هامبورجر بالبيض والبقسماط

[وليد سعد زغلول]

السلام عليكم
عملت هامبورجر في البيت أمس وحبيت أقولكم الطريقة وإن شاء الله يعجبكم
المقادير:
كيلو إلا ربع لحم مفروم
2 بصلة متوسطة و5 فصول ثوم من الحجم الكبير وحبة فلفل رومي وأخرى حامي
جوز الطيب وبهارات وكزبرة ناشفة وكمون
2 كيس فيجيتار وشوية دقيق وبقسماط ناعم
عدد 2 بيضة
الطريقة:
نضع البصل والثوم والفلفل ومعاهم جميع البهارات في الكبة ونفرمهم
مع حساب عدم وضع ملح لأن الفيجتار به ملح
ونضعهم على اللحم المفروم ونعجنهم جيدا وبعد كده نرش كيس فيجيتار
معاهم ونعجنهم جيدا ونعملهم أقراص مدورة
ونخلط كيس الفيجتار الثاني مع شوية الدقيق وشوية البقسماط الناعم
وندهن الأقراص بالبيض ثم نضعهم في خلطة الفيجيتار ونقليهم في الزيت
ونعملهم ساندوتشات وممكن نضع عليهم شراط طماط وبصل وفلفل
وأي شيء نحبه زي المايونيز والكاتشب
وبألف هنا وشفا
وإليكم الصور

[هشام سمير]

برنس وليد بك متزعلش من اللى بياكل من سكات