افيدوني في حل لمشكلة تل مجري

[mostafa ahmed]

بسم الله الرحمن الرحيم

انا عضو جديد هنا في المنتدى واتمنى تفيدوني انا عندي بندقية تل مجري عندي من حوالى 15 سنه نمره 2 عيار 22 هي كانت لوالدي في البدايه المهم فتره كدا حوالى 10 سنين وانقطعت الجلده وطرينا نفك البندقيه لاول مره والدي فاهم فيها كويس وكان بيحط عليها شحم عشان متصديش لاننا كنا مسافرين خارج البلاد بعد منقطعت بعد عملنالها جلده من الساقيه الجلده المربعه قطعناها عليها بالضبط وركبناها اصبحت اقوى من الاول ... سنه واحد ومفيش ضغط والسوسته تمام هما سستتين واحده ضغيره داخل كبيره جبتلها جلده ... بعدها جبتلها جلده تانيه من بلد اسمها اشمون عندنا في المنوفيه وركبتها جلده اي كلام كدا وباظت في حوالى شهرين ... على الحال دا لحد مبقين عن الضرب اوجه اللبندقيه لاسفل يطلع المقذوف اوجهها لاعلى المقذوف ميطلعش ويحصل زي صور كبس لازم ادخل المقذوف داخل المكان المخصص له بشئ رفيع خاصه انها عتله سفليه اكيد عارفيت التل مجري العتله عامله ازاي دلوقتى انا بدور على جلده ليها اصليه ومش لاقى ولو فيه تسريب ولا حاجه اتمنى تفيدونى عشان الواحد هيتجنن الصراحه
...
تحياتى

[محمود محمد حمزة]

بص يا باشا انا مش خبير اوى فى الصيانه بس
هاجوبك لحد اساتذتنا ما يجابوا على سؤالك
ممكن يكون انت جبت الجلبه الداخليه وحطتها كده على طول وده طبعا مش هتكمل معاك 10 ضربات وتتفرول
انت لازم الاول تسيب الجلبه فى شويه زيت صغيرين تتشربهم لغاية ماتبقى عامله زى اللبان او الكاوتشوك
وبعدين تركبها ان شاء الله مش هتلاقى اى تسريب
وحاول تراعيها دايما بالزيت
ملحوظه : اوعى تحط زيت اكل ههههههههههههه
الزيت المستخدم هو زين مكن مخفف ممكن تلاقيه عند اى واحد بتاع مكن خياطه

[mostafa ahmed]

شكرا اخ محمود على ردك الجميل لكن انا بحطها في الزيت واخر جلده كانت في الزيت لمده شهرين او اكتر تمام بس هي الجلده اصلها صلب شوي ... المهم دلوقتى لو تعرف ترشدنى لمكان اجيب منه جلده اصليه ولينه ليها تبقى كملت جميلك

[mostafa ahmed]

انا بستعمل زيت ماكينات ابيض خفيف هو شبيه بزيت السلاح مفيش فرق كبير

[محمود محمد حمزة]

بيتهايئلى فى المنوفيه صعب انما هنا فى القاهره فى بددل الواحد مليوووووووووووووووون واحد تلاقى عنده
ممكن لما تنزل القاهره فى اى وقت

[mostafa ahmed]

نزلت فتح الله في وسط البلد قالى مش موجوده وسألته على ناشنكاه خلفى عشان عايز اشتري واحد جديد لها قالي مفيش بس ممكن يجي قريب

[mostafa ahmed]

ورحت قهوة الصحفيين في شبرا فيه محل صغير واحد قالي عليه بابه اخضر كدا دخلت بقلة الناشنكاه بكام قالى ب 200 جنيه او اكتر وتغيير الجلده ب 60 جنيه طلبت منه جلده تل مجري رفض وطلب البندقيه

[مصطفى ابواسماعيل]

خد الرابط دhttp://www.egyhunt.net/showthread.php?t=28448ه

[مصطفى ابواسماعيل]

وعندى الجلد وممكن بفضل الله اخلصهالك فى ساعتها

[mostafa ahmed]

مشكور اخي على هذا المرور الجميل انا بغيرها بنفس الاسلوب بوضع المفك عن ادخالها عشان متتقطعش لكن الجلد اللى عندي جلد من بتاع الساقيه او الطرمبه زي مبنقولها عندنا جامد حتى لو حطيته في الزيت 10 سنين

[mostafa ahmed]

معلش هتعبك معايا اول مره فكيت فيها البندقيه عشان تغيير الجلدة كانت القديمه مربوطه بمسمار برشام وجبتلها مسمار بصموله وبقيت بكبها بالضغط على الصاموله بمفك عادي واربط المسمار مع الجلده من فوق لكن مش لاقي جلدة نوعيتها مميزه اللى صنعتها طلعت صلبه عايز اركب واحده لينه من البداية وعشان اخليها جلده زفره احطها في زيت من اي نوعيه ولا احطها في جاز ولا ايه اتمنى ان حضرتك تفيدنى واسفين على الازعاج تعبناك معانا استاذ مصطفى

[مصطفى ابواسماعيل]

المشاركة الأصلية كتبت بواسطة mostafa ahmed

مشكور اخي على هذا المرور الجميل انا بغيرها بنفس الاسلوب بوضع المفك عن ادخالها عشان متتقطعش لكن الجلد اللى عندي جلد من بتاع الساقيه او الطرمبه زي مبنقولها عندنا جامد حتى لو حطيته في الزيت 10 سنين

جلد زفر زى ده