مصر أرجو من الإدارة أن تحذفة وأعتذر لكم جميعا . وأنا أسف
( تلميذ وغلط ) حصل خير يا جماعةهههههههههههههه

[hesham[MaFya]a]

بـــــــس و الله انا فى او الفيديو صدقتــه هههه...مشكور يا غالـــى.

[sam]

فيدو جامد وعقبال ما نصنع الغسالة ام روحين توشيبا لأنها صراحة ممتازة هههههههههههههههههها

[سرسور]

يا جماعة الفيديو دة ممكن يكون فية اهانة لكل مصرى وللهيئة العربية للتصنيع ودة كلام غير صحيح على الاطلاق ولازم اننا نعرف ان المصانع الحربية بتصنع حجات كتير بس مينفعش يعملو فيديو للاستهزاء بمنتجاتنا ولا احنا لازم نستورد كل حاجة ، وفي مجال الاسلحة نحن بفضل الله لنا يد السبق في انتاج بعض الاسلحة مع العلم ان هذه الاشياء لا يعلن عنها كثير ، وبعدين نحن عندنا عقدة الخواجة لعدم ثقتنا في المنتجات المصرية التي منها ما ينافس الاجنبي ، فلماذا لا نطور من انفسنا لننافس المنتج الاجنبي في كل شيئ و نترك تصنيع مقرمشات الاطفال التي سببت الكثير من الامراض لأطفالنا و نتجة لانتاج الاجهزة المنافسة ، و اتمني ان نشجع صناعة بلدنا و لو كان بها بعض الخلل لكي نرتفع بها فمن يصنع قد يكون انا او انت او اخواننا او اي شخص يحتاج للتشجيع لكي يطور من نفسه ، ارجو ان لا اكون اطلت عليكم ،
و جزاكم الله خيرًا

[sayedlabib]

المصانع الحربية ماتحولتش ومازالت بتنتج اسلح على اعلى مستوى وقريب اوى هاتسمع عن تعديل الحلوان تانى وهاتسمع عن نوع جديد خالص من الاسلحة الخفيفة والثقيله صناعه مصرية بنسبه 85 %

[التلميذ]

أرجو من الإدارة إغلاق الموضوع وتحياتى للجميع

[sameer]

ههههههههههههههه بس جامد اوي الصاعقة f3 دي
مهما كانت قدرتها على المناورة و الاختفاء هههههههههههههههههه

[بسام سعيد]

موقف جيد الاخ التلميذ

[sameer]

المشاركة الأصلية كتبت بواسطة التلميذ

أرجو من الإدارة إغلاق الموضوع وتحياتى للجميع

يا عم ليه بس

[التلميذ]

مش عوزين حد يزعل مننا وعلشان كدة أنا أزلت الفديو وتحياتى للجميع وشكر خاص لك يا أستاذ بسام

[بسام سعيد]

الشكر ليك انت انك قدرت تتراجع لما وجدت ان الموضوع هيسبب مشاكل
وفية اهانة للقوات المسلحة

[sameer]

المشاركة الأصلية كتبت بواسطة التلميذ

مش عوزين حد يزعل مننا وعلشان كدة أنا أزلت الفديو وتحياتى للجميع وشكر خاص لك يا أستاذ بسام

يا باشا عادي واحنا فاهمين قصدك انتا مش بتتريق على مصر ولا على انتاجنا الحربي انتا بتتكلم عن الضعف اللي كان السبب فيه حسني مبارك

واحنا ما كناش كدا ايام عبد الناصر والناس كانو عارفين ان فيه عندنا انتاج حربي مش اللي احنا كنا فيه ايام حوسحوس

[التلميذ]

المشاركة الأصلية كتبت بواسطة sameer

يا باشا عادي واحنا فاهمين قصدك انتا مش بتتريق على مصر ولا على انتاجنا الحربي انتا بتتكلم عن الضعف اللي كان السبب فيه حسني مبارك

واحنا ما كناش كدا ايام عبد الناصر والناس كانو عارفين ان فيه عندنا انتاج حربي مش اللي احنا كنا فيه ايام حوسحوس

شكر ليك يا أستاذنا

[التلميذ]

المشاركة الأصلية كتبت بواسطة بسام سعيد

الشكر ليك انت انك قدرت تتراجع لما وجدت ان الموضوع هيسبب مشاكل
وفية اهانة للقوات المسلحة

أستاذ بسام أنا على يقين وثقة أن هذا الفديو ليس فية إهانة لمصر ولا للقوات المسلحة ولاكن الإهانة لمبارك وأعوانة الذين حولو المصانع الحربية إلى ما رأيناه فى الفديو ولو كنت إستشعرت قدر مثقال ذرة أنة فية إهانة ما وضعتة من الأساس ولاكن لما حدث أختلاف فى وجهات النظر بين الأخوة أعضاء المنتدى ووجدت إن ممكن حد فيهم يزعل قلت بلاش نزعل حد وبلاش نختلف أزلت الفديو ووضعت مكانة موضوع أخر موجود فى المنتدى ايضا . وتحياتى لك وللجميع ويارب ميجبش زعل بنا أبداً أمين
http://www.egypthunt.net/showthread.php?t=9457