اخلاق لم اجدها فى الصيد (( هاوى جديد ))

[hosam salam]

اولا السلام عليكم ورحمة الله وبركاتة
انا سعيد اننى انضممت الى منتدى الخير هذا واسفدت منة كثيرا والله
ولكننى عندما خرجت الى الصيد لم اجد اخلاق يجب ان يتصف بها الصياد

1 _ عدم التآلف بين المجموعة
2 _ عدم التعاون بين المجموعة
3 _ والمصيبة الكبرى التى وجدتها انهم عندما يأتى وقت الصلاة لايصلون طوال اليوم وكأن صيد السمك اهم من الصلاة حتى صلاة الجمعة يتركونها من اجل الصيد
4 _ حب النفس
5 _ نظرة الحسد والغيرة

لذا قررت الانعزال عن اى مجموعة ذاهبة للصيد

(( هاوى جديد ))

[حسين شوقى]

استاذ حسام
انا شايف ان تقييم حضرتك لا يجب ان يعمم على كافه الصيادين من الواضح انك دخلت مع مجموعه غلط لانى اصتاد من اكتر من30 سنه وكونت صداقات متينه جدا مع صيادى المالح والعذب والمعرفه من اهالى منطقتى وزاد عليها معرفه من منتديات محترمه للصيد ومعظم الناس اللى غاويه صيد دول ناس اصحاب مزاج بمعنى ليه يحسدك وليه يغير منك هو مش حيبيع اللى يصتاده انا اعرف صيادين كتير لا ياكلون السمك اصلا
ولكن نصيحتى لك ان تكون المجموعه التى تصتاد معها من نفس السن والثقافه والخبره حتى لا تشعر معهم باى فروق والصيد منفردا خطر كبير عليك لو بتطلع اماكن سفر
وربنا يكرمك بمجموعه تسعد بوجودك معاها وانت فى رحله الصيد

[hema777h]

المشاركة الأصلية كتبت بواسطة hosam salam

اولا السلام عليكم ورحمة الله وبركاتة
انا سعيد اننى انضممت الى منتدى الخير هذا واسفدت منة كثيرا والله
ولكننى عندما خرجت الى الصيد لم اجد اخلاق يجب ان يتصف بها الصياد

1 _ عدم التآلف بين المجموعة
2 _ عدم التعاون بين المجموعة
3 _ والمصيبة الكبرى التى وجدتها انهم عندما يأتى وقت الصلاة لايصلون طوال اليوم وكأن صيد السمك اهم من الصلاة حتى صلاة الجمعة يتركونها من اجل الصيد
4 _ حب النفس
5 _ نظرة الحسد والغيرة

لذا قررت الانعزال عن اى مجموعة ذاهبة للصيد

(( هاوى جديد ))

انت طلعة امتي تصطاد مع حد ودي اول مشاركة ليك وانت طلعة مع حد من المنتدي ولا اصدقاء ليك

[smsmn8888]

بصراحة تا نصيب ممكن المجموعة التي انت خرجت معاها يعني انت منسجمتش مهم الدنيا ماليا بالاشخاص المختلفين يعني ياليت ميكونش عندك صورة وحشة عن الصيادين بالعكس غير انت بتتكلم علي صيد السمك لا جرب صيد بري الموضوع مختلف

[DR SNIPER]

براحه حضرتك فى ناس كتير محترمين وبيطلعو كتير عشان يصطادو وبيصلو وكل حاجه زى الفل

[Ahmed kouta]

استاذ حسام
طبعا متفهمين شعورك ناحية الطلعة الغير موفقة دي لكن خليني اقولك حاجة مهمة جدا جدا اختار الرفيق قبل الطريق
يعني ببساطة متعة الصيد مش هتيجي الا بمجموعة متفاهمة جدا جدا او ان حضرتك بقي تطلع لوحدك وانا شخصيا مش بحب الحل دة
اما بقي موضوع التعاون الصيد هوا قمة التعاون يعني اية مفيش بس تعاون يعني مثلا لو احنا بايتين علي مركب وحد في زمايلنا ضرب معاة حاجة محترمة ومش قادر يتعامل لوحدة هنسيبة ؟؟؟؟؟؟؟ طبعا لا
حد فينا ضربت معاة حاجة تقيلة وعايزة تتوجل او تتلقف بالملقاف نديلة ضهرنا ؟؟؟؟؟يا جماعة كدة مش صيد كدة عيب بلاش السمك حد جديد مبيعرفش يرمل والوش بتاعة باظ والا اتكعبل نسيبة خلينا في نفسنا ياعم برضة مش صيد الرصاص خلص والا شعر ولا مقاس سنون مش معاة نسيبة يولع ؟ اكيد لا
نصيحة لازم تطلع مع ناس تحس من الاول انك تقدر تتفاهم معاهم والا بلاش طلوع احسن.
اما موضوع الصلاة خليني اقول لحضرتك حاجة الي بيصلي وفاهم يعني اية صلاة لايهمة سمك ولا اي حاجة في الدنيا تحياتي لحضرتك وحظ موفق في المرات القادمة

[hosam salam]

شكرا جدا جدا جدا على الردود الجميلة دة ويارب اجد ناس عرفيين معنى الصيد زيكو
واتمنى للجميع حظ وافر

[eng_dos]

حسام باشا
شكلك محروق دمك من البشر ديه .... معلش يا باشا مش كل الناس كده ياباشا والواحد بيتعلم من أخطائه
بس انا بعتب عليك كنت زقتهم في الميه ياراجل ولا حرقة الدم دي
اللي حصل معاك ملوش علاقة بالصيد دي تركيبة ناس بالشكل ده بغض النظر عن انكوا كنتوا بتصطادوا ... الناس دي هتلاقيها كده لو طالعين تحجوا وتزوروا عرفات كمان
تحياتي

[kefafy]

لو تم تطبيق اداب البحر , لأندثرت الجريمه والجشع من على الارض
الانسان بيكون اكثر تدينا وهو فى البحر
الانسان بيكون اكثر تعاونا وهو فى البحر
الانسان بيكون اكثر حرصا على حياته وهو فى البحر
وبيكون اقل ضررا بالغير وهو فى البحر
وبيكون اقل جوعا وهو فى البحر ( على المركب اثناء الصيد مش سباحه )
وبيكون اقل بحثا عن الرفاهية
صدقنى اخى الكريم ليس حبا فى البحر ولاكن عن تجربة
ولحضرتك الف شكر وارجوك اقرا الموضوع ده
http://www.egypthunt.net/showthread.php?t=15607

[safroot]

مش كل الناس والله بس بص لما تطلع حاول تطلع مع اهلك يعنى احنا لما بنطلع بنطلع عيلة انا واخويا ووالدى وعمى وخالى كدة كلنا اقارب بتكون رحلة هايلة بيكون فى تعاون وصلاة وكل حاجة كويسة

[LionHeart]

انا شايف ان تقييم حضرتك لا يجب ان يعمم على كافه الصيادين من الواضح انك دخلت مع مجموعه غلط

[Khaled Saad]

معاك ف كل كلامك بس دا بالنسبه للناس الارزقيه مع احترامي للجميع وشديد حبي يعني دول ناس بيصطادو صيد هواه بس بغرض البيع وللاسف دول ليهم اماكن بيروحوها وانا مش بحب اقعد ف وسطهم خالص لان للاسف دي فعلا اخلاقهم انما الهواه بجد هاتتبسط بيهم جدا وهاتحب الصحبه انا عن نفسي برغم اني بشتغل في ميناء دمياط وممكن اصطاد24ساعه بس بحب اصطاد مع صحبه مهما كانت علي فترات متقطعه