إستفسار عن الصيد بالقوس

[ahmed2101]

كان عندى إستفسار بالنسبة للصيد بالقوس هل هو متوفر فى مصر ولا ممنوع وممكن نلاقية فى محلات الذخيرة عادى وأسعارة بتبقى غالية ولا رخيصة وهل القوس دة لصيد الحيوانات بس ولا ممكن نصطاد بية طيور

[Consul]

المشاركة الأصلية كتبت بواسطة ahmed2101

كان عندى إستفسار بالنسبة للصيد بالقوس هل هو متوفر فى مصر ولا ممنوع وممكن نلاقية فى محلات الذخيرة عادى وأسعارة بتبقى غالية ولا رخيصة وهل القوس دة لصيد الحيوانات بس ولا ممكن نصطاد بية طيور

أخي العزيز الأستاذ أحمد 2010...بندقية القوس...أو الرمي بالقوس...أو الرمح ( الحربة )...سواء لغرض الصيد أو الرماية...للأسف هذه الرياضة غير رائجة أو منتشرة في مصر وتندرج ضمن الأسلحة الممنوعة مثل الأسلحة البيضاء والمطاوي وهكذا...ويجرم القانون حملها واقتنائها مثل باقي الممنوعات الأخري...لأنها سلاح قاتل...ويقتصر ممارستها فقط في المسابقات الدولية العالمية...وبالتالي لا تباع بمحلات الأسلحة حيث أنها غير مرخصة وليس لها ترخيص من أصله...يمكن للبعض أن يحضرها من الدول الأفريقية بطريق التهريب علي سبيل استخدامها كديكور في الصالون وهكذا...ولكن في حال اكتشافها تصادر فورا ويحرر بها محضر...أرجو أن أكون قد أفدتك...هذا حسب معلوماتي المتواضعة...والمجال مفتوح طبعا لمن يحب أن يضيف ويعرف أكثر...خالص تحياتي واحترامي للجميع...

[hoka]

هو معنديش فكره عن توافرها فى المحلات ولا لا بس اعتقد انه محتاج تدريب عالى اوى وكمان مينفعش للطيور بتاتا علشان متحركه ولو ما صابتش الطير هاتصيب مين؟؟؟
بس يعنى ده قصدى
وربنا يوفقك وتلاقى الرد المناسب

[الجزار]

ممنوع استخدامها في مصر

[ahmed2101]

ألف شكر يا جماعة للإفادة وربنا يجازيكم خير

[w-m-a]

متواجده فى مصر ولكن على نطاق ضيق للرياضه
وللاسف سعر القوس من 2000 الى 5000 جنيه
لكن البندقيه غير متواجده فى مصر تقريبا غير بالطلب
وهى رائعه فى صيد الطيور الكبيره مثل الديوك الرومى
وتقريبا الوحيد فى مصر بيبعها الاستاذ موسى فتح الله

[ahmed2101]

ألف شكر لحضرتك على الإضافة يا أستاذ w-m-a

[Mina]

لو عاوز تتمرن على النشن بالقوس فى مكان ممكن تروحة اسمة عذبة الصاوى مكان معروف جدا وهما هناك ممكن يرشدوك تشترية من فين بس زى ما استاذ جمال قال لك هو ممنوع اقتنائة ولو اتمسكت بية فى حتة يواسفنى انى اقولك انك هتتشقلط

تقبل مرورى