أمكانيه تصنيع بنادق pcp

[Karam]

أعضاء المنتدى الكرام


أحب الأول أقول أني بقالي فتره شغال على Bullpup مستوحى من الأدجن لكن بصراحه الموضوع محتاج CNC و ده مكلف جدا
أنا خلصت كل التصميمات و صنعت بعض الأجزاء بالفعل لكن التعقيدات ألي قابلتني في التصنيع خلتني أجلت الأدجن شويه

و بدل الأدجن فكرت في بندقيه سهله التصنيع و في نفس الوقت تكون مش محتاجه كل ال accessories ألي محتجاها البنادق ال PCP زي خزان الهواء أو المنفاخ أو الوصلات بتاعت الشحن بندقيه بتشتغل بأسطوانات ضغط CO2

لكن المشكله في ال CO2 أنها مش بتدي القوه بتاعت ال PCP بس أنا لقيت الحل

الحل هو بندقيه ممكن تحويلها من PCP لبندقيه بتشتغل بأسطوانه CO2 ال 12 جرام العاديه

في النهايه المستهلك المصري هيقدر يختار:

1- العيار
2- طول الماسوره
3- نوع الطاقه PCP أو CO2
4- أو أذا كان بمقبض أو دبشك

المنتج النهائي هيكون بندقيه أو مسدس (حسب طول الماسوره و شكل المقبض) و كلهم فيهم المواصفات التاليه:
1-أمكانيه تغير قوه البندقيه عن طريق تغير قوه الشاكوش
2-أمكانيه تحويل البندقيه ال CO2 ل PCP أو العكس (هتتباع كقطع يركبها المستهلك بنفسه)
3-Multishot
4-ترباس يمين أو شمال

يعني ممكن تشتري مسدس CO2 و بعدين تحوله لبندقيه PCP عن طريق شراء بعض الأجزاء و تركيبها بدل الموجوده

التصميم بسيط جدا و في رسم التصميمات أنا أستعملت أجزاء من بنادق و أسلحه مختلفه يعني معظم الأجزاء هيتم شرائها على أنها قطع غيار
و الأجزاء ألي هيتم تصنيعها هتتصنع بأستعمال CNC في الصين بأستخدام أجود الخامات

الكلام ده كله جميل لكن المشكله الوحيده هي المواسير
لو فيه حد يقدر يوفر المواسير هيكون مشروع ممتاز و هيفيد كل الناس
و من الناحيه القانونيه مش هيكون فيه مشاكل لأن مافيش حاجه هتتصنع هنا

أنا عاوز أرائكم و يا ريت لو فيه حد ممكن يساعد في التنفيز أو توفير بعض الأجزاء يشاركنا لأنه ممكن يكون موضوع مربح و في نفس الوقت مفيد جدا و هيقلل جدا من أستغلال التجار ألي مالهوش معنى

[هشام سمير]

ممتاز طبعاً يا كرم باشا
لو الشكله مشكلة المواسير انا ممكن اوفرها
بس عايزين توضيح اكتر للفكره وياريت لو برسوم توضيحيه

[Karam]

التصميم مبني على المسدس الكروسمان 2240

المسدس ده تصميمه ممتاز لكن هو معمول بخامات سيئه و فنش وحش أوي لدرجه أن كل ألي بيشتري المسدس لازم بيعدل فيه (زي الكرال كده عندنا)

بالتالي هو من أكتر المسدسات ألي بيتم تعديلها و من أكتر المسدسات ألي ليها قطع للتعديل و قطع غيار

الصور دي شويه أمثله للتعديلات الموجوده




















تحويل المسدس ل PCP مش سهل لكن ممكن تنفيزه

أهم مزايا البندقيه هي:
1- وجود كاتم للصوت
2- Multishot
3- ممكن أستعمال أسطوانات CO2 أو ضغط هواء (PCP)

عيوبها:

1-القوه مش هتكون جامده أوي و خصوصا عند أستعمال CO2 يعني حوالي 120 م/ث لنمره 2
2-مش هتنزل بأوبن سايت (لكن ممكن يتركبلها)
3- الزناد مش T06

[Karam]

المواسير المطلوبه هتكون 10 بوصه و 18 بوصه
عيار .177 و .22