مساعده كهربائيه

[TheLegnedkiller]

السلام عليكم ورحمه الله وبركاته

يا جماعه ابن عمي واقع في مشكله
في موضوع اعاده تدوير البلاستيك

ماكينه تكسير البلاستيك موتور 10 حصان 3 فاز
وهو كهرباء الشقه عنده 2 فاز

فطبعا المكنه مش هتشتغل
هو عاوز طريقه يشغلها بيها

وهو سئل علي حكايه العداد التجاري الي هو 3 فاز
ناس كتير قالوله هيبقي رخم وصعب وعاوز رشاوي كتير

وكمان لما بييجي يحاسب علي الكهرباء
بيفحت فلوس واسمع انهم بيجيلهم فلوس كتير اوي عليهم

فياريت لو حد متخصص في المجال ده
يقولي حل
سواء بقي محول من 2 فاز الي 3 فاز

او اي مساعده في الموضوع ده
لاني داخل فيه بعد ما اخلص الامتحانات :d

مع تحياتي
ليجند

[ebrahem]

يركب عداد منزلى 3 فاز بيتكلف حوالى 3 اï»»ف جنية

[TheLegnedkiller]

طب فيه حل تااني
لانه كده اعتقد انه هيتفحت فلوس كهرباء
وكمان عشان تركبه بتدفع رشاوي وحاجات كتير

[lord of the war]

العداد التجاري ال 3 فاز فاتورته مش غاليه ولا اي حاجه يعني بالكتير لو شغل يومي بتاع 70-80 جنيه ولكن المشكله انك تجيبه اصلا هتدفعلك من 15-20 الف رشاوي وتخليص ورق احنا مركبيه عندنا من سنه 2000 مصنع عجوه ولغينا المشروع ولسه العداد متركب حتي الان وبيجي فاتوره شهريا بتاع اربعه او بالكتير عشره جنيه

[elmasrey123]

المشاركة الأصلية كتبت بواسطة thelegnedkiller

السلام عليكم ورحمه الله وبركاته

يا جماعه ابن عمي واقع في مشكله
في موضوع اعاده تدوير البلاستيك

ماكينه تكسير البلاستيك موتور 10 حصان 3 فاز
وهو كهرباء الشقه عنده 2 فاز

فطبعا المكنه مش هتشتغل
هو عاوز طريقه يشغلها بيها

وهو سئل علي حكايه العداد التجاري الي هو 3 فاز
ناس كتير قالوله هيبقي رخم وصعب وعاوز رشاوي كتير

وكمان لما بييجي يحاسب علي الكهرباء
بيفحت فلوس واسمع انهم بيجيلهم فلوس كتير اوي عليهم

فياريت لو حد متخصص في المجال ده
يقولي حل
سواء بقي محول من 2 فاز الي 3 فاز

او اي مساعده في الموضوع ده
لاني داخل فيه بعد ما اخلص الامتحانات :d

مع تحياتي
ليجند

انته جيت فى ملعبى نسيت ان ده شغلى
اولا ياحبيبى مش انته الى بتحدد لما بتيجى تقدم على كهربه فى حاجة اسمها نوع النشاط ومعاينه بتم وعليه بيتم تحديد الى بناسبك من كابلات كهربه ونوع العداد على حسب الاحمال المستخدمة فاطبيعى انك تتعملك فى المقايسه عداد 3 فاز وكابل ي60 ي80 وبتبقه الحجات دى محسوبه فى المقايسه وبيدخل فيها المساحة بتاع المكان والكلام ده وليه تمنها لا رشاوى ولا حاجة دى تمنها اغلى من العادى
بالنسبه للحساب يابيه يابتاع الثانويه
الحصان بيساوى كام 746 وات
يبقه الماتور ال10 حصان بيستهلك كام 7460 وات يعنى حوالى 7 كيلو ونص وده بيبقه فى الساعه
يعنى هتستهلك 7 كيلو ونص فى الساعة
متوسط استهلاك 8 ساعات يدينا 60 كيلو
60كيلو فى 30 يوم بيساوى 1800 كيلو
نترجم الكلام ده لفلوس بقه
النشاط تجارى يبق ال1000 الاول ب650 جنيه وال800 التانيين دول بحوالى 600 جنيه علشان حساب اسمه الشرايح كل مزاد الاستهلاك زاد سعر الشريحة
يبقه بتتكلم فى 1250 بالضرايب والدماغات ولو ايشى لمبه ومروحة والهجس ده يعنى 1500 جنيه كهرباء فى الشهر لو الماتور اشتغل 8 ساعات فى اليوم
اى خدمة

[elmasrey123]

اظن بعد اجابتى على سؤالك المفروض تيجى تبوس ايدى وتقولى يا اونكل مصرى

[مورو]

بص يا انكل مصري كلامك ميه لميه لميه لميه واسيادنا راضيين عليك بس ليا نعقيم بسيط هههههههههه بالنسبه لموضوع الرشاوي يانجم الراجل هيتفحت رشاوي ودي تجربه عمليه عندي واحد صاحبي بيفتح مصنع خلاطات مياه وحنفيات والنشاط ورشة خراطه وبالنسبه للكهربا عنده مكن محتاج 3 فاز ودفع رشاوي وجت المعاينه علشان يعملوا المقايسه قالوله هتدفع تمن الكابلات من الشارع من برا وتكلفتها 10000 جنيه
والحمد لله الراجل موقف النشاط من سنتين

[elmasrey123]

المشاركة الأصلية كتبت بواسطة مورو

بص يا انكل مصري كلامك ميه لميه لميه لميه واسيادنا راضيين عليك بس ليا نعقيم بسيط هههههههههه بالنسبه لموضوع الرشاوي يانجم الراجل هيتفحت رشاوي ودي تجربه عمليه عندي واحد صاحبي بيفتح مصنع خلاطات مياه وحنفيات والنشاط ورشة خراطه وبالنسبه للكهربا عنده مكن محتاج 3 فاز ودفع رشاوي وجت المعاينه علشان يعملوا المقايسه قالوله هتدفع تمن الكابلات من الشارع من برا وتكلفتها 10000 جنيه
والحمد لله الراجل موقف النشاط من سنتين

يامورو محدش فيكم عايز يفهمنى ليه مش هو الى بيحدد هو هيعوز ايه المعاينه هى الى بتكتب ايه الى يلزم المكان شكل ماقلولوه كده الكابلات ده هتلاقيه كابل 120 الكابل ده غالى جدا واكيد اتسحبه من اقرب محول يا جهد متوسط علشان كده التكلفه عاليه لكن ممكن الرشاوى الى انته بتقول عليها دى ان المهندس او الفنى الى مسئول عن المعاينه مش عايز يططلع الا اما يقبض او ان كل ميسال عن المهمات فى المخازن يقولو ليه مش موجوده وهكذا لكن لو اشتكى هياخدها قدام موجوده على فكره انا بتكلم كده لان انا شغل فى الكهرباء اصلا بس فى سينا والشغل ده بشوفه كتيرررررررررر

[TheLegnedkiller]

المشاركة الأصلية كتبت بواسطة lord of the war

العداد التجاري ال 3 فاز فاتورته مش غاليه ولا اي حاجه يعني بالكتير لو شغل يومي بتاع 70-80 جنيه ولكن المشكله انك تجيبه اصلا هتدفعلك من 15-20 الف رشاوي وتخليص ورق احنا مركبيه عندنا من سنه 2000 مصنع عجوه ولغينا المشروع ولسه العداد متركب حتي الان وبيجي فاتوره شهريا بتاع اربعه او بالكتير عشره جنيه

بسم الله ماشاء الله
ادفع رشاوي 15 الف جنيه
هههههههههههههه
هو المشروع نفسه فيه كام 15 الف جنيه

[TheLegnedkiller]

المشاركة الأصلية كتبت بواسطة elmasrey123

انته جيت فى ملعبى نسيت ان ده شغلى
اولا ياحبيبى مش انته الى بتحدد لما بتيجى تقدم على كهربه فى حاجة اسمها نوع النشاط ومعاينه بتم وعليه بيتم تحديد الى بناسبك من كابلات كهربه ونوع العداد على حسب الاحمال المستخدمة فاطبيعى انك تتعملك فى المقايسه عداد 3 فاز وكابل ي60 ي80 وبتبقه الحجات دى محسوبه فى المقايسه وبيدخل فيها المساحة بتاع المكان والكلام ده وليه تمنها لا رشاوى ولا حاجة دى تمنها اغلى من العادى
بالنسبه للحساب يابيه يابتاع الثانويه
الحصان بيساوى كام 746 وات
يبقه الماتور ال10 حصان بيستهلك كام 7460 وات يعنى حوالى 7 كيلو ونص وده بيبقه فى الساعه
يعنى هتستهلك 7 كيلو ونص فى الساعة
متوسط استهلاك 8 ساعات يدينا 60 كيلو
60كيلو فى 30 يوم بيساوى 1800 كيلو
نترجم الكلام ده لفلوس بقه
النشاط تجارى يبق ال1000 الاول ب650 جنيه وال800 التانيين دول بحوالى 600 جنيه علشان حساب اسمه الشرايح كل مزاد الاستهلاك زاد سعر الشريحة
يبقه بتتكلم فى 1250 بالضرايب والدماغات ولو ايشى لمبه ومروحة والهجس ده يعنى 1500 جنيه كهرباء فى الشهر لو الماتور اشتغل 8 ساعات فى اليوم
اى خدمة

طب يا اونكل مصري
كلامك حلو
بس دلوقتي انا بتكلم في حاجه
مافيش حاجه في البلد ديه للاسف الا بتمشي بالرشاوي والوسايط
لو علي كلامك ده بس هخليه يركب عداد 3 فاز ويدفع 1500 كهرباء في الشهر او اكتر من صعبه
الي انا بتكلم فيه انه هيتفحت رشاوي

[TheLegnedkiller]

المشاركة الأصلية كتبت بواسطة مورو

بص يا انكل مصري كلامك ميه لميه لميه لميه واسيادنا راضيين عليك بس ليا نعقيم بسيط هههههههههه بالنسبه لموضوع الرشاوي يانجم الراجل هيتفحت رشاوي ودي تجربه عمليه عندي واحد صاحبي بيفتح مصنع خلاطات مياه وحنفيات والنشاط ورشة خراطه وبالنسبه للكهربا عنده مكن محتاج 3 فاز ودفع رشاوي وجت المعاينه علشان يعملوا المقايسه قالوله هتدفع تمن الكابلات من الشارع من برا وتكلفتها 10000 جنيه
والحمد لله الراجل موقف النشاط من سنتين

بلد مش عاوزه حد يعمل فيها مشاريع ولا حاجه
وبلا فخر احنا البلد الوحيده الي بتحارب المشاريع في بلدك

[elmasrey123]

عيل قمة فى التخلف روح امشى فى الاجراءات حتت ملف وخلاص وبيتملى وفلم بينتهى اما يقولولك ادفع رشوة متدفعش ده انتم عالم قمة .................. وصلت طبعا هو انتم فاكرين العداد ده فاكها ده المقايسه بتاعتها حوالى 5 اضعاف المقايسه بتاعت العداد العادى يعنى مصلحة اياك مصر كلها تركب ال3 فاز

[TheLegnedkiller]

المشاركة الأصلية كتبت بواسطة elmasrey123

عيل قمة فى التخلف روح امشى فى الاجراءات حتت ملف وخلاص وبيتملى وفلم بينتهى اما يقولولك ادفع رشوة متدفعش ده انتم عالم قمة .................. وصلت طبعا هو انتم فاكرين العداد ده فاكها ده المقايسه بتاعتها حوالى 5 اضعاف المقايسه بتاعت العداد العادى يعنى مصلحة اياك مصر كلها تركب ال3 فاز

يا مصري يامصري انت

حاسس انك قاعد بره مصر
ومش عارف جو الرشاوي الي بتحصل عشان تتركب اصلا
صباح العسل
وعلي العموم شكرا لردك
وان شاء الله اروح هناك واسئل ولو حد قالي
ادفع كذا
هقوله روح خدهم من المصري

[adel152]

ياجماعة براحة على المصرى شوية. الراجل بيتكلم على الاجراءات المطلوبة مش أكثر. وممكن المصرى يكون شغال فى مكتب ادارى ومالوش تعامل مع الجمهور.
بص يامصرى كلام مورو وليجند مضبوط مافيش حاجة هتخلص غير بالدفع. انا شخصيا اتعاملت مرتين مع شركة الكهرباء لتغيير العداد من اسم مالك الشقة القديم الى أسمى. وفعلا كله بيمشى بالفلوس مرة سنة 2005 ومرة 2012. وللعلم طلب الفلوس بقى ببجاحة أكثر بعد 2011.

[TheLegnedkiller]

المشاركة الأصلية كتبت بواسطة adel152

ياجماعة براحة على المصرى شوية. الراجل بيتكلم على الاجراءات المطلوبة مش أكثر. وممكن المصرى يكون شغال فى مكتب ادارى ومالوش تعامل مع الجمهور.
بص يامصرى كلام مورو وليجند مضبوط مافيش حاجة هتخلص غير بالدفع. انا شخصيا اتعاملت مرتين مع شركة الكهرباء لتغيير العداد من اسم مالك الشقة القديم الى أسمى. وفعلا كله بيمشى بالفلوس مرة سنة 2005 ومرة 2012. وللعلم طلب الفلوس بقى ببجاحة أكثر بعد 2011.

ماهو انا بتكلم في كده
الاجراءات ماشي سهله
انما التركيب وخلافه لازم رشاوي وبلاوي


ربنا يسامح الحكومه الي عملت فشل في المشاريع بسبب الرشاوي

[adel152]

المشاركة الأصلية كتبت بواسطة thelegnedkiller

ماهو انا بتكلم في كده
الاجراءات ماشي سهله
انما التركيب وخلافه لازم رشاوي وبلاوي


ربنا يسامح الحكومه الي عملت فشل في المشاريع بسبب الرشاوي

ياباشا العيب مش فى الحكومة فقط العيب فينا كلنا. يعنى انا واحد من الناس بأعتبر نفسى ساعدت فى الفساد لأنى بأخلص كل حاجة يابالرشوة أو بالواسطة بس للأسف ماكنش عندى خيار علشان أخلص مصالحى لكن ده مايعفنيش من المسؤلية أنى ساهمت فى الفساد. لو كل واحد حاسب نفسه هتلاقى البلد كلها فاسدة لكن احنا بنعلق الاخطاء على الحكومات فقط.
وانا شايف ان الموضوع ده هيتحذف لأننا بدأنا نتكلم فى السياسة.
ربنا يستر. هههههههههههه.

[elmasrey123]

المشاركة الأصلية كتبت بواسطة adel152

ياجماعة براحة على المصرى شوية. الراجل بيتكلم على الاجراءات المطلوبة مش أكثر. وممكن المصرى يكون شغال فى مكتب ادارى ومالوش تعامل مع الجمهور.
بص يامصرى كلام مورو وليجند مضبوط مافيش حاجة هتخلص غير بالدفع. انا شخصيا اتعاملت مرتين مع شركة الكهرباء لتغيير العداد من اسم مالك الشقة القديم الى أسمى. وفعلا كله بيمشى بالفلوس مرة سنة 2005 ومرة 2012. وللعلم طلب الفلوس بقى ببجاحة أكثر بعد 2011.

انا فى التفتيش الفنى مراجع قراء وتحصيل لكن يوم ماحد هناك فى سينا بيتمعظم بياكل الناس الى ريحالوه الله يكون فى عونكم

[adel152]

المشاركة الأصلية كتبت بواسطة elmasrey123

انا فى التفتيش الفنى مراجع قراء وتحصيل لكن يوم ماحد هناك فى سينا بيتمعظم بياكل الناس الى ريحالوه الله يكون فى عونكم

طيب لو مالوش نفس ياكل! ممكن ياخد حقه ناشف وياخد 2 كيلو لحمه وهو مروح؟ ههههههههه.
فلوس أو أكل كلها رشاوى يابرنس. زى بالضبط لما دلعوا الرشاوى وسموها أكرامية...

ياباشا احنا بلد غارقة فى الفساد من ساسها لراسها بس مافيش حد عايز يحاسب نفسه والناس كلها دلوقتى عايزة تحاسب الاخرين. انت عمرك شفت أو سمعت عن بلد فى العالم بيتبنى فيها مبانى بدون ترخيص؟ ولا العربيات اللى ماشية فى الشوارع وبتطلع مازوت من الجكمنات بتاعتها وفى ناس خايفة من تلوث البيئة لو استخدموا فحم!!! وناس تزرع رز وتولع فى الهيش بتاعه طول الليل. وناس تولع فى كوتش العربيات القديم علشان يطلعوا منه النحاس ليبيعوه بالكيلو. ياباشا ده احنا بلد عايزة يتولع فيها بجاز من اولها لأخرها.

[TheLegnedkiller]

المشاركة الأصلية كتبت بواسطة adel152

ياباشا العيب مش فى الحكومة فقط العيب فينا كلنا. يعنى انا واحد من الناس بأعتبر نفسى ساعدت فى الفساد لأنى بأخلص كل حاجة يابالرشوة أو بالواسطة بس للأسف ماكنش عندى خيار علشان أخلص مصالحى لكن ده مايعفنيش من المسؤلية أنى ساهمت فى الفساد. لو كل واحد حاسب نفسه هتلاقى البلد كلها فاسدة لكن احنا بنعلق الاخطاء على الحكومات فقط.
وانا شايف ان الموضوع ده هيتحذف لأننا بدأنا نتكلم فى السياسة.
ربنا يستر. هههههههههههه.

تمام كلامك يا استاذ عادل
بس ايه الي خلي الناس تتجه للرشوه والواسطه
ان مافيش ضمير في العمل وفي الجهات المختصه
ولو معملتش كده هتستني بتاع سنه او اكتر ان حد يعبرك

[TheLegnedkiller]

المشاركة الأصلية كتبت بواسطة adel152

طيب لو مالوش نفس ياكل! ممكن ياخد حقه ناشف وياخد 2 كيلو لحمه وهو مروح؟ ههههههههه.
فلوس أو أكل كلها رشاوى يابرنس. زى بالضبط لما دلعوا الرشاوى وسموها أكرامية...

ياباشا احنا بلد غارقة فى الفساد من ساسها لراسها بس مافيش حد عايز يحاسب نفسه والناس كلها دلوقتى عايزة تحاسب الاخرين. انت عمرك شفت أو سمعت عن بلد فى العالم بيتبنى فيها مبانى بدون ترخيص؟ ولا العربيات اللى ماشية فى الشوارع وبتطلع مازوت من الجكمنات بتاعتها وفى ناس خايفة من تلوث البيئة لو استخدموا فحم!!! وناس تزرع رز وتولع فى الهيش بتاعه طول الليل. وناس تولع فى كوتش العربيات القديم علشان يطلعوا منه النحاس ليبيعوه بالكيلو. ياباشا ده احنا بلد عايزة يتولع فيها بجاز من اولها لأخرها.

صح والله كلامك
بس انا عندي تعليق
ايه الي خلي الناس تتجه للفساد وخلافه
ان اولا مافيش ضمير في العمل
ثانيا لو عاوز تمشيها قانوني هتتفحت فلوس

[TheLegnedkiller]

طب انا عندي فكره
هو انا ممكن اجيب مولد كهرباء 3 فاز
بقدره 2.2 كيلو وات
يشغل المكنه ولا ايه ؟؟

[TheLegnedkiller]

في انتظار رد الخبراء

[TheLegnedkiller]

تم غلق الموضوع