الصيد فى مصر  

العودة   الصيد فى مصر > الصيد البحري والنهري > صيد السمك

صيد السمك معلومات عن انواع الاسماك وكيفيه واماكن الصيد.

إضافة رد
أدوات الموضوع إبحث في الموضوع انواع عرض الموضوع
غير مقروء 12-03-23, 09:54 AM   #1
hesham d
Banned
 
تاريخ التسجيل: Feb 2012
المشاركات: 264
معدل تقييم المستوى: 0
hesham d hesham d hesham d hesham d hesham d hesham d hesham d hesham d hesham d hesham d hesham d
Talking الصيد فى النيل ( معلومات قيمه ومفيده )

1 – بعض انواع السمك الموجودة هناك لانى طبعا معرفهاش كلها نبدأ بالاكثر شهرة

- البلطى طبعا
- القرموط
- الكركور
- الشال ودة منه نوعين هنتكلم عنهم فيما يلى
- البياض ( العبيد)
- الشلب ( الشلبايه كما يطلقون عليها)
- الانوم ( المز)
- الرعاد ( الرعاش )
- الدقماق ( دكر العبيد ) ودة بيوصل لاحجام رهيبه انا شفتها بنفسى حوالى 80 كيلو جرام وفى اكبر


2- معدات الصيد

طبعا معدات الصيد متختلفش عن الصيد فى اى مكان الا ان القصبات ( البوص ) 90% منه لازم يكون مكن وانواع نضيفه جدا لتتحمل الاحجام الكبيرة
اما القصبات اللى من غير مكن قليله جدا وتستخدم غالبا لصيد البلطى


3– انواع الطعم

لا يوجد فى الصعيد طبعا الجمبرى ولا الدود الاسمعلاوى ولا الدود القراص ولكن الموجود هو
دود الارض – العجينه - الغله – العنب - مصارين الفراخ – وبعض المحارات اللى بتكون موجودة على شاطئ النيل – والسمك ( بعض الانواع تستعمل طعم )


4 – طرق الصيد والطعم المفضل لكل نوع من السمك بالترتيب

- البلطى

بما ان البلطى فى الصعيد احجامه معقوله شويه فالسن المستخدم له بيكون ما بين ( 9 و 6) وطبعا بيقبل على اى نوع من الطعم ( دود الارض - العجينه – الغله ) وطبعا المكة بتكون بجانب الشط او بين الحشيش ونادرا ما بتكون فى عمق النيل

- القرموط

طبعا دى اكتر سمكه بتاكل اى حاجة موجودة فى الميه ودى حكمه من ربنا لانه بتعمل على تنظيف المياه من اغلب القازورات يعنى فار ميت فرخه ميته سمك ميت اى حاجة متعفنه وخلاص من الاخر دى عامله زى القشاش بتاكل اى حاجة فى سكتها وبتيجى بأى طعم واى حجم سن الا انها ممكن تاكل كمان العنب والاحجام الكبيرة منها ممكن نحطلها الطعم عبارة عن فرخه ميته وفى ناس بتعملها عجينه بس يتخلى العجينه تتعفن علشان يكون لها رائحه نفازة تجزب القرموط وممكن تضيف لها روائح من عند العطار اسمها ( الحنتيت ) ويفضل لو وضعنا فى العجينه دماء اى قلبيحه

- الكركور

الكركور هو صغير الشال وسمى بهذا الاسم لانه بيطلع صوت اشبه بالكركرة وهو طالع من الميه وده بياكل دود ونادرا لما بيجى بالغله او بأى شئ تانى

- الشال

هو اكبر طبعا من الكركور بس نفس الشبه وبيكون له 3 شوكات اتنين فى الجنبين وواحدة فى الظهر وبيكونو جمدين جدا ومدببين الاطراف واحد اجناب الشوكه مسنن اشبه ما يكون بالمنشاروتكون حادة جدا ودة منه نوعين
الشال العادى وبيكون الظهر رمادى فاتح والبطن بيضاء جدا
والنوع الثانى بيسموه شال الحجر ودة لانه بيعيش بين الاحجار ولون ظهرة بيكون رمادى غامق جدا والنوع دة لازم تاخد بالك منه لانه لو كل الطعم ودخل الحجر يبقى عوضك على الله فى القرمه كلها لانه بيفرد الشوكتين اللى فى الجنبين ويصدرهم فى الحجر ومن المستحيل انه يطلع بعدها لانى بحس ان الشوكتين دول متركبين على مفصلات جامدة جدا لو طلعته فى ايدك وحولت انك تتنى الشوكة للجنب مستحيل انا جربت كدة فعلا ومعرفتش
ودة بيفضل دود الارض كباقى الاسماك ومكان وجودة قرب القاع وخاصه الاماكن اللى بيكون فيها حجارة

- البياض ( العبيد)
ودى سمكه قريبه الشبه بالقرموط والطعم المفضل ليها طبعا دود الارض وقطع السمك والحم اللى بيكون داخل المحارات اللى موجودة على ضفه النيل


- الشلب ( الشلبايه كما يطلقون عليها)

دى سمكة شكلها رقيق جدا ونادرا لما بتطلع فى السنارة لان ليها طريقه مخصوصه بيها لانها بتتغزى على الحشرات فهى بتاكل قرب سطح الميه وممكن تاكل دود الارض وغالبا لما بتطلع معايا بصفه خاصه بتكون كلت الطعم اثناء مهو نازل يعنى ميكنش لحق ينزل وبتلاقى السنارة جريت منك مع التيار بسرعه بتعرف ان دى شلبايه وطعمها جميل جدا

- الانوم ( المز)

انا شخصيا بحب السمكه دى جدا نظرا لشكلها الغريب وكمان انها بتعزنى جدا لانها بتطلع معايا كتير جدا مواصفات السمكة انها جسمها ناعم والشوك اللى فيها قليل جدا لذلك نادرا لما بتيجى بالشبك ولازم لصيد السمكه دى يكون معاك سن صغير جدا يعنى 12 او 11 ويكون ربط الشعر فى السن قليل يعنى لفتين تلاته بالكتير علشان ميشغلش حيز من السن علما بأن بق السمكه صغير جدا وله شكل غريب اشبه بخرطوم الفيل( على فكرة صورتها موجودة فى الموسوعه اللى عاملها احد السمكاويه عن الاسماك اللى بتعيش فى النيل ) والطعم عبارة عن دود الارض فقط وبتكون موجودة قرب قاع النيل .

- الرعاد ( الرعاش )

من اسم السمكه نعرف ان لها علاقه بالرعد او الرعشه فعلا لانها بها شحنه كهربيه ترعش وتؤلم من يحاول ان يمسك بها وهى على قيد الحياه والحل لو طلعت معاك اما انك تمسكها بأى عازل او تتركها لحد متموت ودى بتكون موجودة بين الحجارة والطعم عبارة عن دود الارض او مصارين الفراخ .

- الدقماق ( دكر العبيد )

انا مخلى الوحش دة للاخرلانه يستحق كلام كتير
فى بدايه الكلام عن هذا الوحش يجب ان نعرف ان مكان تواجدة بيكون فى قاع منتصف النيل ودة بيوصل احجام رهيبه جدا انا شفت منه حوالى 80 كيلو بس سمعت انه بيوصل فوق 120 كيلو بس انا مشفتهوش للامانه بس دة ليه طريقه صيد خاصه شويه فى الصعيد فى البدايه يجب تجهيز الطعم وهو عبارة عن (سمكه انوم ) ويجب ان تكون حيه وبكامل صحتها ويجب ان تكون البوصه من النوع الممتاز والشعر لا يقل عن 80 ( دة مقاس الشعر) نبدا رحله صيد وحش من هذه الوحوش
غالبا ما يكون الصيد باليل يعنى من بعد الساعه 9 بس اللى بيكون عاوز يصطادة بيروح بعد العصر ليه؟
علشان لازم الاول يصطاد الطعم وهو سمكه الانوم ويزعل لو طلع واحدة تكون بالعه الطعم لان بالشكل دة بعد ميسلك السناره السمكه هتموت المهم هو بيكون معاه عياشه يعنى كيس من الشبك بيحطه فى الميه ويحط فيه السمك اللى بيصطادة ليحافظ عليه حى ويفرح جدا لو لقى سمكه السنارة جيه فى شفتها بس حتى لو مع صياد جنبه ممكن يخدها منه ويديله اللى هو عاوزة لحد كدة كويس الطعم موجود والسناره جاهزة نيجى بقى لشلك القرمه وهى بتكون عبارة عن 3 سنون مقاس رقم 1 يعنى سنارة كبيرة



منقول
hesham d غير متواجد حالياً   رد مع اقتباس
sponsor links
غير مقروء 12-03-23, 07:39 PM   #2
fadeel79
صياد متقدم
 
الصورة الرمزية fadeel79
 
تاريخ التسجيل: Sep 2011
المدينه: القاهرة - عين شمس
المشاركات: 976
معدل تقييم المستوى: 106
fadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدىfadeel79 من اهم اعضاء المنتدى
افتراضي رد: الصيد فى النيل ( معلومات قيمه ومفيده )

السلام عليكم ، انا اهتماماتى اكبر بالصيد البرى لكن ان شاء الله هحاول اطلع مع اصحاب ليا طلعة بحرية بإذن الله الموضوع يعجبنى .

مشكور على المعلومات
__________________
قال الله تعالى فى اواخر سورة الكهف ( قُل هَل نُنَبِّئُكُم بِالأَخسَرينَ أَعمالًا ﴿103﴾ الَّذينَ ضَلَّ سَعيُهُم فِي الحَياةِ الدُّنيا وَهُم يَحسَبونَ أَنَّهُم يُحسِنونَ صُنعًا ﴿104﴾ أُولـئِكَ الَّذينَ كَفَروا بِآياتِ رَبِّهِم وَلِقائِهِ فَحَبِطَت أَعمالُهُم فَلا نُقيمُ لَهُم يَومَ القِيامَةِ وَزنًا ) صدق الله العظيم

محمد مصطفى ( فضيل )
fadeel79 غير متواجد حالياً   رد مع اقتباس
غير مقروء 12-06-10, 04:19 AM   #3
haney_taha
صياد جديد
 
تاريخ التسجيل: Jun 2012
المشاركات: 22
معدل تقييم المستوى: 5
haney_taha مستواه غير معروف
افتراضي رد: الصيد فى النيل ( معلومات قيمه ومفيده )

بارك الله فيك
بارك الله فيك
haney_taha غير متواجد حالياً   رد مع اقتباس
غير مقروء 12-06-10, 05:43 PM   #4
hesham d
Banned
 
تاريخ التسجيل: Feb 2012
المشاركات: 264
معدل تقييم المستوى: 0
hesham d hesham d hesham d hesham d hesham d hesham d hesham d hesham d hesham d hesham d hesham d
افتراضي رد: الصيد فى النيل ( معلومات قيمه ومفيده )

اقتباس:
المشاركة الأصلية كتبت بواسطة haney_taha مشاهدة المشاركة
بارك الله فيك
بارك الله فيك
شكرا على تعليقك
hesham d غير متواجد حالياً   رد مع اقتباس
غير مقروء 12-07-06, 06:08 PM   #5
tamer farag
صياد متفاعل
 
الصورة الرمزية tamer farag
 
تاريخ التسجيل: Mar 2012
المدينه: الهرم
المشاركات: 81
معدل تقييم المستوى: 5
tamer farag مستواه غير معروف
افتراضي رد: الصيد فى النيل ( معلومات قيمه ومفيده )

موضوع فعلا هايل ومفيد ......... تسلم ايدك
__________________
سبحان الله وبحمده ----- سبحان الله العظيم
tamer farag غير متواجد حالياً   رد مع اقتباس
إضافة رد

sponsor links

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
أفضل أنواع البوص والسنارات الصيد في النيل والبحر محمد عز صيد السمك 5 15-12-01 11:32 PM
معلومات قيمه جدا pooforever_2010 الموضوعات العامه 20 12-03-10 12:15 AM
معلومات عن كلاب الصيد Masterssss الصيد بالكلاب 2 11-12-30 11:56 AM
اماكن الصيد في النيل menoo2011 صيد السمك 1 11-11-13 12:15 PM
معلومات رحلات الصيد أسامه خطاب صور وفيديو الصيد ورحلاته 3 10-11-24 11:24 PM


الساعة الآن 03:00 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir