برجاء النصيحة

[magellan2012]

السلام عليكم,
أنا لسة مكتشف المنتدي الرائع ده النهاردة بس, و ذهلت من كمية المعلومات الممتازة اللي فيه,
معلهش هاكون طماع و أسأل في حاجات كتير أرجو أن أجد لها منيتسع صدره لإفادتي,
نبتدي بأه الغلاسة و الأسئلة:
1- عندي بريتا 92 ال 8 مم و بقالها عندي زمن , و لونها بقي " حقير جدا " يعني بقت جربانه و اللون الأسود بتاعها بقي رمادي و مشبح , هل فيه طريقة لصبغها " بعيد عن الباشاوات بتوع محلات السلاح اللي ماحدش يقدر يتكلم معاهم و يحس إنهم بيحترموه و لو إتكلم معاك كويس يبقي إدفع يا نجم. مع العلم إني غاوي شغل بإيدي و فتحت ماسورة قبل كده, و إشتغلت معايا , فلو فيه حل بيتي يبقي كتر خيركم.
2- عندي بأه حتة Ekol Tuna الصغيرة و جبتها للمدام عندي , بس إدتها لأخوها يوم و رجعها من غير إبرة الضرب و مكانها فاضي , فهل فيه حد بيبيع قطع الغيار دي و يكون أمين و بيعامل الزبون بإحترام من غير ما يعمل فيها رسالة دكتوراة.
3- الماسورة بتاعة البريتا ال 8 مم ممكن ألاقيها لوحدها و لو موجودة سعرها ممكن يبقي كام " قصدي علي الصوت طبعا".
ما أعرفش إن كانت طلباتي سخيفة, أو غريبة عليكوا , بس دي أول مرة أتعامل مع المنتدي , و مش عارف إن كان أسلوبي بايخ أو رخم ,بس أنا عشمان في الناس إللي موجودة بعد ما قريت أكتر من مشاركة.
و شكرا مقدما

[kimokono]

- شوف يا سيدى
- فيه لوسيون وقعت فية بالصدفة بيرجع المسدس لاصلة - بقطنة و تمشى على كل المسدس - موجود عند كل محلات السلاح - بس غالى شوية ( 250 مللى ب 200 جنية ) بس يعملو 10 مسدسات
- بالنسبة للتونا روح لشريف 100 ش شبرا قبل 7 مساء حيركب لك واحدة جديدة وانت واقف .
- لو الباريتا بتاعتك ايطالى مش مصرى انتاج قبل 2002 ممكن تلاقى الماسورة -
وتحت امرك فى اسال فى اى وقت.

- تحياتى

[hema777h]

[QUOTE=magellan2012;75036]السلام عليكم,
أنا لسة مكتشف المنتدي الرائع ده النهاردة بس, و ذهلت من كمية المعلومات الممتازة اللي فيه,
معلهش هاكون طماع و أسأل في حاجات كتير أرجو أن أجد لها منيتسع صدره لإفادتي,
نبتدي بأه الغلاسة و الأسئلة:
1- عندي بريتا 92 ال 8 مم و بقالها عندي زمن , و لونها بقي " حقير جدا " يعني بقت جربانه و اللون الأسود بتاعها بقي رمادي و مشبح , هل فيه طريقة لصبغها " بعيد عن الباشاوات بتوع محلات السلاح اللي ماحدش يقدر يتكلم معاهم و يحس إنهم بيحترموه و لو إتكلم معاك كويس يبقي إدفع يا نجم. مع العلم إني غاوي شغل بإيدي و فتحت ماسورة قبل كده, و إشتغلت معايا , فلو فيه حل بيتي يبقي كتر خيركم.
2- عندي بأه حتة Ekol Tuna الصغيرة و جبتها للمدام عندي , بس إدتها لأخوها يوم و رجعها من غير إبرة الضرب و مكانها فاضي , فهل فيه حد بيبيع قطع الغيار دي و يكون أمين و بيعامل الزبون بإحترام من غير ما يعمل فيها رسالة دكتوراة.
3- الماسورة بتاعة البريتا ال 8 مم ممكن ألاقيها لوحدها و لو موجودة سعرها ممكن يبقي كام " قصدي علي الصوت طبعا".
ما أعرفش إن كانت طلباتي سخيفة, أو غريبة عليكوا , بس دي أول مرة أتعامل مع المنتدي , و مش عارف إن كان أسلوبي بايخ أو رخم ,بس أنا عشمان في الناس إللي موجودة بعد ما قريت أكتر من مشاركة.
و شكرا مقدما




في ملمع عندي ممكن تعرفني انتا فين وتجربو هو ملمع جبار ولو انت رايح لشريف ابقي قولي عشان في مسدس عندي ونروح انا وانت مع بعض...... في انتظار ردك