ياجماعه انا حزين جدآ ومش عارف اتصرف ازاى فى موقف زى ده

[sadaany]

السلام عليكم اليوم حصل موقف مؤسف جدآ حوالى الساعه سبعه مساء وانا امام الصيدليه لقيت ولد ومعاه بنتين مش مظبوطين واخدين شقه مفروشه فى عماره امامى واقفين وملموم عليهم شويه شباب من مقاطيع الشارع المهم الواد اللى مع البنتين مره واحده قعد يزعق علشان البنتين اتعاكسو من الشباب اللى على النواصى الواد اللى معاهم قال انا هوريكم و10 دقائق وجاله 5 صيع بالسنج وفرد وراحوا مدغدغين المنطقه المهم قعدوا بتاع 20 دقيقه بيكسرو فى ازايز على المحلات والعربيات والمحلات كلها قفلت انا كنت فى البيت فوق الصيدليه رحت ضارب مجموعه من الطلقات قلت علشان اخوفهم ويغورو فى ستين داهيه على الرغم انى شايف الواد اللى معاه الفرد وكنت هضربه بس ترددت لحسن اجيب لنفسى مصيبه كل همى يغورو بعيد علشان الصيدليه والعربيات اللى الازايز عماله تنزل عليها وعلمت فى السقف وكنت خايف على الزجاج المهم العيال واقفه ومش عايزه تمشى وعماله تحدف وتضرب خرطوش ومش هامهم ضرب النار ولما عيال الشارع اتجمعت وابتدت تكتر عليهم راحوا جاريين المهم مفيش نصف ساعه وجاء 15 واحد بيكسرو فى كل حاجه فى الشارع ومعاهم مولوتوف و3 فروود خرطيش عمالين يضربوا فى وش الناس وواحد جاتله فى رجله من ستر ربنا وفضلوا اكثر من ربع ساعه واقفين على الحال ده وانا فى حيره شديده اضرب عليهم بشكل مباشر اوقع اتنين تلاته من ولاد الحرام ولا بلاش اودى نفسى فى داهيه المهم ضربت خزنه تانيه فى الهواء لقيتهم بردو عليا بالخرطوش بشكل مباشر وانا ورا الحيطه بس هما مش هاممهم علشان شايفين انى بضرب فى الهواء المهم ربنا كرمنا وعيال الشارع مع اتنين تانى بطبنجات ضربوا فى الهواء وراح العيال نازله عليهم بالطوب هربوا ورحنا مسكين منهم اتنين وتكتك كان شايل السلاح بتاعهم موتوسكل طينى استكشافى كان بيلف علشان يقلهم الاخبار ايه قبل الهجوم والحمد لله الاصابات سطحيه كلها مع تكسير عربيتين وشويه خسائر بسيطه المهم انا حاسس بضعف شديد انى مقدرتش اردع الهجوم ده او اصيب واحد منهم بشكل مباشر وخاصه اللى بيضربوا نار كنت خايف انى البس جنايه ولا حاجه ومشعارف هل تصرفت صح ولا ايه والواحد يعمل ايه فى الموقف اللى زى ده خلاصه الموضوع انى حزين ومش مبسوط من رد فعلى وحاسس بسلبيه انى موقعتش حد او اتنين من اللى بيضربوا نار فى وش الناس والله اكثر من 25 طلق خرطوش اتضرب والعربيات مخرمه يارب ارحمنا برحمتك

[doddoddod]

موقف صعب اكيد لكن انت برده مش غلطان وكل انسان ربنا خالقه بأخلاق وقلب معينين وكتر خيرك انك شاركتك اصلا وضربت نار في ناس تانيه اكيد عملت مش هنا اصلا .... ربنا يرحمنا

[mhmoud6699]

طالما هما لم يقفو قدام باب شقتك ولم يقتحمو المنزل يبقي لو موت واحد تبقي جاني لكن ممكن تضرب في الركب وتعمل عجز طالما هما في مرماك

[Biso007]

الحكمة و العقل مطلوبين (و لا تلقوا بايديكم الى التهلكة) ... يجب الاتفاق مع مجموعة من جيرانك الشباب و الرجال على كيفية التصدى لهجوم مماثل كجماعة و لا تغامر ابدا بالتصدى بمفردك خصوصا فى حالة الاسلحة الحية.

[amin hegazy]

متزعلش نفسك وبعدين مع الموقف فعلا صعب وهما معاهم خرطوش وده غبي لو بتضرب بسلاح بلى ملوش لزمه معاه اصلا ولو مسدس حي ومعاك ترخيض وضربت فيهم كان هيتربصو بيك اكيد
والحل في الحاجات دي زي ما حصل الناس تتجمع عليهم وتهاجمهم

[SMART141366]

السلام عليكم ورحمة اللة
يا اخى الفاضل انت اتصرفت التصرف السليم 100% لقد ساهمت بقدر استطاعتك ولو فعلت اكثر من استطاعتك لظلمت نفسك

[sadaany]

طيب ياجدعان ازاى ممكن تردع امثال هؤلاء وانتا شايف عربياتك انتا واخواتك ممكن تتكسر وممكن ينزل عليها مولوتوف يولع فيها منغير متعمل مصيبه او تودى نفسك فى داهيه هيا دى الحيره اللى مجننانى هل استعوض ربنا فى ممتلكاتى وخلاص وتبقى جت فى الفلوس ولا اشتبك معاهم وانا مش صاحب المشكله اى كانت النتائج

[amin hegazy]

بص يا باشا المشكلة في حاجه وهيا بسيطة والله بس الناس مش قادرة تفهما وبقت تبعد عن بعض للاسف
وهيا (العزوة) يعنى زي الصعايدة كده لازم يعيشوا جمب بعض ويكونو قريبين قوى من بعض لو حصل حاجه مع واحد تلاقي الف واحد اتجمعو في ظرف ربع ساعه
لكن الناس دلوقتى كل واحد مابيصدق يبعد عن اهله وقريبه
تخيل لو جمبك مثلا 10 من قريبك سكنين معاك في العمالرة أو العمارة اللى جمبك كنتوا نزلتو زلزلتو الزلازيل صح
لكن انت واخوك مثلا 2 اقصاد كام واحد
عمتن مضايقش نفسك هيا ايام سودة وربنا بفرجها ويصلح حال البلد باذن الله

[القناص1]

والله انا عندى انك تستعمل سلاحك فى حاله زى دى من بعيد وفى الخفاء واصابات غير قاتله بس هما لما يلاقوا واحد منهم سقط على الارض وبيتالم من الالم ساعتها حايفروا للخلف وبردو انت اتصرفت وفقا لطباعك واخلاقك وضبطك لنفسك

[احمد فتحي]

انا من رأيي ان دول شويه صيع واسف في اللفظ كلاب مع بعض انتا ملكش دعوه وكويس ان انك مضربتش عليهم

[ĴΘĶЄЯ]

انا لو كنت فى مكانك
اول حاجة هعملها زى ما فعلا حضرتك عملت
هضرب فى الهوا
لو ملقتش استجابة وردة فعلهم بتزيد
هبتدى استهدف الاطراف
الرجل او الايد
وفعلا لما هيلاقو واحد وقع اول حاجة
الناس هتكتر عليهم
تانى حاجة هيحسو بضعف وخوف وهيجرو
ديما الظالم ربنا بينزل فى قلبه رهبة من المظلوم
مهما كان قوة الظالم
ربنا يحميك ويحمى كل اهل مصر يارب
متحسش باى ندم بس احمد ربنا
انها جت على اد كدة

[sadaany]

شكرآ لمشاركتكم ليا ونصائحكم الغاليه وربنا يعديها على خير والواحد يشوف البلد دى فى خير حال من اسباب حزنى كمان ان اثناء الهجوم الثانى اللى استمر 20 دقيقه تقريبآ كنا بنكلم الجيش والشرطه علشان نبلغ على الواقعه الاولى واثناء مكالمه الجيش حدثت الواقعه الثانيه والمكالمه مستمره وانا عمال ازعق فى اللى بكلمنى واقول له سامع ضرب النار وبعد ساعه كامله جاء الجيش وسلمناه العيال اللى مسكناهم وكان فى عيل مع البنات مستخبى فى الشقه قلنا للضابط اطلع هات الواد والبنات سبب المشكله قال انا مقدرش ادخل الشقه ده غير قانونى راح الاهالى اتجننت وقالت احنا هنخليها قانونى وطلعوا كسرو باب الشقه وجابوا الواد التالت والصيع بتوع المنطقه هربوه بعد مقلبوه طبعآ وسابوا البنات على اساس انهم هيظبطوهم وهيعملوا معاهم واجب شويه صيع فى بعض بيجاملوا بعض على قفى الناس ماهم مش خسرنين حاجه والضابط طلب الناس المتضرره علشان تعمل محضر الناس خافت وكله جاب وره وقال انا مش عايز حاجه وانا طبعآ بفضل الله كل اللى عندى نقر بسيطه فى السقف فمعرفتش اروح اعمل ايه واقول ايه وشكلها كده فشنك هيضربوا العيال شويه وشكرآ

[ahmed6394]

المشاركة الأصلية كتبت بواسطة احمد فتحي

انا من رأيي ان دول شويه صيع واسف في اللفظ كلاب مع بعض انتا ملكش دعوه وكويس ان انك مضربتش عليهم

+1111111111111111111111111

[ĴΘĶЄЯ]

عليه العوض فى البلد دى والله
تعرف انا اصلا طالب وعندى فى الكلية واحد
عايش دور البلطجى على الاخر
مخدرات وكل الى تتخيله
بيجى ومعاه سنجة او سكينة
وبيبيع جوة المدرسة مخدرات
بيهدد الطلاب وبيعمل مشاكل كتير
المشكلة ان اخر مرة شوفته فيها
عملت معاه مشكلة بسبب انه مش سايب حد فى حاله
حتى انا ولما جه وقت الخناق
لقيته جايب حوالى 6 تانيين مش عارف جابهم منين
وفى ايده سكينة وعايز يتخانق معايا
ساعتها والله ما فكرت غير انى احط السكينة دى فى رقبته
وخصوصا انه كان مبرشم وحالته زبالة
يعنى لو اخد قلم هينام فى الارض
مش دى المشكلة
المشكلة انا هضيع مستقبلى
علشان واحد زيه وحتى مستقبلى مش مهم
لو قتلته هشيل زنب قتل نفس عند ربنا ؟
هوة يستاهل انى اعمل كل ده ؟
اقسم بالله لو اضمن انى مش هتحاكم
ودمه حلال لكن قتلته من زمان
يلا ربنا يعمى عنا ولاد الحرام

[محمد خالد]

سؤال : ما الذى لو كنت فعلتة لكنت الان فخورا بنفسك و سعيد وراضى كل الرضا؟؟

[sadaany]

كان نفسى اعجز العيال دى ونمسكها ويتعملهم محاضر ويتحاكموا محاكمه عسكريه بالاسلحه اللى كانت معاهم لان الاتنين اللى اتمسكوا مكنش معاهم غير موتوسيكل وتكتوك اللى كان ناقلين عليهم البلطجيه والاسلحه لاكن البلطجيه هربوا دون عقاب

[sadaany]

منظرهم وهما عمالين يضربوا الخرطوش فى وش الناس وربنا سلم وعليا بشكل مباشر وانا مشقادر اخد قرار بتوجيه السلاح فى وجوههم ده اللى مدايقنى وخايف يكون ضعف فى اتخاز قرار فى وقت حاسم اموالى بتتعرض للتدمير وانا بهوش بس بالاطلاق فى الهواء

[~__e__~]

اولا احب ابدء الكلام ان الحمدلله ربنا سترها
ثانيا : انت مش صعيف لكن انت قوي القلب والشخصية وقوي الاخلاق
لكن انت لو مش قوي الاخلاق مكنتش اتحركت من مكانك
وكنت قفلت عليك شقتك وبلكونكت وقولت وانا مالي
وانت لما تضرب مباشر علي حد منهم ولما يقع افرض حصل مصيبة وكان الي قدامك دا ناقصلة زقة ويموت
طب ما انت هتتسال ومشاكل
طيب واهلك وعيالك
فانت تصرفك صح
وكان تصرفك انك تفضي خزنة عليهم في الهوة
لمجرد التهديد
ومش تحس بالضعف لان انت كان ممكن بدل ما تضرب في الهوة تضرب عليهم
بس كان هيبقي في س - ج
طيب وعلي اية اعرض نفسي لكدا؟
ثالثا الواد دا المفروض يتبلغ عنة
لان مش كلو واحد معاة فرد وشوية عيال صيع بعرفهم
يجيب بنات وسوري يعني ينـــ معاهم
وانت مش ضعيف انت زي الفل ياحبي
وربنا يسترها عليك وعلي اهل بيتك
ومفيش اي ضرر باذن الله
اخوك ميزو

[ebrahem]

مكان الأحداث فين يا بشمهندس

[sadaany]

فى شارع ضياء الهرم

[sayedlabib]

اولا حمد الله على سلامتك يا استاذ اشرف ثانيا الحمد لله انك مضربتش على حد بشكل مباشر والا كانوا استهدفوك بصورة اكبر واللى انتا عملته ده فى حجد ذاته مش اى حد يجرؤ انه يعمله لانك خدت القرار انك تشارك فى المعركة دى حتى ولو بطلقات فى الهواء العيب على الشرطة اللى مش متواجده فى اغلب الاماكن لو فى شرطه محدش هايضطر انه يستخدم اى سلاح

عموما ربنا يهدى الحال وحمد الله على سلامتك تانى

[mzkader]

الــ أنت عملته عين العقل عشان أكثر من حاجة
1- كنت ممكن تعرض نفسك وبيتك للخطر
2- لو المسدس بلى فاهيكون غير مؤثر من بعيد وهايحصل إستفزاز للبلطجية و هاتحط نفسك فى مواجها مع الخرطوش وش فى وش
3- ماحصلش ترابط بين الناس الجيران وبعضها و لو كان كل الناس نزلت من الأول ماكانوش رجعوا ثانى مرة
و الــ أنت عملته أضعف الإيمان و ربنا يستر وألف حمد لله على السلامة

[hogan]

انا مخلص على بلطجى على الدائرى باصابه مباشره فى الصدر من على بعد متر وخلصت عليه ومخدش فيه الهوا

[عادل عبده]

المشاركة الأصلية كتبت بواسطة hogan

انا مخلص على بلطجى على الدائرى باصابه مباشره فى الصدر من على بعد متر وخلصت عليه ومخدش فيه الهوا

يا هوجن باشا انت كان ليك ساعتها ظروفك والحمد لله انها عدت على خير وحضرتك والجماعه موجودين بألف خير

[sadaany]

تم ارفاق بعض الصور وهرف قريب صور لاصابه احد الشباب

[محمد حافظ بك]

عشان يبقوا يقولوا هيكون مين يعني اللي معاه خرطوش غير الشرطة؟؟ ادي النماذج اللي معاها خرطوش و هتضيع البلد

[H_SRM]

أخي الفاضل الصراع بين الحق والباطل مستمر واللي عدا خلاص المهم ترتبوا نفسكم لو حصل حاجة زي دي تاني تعرفوا تجمعوا بعض والكثرة وقتها هتغلب اي سلاح وربنا يسترها والحمد لله انها جت على اد كدة

[shahryar33]

بص يا باشا ولا تزعل نفسك و احمد ربنا انك طلعت منها سليم و بردو كويس انك مشتبكتش معاهم عشان دول شويه عيال صيع مبيهمهمش حاجة كان ممكن يتربصولك و يئزوك لا قدر الله و كفايه انك وقفت و اولت تضرب نار تخوفهم احسن كتير من ناس غيرك كانت ممكن تول اقفل على نفسى و انا مليش دعوة بحاجة و بعدين كون حضرتك كنت مترضض تضربهم ولا لأ دة يدل على الفرق بين الشخصيه المحترمه الى زى حضرتك الى خايف على نفسه و الناس من المشاكل و الازى و بين البلطجى الصايع الى مستبيع و مش همه حاجة ولا حد و هذا ان دل لأ يدل على جبن او خوف ولكن يدل على احترام و ان حضرتك راجل محترم بيحاول يدافع عن نفسه من غير مشاكل و حوارات

[darkshaft]

حقول لحضرتك حاجه شبيها بالموقف ده حصل معايه،انا كنت ماشى فى شارع جانبى ديق و كان فى عربيات ركنه صف تانى و عالجنب التانى ناس ركنه مخالف، ف انا كنت ماشى على سرعه ١٥ ف المرايه خبطت فى ايد واحد فوقت و لقيت المرايه شبه مقفوله و لقيته جى عليا قلت اقف يمكن جى يعتذر و يفتح المرايه مره واحده لقيته دخل العربيه و كان باصص عالموبيل فشلته و قفلت العربيه و نزلت و نزل يتخانئ معايه و اعد يقولى بس ادى وارمت ازاى !!!!!!! و كان بيزعق و اعد يقولى خدى مستشفى دلوقتى و حتعلجنى و على حسابك بس الصراحه منظره مكنش كويس و كان واخد مطوه فى وشه فقلته ما انت السايب الرصيف و ماش فالشارع و الشارع مش مستحمل،فلقيته بيقولى هيه كده يعنى!!!! طيب و قام مادد ايده عليا بس الناس كتفته و قالولى ده صايع اركب عربيتك،انا كان معايه المسدس فالعربيه بس لو كنت استغدمته كانت الناس هيه الكتفتنى انا وكان الولد ده قال لهم ده ظابط او اى حاجه و كنت اضربت ظلم،طبعا الحضرتك عملته ده صح الصح،الحل التانى انك تنزل مع شباب المنطقه و تدغدغهم بس لازم يكون معاكم سلاح

[القناص العالمي]

الله المستعان

[الرحاله]

والله الواحد مش عارف يعمل ايه فعلا فى الايام الهباب دى بس انا مع انك احسن تضبط نفسك احسن ما توديها فى داهية وتجيب لنفسك وجع الدماغ انت عملت اللى تقدر تعمله

[مسافر عبر البرارى]

طول ما العيال اللى واقفين فى التحري البلطجية دول ر مش هيمشوا توقع يحصل كدة لان الشرطة مرتعشة دلوقتى وخايفة تتصرف اى اجراء

[ĴΘĶЄЯ]

ربنا يعوضك خير باذن الله

[محمد خالد]

المشاركة الأصلية كتبت بواسطة sadaany

كان نفسى اعجز العيال دى ونمسكها ويتعملهم محاضر ويتحاكموا محاكمه عسكريه بالاسلحه اللى كانت معاهم لان الاتنين اللى اتمسكوا مكنش معاهم غير موتوسيكل وتكتوك اللى كان ناقلين عليهم البلطجيه والاسلحه لاكن البلطجيه هربوا دون عقاب

كويس جدا - انت و اهل الحى فرطوا فى حقكم لما معملتوش محاضر عن التلفيات و السلاح و البلطجة و كان ظابط الجيش بالتعاون مع الشرطة حاب باقى العيال و حدوا احكام عسكرية لحمل السلاح و لكن من سباق الحديث لازال لا يوجد ثقة فى القانون و تطبيقة

[well12m]

يا جماعه البلطجيه دول لا تأخذكم بهم رحمه ولا شفقه لانها لان يرحموك اذا طالوك من يستطيع حتى قتل اى حد منهم اقتلوا ولان يسأل عليهم احد والله لو معايا مسدس حى لكنت لفيت كل يوم بالليل ولو لاقيت اى حد بيعترض اى حد ويحاول سرقته لقتله على الفور

[the ghost]

المشاركة الأصلية كتبت بواسطة well12m

يا جماعه البلطجيه دول لا تأخذكم بهم رحمه ولا شفقه لانها لان يرحموك اذا طالوك من يستطيع حتى قتل اى حد منهم اقتلوا ولان يسأل عليهم احد والله لو معايا مسدس حى لكنت لفيت كل يوم بالليل ولو لاقيت اى حد بيعترض اى حد ويحاول سرقته لقتله على الفور

اجيبلك انا مسدس حى وتعمل كده ؟ ههههههههههههههههههه

[ahmadkader]

الحمد لله إنها جت على قد كدا ، و عايز أقول لحضرتك إن رد فعلك ده طبيعى جدا ، و لو كنت ماسك فى إيدك بندقية آلى برضه مكونتش هتضرب نار فى المليان ، أما بالنسبة للحلول المستقبلية لمثل الحالات دى فهو بسيط جدا ، الحل فى الإتحاد بين سكان الشارع و بعض ، و العملية أبسط من البساطة ، نرجع تانى للتحاب مابين الجيران و بعضهم ، الناس متتكبرش على بعضها ، و تبقى علاقتك بجيرانك دايمت قوية على أساس من الود و الترابط ، و ساعة الشدة صدقنى المصرى بيبان معدنه ، أقسم بالله أثناء الإنتخابات أمام اللجنة اللى كنت بنتخب فيها ، حصل هرج و مرج و بعض الناس كانوا عايزين يقتحموا اللجنة ، و تصدى ليهم أهالى الحى بإيديهم فقط و مكانوش كتير بتاع 5 أو 6 و لكن بصدق دافعوا عن مقر اللجنة و خلصت العملية بسرعة و بدون تدخل من الجيش اللى قفل باب المدرسة على نفسه و ساب الناس برة تتعامل. المقصود هو إن الإتحاد قوة ، تحابوا فى الله تجدوا الله عونا لكم .

[hogan]

المشاركة الأصلية كتبت بواسطة محمد حافظ بك

عشان يبقوا يقولوا هيكون مين يعني اللي معاه خرطوش غير الشرطة؟؟ ادي النماذج اللي معاها خرطوش و هتضيع البلد

صديقى العزيز لاتضع كل همومك على الشرطه انا خى عميد شرطه واصيب طلق خرطوش فى الصدر والقدم الاحداث الفاتت فى محمد محمود ممكن تقولى منين

[hoka]

سلام عليكم
بص يا افندم انت اكيد معاك بندقيه رش
حضرتك لو كنت اديت رشه فى عين واحد فيهم كان الباقى كله جرى بدل ال3 خزن طلق دول
ولو المسدس بتاعك حى كنت تضرب فى الرجل تعجزه وتنزله تجره فى الشارع
لكن ان حضرتك تخاف تدافع لتلبس قضيه ده اكبر غلط لان زى ما قلت كانو 5 واصبحو 15 وستر ربنا انهم خافو
بس بردو شباب المنطقه غلطانين وكان احسنلك تبلغ بوليس الاداب عن الشقه
المهم فى مثل هذه المواقف مفيش مساله لحضرتك وده دفاع شرعى عن النفس والممتلكات
ربنا يحفظك ويحفظ مصر كلها
سلام عليكم

[sadaany]

الله يبارك فيك يااخوانى جميعآ والله انا بحبكم فى الله لان نصايحكم فيها خوف عليا وكل اللى مثلى وجزاكم الله خير الجزاء على اهتمامكم وربنا يكفينا شر الفاسدين ويحفظ لنا ديننا ودنيانا واهلينا

[old hunter]

في موقف زي ده لو سقط حد فيهم محدش له عندك حاجه دول بلطجيه ثانيا ديه خناقه فيها ناس بالهبل هتوه مابين القبائل زي مبيقولوا

[ĴΘĶЄЯ]

ربنا يعينك يا باشا

[ahmed amer]

يا اخى الفاضل انت اتصرفت التصرف السليم لان ممكن لو ضربت واحد منهم كان ممكن يضرب عليك عشان انت معاك مسدس وهو مش عارف اذا كان بلى ولا حى وربنا يكفيك شر الناس دى

[أبو يوسف المصري]

ديه مشكله فعلاً في الهرم
للأسف رغم ان فيها مناطق راقيه وسكانها محترمين لكن فيه هناك بلطجيه آخر إجرام
انا في ناس قريبي هناك واحد بلطجي واحد بس اتخانق في الشارع بتاعهم موت كذا واحد وضرب كل حاجه تتخيلها خرطوش سنج ميه نار لدرجة ان واحد قريبي كان راجع من الشغل ومش عارف ايه اللي بيحصل ولقي الناس ملمومه اول ما قرب راخ واخد رشة مية نار في وشه وربنا ستر عينه ما رحتش
الواد البلطجي ده كان مبرشم طينه وطبعا لا تقولي جيش ولا شرطه اتعامل بنفسك
وكانت نهايته الناس اتلمت عليه وقطعوه حتت وواحد اتطوع وجاب جركن بنزين وولعوا فيه
اي والله ولعوا فيه
للأسف الأشكال ديه لو حبيت تتعامل معاها لازم تتبق قاعده واحده
يا قاتل يا مقتول

للأسف الأشكال دي كانت بتتبول علي نفسها ايام الثوره لما كان الناس واقفين باللجان الشعبيه رغم ان وقتها لا كان فيه خرطوش ولا سلاح كانت مجرد شوم أو حتة حديده
وربنا يرحمنا ويكفي اهل مصر شرار الناس

[أبو يوسف المصري]

المشاركة الأصلية كتبت بواسطة sadaany

شكرآ لمشاركتكم ليا ونصائحكم الغاليه وربنا يعديها على خير والواحد يشوف البلد دى فى خير حال من اسباب حزنى كمان ان اثناء الهجوم الثانى اللى استمر 20 دقيقه تقريبآ كنا بنكلم الجيش والشرطه علشان نبلغ على الواقعه الاولى واثناء مكالمه الجيش حدثت الواقعه الثانيه والمكالمه مستمره وانا عمال ازعق فى اللى بكلمنى واقول له سامع ضرب النار وبعد ساعه كامله جاء الجيش وسلمناه العيال اللى مسكناهم وكان فى عيل مع البنات مستخبى فى الشقه قلنا للضابط اطلع هات الواد والبنات سبب المشكله قال انا مقدرش ادخل الشقه ده غير قانونى راح الاهالى اتجننت وقالت احنا هنخليها قانونى وطلعوا كسرو باب الشقه وجابوا الواد التالت والصيع بتوع المنطقه هربوه بعد مقلبوه طبعآ وسابوا البنات على اساس انهم هيظبطوهم وهيعملوا معاهم واجب شويه صيع فى بعض بيجاملوا بعض على قفى الناس ماهم مش خسرنين حاجه والضابط طلب الناس المتضرره علشان تعمل محضر الناس خافت وكله جاب وره وقال انا مش عايز حاجه وانا طبعآ بفضل الله كل اللى عندى نقر بسيطه فى السقف فمعرفتش اروح اعمل ايه واقول ايه وشكلها كده فشنك هيضربوا العيال شويه وشكرآ

طالما الموضوع كده يبقي كويس انك معملتش حاجه
لانك زي ما قولت شوية صيع في بعض
وولأسف الناس المحترمه هي اللي بتضر في الآخر
زي احداث محمد محمود والوزارة كده
صيع بتضرب وتجري والشباب المتحمس هو اللي بياخد الطريحه من الشرطه
ربنا يصلح الحال

[sadaany]

شكرآ لجميع مشاركتكم جزاكم الله كل خير على النصائح