|
الورشة صيانه البنادق واصلاح مشاكلها الفنيه. |
أدوات الموضوع | إبحث في الموضوع | انواع عرض الموضوع |
11-12-16, 07:21 PM | #1 |
صياد نشيط
|
اخيرا .. تم طلاء الانتي مونيا وحل المشكله نهائيا والنتيجة قدامكم
السلام عليكم
بقالنا سنين واحنا بنحاول في طلاء الانتيمونيا وجربنا كل حاجة ولكن للاسف كل المحاولات بائت بالفشل بسبب شدة نعومة معدن الانتيمونيا وعدم ثبات اي طلاء عليه . حاولت محاولات كثيرة وسألت ناس كتير ولكن الاجابة دائما كانت يا اما سلبية ( وانت عايز تطليه ليه ؟؟ مهوا زي الفل اهو حلو ) ويا اما كانت الاجابة المعتاده هات سبراي دوكو ورش عليه . واما كانت اجابة تحتوي علي فتوي جميلة بصراحة بصراحة بدات افكر واسال وادور علي النت ولكن دون فائده واخيرا قلت انا لازم اجرب بنفسي . مش هينفع افضل كده وشكل المسدس كان زي الزفت بصراحة ومكسوف اشيلة اصلا قلت طالما هدهنه . يبقا لازم يطلع بعدها تحفة وبدأت افكر في طريقة تفنيش من اول وجديد ليه اول حاجة فكرت فيها الخزنة . الخزنة بتاعتة القاعدة بتاعتها صغيرة . طبعا لاني مهندس وراجل حرفي جبت بلاستك وشكلته بالتسييح لحد وخلقت حته اطول بيها قاعدة الخزنة عشان تبان ان الخزنة كبيرة زي المسدسات الحية تاني حاجة فكرت فيها النقط الحمرا الموجوده في الامان دي هعملها ازاي ؟ فكرت طبعا في الواني المفضلة في الرسم علي كفرات الموبايل ( من هواياتي الرسم برضو ) اللي هيا المنوكير . ولكن عيب المنوكير انه لو اتدهن علي اللون الاسود هيبقا غامق مش هيبقا باين قوي . ولو خففت الاحمر هيتحول لبمبي . طبعا لقيت الحل اني ادهن بمونكير ابيض الاول وبعدين ادهن الاحمر فوق الابيض تالت حاجة فكرت فيها النيشان كنت عايز اعمله فسفوري . رحت جايب بنطة 2 ميلي وحفرت في النشان نفسه تلات نقط عشان انزل فيهم المنوكير ويبقا كده النشان زي البريتا بالزبط رابع حاجة طبعا الطباعة عليها . وده لقيته هيكلفني 200 جنية عشان تطلع زي ما انا عايز فرحت منفضلها خالص وقلت 200 جنية ؟؟ لا في داهية طبعا بعدها سالت والعضو الفاضل المهندس احمد مصطفي eng.amg اخبرني انه في في جنبه مصنع بيطلي بالاليكترو ستاتيك . وان التكلفة بسيطة . طبعا مصدقتش خبر رحت طالع علي واحد بتاع سلاح عندنا في الزقازيق - بدون ذكر اسماء مع العلم ان مفيش غيرة في الزقازيق - وسالته عندك اليكترو ستاتيك ؟ قالي اه عندي حوض . قلتله طب ما تدهنلي الطبنجة دي ؟ قالي نعم ؟؟ يا بشمهندس دي تسيح لو حطيتها في الفرن ده الفرن 200 درجة . قلتله تسيح ؟ طيب ماشي - وطبعا قلت في سري علي اساس انها حتت زبده ؟ ورحت سايبة وماشي قررت بقا اني اروح المصنع ده واعملها بنفسي . ولكن انا كل يوم في العاشر . والعاشر مليانة مصانع . وانا معدي رحت معدي علي ورشة صغيرة قلتلهم في حد هنا بيطلي اليكترو ستاتيك ؟ قالي اه علي نفس الصفة بعد محلين رحتله قالي ينفع طبعا . بكام ؟؟ مكانش راضي ياخد فلوس بصراحة . قالي دي حاجة بسيطة قوي بس فككها وهاتها طبعا المهندس احمد قالي مشكورا انه لازم تفكك الطبنجة حته حته قبل ما اروح . وطبعا كلامة صح تماما لان السوسته ليها وضع طبيعي برة المسدس .ووضع غير طبيعي جوا المسدس . واللي بيخلي الاجزاء تشتغل بالطريقة اللي احنا شايفنها دي هوا سعي السوسته انها ترجع لوضعها الطبيعي . المهم رحت لبتاع السلاح اللي في الزقازيق تاني عشان اخليه يفككها لان في سوست هعرف افكها بس مش هعرف اركبها . رحتله قلتله هفك الاجزاء دي كلها وهيبقا في عندي تلات سوست مش هعرف اركبهم قالي ليه هتفككها ؟ قلتله هديها اليكتروستاتيك . راح شاخط فيا وقايلي يا عم هتسييييح . قلتله مش مشكله انا عايزها تسيح . المهم هتعرف تركبها ؟ قالي اه فككها وهاتها واحنا نجمعهالك . قلتله ماشي هتكلف كام ؟ قالي حاجة بسيطة بس هاتها . قلتله كام بس عشان اعمل حسابي قالي 200 جنية ان شاء الله .. 100 جنية تركيب و100 تنضيف . قلتله يااااه لا دي بسيطة يا عم انا افتكرتك هتقول الف جنية ولا حاجة . خلاص انا هجيبهالك ان شاء الله ورحت سايبه وماشي طبعا روحت فككتها مليون حته وشلت كل السوست وانا مركز جدا ولقيت تكنيك المسدس كويس ومش محتاج اي عدد خاصة في التركيب . ورحت وديته يتطلي . وطبعا طلع تحفة فنية رائعة . ومكلفش حاجة تقريبا ولكن للاسف . لاني اول مرة اعمل كده فكان لازم يكون في تمن لكده .. فعشان كده لازم ارصد التجربة بتاعتي بالنقط عشان محدش يغلط الغلط اللي انا غلطته 1- يجب تفكيك الطبنجة حته حته .. سوسته سوسته .. زنجة زنجة .. متسيبش حتتين لازمقين في بعض مهما كانوا . لو سبتهم هيلحموا في بعض لان الاليكترو ستاتيك طبقة معدنية 2- لازم تكون خبير في فك السلاح .. متقدمش علي حاجة زي دي الا وانت فعلا راجل حرفي وعندك عده . واوعي تستخدم شواكيش حديد في فك البراشيم او تدق علي الطبنجة نفسها 3- المسمار البرشام الموجود خصوصا في المقبض من ورا مسمارين . يتفكوا ويترموا بعدها .واستبدلهم بمسامير برشام عادية خالص لان اللي فيه مسامير مفرغة وغبية جدا وهتبوظ بعد اول فكة ومتقاوحش معاها خالص 4- طبعا وانت بفتك لازم يكون جنبك علبة محكمة الغلق . كل حته تفكها تحطها في العلبة . وجبنك علبة تانية عشان تحط فيها القطع اللي هتتدهن 5- خليك لطيف ورقيق ورومانسي وانت بفتكها . متتعافاش ابدا علي الانتيمونيا لانها بتتلكك 6- هتجيب الحتتت اللي هتتدهن تحطها في طشت مية دافية وبالصابون السايل او التايد او اي مسحوق وبسلك مواعين ناعم وتغسلها غسلة محترمة وتنشفها عشان كل الزيوت الي فيها تروح 7- التركيب ليه تكنيك خاص جدا . وهو اصعب من الفك . لو مش هتعرف تعمل الحاجة متعملهاش ومتفتيش فيها .. الا في حالة واحدة بس لو لقيت كل اللي حواليك بيفتو .. ساعتها افتي انت احسن 8- الطلاء هو طبقة سميكة من المعدن . فالاجزاء الداخلية اللي بتحصل فيا احتكاك لازم تتسنفر تماما من الطبقة دي قبل ما تتركب . ودي الغلطة اللي انا وقعت فيها وكسرت بسببها الامان اللي ماسك الابرة ودراع نقل الحركة طبعا بعد كل ده اتركبت وللاسف قلت بعد ما تتزيت واحركها كذا مرة الاجزاء هتاخد وضعها الطبيعي ولكن حصل اللي حصل وقدر الله وما شاء فعل .. لازم يكون في واحد ضحية للتجربة الاولي وانا ضحيت بنفسي من اجل عيون المنتدي لاني استفدت كتير منه ولازم افيد حبايبي فيه انا سالت علي الاجزاء اللي اتكسرت وشريف 100 قالي ب 300 جنية بس انا مستغليهم قوي . ياريت لو حد عنده الاجزاء دي يقولي او يعرف حد اشتريهم منه باقل من السعر ده يعرفني ودلوقتي صور الطبنجة قبل الدهان صورها بعد الدهان ملـــــحــــــــــــــق 1 يوجد في المرفقات صورة مأخوذه من الاسكانر بوضوح عالي جدا يوضح الحفر علي المعدن ( الحفر اللي راح ) قبل الدهان ظنا مني ان الدهان هيزل في الحفر والكتابة هتبان . متوقعتش وصول جوده الدهان للطبقة السميكة دي .. للناس اللي عايزة تكتب علي السلاح . مع العلم انه يجب الكتابة عليه بعد الدهان . مع ملاحظة ان الكتابة هتبقا لونها فضي بلون الانتي مونيا الاصلي . ملحــــــــــق 2 نسيت اقول . الدهان ده بسم الله ما شاء الله عليه . بيداري كل عيوب السلاح من تجاريح وخدوش حتي لو كانت عميقة وبيخليها سمووث خالص .. فعلا ده اختراع جامد قوي والدهان ثابت جدا والطبنجة اصلا بتتعالج قبل ما تخش الفرن عشان يثبت عليها وانا تعبت قوي وانا بشيل الدهان من جوا عشان الاجزاء المتحركة ترجع لطبيعتها
__________________
There are two steps away from a real disaster
التعديل الأخير تم بواسطة Eng Badran ; 11-12-17 الساعة 02:41 AM سبب آخر: اضافة ملحق للحفر علي المعدن بالليزر |
sponsor links |
11-12-16, 09:05 PM | #2 |
صياد جديد
تاريخ التسجيل: Nov 2011
المدينه: بنى سويف
المشاركات: 47
معدل تقييم المستوى: 5 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
و الله إنك راجل محترم و موش بتبخل على إخواتك بخبراتك و تجاربك ربنا يحميك بجد
موش عارف اقول شكرا بس شكرا موش كفاية بجد ربنا يكرمك |
11-12-16, 09:11 PM | #3 |
صياد جديد
تاريخ التسجيل: Nov 2011
المدينه: بنى سويف
المشاركات: 47
معدل تقييم المستوى: 5 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
عارف هاقولك
طالما إنت بتفيد إخوانك و الله ربنا هيباركلك و انا تعاملت مع إتنين من أعضاء المنتدى و طلعوا ناس فعلا فوق الوص و متعاونين جدا جدا و أكيد هتلاقى بدل القطع اللى تلفت منك و بسعر كويس مناسب و ربنا يكرمك يا اخى |
11-12-16, 09:14 PM | #4 | |
صياد نشيط
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
اقتباس:
الله يكرمك يا باشا وانا موتي وسمي اللي يكون عارف حاجة ويكتمها عشان يتاجر بيها او عشان ميكونش حد احسن منه
__________________
There are two steps away from a real disaster
|
|
11-12-16, 10:14 PM | #5 |
صياد متفاعل
تاريخ التسجيل: Oct 2011
المشاركات: 61
معدل تقييم المستوى: 5 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
ماشاء الله شغل ممتاز والله يكافيك الشر وانشاء الله معوض
__________________
سبحـــان اللـــه وبحمـــده
سبحــان اللـــه العظيـــــم |
11-12-16, 10:41 PM | #6 |
صياد متقدم
تاريخ التسجيل: Sep 2011
المدينه: غمرة
المشاركات: 573
معدل تقييم المستوى: 7 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
الله ينور يا بشمهندس وانا هشوفلك القطع دي عند كذا حد من اصحابي ولو لقيتها هجيبهالك فورا
|
11-12-17, 12:55 AM | #7 | |
صياد نشيط
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
اقتباس:
وهدية مني للمنتدي ان شاء الله .. لو حد جابلي القطع . فيديو تفصيلي لفك الطبنجة الايكول حته حته وتركيبها . الناس محترمة ليه منعلمهومش ؟ وعشان الناس المستغلة امثال اللي قالي هركبلك السوستين ب 100 جنية وانضفلك المسدس ب 100 كمان يقعدوا ينشوا ان شاء الله ويحترموا عقلية اللي جاي . يا راجل حرام عليك 200 جنية في فك الطبنجة وتركيبها ؟ دنا يا راجل بفك الموتور في المصنع وبعملة صيانة وبركبه تاني ويوميتي مهيش ب 200 جنية كلها . وانت عايز تاخد 200 جنية في نص ساعة ؟
__________________
There are two steps away from a real disaster
|
|
11-12-17, 12:57 AM | #8 |
صياد نشيط
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
وانا مستعد لاي استفسارات ان شاء الله .. ارقام التليفونات والايميلات ظاهرة علي الشاشة ونرحب بحضراتكم
__________________
There are two steps away from a real disaster
|
11-12-17, 01:32 AM | #9 |
صياد قديم
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
الله يبارك لك يا باشا
وان شاء الله يرجع احسن مسدس فى الدنيا وربنا يزيدك يارب تقبل خالص تحياتى
__________________
المهارة تصيب هدفاً لايمكن لأحدٍ أن يصيبه..أما العبقرية فتصيب هدفاً لايمكن لأحدٍأن يراه ツ |
11-12-17, 01:48 AM | #10 |
صياد قديم
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
بجد ربنا يباركلك على خبرتك وعلى افادتك لاعضاء المنتدى بجد الف شكر ليك
وانشاء الله هدورلك على الاجزاء واديك خبر
__________________
الطيبة ليست غباء
انما نعمة فقدها الاغبياء |
11-12-17, 01:53 AM | #11 |
صياد متقدم
تاريخ التسجيل: Apr 2011
المدينه: فيصل
المشاركات: 843
معدل تقييم المستوى: 12 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
تحياتى اخى الكريم مجهود تحسد عليه ممكن حضرتك تصل بى وتقلى قطع ايه الى اتكسرت لان على مااظن ان القطع دى متوفرة عندى تقبل تحياتى اخى الكريم
__________________
لله الامر من قبل ومن بعد |
11-12-17, 02:33 AM | #12 |
صياد نشيط
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
تم ارسال البيانات في رسالة علي الخاص .. تقبل تحياتي وليا تعامل معاك قريب ان شاء الله عشان الطبة اللي كل الناس بتشكر فيها وعشان اخلاقك اللي كل الناس بتحلف بشرفها
__________________
There are two steps away from a real disaster
|
11-12-17, 03:24 AM | #13 |
صياد قديم
تاريخ التسجيل: Oct 2011
المدينه: الهــرم
المشاركات: 1,617
معدل تقييم المستوى: 15 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
ههههههه خلصنا من المسدس ودخلنا على الطبه
اولا الف شكرا على نقل التجربة وربنا يباركلك فيه يارب بس حضرتك قولت انك عملت النشينكان بالشنيور ورسمت بمنكير يعنى شلت اللون الاصلي كده اعتقد كده ممكن تحط اي لون انت عايزة وان شاء الله أ/ أحمد هيضبطلك الدنيا في موضوع الطبة دي وربنا يباركلك فيه ويكفيك شره
__________________
لايجب ان تقول كل ماتعرف … ولكن يجب ان تعرف كل ماتقول
و للصمت احيانا ضجيج …. يطحن عظام الصمت |
11-12-17, 03:33 AM | #14 | |
صياد نشيط
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
اقتباس:
وانا عملت الحفر في النشان قبل ما ادهنها وكان حفر عميق شوية . وبصراحة بعد الدهان لقيت حفر النشان بالذات اتزبط بطريقة فظيعة مكنتش اتوقع انه يبقا كده . كان في نقر حوالين الحفر وحاجت كده لقيت النقر دي كلها اختفت وبقا الحفر دقيق اكنه معمول بالليزر وبالنسبة للطبة .. لما اصلحة بقا الاول ابقا اشوف موضوع الطبة
__________________
There are two steps away from a real disaster
|
|
11-12-19, 05:30 PM | #15 |
صياد قديم
تاريخ التسجيل: Sep 2011
المشاركات: 1,656
معدل تقييم المستوى: 15 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
مجهود رائع و موضوع مفيد جدا و يستحق التثبيت فى المنتدى لتعميم الافادة العامة
|
12-06-25, 04:24 PM | #16 |
صياد متفاعل
تاريخ التسجيل: Feb 2011
المدينه: الزقازيق
المشاركات: 236
معدل تقييم المستوى: 6 |
Re: اخيرا .. تم طلاء الانتي مونيا وحل المشكله نهائيا والنتيجة قدامكم
موضوع رائع ومرجع لكل من يريد اعاده إحياء المسدس مره تانيه بعد ما الدهان يكون اتشال من عليه
تحياتي لك ونرجو متابعتنا بالتحديثات ان وجدت |
12-06-25, 06:46 PM | #17 |
صياد متقدم
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
مجهود رائع و مفيد جدا
__________________
For every word their is a listener and probably my words don't suit your ears So please don't accuse me of being ambiguous 3boood 01007113866 |
12-06-25, 11:12 PM | #18 |
صياد قديم
تاريخ التسجيل: Jul 2010
المشاركات: 1,103
معدل تقييم المستوى: 22 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
بجد انت فنان
وانسان محترم وكلك ذوق وكفايه انك عاوز تفيد الاعضاء عشان محدش يغلط في حاجه ربنا حيكرمك بجد
__________________
هاوي اسلحه بيضاء
|
12-06-26, 12:09 AM | #19 |
صياد نشيط
تاريخ التسجيل: May 2012
المشاركات: 457
معدل تقييم المستوى: 7 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
حقيقي حقيقي انت برنس وربنا يباركلك على افادتك للاعضاء وربنا يعوض عليك في الاجزاء اللي اتكسرت وان شاء الله تلاقيهم بارخص من كده
__________________
عظَمة عقلك تخلق لك الحساد ----------------- وعظَمة قلبك تخلق لك الأصدقاء 01120127592 |
12-06-26, 01:24 AM | #20 |
صياد متفاعل
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
انسان معطاء للخير
ربنا يباركل استاذنا |
12-06-26, 02:28 AM | #21 |
صياد جديد
تاريخ التسجيل: May 2011
المشاركات: 40
معدل تقييم المستوى: 5 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
الورشة دى فين فى العاشر من رمضان؟
اصل انا من العاشر |
12-06-27, 02:48 AM | #22 |
صياد متفاعل
تاريخ التسجيل: Apr 2011
المشاركات: 132
معدل تقييم المستوى: 5 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
فكرة جميلة يا هندسة
__________________
جيش من الارانب يقودة اسد خير من جيش من الاسود يقودة ارنب
|
12-06-27, 11:31 AM | #23 |
مشرف قسم السوق و المسابقات
|
رد: اخيرا .. تم طلاء الانتي مونيا وحل المشكله نهائيا والنتيجة قدامكم
تسلم ايدك على المجهود الجبار ده
__________________
http://img849.imageshack.us/img849/600/o642.jpg اللهم لك الحمد كما ينبغى لجلال وجهك و عظيم سلطانك
|
12-07-01, 06:46 AM | #24 |
صياد جديد
تاريخ التسجيل: Jun 2012
المشاركات: 42
معدل تقييم المستوى: 5 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
برافو عليك بجد تجربة ناجحة ممتازة
|
12-07-05, 10:36 AM | #25 |
صياد قديم
تاريخ التسجيل: Jun 2012
المدينه: القاهرة
المشاركات: 2,645
معدل تقييم المستوى: 419 |
رد: اخيرا .. تم طلاء الانتي مونيا وحل المشكله نهائيا والنتيجة قدامكم
ما شاء الله المسدس اصبح شكلة تحفة تسلم ايدك يا باشا وجزاك الله خير على نقل التجربة
__________________
وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى وجاء في السنن عن عقبة بن عامر، قال الرسول صلى الله عليه وسلم: « إن الله يدخل بالسهم الواحد ثلاثة أنفار الجنة، صانعه المحتسب في عمله الخير، والرامي به، والممدد به »، وفي لفظ آخر: « ومنيله، فأرموا واركبوا، وأن ترموا أحب من أن تركبوا، كل لهو باطل، ليس من اللهو محمود إلا ثلاثة: تأديب الرجل لفرسه، وملاعبته أهله، ورميه بقوسه ونبله، إنهن من الحق ومن ترك الرمي بعد ما علمه رغبة فإنها نعمة تركها، (أو قال: كفرها)». |
sponsor links |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى | koko22m | الورشة | 39 | 12-04-15 06:18 PM |
حل قصة الشحم نهائيا | GEN- I A Z | الورشة | 5 | 11-09-03 03:13 PM |
يا ترى المشكله فى ايه | well12m | الورشة | 16 | 11-04-27 04:34 AM |
اضافة حدافة امامية للجامو900 والنتيجة .... | محمد احمد العنانى | الورشة | 22 | 10-11-24 11:00 PM |
طريقة صبغ و طلاء السلاح | asdmkh | بنادق ضغط الهواء ومتعلقاتها | 17 | 10-07-23 09:32 PM |