صيد الحمام في الاسكندريه

[doddi]

طلعت صيد حمام في الاسكندريه مع الصياد عبده ناني .. وفي انتظار الردود ..http://www.youtube.com/watch?v=i6OrHwsysek

[osama2011]

حسبي الله ونعم الوكيل

[سيدخالد]

على فكرة ده شكله حمام برى يا جماعه وده لونه واحيانا بيكون رمادى فى ابيض بسيط ولا داعى للانفعالات والدعاء ولو كان بلدى مش برى تكون الطريقة بلطف وبحسنه والله اعلم

[bassem nawar]

طيب يعني الواحد يعرف منين ده حمام ناس و لا لأ وبعدين اثناء ما الواحد بينشن علي الحمامة اكيد يعني ممكن تتسرق بس هيبقي غصب عنه اكيد و مش عارف ليه كل واحد يحط فيديو و هوا بيصطاد الردود تبقي بالشكل ده " حرام/ديه سرقه/ده بتاع ناس" لازم نشجعه برضو ... الفيديو جميييييييل اوي يا استاذ doddi شكرااا

[msa_79]

اعتقد برده ان ده حمام بري وعلي كفرة مش شرط انه عشان واقف علي عمارة يبقي حمام بلدي العمارات اللي في وسط البلد مليانه حمام بري بيكون واقف علي العمارات والبلكونات.
الاخ سيد فتحي زي ما قالك الاستاذ سيد خالد النصيحة تكون بالحسني الا طبعا لو حضرتك تعرف الاستاذ عبده وهو صديقك فطبعا يبقي انتو احرار

[osama2011]

نشجعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نشجعه علي ايه
يا ناس احنا وصلنا لدرجادي
الحلال بين والحرام بين
فين أخلاق الصيادين
عموما هو حر يارب ينزل كل حمام اسكندرية مقفول وتصقفولة علي مهارته في التنشين وتولع الناس اللي بتربي حمام واللي عنده حمامه يلمها
براااااااااافو يا عبده ناني براااافووووووووووووووووووووووووووووووووووووووووووو وووووو



ودي مش اول مره ده شكله متخصص صيد حمام اهالي وادي الرابط
http://www.egypthunt.net/showthread.php?t=7407

[Heavy equipment]

اظاهر في واحد وقف في البلكونه وقالو يا عم حرام عليك يا عم راح الي بيصور قاله حرام؟ وسكت

[صائد البوم]

مش هقول حرام لان كل واحد عارف الحلال والحرام بس ليا تعليق علي طريقه الدبح يفضل التركيز علي الرقبه اي المنطقه اسفل الراس علي طول لاني لاحظط انك مركز علي الحصله وليس الرقبه (اطلع نحيه الرقبه شويه ) وارميها علي طول اول متدبحها ولما تقع الطريده لا تنسي انك شايل البندقيه وتسهي مع الطريده لان ممكن لا قدر الله تخبط بندقيتك ويحدث ما لا يحمد عقباه

[mahmoud11144]

واللة ياجماعة الراجل دة حرام علية الان دي تاني مرة
وهو يعلم ان هذا حرام ولو هو يقبل علي نفسة الحرام
يبئي يعمل الي هوة عايزة [وحسبي اللة ونعم الوكيل]

[bassem nawar]

معلش يا جماعة استحملوني انا جديد في حوار الصيد و عمري ما اصطت ابل كده و نفسي اجمع كل المعلومات اللازمة من المنتدي الجامد ده و بعدين اجيب بندقية بقه و اديهاا ... هوة انتو ضد الراجل ده عشان اصطاد حمام بتاع ناس و لا فيه حاجة تانية ؟؟؟

[doddi]

اولاً شكراً لكل الي شارك في الموضوع .. وبعدين انا نفسي افهم حاجه هو كل حمام في البلد بتاع ناس يا اخي انا اكاد اجزم ان مفيش ولا واحد من الرجاله الحلوه دي من الاسكندريه .. احنا في الاسكندريه مش في الفلاحين ومنطقه الصيد دي في محطه الرمل .. من ارقى مناطق الاسكندريه لايمكن يكون حد مربي فيها حمام وانا قبل ما اصطاد الحمام بسأل الناس الي في المنطقه حد مربي حمام هنا ولا لا والي يروح محطه الرمل في عماير كتير مهجوره محدش ساكنها .. الحمام البري و الشارد بيستوطنها وبيعيش فيها ولا يمكن ابداً يكون حمام ناااااااااااااس ابداً ابداً ابداً ابداً .. احنا بناخد الحمام ده نأكله واحنا ناس بنتقي الله لايمكن ناكل حرام .. والي مش مقتنع با الكلام ده شكراً ليه بس ياريت يبطل افتاء ويسأل اهل العلم احسن عشان ده تاني موضوع يحصل عليه الضجه دي .. انا بحترم جميع وجهات النظر بس والنبي مش عايزين نسيب موضوع النقاش الاصلي في مشاركه الصيد للاخوه الصيادين ونعض بقا كل مره بتاع ناس وبتاع الجيران .. كل واحد عارف هوا بيعمل ايه .. وبعدين الي بيقول حرام ده في الفيديو راجل كبير فاكرنا هندبح الحمام وهنرميها فبيقول حرام عدم الاستفاده بيها .. لما عرف اننا بناخده سكت .. اكرر اسفي للجميع حبيت التوضيح فقط ..

[osama2011]

بالهنا والشفا معلش اصل احنا فلاحين ومانفهمش خلينالك انت وعبده ناني الحضارة والتقدم

[sameer]

المشاركة الأصلية كتبت بواسطة osama2011

بالهنا والشفا معلش اصل احنا فلاحين ومانفهمش خلينالك انت وعبده ناني الحضارة والتقدم

يا اخي هو ما يقصدش كدة هو قصده ان في الفلاحين يعني بيربو حمام كتير انما في المنطقة اللي بيصطاد فيها ماحدش بيربي حمام وانا فعلا باشوف الحمام ده وبيبقا بري او هربان وبيبقا فيه منه الوان بس بيبقا معشش هناك مش بتاع حد

[doddi]

شكراً اخي العزيز سمير .. وعلى العموم انا لسه جاي من محطه الرمل واصطادنا حمد الله وجاري رفع الفيديو الجديد .. ومتشكرين يا استاذ اسامه ..

[doddi]

المشاركة الأصلية كتبت بواسطة bassem nawar

معلش يا جماعة استحملوني انا جديد في حوار الصيد و عمري ما اصطت ابل كده و نفسي اجمع كل المعلومات اللازمة من المنتدي الجامد ده و بعدين اجيب بندقية بقه و اديهاا ... هوة انتو ضد الراجل ده عشان اصطاد حمام بتاع ناس و لا فيه حاجة تانية ؟؟؟

اخي العزيز .. يقول الله تعالى (فاسألوا أهل الذكر إن كنتم لا تعلمون) صدق الله العظيم .. اتوكل على الله وجيب بندقيتك يا معلم .. ولو انتا من اسكندريه كلمني نظبط وننزل نصطاد سوى .. واسأل الشيوخ زي ما انا عملت على صيد الحمام الشارد .. والبري مستوطن المدن وشوف هيقولولك ايه ومتشغلش بااااااااااااااااالك .. تحياتي

[doddi]

المشاركة الأصلية كتبت بواسطة bassem nawar

طيب يعني الواحد يعرف منين ده حمام ناس و لا لأ وبعدين اثناء ما الواحد بينشن علي الحمامة اكيد يعني ممكن تتسرق بس هيبقي غصب عنه اكيد و مش عارف ليه كل واحد يحط فيديو و هوا بيصطاد الردود تبقي بالشكل ده " حرام/ديه سرقه/ده بتاع ناس" لازم نشجعه برضو ... الفيديو جميييييييل اوي يا استاذ doddi شكرااا

شكراً عزيزي على التشجيع .. وجزاك الله خيرا

[doddi]

المشاركة الأصلية كتبت بواسطة msa_79

اعتقد برده ان ده حمام بري وعلي كفرة مش شرط انه عشان واقف علي عمارة يبقي حمام بلدي العمارات اللي في وسط البلد مليانه حمام بري بيكون واقف علي العمارات والبلكونات.
الاخ سيد فتحي زي ما قالك الاستاذ سيد خالد النصيحة تكون بالحسني الا طبعا لو حضرتك تعرف الاستاذ عبده وهو صديقك فطبعا يبقي انتو احرار

شكرا ياباشا .. بس اولاً انا الي بصطاد مش عبده ناني .. عبده كان بيصور

[doddi]

المشاركة الأصلية كتبت بواسطة صائد البوم

مش هقول حرام لان كل واحد عارف الحلال والحرام بس ليا تعليق علي طريقه الدبح يفضل التركيز علي الرقبه اي المنطقه اسفل الراس علي طول لاني لاحظط انك مركز علي الحصله وليس الرقبه (اطلع نحيه الرقبه شويه ) وارميها علي طول اول متدبحها ولما تقع الطريده لا تنسي انك شايل البندقيه وتسهي مع الطريده لان ممكن لا قدر الله تخبط بندقيتك ويحدث ما لا يحمد عقباه

جزاك الله خيراً على النصيحه الغاليه .. وعلى العموم لما اصطدت النهارده دبحت بطريقتك ..ههههههههه

[bassem nawar]

المشاركة الأصلية كتبت بواسطة doddi

شكراً اخي العزيز سمير .. وعلى العموم انا لسه جاي من محطه الرمل واصطادنا حمد الله وجاري رفع الفيديو الجديد .. ومتشكرين يا استاذ اسامه ..

دوددي باشا انا من الاسكندرية فعلا بس مستغرب ازاي حضرتك بتصطاد في محطة الرمل هوا في اشجار هناك؟؟ ولا حضرتك بتروح العماير المهجورة بس ؟ و احب اعرف منك هل في اماكن تانيا كويسة ؟؟ وانشاء الله لو جبت بندقية نطلع سوة

[doddi]

المشاركة الأصلية كتبت بواسطة bassem nawar

دوددي باشا انا من الاسكندرية فعلا بس مستغرب ازاي حضرتك بتصطاد في محطة الرمل هوا في اشجار هناك؟؟ ولا حضرتك بتروح العماير المهجورة بس ؟ و احب اعرف منك هل في اماكن تانيا كويسة ؟؟ وانشاء الله لو جبت بندقية نطلع سوة

بص يا باشا الحمام البري عمرو ما يقف على اشجار مطلقا .. موسم الحمام البري يكون في شهر تسعه .. وبعد كدا بيستوطن الاماكن الهادئه الي مفهاش ضوضاء كتير يعني في ظهر البنوك في محطه الرمل عشان المنطقه بتبقا هاديه طول اليوم .. العماير الي فيها الشركات .. وموجود في سيدي بشر برضو .. على العمو العماير الطويله الي فيها حليات او تكيفات يعشش فيها ويكون مفيهاش حركه كتير تلاقيهم عليها .. على العموم انا تحت امرك لو هتطلع وتليفوني 0104488950 .. عبدالله الجزيري

[bassem nawar]

المشاركة الأصلية كتبت بواسطة doddi

بص يا باشا الحمام البري عمرو ما يقف على اشجار مطلقا .. موسم الحمام البري يكون في شهر تسعه .. وبعد كدا بيستوطن الاماكن الهادئه الي مفهاش ضوضاء كتير يعني في ظهر البنوك في محطه الرمل عشان المنطقه بتبقا هاديه طول اليوم .. العماير الي فيها الشركات .. وموجود في سيدي بشر برضو .. على العمو العماير الطويله الي فيها حليات او تكيفات يعشش فيها ويكون مفيهاش حركه كتير تلاقيهم عليها .. على العموم انا تحت امرك لو هتطلع وتليفوني 0104488950 .. عبدالله الجزيري

شكرا علي المعلومات يا باشا :d

[sameer]

طب يا ريت والله اطلع معاكم بس ليا كام سؤال دلوقتي حضرتك بتصطاد في محطة الرمل بس المنطقة دي معروف يعني انها بتبقا ملغمة ظباط ومخبرين فبتتعاملو ازاي ولا بتنزلو بدري وتخلصو بدري ولا عادي ومافيش مشاكل و ماحدش بيكلمكم؟ وحضرتك ساكن فين عشان لو قريب مني نروح سوا انا من محرم بيه

[doddi]

انا ساكن في جناكليس .. وبعدين محدش بيكلمك لا ضباب ولا مخبرين .. دنا صدت مره حمامه واقفه على قسم العطارين قدام القسم كلو .. والضابط الي واقف عشان يعمل لنفسو منظر ندهنا وقعد يهزر معانا .. وامبارح اصطدت حمامه من وش القسم والعساكر والمخربين والامناء الى على الباب قعدو يشجعو .. الي ممكن يتكلم طول الرحله حد عادي من الناس يعض يتفلسف عليك شويه وليه .. وحرام .. والكلام الفاضي ده تقوم انتا منفضلو وماشي ..

[sameer]

يا جامد يا جامد قدامهم كدا عيني عينك طب جميل اوي طب انتو طالعين المرة الجاية امتا و اقابلكم فين؟

منتظر الرد.....

[oteote2010]

ههههههههه شكله تحفه وهو بيجري ورا الحمامه كان هايتقلب

[doddi]

المشاركة الأصلية كتبت بواسطة sameer

يا جامد يا جامد قدامهم كدا عيني عينك طب جميل اوي طب انتو طالعين المرة الجاية امتا و اقابلكم فين؟

منتظر الرد.....

هنحاول نظبط عل يوم الجمعه .. ولما تتأكد هنعلن عنها..

[bassem nawar]

المشاركة الأصلية كتبت بواسطة doddi

انا ساكن في جناكليس .. وبعدين محدش بيكلمك لا ضباب ولا مخبرين .. دنا صدت مره حمامه واقفه على قسم العطارين قدام القسم كلو .. والضابط الي واقف عشان يعمل لنفسو منظر ندهنا وقعد يهزر معانا .. وامبارح اصطدت حمامه من وش القسم والعساكر والمخربين والامناء الى على الباب قعدو يشجعو .. الي ممكن يتكلم طول الرحله حد عادي من الناس يعض
يتفلسف عليك شويه وليه .. وحرام .. والكلام الفاضي ده تقوم انتا منفضلو وماشي ..

ساكن في جناكليس, دحنا جران بقي حضرتك ساكن فين بالضبط ؟؟ انا ورا كلية الفنون الجميلة علي طول

[احمد فتحي]

ممكن لما تظبط يوم انشاء الله اطلع معاكو

[doddi]

انا هعمل موضوع في نفس القسم همنا ان شاء الله وهعلن لكل الحبايب من الاسكندريه الي عايز يطلع ونظبط ونتقابل في حته معينه نحددها سلفاً .. وانا ساكن ورا البريد الي عند فتح الله .. تحياتي

[sphada]

ما شاء الله جبتها من مسافة بعيدة . بس واضح ان البندقية ضعيفة لانها ما ماتتش علي طول او يمكن انا ما عنديش خبرة في الصيد . بس فيديو جامد

[ابو مروان]

يا اخوانى الاعزاء اتقوا الشبهات الحلال بين والحرام بين_الحمام البرى معروف لايمكن لونة يكون غير الكحلى والاسمر او الاسمر فى الرصاصى اى لون تانى ابيض فى بنى ابيض فى اسود اسود بس بنى بس بيكون بلدى_والحمام البرى بيقف على شجر انما البلدى لايمكن يقف على شجر_احنا نتقى الشبهات لا يكون الحمام دة بتاع ناس وتدعى على اللى بياكلو ينزل فى المعدة بالس........ والا بلاش ربنا يحفظنا يمامتين احسن من الكلام دة والشبهة

[lilkapo]

انا بقى مش هقول انو دة حلال او حرام لانى حتى لو متاكد ان الحمام برى مش بصطادو لانى بخاف اووووى من الحمام مهما كان لونو ليكون بتاع حد واكل عيالى حرام
انا هتكلم بس فى نقطة ان صاحب الموضوع راجل ما شاء الله قناص محترم ويجب علينا ان نقدرة
واعتقد انو الوحيد فينا الى ممكن يهتم ان كان برى او لا او حلال او لا لان هوا الى هياكلو بالف هنا مش احنا يعنى حلال لية حرام برضو لية
وموفق ان شاء الله فى طلعاتك الجاية واتمنى البحث عن قرى زراعية فستجد كل ما تشتهى هناك من يمام وقميرى و دجاج مية
عموما موفق

[sameer]

المشاركة الأصلية كتبت بواسطة lilkapo

انا بقى مش هقول انو دة حلال او حرام لانى حتى لو متاكد ان الحمام برى مش بصطادو لانى بخاف اووووى من الحمام مهما كان لونو ليكون بتاع حد واكل عيالى حرام
انا هتكلم بس فى نقطة ان صاحب الموضوع راجل ما شاء الله قناص محترم ويجب علينا ان نقدرة
واعتقد انو الوحيد فينا الى ممكن يهتم ان كان برى او لا او حلال او لا لان هوا الى هياكلو بالف هنا مش احنا يعنى حلال لية حرام برضو لية
وموفق ان شاء الله فى طلعاتك الجاية واتمنى البحث عن قرى زراعية فستجد كل ما تشتهى هناك من يمام وقميرى و دجاج مية
عموما موفق

يا باشا ما تقلقش الحمام ده بري و معشش و انا كنت في المنطقة دي النهاردة و الحمام كان مرشق في كل حتة وكنت بقول فينك يا بندقية

ما تقلقش خالص المنطقة دي اساسا مش سكنية دي كلها مصالح و بنوك و بيوت قديمة وعشان كدة الحمام بيعشش ورا التكييفات وفي الشقوق بتاعت البيوت القديمة دي

[lilkapo]

يا باشا ما تقلقش الحمام ده بري و معشش و انا كنت في المنطقة دي النهاردة و الحمام كان مرشق في كل حتة وكنت بقول فينك يا بندقية

ما تقلقش خالص المنطقة دي اساسا مش سكنية دي كلها مصالح و بنوك و بيوت قديمة وعشان كدة الحمام بيعشش ورا التكييفات وفي الشقوق بتاعت البيوت القديمة دي

خلاص يبقى تمام كدة وعلى فكرة يا جماعة فى كمان نوع من الحمام ممكن نسمية هارب بمعنى ان الحممامة تهرب من صاحبها وبتحصل كتير وتصادف انها تولف على حمامة من الحمام البرى وتعشش فعلا يعنى ممكن نقول حمام شارد عادى والله انا كل الى اقصدو ان لاااااااااااااااااااااازم نخلى بالنا ان ميكونش بتاع حد ولو شكينا 1 فى المليون انو لية صاحب بلاش احسن
كمان فى حاجة الى بيصطاد من منطقة زى دى يخلى بالو خلفية الهدف اية يعنى مثلا ممكن يكون شباك زجاج ممكن خرطوم تكييف الخ الخ الخ
برضو نخلى بالنامن الحجات دى لانها ممكن تعمل مشاكل واحنا فى غنى عنها
وموفق ومستنى فديوهات تانية

[يونس]

اه ياعم الحلاوه دي

[الصيااد]

صيد الحمام وسط المناطق السكنية مرفوض تمام منعا للشبهات تقبلوا تحياتي ..................

[sameer]

المشاركة الأصلية كتبت بواسطة الصيااد

صيد الحمام وسط المناطق السكنية مرفوض تمام منعا للشبهات تقبلوا تحياتي ..................

حضرتك لو شوفت ردي في المشاركة اللي فاتت قولت ان المنطقة دي مش سكنية و الحمام ده بيبقا معشش و الله العظيم معشش

[hema777h]

بقولك يا استاذ سمير عشاااااااان نقدر نحدد موضوع انو معشش او غير معشش لازم اننا تطلع طلعة معاك وبعد الطلعة نحضر عملية الطبخ والاكل وبعد التذوق نقدر نحدد اذا كاااااااان معشش او غير معشش

هههههههههههههه
انا بهظر معاااااك يا جماعة الراجل موضح ان المكان الي هو بيصطاد منو مفهوش اي حد مربي حمااااام وان المكان في حمااام بري وحماااام معشش في المنطقة وشكرااااااااااااا جزيلا

[ايهاب 2011]

المشاركة الأصلية كتبت بواسطة bassem nawar

معلش يا جماعة استحملوني انا جديد في حوار الصيد و عمري ما اصطت ابل كده و نفسي اجمع كل المعلومات اللازمة من المنتدي الجامد ده و بعدين اجيب بندقية بقه و اديهاا ... هوة انتو ضد الراجل ده عشان اصطاد حمام بتاع ناس و لا فيه حاجة تانية ؟؟؟

الحال من بعضه

نتمني علي الله ان نكتسب خبره من هذا المنتدي الرائع

لعل وعسي نتعلم الصيد ونصبح صيادين يوما ما